مطلوبون للمثول أمام العدالة.. لقد ظلمتمونا

[عزيز عيسى]

الغائبون والغائبات التالية أسمائهم/أسمائهن مطلوبون/مطلوبات للمثول أمام قاضي محكمة العدالة في المنتدى (الفكي ودهاشم).. وقد تم تحديد موعد لظهورهم/ظهورهن أقصاه اسبوع واحد فقط من تاريخ اصدار هذا الاعلان.. وفي حالة ظهورهم/ظهورهن سيتم اعفائهم/اعفائهن من جميع التهم الموجهة ضدهم/ضدهن من غياب.. أما في حالة استمرارهم/استمرارهن في الغياب دون تقديم عذر مقبول سيقوم مولانا الشيخ مزوني وسفير منتدى ودمدني بأصدار تعليماتهم لتشكيل محكمة عاجلة لمحاكمة الغائبين/الغائبات عن المنتدى (بالثواني).. ولن تقبل أي أعذار أو (مزاوقة) أو النظر في أي إلتماس يقدم لقاضي المحكمة بعد إنقضاء فترة المهلة المحددة أعلاه..
وعلي كل من لديه أخبار عن الغائبون/الغائبات المذكورة أسمائهم/أسمائهن أدناه أو لديه أي معلومات أو اثبات حول أماكن اختباءهم/اختبائهن أن يبلغنا فورا لأتخاذ الاجراءات اللازمة لمعرفة الأسباب..


وقد تم اختيار كل من المحامي صالح أبوشوارب والمحامي عزيز عيسى للنظر في قضية المتهمين والمتهمات للدفاع والمرافعة اذا دعت الضرورة:


صدر تحت توقيع وختم أمينة المنتدى العام Sally وتم التصديق عليه من قبل ممثل الدفاع العام أميمة عشرية بتاريخ 8 ديسمبر من عام 2005

والقائمة التالية توضح أسماء بعضا من الغائبين/الغائبات وهم بدون ترتيب: واذا سقط اسم أحد المتهمين/المتهمات سهوا نرجو التعاون معنا وتذكيرنا لاصدار أوامر بالقبض عليه/عليها لأحالته/احالتها للمحكمة:


أبوالمهتدي
ود المأذون
عمر حسن غلام الله 114
عمك تنقو
ابراهيم
أبومرام
الزمن المريح
أمير عبدالباقي
عماد الصادق
الأبنوسي
نبيل حمدتو
ضياء الدين أحمد
الشايقي
أمينو
فدوى الحسن
فادي الماحي
جمال الماحي
أبوالزعيم
محمد صلاح
أبوقيس
مهيرة
ياسر فقيري
صائغ الحروف
هناد
اللمسة الساحرة
ود أبكرش
التيمان
خطاب العبيد
الدبلوماسي
عشوشة
بوتشي
طارق التوم
طير الورور
عزت الهادي
مازن سواح

[نيازى كشك]

اليوم نلتقى وفى الغد نفترق
انها الدنيا
التقينا من غير ان نرى بعضنا
التقينا بافكارنا وعقولنا
احببنا بعضنا للة فية ولة
فلماذا بعد ان تعودنا عليك تهجرونا
تقهرون قلوبنا لماذا

لايرضى هذا احد
واللة حرام عليك
واللة حححححححححححححححراممممممممممممممممممممم


واللة جرت دموعى لزكرى بعض الغائبين
للصلة التى ربطتنى بهم
لا الة الا اللة

[aborawan]

ده كلام صاح الصاح يا عمنا عزيز ودائماً لازم الناس تسأل من بعض يديك الف عافية

أبوالمهتدي ( بدخل مرة مرة ونجد دخوله محصور على منتدى ودمدنيات )

ود المأذون ( عندو مشاكل في الشغل تقريبا )

عمر حسن غلام الله 114 ( بتاع لبدات تقيلة تلقاهو لابد فترة طويلة وفجاءة يظهر الايام دي شايفو ظاهر )

عمك تنقو( الاخبار مقطوعة انشاء الله المانع خير وبشوفو بدخل الماسنجر بس مسجل غياب من المنتدى )

ابراهيم( ده حكايتو حكاية الله يستر ما يكون اخد ليه شاكوش تاني ودساهو زي الشاكوش الاولاني غايتو الله يستر )

أبومرام( غير مكان شغلو والظاهر بقى يبخل علينا بالطلات)

الزمن المريح ( مافي اى شمارات عنو )

أمير عبدالباقي( يا حليلو والله النت من غيرو ماليه اى طعم النت عندو مقطوع وما حا ترجع الخدمة الا مع بداية 2006 اذا الله هون وقولو يامسهل سهل)

عماد الصادق(بخير والحمد لله وكنت معه في اتصال هاتفي اليوم ويهدي سلامه للكل وقرفة وبتعدي )

الأبنوسي( معي على الهاتف ويبلغ سلامه للكل ويقول حتماً سنعود)

نبيل حمدتو(كل يوم قاعد بس عامل لبودة )

ضياء الدين أحمد(والله من عرس عمل نايم الظاهر عليه ما ضبح الكديسة وحموهو النت :d:d )

الشايقي(مافي اى شمارات)

أمينو(مافي شمارات)

فدوى الحسن(مافي شمارات)

فادي الماحي(لابد في السودان ونشوفو بقى يدخل بالمزاجات)

جمال الماحي(لا شمارات تذكر)

أبوالزعيم(اختفي فترة طويلة والايام دي بقى يظهر الظاهر عليه ظهورو بقى حسب العمل شهر ظهور وشهر اختفاء )

محمد صلاح(لاشمارات)

أبوقيس(بخير وفي امان الله ومن جاب مرتو عمل ميت ولبد في الطائف الله يستر ما يكون مهروش زي ضياء الدين )

مهيرة( البت دي لغز محير واقتصرت ظهورها على منتدى ودمدنيات ومع الطوابع فقط اظهري لينا يا بت في العام انشاء الله في السنة مرة )

ياسر فقيري( يمكن يكون عرس ولحقوهو ضياء الدين وابوقيس :d:d )

صائغ الحروف( مرة مرة نشوفو وينك ياخي )

هناد(يا فاقد حنان انتا هناد ده وين )

اللمسة الساحرة(ودعتنا وقالت مشغولة بالدراسة الجامعية وبتدخل من فترة لفترة )

ود أبكرش( لاشمارات تقال)

التيمان(لا شمارات)

خطاب العبيد(قال مشغوليات الحياة والدنيا وسيعود)

الدبلوماسي(لاشمارات)

عشوشة( تعاني من مشاكل في شبكة الاتصالات )

بوتشي( مزوني بوتشي وين )

طارق التوم(لا شمارات)

طير الورور( لاشمارات)

عزت الهادي(خالد حمد الزول ده وين )

مازن سواح( مزوني الزول ده وين)

تحياتي لكل الغائبين وسلامي الشديد لك الحاضرين وسلام خاص للعم عزيز اللذيذ

[عزيز عيسى]

اليوم نلتقى وفى الغد نفترق
انها الدنيا
التقينا من غير ان نرى بعضنا
التقينا بافكارنا وعقولنا
احببنا بعضنا للة فية ولة
فلماذا بعد ان تعودنا عليك تهجرونا
تقهرون قلوبنا لماذا

لايرضى هذا احد
واللة حرام عليك
واللة حححححححححححححححراممممممممممممممممممممم


واللة جرت دموعى لزكرى بعض الغائبين
للصلة التى ربطتنى بهم
لا الة الا اللة

الغالي نيازي،

الشوق ليك بدون حدود،

والله يا نيازي لو ما شفت اسمك في واحدة من المشاركات كان نزلت اسمك مع المتهمين وقدمناك لمحكمة القاضي مولانا (الفكي أبوهاشم)..
لكن طلع حظك كويس..
ولست أنت لوحدك.. والله العظيم كلنا افتقدناهم.. ليه يبخلوا علينا بشوفتهم.. لكن نقول شنو بس.. الله غالب..

عزيز

[عزيز عيسى]

العريس محمد أبوروان،

والله كتر خيرك في مدنا بأخبار أخوانا وأخواتنا المتهمين أعلاه.. لكن مطلوب من المتهمين تقديم طلب استرحام أو أي أوراق ثبوتية أخرى تعزز اعزارهم في عدم الظهور علي أن يكون الطلب مصحوب بدمغة ومصدق من أي جهة في المنتدى ويرسل عن طريق أي وسيلة اتصال الكتروني أو بالبريد المسجل للمحامي صالح أبوشوارب (أبومنار) أو لشخصي بصفتنا محاميي الدفاع لنتمكن من تقديمه للمحكمة قبل الموعد المحدد وبالتالي الاطمئنان عليهم وعلي أخبارهم.

وتسلم،

عزيز

[ابو الزعيم]

بسم الله الرحمن الرحيم

مدني ...

يا قمر يطلع كل مساء

من نافذة الكلمات

يا اخر وطن اولد فيه

وانشر فيه كتاباتي ...

الغالي عزيز عيسى ... الرائع العريس ابو روان ... وكل رواد المنتدى الحلوين

تحياتي ......

اولاً اشكر لك اهتمامك وغيرتك على المنتدى وسؤالك عنا وعن بقية الاخوة الذين اتمنى ان يكونوا جميعاً بخير

والله الواحد مقصر بجد ... ولكن مرات الظروف بتكون اقوى مننا ... عني انا ظروف عملي كما شرحها سابقاً الاخ ابو روان ... وهي العمل شهر والاجازة شهر ... وفي اثناء فترة الاجازة صراحة عندي مشكلة في النت بالمنزل ... ولاجد زمن للذهاب لاحد المقاهي ... ولكن باذنه تعالى سوف احل هذه المشكلة قريباً ... اما شهر العمل اهو بنكون مواصلين ... بس الفترة الماضية اخوكم كان مزحوم شوية ... ويادوب ادخل على المنتدى عشان اتصفح واشوف الفاتني شنو في فترة الشهر الماضي ... اليوم الجمعة ... وشويه زحمة العمل خفيفة قلنا نقدم الاسترحام ده قبل ما تجونا بي امر القبض وتجهجهونا ساي كمان انا شايف مولانا الشيخ مزوني ده لايرحم في مثل هذه الامور ... عشان كده يا دفاعنا عزيز عيسى وابو شوارب همتكم معانا

اعتذر مرة اخرى عن الانقطاع ... مع التعهد بان ابذل كل جهدي لان احل كل المشاكل التي تجعلني بعيدا ً...


مدني ....


اجيك بي قدرتي الباقية
حطام انسان موسم بي شقا الدنيا
ومقسم قلبه في الاحزان
اجيك فنان اشد اوتاري واحكيلك
حكاية انسان وهب لي سكتك نفسه
ورسم صورتك على حسه
وقال يا ( مدني ) يا اغرق .....

[waheeb]

وكمان أخونا العزيز أدروب هو الان في مدينة فلج في التحضير لافتتاح خط الخام لشركة بترودار الجديد..

اختنا المرهفه روميساء ايضا غابت فتره من الزمن جعلتنا نفتقد حروفها وكلماتها الشيقه...

الاخت light- rose اختفت ولكن اظنها ظروف الدراسه..

شكراً اخي عزيز لهذا الاهتمام وعلينا العوده جميعاً بروح قويه من جديد..

أخونا العريس والله ما قصرت..

[ابراهيم]

الغالي علينا عزيز ..
سلامات يا غالي ...
اهو نحن حضرنا ربنا يديك العافية وانت دايماً بتتفقد الناس
والتمس العذر لغيابي .. ولكنكم دوماً معي
بس حبة مشاغل كدة تنتهى واكون معاكم

ابراهيم( ده حكايتو حكاية الله يستر ما يكون اخد ليه شاكوش تاني ودساهو زي الشاكوش الاولاني غايتو الله يستر )

حسي يا حمادة في داعي تشيل حالي
شاكوش شنو في الشتاء دة؟

[عزيز عيسى]

بسم الله الرحمن الرحيم

الغالي عزيز عيسى ... الرائع العريس ابو روان ... وكل رواد المنتدى الحلوين

تحياتي ......

اولاً اشكر لك اهتمامك وغيرتك على المنتدى وسؤالك عنا وعن بقية الاخوة الذين اتمنى ان يكونوا جميعاً بخير

والله الواحد مقصر بجد ... ولكن مرات الظروف بتكون اقوى مننا ... عني انا ظروف عملي كما شرحها سابقاً الاخ ابو روان ... وهي العمل شهر والاجازة شهر ... وفي اثناء فترة الاجازة صراحة عندي مشكلة في النت بالمنزل ... ولاجد زمن للذهاب لاحد المقاهي ... ولكن باذنه تعالى سوف احل هذه المشكلة قريباً ... اما شهر العمل اهو بنكون مواصلين ... بس الفترة الماضية اخوكم كان مزحوم شوية ... ويادوب ادخل على المنتدى عشان اتصفح واشوف الفاتني شنو في فترة الشهر الماضي ... اليوم الجمعة ... وشويه زحمة العمل خفيفة قلنا نقدم الاسترحام ده قبل ما تجونا بي امر القبض وتجهجهونا ساي كمان انا شايف مولانا الشيخ مزوني ده لايرحم في مثل هذه الامور ... عشان كده يا دفاعنا عزيز عيسى وابو شوارب همتكم معانا

الاخ الغالي أبو الزعيم،

سعدنا جدا بطلتك البهية وبمعرفة أخبارك.. وطبعا المنتدى جمعنا أخوان ولا بد أن نسأل عن بعضنا البعض في حالة غياب أحدنا.. بالنسبة لطلب الالتماس مقبول من ناحيتي و المحامي صالح أبوشوارب وذلك تقديرا لظروف عملك.. أما مولانا مزوني خليه علينا بنضغط عليه لحدى ما يوافق.. وان شاء الله مشكلة النت عندك تتحل ونسعد بمشاركاتك معنا.

ولك مني كل الود والتقدير،

عزيز

[عزيز عيسى]

وكمان أخونا العزيز أدروب هو الان في مدينة فلج في التحضير لافتتاح خط الخام لشركة بترودار الجديد..

اختنا المرهفه روميساء ايضا غابت فتره من الزمن جعلتنا نفتقد حروفها وكلماتها الشيقه...

الاخت light- rose اختفت ولكن اظنها ظروف الدراسه..

شكراً اخي عزيز لهذا الاهتمام وعلينا العوده جميعاً بروح قويه من جديد..

أخونا العريس والله ما قصرت..

عزيزي الاخ وهيب،

والله كتر خيرك ذكرتنا بالاخ أدروب.. والله اسمو واحد من الناس اللي كان في البال لكن بعتذر انو سقط سهوا.. وبنعذره لظروف عمله.. وكذلك الاخوات روميساء و روز لايت.. نأمل أن لا يطول الانتظار في عودتهم جميعا لتنوير المنتدى بروائع مشاركاتهم.

ولك كل الشكر والتقدير،

عزيز

[عزيز عيسى]

الغالي علينا عزيز ..
سلامات يا غالي ...
اهو نحن حضرنا ربنا يديك العافية وانت دايماً بتتفقد الناس
والتمس العذر لغيابي .. ولكنكم دوماً معي
بس حبة مشاغل كدة تنتهى واكون معاكم

برهوته الغالي،

والله الشوق ليك بالكوم.. وينك يا راجل اختفيت فجأة.. افتقدنا لقفشاتك الظريفة.. سعيدت جدا بطلتك وحضورك البهي.. نورت والحمد لله أطمئنينا بأنك بخير.. وظروفك مقدرنها علي راسنا وعينا.. والله يكفيك شر الشواكيش.

ولك كل الود،

عزيز

[عشوشه]

الاخ عزيز رجعنالكم وكيف ترفض رجوع القمره لى وطن القمارى
مشكور لى تفقدك لينا
عسى ما نتحرم منكم
انتظرونى قريباً

[التيمان]

جينا ليك والشوق دفرنا




عدنا والعود احمد

[عزيز عيسى]

الاخ عزيز رجعنالكم وكيف ترفض رجوع القمره لى وطن القمارى
مشكور لى تفقدك لينا
عسى ما نتحرم منكم
انتظرونى قريباً

الاخت عشوشة الغالية،

سألنا عنك كل العصافير.. ود أبرق قال لينا انتظروا الخريف..
قلنا ليهو وقتو بعيد أنحنا مشتاقين نشوف عشوشة ونسمع شقشقتها اللطيفة..
قال لينا حأرسل ليكم الهدهد الى كسلا وأجيب ليكم أخبارها.. الحمدلله ظهرتي قبل ما يصلك الهدهد..
وسعدنا جدا بطلتك والاطمئنان علي أخبارك يا أروع وأظرف أنسانه..

مع كل الود والتقدير،

عزيز

[عزيز عيسى]

جينا ليك والشوق دفرنا




عدنا والعود احمد

الاخوة الاعزاء جدا التيمان،

ألف حمدالله علي سلامة الشوفة بعودتكم وأرجوكم ما تختفوا تاني علشان نسعد بمشاركاتكم..
ومشكورين كثير لتلبيتكم للنداء.. وربنا ما يحرمنا منكم..

ولكم خالص الود والتقدير،

عزيز

[aadarob]

الاخ العزيز وهيب
كتر االله خيرك انت طبعا دايما فى الخاطر ونحن هنا حيث الادغال والبترول نفتقد كل شئ
الا صوركم فهى دايما معنا
الاخ العزيز عزيز شكر ليك وانت تسأل من الشباب والواحد جد بشوف اسمو خلال الاخوة نحن
شاكرين ومقدرين
وهذه بشري لكم بان منطقة فلوج سوف تبدأ قريبا جدا بضخ البترول الى ميناء بشائر 2
وبعدييييييييييييييييييييييييين ياناسسسسسسسسسسس مدنى مشتاقييين

[صالح ابوشوارب]

السيد / رئيس المحكمة ابو هاشم

نسبة لسفر كبير المحاميين عزيز ابو عيسي

لمأمورية لولاية ( كنتاكي ) وذلك لمرافعة

في قضية اختفاء احد الاعضاء

ولذلك سيدى الرئيس اسمحوا لي بمرافعة عن

الاخ ادروب حيث انه وصل في الوقت المحدد

لذا ارجوا رفع الملاحقة والعفو عنه

[عزيز عيسى]

كبير المحاميين عزيز ابو عيسي

دي أجمل حاجة عجبتني يا ود ابوشوارب قلبت فيها هوبة عديييل.. صدقني فاتت علي.. طالما الاسم حيتغير لي أبو عيسى معني كدا قولوا للرجال الغائبين يبشروا بالخير والسيدات الغائبات يزغردن لأني حأطلعكم كلكم براءة أمام رئيس المحكمة أبو هاشم.. وحأبدأ من اليوم اتمرن علي النضارة أنزل فيها وأرفعها ألبسها.

[عبيد خالد صديق]

مشكور ياعزيز علي تفقدك للاخوه الغياب ونتمني العودة للجميع

الف شكر ليك عزيز ياغالي وان شاءالله المحكمه ماطول ؟؟

[صالح ابوشوارب]

يا شيخ عبيد

كيف الاخبار يا واعي . ( المجنون في ؟؟؟؟؟؟؟؟؟؟

دا كلام يا عبيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قبل كده اترافعت عنك في محكمة المنتدى

لكن بما اننى المحامي بتاعك انا في انتظار

الاعتذار على العضو المجنى عليه حتى اقفل القضية

بالله بسرعة حتى ما انسحب من الجلسة

[صالح ابوشوارب]

السيد / الزميل ابو عيسى

بالله ما لقيت الا القاضي ابو هاشم

عامل ذى القاضى بتاع صدام

شاكوش ما عنده

[عزيز عيسى]

مشكور ياعزيز علي تفقدك للاخوه الغياب ونتمني العودة للجميع

الف شكر ليك عزيز ياغالي وان شاءالله المحكمه ماطول ؟؟

الاخ العزيز عبيد،

البركة في الشوفة.. ومن واجبنا كلنا أن نتفقد أخوانا ونعرف أخبارهم.
وأبوروان ما بقصر في الحتة دي.. دائما بتفقد أخبار الاخوان أكثر مننا..
الله يديه العافية ويوفقه..

ودي وتقديري،

عزيز

[عزيز عيسى]

السيد / الزميل ابو عيسى

بالله ما لقيت الا القاضي ابو هاشم

عامل ذى القاضى بتاع صدام

شاكوش ما عنده

تصدق يا نائب المدعي العام.. رئيس المحكمة أبو هاشم لغاية الآن ما حضر ولا جلسة من جلسات المحكمة..
ولا حتى أصدر أي قرار حكم في أي واحد من المتهمين الغائبين (سجن أو غرامة مادية.. أو حتى نفى)..
تفتكر نرفع عليه قضية ونطالبو بتعويضات عدم الظهور..
بس مين اللي حيدافع عنو؟.. ولو استمر في الغياب بالطريقة دي باقي المتهمين حيطلعوا براءة..
وبعدين الراجل دا ما بيستخدم شاكوش دا بيستخدم يده (أم دلدوم).. وقراراته دائما حاسمة..
الله يستر ما يقوم يدي لينا واحد من المتهمين (أم دلدوم)..

أبو عيسى

[sandra]

أحبتي أعضاء المنتدى.. تحياتي اليكم..

إسفه على غيابي عنكم بسبب الدراسه والجامعه إلا انني كنت اتصفح المنتدى طوال هذه المده عن طريق الموبايل.. بس مافي طريقه مشاركه أو تعليق.. بس لمن شفت الموضوع جداي وفيه محاكمه قلت أحسن الحق روحي بدل السجن والغرامه والعقوبه..

استميحكم العذر في الغياب.. وانشالله بحاول أظهر معاكم كل فتره..

أختكم..
ســــــــــــــــــاندرا..

[فدوى الحسن]

ولنا عـــــــــــــــــــــــودة..........
احبااااااااااااااااااااااااااااااااااااائى واصدقائى الاعزاء:
كيف اخباركم وكل الناس الطيبة
صراحة انا ما عندى حاجة اقولا الا انو انا جد افتقدت المنتدى وناس المنتدى(الجافيين) والمهمين عندى لحد الثمالة...
اتمنى اسمع عن كل واحد فيكم احلى اخبار...
وبس...
وانا اتمنى انو الاقى بعض من رحيق مدني...
وانا فى انتظار الوعد القديم يا .......
احلى نااااااااااااااااااااااااااااااااااااااااااااااس.
ودمتم لنا احبة أمد الدهر...