الكرسي الساخن مع ضيف جديد لنج تعالو شوفو منو

[aborawan]

بسم الله الرحمن الرحيم

احبائي اعزائي الاعضاء :


لك مني جميعا كل الود وعاطر التحيات

ضيفنا هذا الاسبوع ضيف من طراز خاص ( بتاغ غلوتيات رقم واحد ) ضيف مميز طبعا من غلوتيات دي بتكونو كلكم عرفتوه بتاع حجيتكم ما بجيتكم وعشان ما اطول في الكلام عنو وعشان ما املاه فقر اخليه يتفضل ويعرف لينا بالطاقة الشخصية مرفقة بصورة شخصية


ملاحظة :

في مشاركة لاحد الاعضاء عن حكاية الاسم المستعار في المنتدى واقترح بعض الاعضاء لزيادة حجم التعارف ارفاق صورة شخصية للعضو عليه الرجاء من كل عضو يشارك في الكرسي الساخن بسؤال للضيف ارفاق صورته الشخصية مع السؤال مرة واحدة وحبي وودي للجميع

[عمك تنقو]

أحييك أخي aborawan


وشكرا للإستضافة الكريمة التي سعدت بها كثيرا وأخشي حكاية الصورة الشخصية دي تقلللينا الزوار 00 علي العموم من ناحيتي أرحب بجميع أصدقائي والاخوة الأعضاء في هذا المنتدي الفريد 00 وأقوليكم حبابكم عشرة 00

نتابع 000

[امير عبدالباقي]

عم التنقو لك كل الود والتحيه وانت في استضافه الكرسي الذي سوف يكون بردا وسلاما عليك
كنا متوقعين تدخل علينا بالسيره الذاتيه مافات شي يلا ياحبيب عرف نفسك
بعدين تورينا سبب تسميتك واختيار اسم عم التنقو
ده السوال الاول وتاني عينك ماتشوف الا النور

[أبوريلان]

الأخ الحبيب

عمك تنقو

ألف ألف مرحب بيك فى الكرسى الساخن ، سؤالى الأول :

# ماهو الفرق بين حنتوب سابقا عندما كانت بها منارة السودان مدرسة حنتوب الثانوية وحنتو اليوم التى بها إحدى كليات جامعة الجزيرة ( كلية التربية ) والتى أقيمت فى نفس مبانى المدرسة الثانوية سابقا ، وبما إنك من سكان تلك البقعة الجميلة أرجو أن تحدثنا عن الفروقات وأى العهدين تحب أن تكون عليه حنتوب ؟

# ماهو شعورك عندما سمعت بعرض كشكول مدنى ( ظرفاء مدنى ) فى جريدة الصحافة ؟ وما هو جديدك للمنتدى ؟

الأخ عمك تنقو ما داير أطول عليك الأسئلة ومنتظر دخولك ولنا عودة .

[ابراهيم]

الأخ عمك تنقو لك التحيات الطيبات
وأنت تنثر الفرح في هذا الصرح العامر بكم دوماً ...
ونحن في رجاء إطلالتك ...
**
ومبدئياً ... أود معرفة سر تسميتك "بعمك تنقو"
**
لك الود
ولنا عودة

[عمك تنقو]

شرفات ودمدني وابتسامة الصباح والغروب تطبيع في أهل مدني 00 حضور الانسان هناك قناطر خير وعنوان للدروب وتاريخ الاجداد 00 مرايا تري فيها الشمس والقمر معا 00
الطيب حمور 00 هذا الاسم المختصر والواضح لاسرة تمتد جذورها من شاطيء النيل الازرق الشرقي وحتي أعالي البطانة ( لقبيلة الرفاعية ) بني ذبيان 00
المولد سنار ( البرسي الفضل ) وهناك كانت النشأة مشبعة بسريان رحلة النيل الأزرق شمالا والذي أوجد معظم الأسرة في هذه المدينة العريقة وكان الاستقطاب والانحصار في سوق الصاغة 00 في المزاد الخيلان 00 وفي ود أزرق الطفولة وفي التجارب الاخوات وفي دردق الاعمام وفي الدرجة الزواج وفي حنتوب البيت الحديث والاستقرار 00
بورتسودان الثانوية وزمالة الفنان العريق مصطفي سيد احمد وأبناء المنطقة الحصاحيصا ومدني وسنار ذكريات لا تنسي اكتملت بسنين المعهد الفني وضمتني ود مدني طفلا وشابا وعلي اعتاب الكهولة وارتويت بأجمل مافيها من ذكريات الا أن جاء الزمن الضنين زمن الشتات والغربة في سلطنة عمان 00 ولكي عودة بقية العمر حبيبتي ود مدني 00

نتابع ويديكم العافية 00

[aborawan]

سعدنا جدا بتشريفك لنا على الكرسي الساخن العزيز الغالي عمي تنقو ونتمنى انو الكرسي يكون برد وسلام عليك مع خالص حبي ومودتي

[admin]

كيفك ياعمك تنقو .. دي صورتك ولا النور الجيلاني
ودا منو دا يا ابوروان .. المات منو الليله رابط العزبة دي
عليك الله قولوا ما شاءالله لما تشوفو صورتي التحت دي

[عمك تنقو]

http://newnewnew.jeeran.com/redrose.gif[/IMG]

عزيزي أمير ود عبد الباقي

والله شفت بوست حجيتكم ما بجيتكم ده داير ليهو اسم يكون هو ذاتو حجوة أو اسطورة وطبعا احنا زمان في الأولية كان عمك تنقو لينا اسطورة 00 وكان الاختيار حتي يكون جذاب للقاريء ومتزامن مع الحجاوي

يديك العافية

[عمك تنقو]

كاتب الرسالة الأصلية myrelan
الأخ الحبيب

عمك تنقو

ألف ألف مرحب بيك فى الكرسى الساخن ، سؤالى الأول :

# ماهو الفرق بين حنتوب سابقا عندما كانت بها منارة السودان مدرسة حنتوب الثانوية وحنتو اليوم التى بها إحدى كليات جامعة الجزيرة ( كلية التربية ) والتى أقيمت فى نفس مبانى المدرسة الثانوية سابقا ، وبما إنك من سكان تلك البقعة الجميلة أرجو أن تحدثنا عن الفروقات وأى العهدين تحب أن تكون عليه حنتوب ؟

# ماهو شعورك عندما سمعت بعرض كشكول مدنى ( ظرفاء مدنى ) فى جريدة الصحافة ؟ وما هو جديدك للمنتدى ؟

الأخ عمك تنقو ما داير أطول عليك الأسئلة ومنتظر دخولك ولنا عودة .

عزيزي myrelan

حقيقة انا أعتز بوجودك وحضورك الزاهي دائما في المنتدي وبمداخلاتك الحلوة في الكشكول وبوست الاحاجي 00
كانت ومازالت مصلحة الاثار في الخرطوم تحمي بعض المعالم التاريخية من أي تدخل اضافي أو نقصان ومنها مثلا كلية كتشنر الطبية ( كلية الطب ) ووزارة المالية 00 واحتفظت هذه الاماكن بتاريخها ومجدها 00 حنتوب استقطبت أساتذة وطلاب من داخل وخارج الوطن ولها موقع وتاريخ عريق مثلها ومثل جامعة الخرطوم وللاسف الشديد عندما فاض الكيل الفكري العقيم وجرف حنتوب باسمها ومعناها وتاريخها لم تجد من ابناءها واساتذتها الا الانين والحسرة 00 ولكن في النهاية تبقي حنتوب هي حنتوب 00

طرائف نت في جريدة الصحافة السودانية وهي صفحة الملف الساحر أبرزت منتدي ودمدني بفعاليات أبنائه واشادت بكل المواضيع وكانت فرحتي لا توصف عندما أفردت الكشكول الذي يخص طرائف اهل المدينة وهي متميزة في كل شيء ولا تشبه النوادر الاخري نسبة لتفرد وابداع وبيئة انسان ود مدني 00 ومن هنا أهنيء الأخ ADMIN لهذا المجهود الرائع الذي لفت انتباه الصحافة والاشادة بالمنتدي
فعلا فرحي كان للجميع في الكشكول والمنتدي وأشكر الاخ معتصم عيدروس والاخ hamd tto لابراز جانب كبير من هذه الاشادة

[عمك تنقو]

كاتب الرسالة الأصلية ابراهيم
الأخ عمك تنقو لك التحيات الطيبات
وأنت تنثر الفرح في هذا الصرح العامر بكم دوماً ...
ونحن في رجاء إطلالتك ...
**
ومبدئياً ... أود معرفة سر تسميتك "بعمك تنقو"
**
لك الود
ولنا عودة

[IMG][IMG]

أبراهومة

العضو المتميز دوما

شكرا لطلتك الحلوة 00 وعمك تنقو اسم جذاب ومناسب للاحاجي وطبعا عمك ماممكن يخش باسم فياض او لؤي 00 فقلت احسن اشوف لي اسم كده قديم يخلي الاولاد يسمعوا الاحاجي

يديك العافية 00

[عمك تنقو]

كاتب الرسالة الأصلية aborawan
سعدنا جدا بتشريفك لنا على الكرسي الساخن العزيز الغالي عمي تنقو ونتمنى انو الكرسي يكون برد وسلام عليك مع خالص حبي ومودتي

والله يا ابو روان خجلتنا عديل بهذا الكرم الفياض
وبعدين كرسيكم ده شاي بس 00 مافي حاجة بياكلوها

[عمك تنقو]

كاتب الرسالة الأصلية admin
كيفك ياعمك تنقو .. دي صورتك ولا النور الجيلاني
ودا منو دا يا ابوروان .. المات منو الليله رابط العزبة دي
عليك الله قولوا ما شاءالله لما تشوفو صورتي التحت دي

[http://newnewnew.jeeran.com/redrose.gif[/IMG]

هههههههههههههههههههههههههه
انت ماعارف يا ADMIN تحت طاقية النور الجيلاني في شنو ؟؟؟

أمس اليوم كلو أنا بصور عشان أضاري راس عمك تنقو ده ويظهر بي شكل سياحي شوية
وخليها مستورة يا أبوبكر !!!

[أبوبكرحامد]

حبيبنا المامنظور انسانا ....................عمك تنقو

دى أحسن طريقة لضمان تواجدك بالمنتدى وأقترح على أبو روان تكون فترة

الكرسى ستة شهور عشان نسعد بى صلعتك أقصد طلعتك البهية!!!!!!!!

اولاً عاوزين تعريف شامل لشخصيتك ، مكان الميلاد ، المراحل الدراسية ، مكان

الإقامة بالسلطنة ، وماهى علاقتك بالحبوبات، وهل لك علاقة بعائلة حمور

المحامى ، لأنو كان معانا واحد اسمو خالد هاشم حمور درس معانا بالزقازيق

بس ماعاوز اطول عليك برجع ليك بعد تجاوب على الأسئلة دى .

[rasheed]

عم تنقو تحياتي وسلامي ،،
بعدين ياجماعة الناس البقولوا الأخ عمك تنقو والحاجات دي يعني ،،، الراجل كبير ودفعة الرائع مصطفى سيد أحمد رحمه الله ما في إحترام ولا شنو ،، الأخ عمك تنقو ،، مفروض تقولوا جدي عمك تنقو ،، ثانياً والله أنا لما سألتو جدي عمك تنقو من سر التسمية عرفت طوالي كان عمك تنقو أرفق صورتو حيكون الراس فيه حاجة ،،، لك التحية ومرحباً بك في الكرسي الساخن وإن شاء يضوي ليك ،، طبعاً ما قدرت أرفق صورة لأني ما بعرف ،، سؤالي طلب ،، ما طلب صاحب حموري ،، عاوزين نعرف أكتر عنك وياريت الواحد يقول بعض الأخوان يمكن يكون الواحد دفعتو ولا كده ،، وده لزيادة التعارف أكثر ،،، وسلام ولينا عودة

[مهيرة]

عمنا الغالي :

تنقو

كرسيك ما شاء الله عليهو أولاد مدني كلهم حواليك 00 بتحجي فيهم ولا شنو ؟

شرفات ودمدني 00 جميلة هذه الكلمات !! ليتك تفصح ؟

أعرف أنك ليس بالأصلع ولا الأشيب فلماذا القبعة !!

شكرا ليك كتير 00

[ابو المهتــدي]

بسم الله الرحمن الرحيم

الحبيب نتقو الله يعطيك العافية
ضبعا عم تنقو بالنسبة لنا مش ممكن 0 نتركها للشباب 0
ودي اول مرة نتلم في مداخلة ونحن جلوس
في عنقريب طلق ملص 0 الحكاوي كثير ة 0 كانت بجوار الحبوبات 0
ولكن لم اعمل لها حساب بين وبين ست ابوها اتقـــاء0عندما صار الامر لنا 0 اردد لها تلك0السوالف 0 مرة احببت ان
عكس الموضوع منها لي 0
فطلبت مني فك قولها وانا بدوري احوله لك واحكي لي ياشاطر كما تقول
طلب اب من ابنة احضار له سمك للغداء فكان رد الابن يابو السمك فيه شوك
كيف كان رد الوالد ؟؟ القول كما قلت من اتقــــــأء والحكم عندي بحكم انني سمعت القول ولك تحياتي 0
احببت ان ارفع لك القول لنسمع امام الشباب
قولك بدل الاحاجي



--------------------------------------------
أصـــل منك انـــا يابــــلد

04-03-2005 06:26 PM

[عمك تنقو]

كاتب الرسالة الأصلية أبوبكرحامد
حبيبنا المامنظور انسانا ....................عمك تنقو

دى أحسن طريقة لضمان تواجدك بالمنتدى وأقترح على أبو روان تكون فترة

الكرسى ستة شهور عشان نسعد بى صلعتك أقصد طلعتك البهية!!!!!!!!

اولاً عاوزين تعريف شامل لشخصيتك ، مكان الميلاد ، المراحل الدراسية ، مكان

الإقامة بالسلطنة ، وماهى علاقتك بالحبوبات، وهل لك علاقة بعائلة حمور

المحامى ، لأنو كان معانا واحد اسمو خالد هاشم حمور درس معانا بالزقازيق

بس ماعاوز اطول عليك برجع ليك بعد تجاوب على الأسئلة دى .

ود المأذون

دائما عندما ألتقي سطورك بشم فيك ريحة ( الملجة 00 ))
أجد فيك سلطة مدني بالكامل 00 النكهة والطرفة والحكوي والشلة والضل الوقف ما زاد !!

البطاقة الشخصية موجودة فوق يا غالي 00 وفي السلطنة في مسقط العاصمة
وزملائك في القانون كلهم هنا 00 الأستاذ نزار جعفر المبارك والأستاذ طارق عثمان والأستاذ عبد المنعم علوب والأستاذ عوض الزين والأستاذ عزالدين محمد زيادة وغيرهم كثيرين 00

عايشنا الحبوبات بكل ما تعني الكلمة دي من معني 00 االمحنّه واللّمه وحكايات نص الليل واعتقد في الوقت الحالي في طريقها للانقراض نسبة لعدم وجود حبوبات وأمهاتنا اليومين ديل ما بعرفن فن الحبوبات الزمان وأحيانا لا يقبلنها
اطلاقا واحسن ما تقول لحبوبة حبوبة 00 قول يا ماما بتريحها كتير !

عائلة حمور التي تقصدها أسرة ( زيادة حمور ) هذه الأسرة اسم علي اسم وهي دنقلاوية الأصل

يديك العافية يا غالي

[عمك تنقو]

كاتب الرسالة الأصلية rasheed
عم تنقو تحياتي وسلامي ،،
بعدين ياجماعة الناس البقولوا الأخ عمك تنقو والحاجات دي يعني ،،، الراجل كبير ودفعة الرائع مصطفى سيد أحمد رحمه الله ما في إحترام ولا شنو ،، الأخ عمك تنقو ،، مفروض تقولوا جدي عمك تنقو ،، ثانياً والله أنا لما سألتو جدي عمك تنقو من سر التسمية عرفت طوالي كان عمك تنقو أرفق صورتو حيكون الراس فيه حاجة ،،، لك التحية ومرحباً بك في الكرسي الساخن وإن شاء يضوي ليك ،، طبعاً ما قدرت أرفق صورة لأني ما بعرف ،، سؤالي طلب ،، ما طلب صاحب حموري ،، عاوزين نعرف أكتر عنك وياريت الواحد يقول بعض الأخوان يمكن يكون الواحد دفعتو ولا كده ،، وده لزيادة التعارف أكثر ،،، وسلام ولينا عودة

rasheed

قفا نبكي ذكري حبيب ومنزل
بسقط اللوي بين الدخول فحومل

كانت أجمل سنين العمر (4) سنوات في مدينة الثغر بورتسودان مع الراحل مصطفي سيد أحمد وعثمان شريف شقيق محجوب شريف وقتها كان سماء الوطن لونها أزرق مخضبة بالحناء 00 كانت لوزة القطن تجدها في ميناء بورتسودان متجه الي أعالي البحار 00 القلب كان مفتوح والأفق كان فسيح
قبل أن ينهدر الوجدان 00 وتصبح الذكري مدفونة بالغياب !!
يا رشيد العمر يتقدم ولكن القلب يحمل الكثير من شباب الماضي 00

ههههههههههههههه

حكاية طلب دي حكاها لينا الفاضل سانتو في برنامج ( نجوم مدني ) من قبل فترة !
رشيد وريني انت من ياتو حي في مدني وأنا أذكّرك

تسلم ياغالي 00

[عمك تنقو]

كاتب الرسالة الأصلية مهيرة
عمنا الغالي :

تنقو

كرسيك ما شاء الله عليهو أولاد مدني كلهم حواليك 00 بتحجي فيهم ولا شنو ؟

شرفات ودمدني 00 جميلة هذه الكلمات !! ليتك تفصح ؟

أعرف أنك ليس بالأصلع ولا الأشيب فلماذا القبعة !!

شكرا ليك كتير 00

الغالية جدا مهيرة

طبعا بنتنا مهيرة وربنا يخليها ليكم ولي مدني كلها موجودة معنا هنا في السلطنة وهي مكسب كبير للمنتدي لو خلت الكسل
وطبعا يامهيرة انتي ماتبالغي كمان 00 أنا غطيت ( الصبغة ) مش الصلعة ولا الشيب !!
ههههههههه

يعني شخصية عمك تنقو دي دايره مكياج خاص 00 ولا شنو ؟؟


شرفات ودمدني 00 أحلام مدن عندما تأتي من الجنوب تلوح لك بركات ومارنجان بالمصانع والمحالج والأشجار المزهرة ومن الشرق يفوح لك شذي النيل وريحة الجروف المروية ويترائي لك الكبري وتتفتح لك آفاق مدني بجمالها وأنت تعبر حنتوب بكل ماضيها 00 ومن الشمال عمود التلفزيون وموازاة النيل والجناين وسور الجامعة العريقة ( جامعة الجزيرة ) 00 شرفات مذهلة 00

يديك العافية

[عمك تنقو]

كاتب الرسالة الأصلية ابو المهتــدي
بسم الله الرحمن الرحيم

الحبيب نتقو الله يعطيك العافية
ضبعا عم تنقو بالنسبة لنا مش ممكن 0 نتركها للشباب 0
ودي اول مرة نتلم في مداخلة ونحن جلوس
في عنقريب طلق ملص 0 الحكاوي كثير ة 0 كانت بجوار الحبوبات 0
ولكن لم اعمل لها حساب بين وبين ست ابوها اتقـــاء0عندما صار الامر لنا 0 اردد لها تلك0السوالف 0 مرة احببت ان
عكس الموضوع منها لي 0
فطلبت مني فك قولها وانا بدوري احوله لك واحكي لي ياشاطر كما تقول
طلب اب من ابنة احضار له سمك للغداء فكان رد الابن يابو السمك فيه شوك
كيف كان رد الوالد ؟؟ القول كما قلت من اتقــــــأء والحكم عندي بحكم انني سمعت القول ولك تحياتي 0
احببت ان ارفع لك القول لنسمع امام الشباب
قولك بدل الاحاجي



--------------------------------------------
أصـــل منك انـــا يابــــلد

04-03-2005 06:26 PM

[IMG]




هههههههههههههههههههههههههههههه

الله يديك العافية يا أبو المهتدي 00 والله أنا ماقايل المنتدي فيهو دفعة لذيذة ورايعة زيك كده يا غالي 00 وكان عارف كده كنت شلت الطّاقية برّه !!

لكن ست أبوها دي دايره مشاكل بس00 ومالها ومال البصلة وقشرتها وما لقت ليها حجوة غير دي 00

في تقديري الوالد قال للولد خلاص مادام فيهو شوك 00 خليهو للعشاء !!
ههههههههههه

طبعا دي حسبتها عليّ يا أبو المهتدي

ما يهمك الجايات أكتر من الرايحات !

بصراحة عجبني توقيعك بصورة ملفتة في المنتدي

(( أصلي منّك أنا يا بلد ))

تسلم يا رائع 00

[ابومرام]

حبيبنا وحبيب الكل نتقو
واجيك من وين انا الولهان أنا ؟؟؟
صراحة كلك حوية واصالة وبوتقة من الجمال في النفس و الشعور الطيب
على الرغم من انني لم اطلع على كل كتاباتك ولكن ما اقف عنده يستحق
الوقوق باحترام وسكينة ووقار عموما لينا وعد مادام الحديث ربط مابين مدني وسنار وحنتوب
لك التحية والاسئلة للمرة الجاية
معليش ياجماعة مفروض ارفق الصورة لكن المرحلة شوية علينا الشباب ماعلمونا خلوها في المرة الجاية لو ربنا مده في الايام

[نيازى كشك]

كاتب الرسالة الأصلية ابومرام
حبيبنا وحبيب الكل نتقو
واجيك من وين انا الولهان أنا ؟؟؟
صراحة كلك حوية واصالة وبوتقة من الجمال في النفس و الشعور الطيب
على الرغم من انني لم اطلع على كل كتاباتك ولكن ما اقف عنده يستحق
الوقوق باحترام وسكينة ووقار عموما لينا وعد مادام الحديث ربط مابين مدني وسنار وحنتوب
لك التحية والاسئلة للمرة الجاية
معليش ياجماعة مفروض ارفق الصورة لكن المرحلة شوية علينا الشباب ماعلمونا خلوها في المرة الجاية لو ربنا مده في الايام

[aborawan]

بسم الله الرحمن الرحيم

اخواني الاعزاء الكرام
السلام عليكم ورحمة الله وبركاته

طبعا لا مفر من الصورة دي ابوروان وراكم وراكم رسلو صوركم على ايميلي وانشاء الله انا حااقوم باللازم وارفقا ليكم مع ردودكم


زوووووووووووووووووووغااان مافي


ده ايميلي
mohammadfadasi@hotmail.com


حبي وتقديري

[عمك تنقو]

كاتب الرسالة الأصلية ابومرام
حبيبنا وحبيب الكل نتقو
واجيك من وين انا الولهان أنا ؟؟؟
صراحة كلك حوية واصالة وبوتقة من الجمال في النفس و الشعور الطيب
على الرغم من انني لم اطلع على كل كتاباتك ولكن ما اقف عنده يستحق
الوقوق باحترام وسكينة ووقار عموما لينا وعد مادام الحديث ربط مابين مدني وسنار وحنتوب
لك التحية والاسئلة للمرة الجاية
معليش ياجماعة مفروض ارفق الصورة لكن المرحلة شوية علينا الشباب ماعلمونا خلوها في المرة الجاية لو ربنا مده في الايام

ود شواطيء النيل 00 أبو مرام

من قاس جدواك بالغمام فما
أنت إذا جدت ضاحكا أبدا

أنصف في الحكم بين شيئين
وهو اذا جاد باكي العينين

كنت اتمني أن اري صورتك يا ود ( الشريف )
وليش معني اللثام يا ابن عشيرتي !

منتظرك :

suiter53@hotmail.com