الا نهظر؟؟؟؟؟

[الشمشار]

سلام من الله عليكم
سألت نفسي هذا السؤال
وانا اتصفح عدد من المنتديات
التي كتبت فيها بوست يعالج شأنآ مجتمعيآ مهمآ وهو بوست
كان عمرك طال بتشوف ضبح الجمال
وليس لانني كاتب البوست سأنتقدكم كأ اعضاء ولكن لانني لاحظت ان المواضيع الهادفه التي تناقش اي مشكله مجتمعيه لاتجد بها ردود
هذا الامر منحصر في هذا المنتدي
منتدي ود مدني
فا البوست سالف الذكر ومن هم علي شاكلته
لايجدون رواجآ في هذا المنتدي
وان كتب الشمشار بوستآ مضحكآ علي شاكله دايرين عروس لي علوني او ابراج الشمشار
تجد ان عدد الردود يفوق ال15
او اكثر
وعندما يكتب عن مأساه اسمها دار المسنات يبقي يشحد في الردود
انا ماداير الناس ترد عشان انا كاتب الموضوع
انا داير الناس ترد وتتفاعل مع الحاصل
الناس الموجوده في الخرطوم
ليه ما فكرتو في اقتراح لمه في دار المسنات بدل نتلم عند زيد اوعبيد ناكل فواكه ونضحك ونتونس
الناس الخشت المنتدي في ال72 ساعه الفاتو
ليه مابنلقي تفاعل منكم
الشئ البزعل والله
انو كل المنتديات الانكتب فيها البوست اعضائها اقترحو اقتراحات جميله وبعضهم سعي في تنفيذها
ياجمااااااااااااااااااااااااعه هووووووووووووي
الله يهديكم
خلو الهظار وبوستات الهظار
تعالو قومو اعوجاج مجتمع سينكسر قريبآ وانتو في الونسه والقرارب

[ايمن عبد الله]

والله يا الشمشار صادق في كل كلمة كتبتها ..
للاسف الشديد ..

عن نفسي كل يوم بفتح البوست المعني من يوم نزلتو قبل ثلاثة يوم اظن (ضبح الجمال) لكن والله يا الشمشار مرة كتبت لغاية سطرين شفت المشاركة ما مناسبة قمت نسختها في ملف وقلت اراجعها وازيدها وانزلها تاني وعييييييك لي هسة ..

[الشمشار]

والله يا الشمشار صادق في كل كلمة كتبتها ..
للاسف الشديد ..

عن نفسي كل يوم بفتح البوست المعني من يوم نزلتو قبل ثلاثة يوم اظن (ضبح الجمال) لكن والله يا الشمشار مرة كتبت لغاية سطرين شفت المشاركة ما مناسبة قمت نسختها في ملف وقلت اراجعها وازيدها وانزلها تاني وعييييييك لي هسة ..

اخي ايمن انا لا اقصد بوست ضبح الجمال فقط
انا اقصد كل البوستات التي تتطلب النقاش والاخذ والرد واستقبال الاقتراحات
اليد الواحده مابتصفق
شكرآ اخوي

[ايمن عبد الله]

أي يا السشمشار لكن انا ضربت ليك مثل بسيط وقريب ..
مرات الواحد بشوف المشاركة ما مناسبة وينوي المشاركة بشي كويس وما يقدر ..
لان البوست الجاد غير الهزلي ..
الهزلي ممكن تكتب اي شي يجي في ذهنك ساعتها لكن البوست الجاد عايز مشاركة وتفكير بعمق ..

[الجندي المجهول]

الشمشار صباح الخير ،،،

كلامك صاح وصاح شديد وانا عن نفسي والله ( مقصر خاالص) ولكن والله والله ما عن قصد بالعكس مواضيعك تمتاز (بالسهل الممتنع) ولكن يادوب اخش ( تلقاني) اتزنقت ،،،،، ولك العتبى حتى ترضى

تخريمة : والله يا شمشار بصراحة في زمنا دا ( ......) غايتو الله يسهل الامر

مرة تانية عن نفسي والله مقصر .... وكتير من الناس مقصرة وياريت الناس تتفاعل

وأن تاتي متأخراً خيراً من أن لا تاتي ،،،،

لا يوجد عرش ،،،

[wad alballal]

اخي الشمشار كلامك تقريبا كلو صاح لكن في ناس طبعها فرايحي بمعني دايرة تشارك بس في البوستات الهزلية اما البوستات الجادة ما بحبو يشاركو فيها طبعهم كدا ... وانا شخصيا عن نفسي مشاركاتي في المنتدي العام تتعدي علي الاصابع ... وانا عارف دا تقصير ... لكن مرات الواحد بكون اخلاقو ضايقة وزهجان .. داير ليهو حاجة تنسيهو همو .. عشان كدا بركز علي الحاجات الهزلية ..اكتر ..
بوعدك عن نفسي اكون فعال .. ولك العتبي حتي ترضي ...