علوني في فورتي ون (41)

[الشمشار]

سلامات
انا عارفكم بتكونو طيرتو عيونكم
السبب الجاب الشمشار النفاج ده سبب كبييييير وماهين
اها
هاكم الشمار
فورتي ون ده محل ايسكريم في العمارات شارع 41 انا عارفكم بتكونو استغربتو خالد علوني البوديهو محلات زي دي شنو لانو ثقافتو ما تتعدي الشطه بالتبش و القنقليز بالشطه والدوم واللالوب وحلاوه لكوم شافها في الدعايات خليكم من الايسكريم اها انتو كان شفتو بروق الصفتو هي بسم الله بقصد انتو كان رقتو بوصف الشفتو والسمعتو كمان
نبدأ بالسمع وخليكم منتبهين
رن تلفوني
عاينت في التلفون لقيتو احد زملائي في العمل من الذين تفوق درجتهم الشماريه اعلي النسب المئويه
اها رديت عليهو
انا
الووووووووو
هو
ازيك ياشاب تتذكر اليوم داك في القناه موش كان معاك ضيف واحد لابس نضاره (بقصد صاحبنا علوني )
انا
ايوه صح ليه سألتني ؟؟؟؟
هو
صاحبك ده الليله جايب معاهو حمامتين
انا
حمامتين ؟؟؟؟؟؟
هو
ايوه واحده كبيره وواحده صغيره واظنو اخوات الصغيره دي طلعت لصقه ساي مع الكبيره
انا
اها
هو
ياخ صاحبك ده معقوله يجي فورتي ون ويعزمهم
طعميه ؟؟؟
انا
قلت شنو ؟
والطعميه لما فيها وين في محل الايسكريم انت مودر ياباشا ولا شنو ؟؟؟
هو
والله طعميه واظنو اشتراها من سوق الديم لانو جو المحل بي كارو
انا
بي شنو ؟
هو
بي كارو وحمارو مكادي كمان
(مكادي دي يعني بتاع )
نواصل هسي نكمل ليكم المكالمه ونوريكم الباقي

[الشمشار]

انا
اها
صاحبي
شفت يامعلم الزول ده جاء بالكارو واتشكل مع بتاع الكارو لانو بتاع الكارو قال داير 4 جنيه وهو قال ماعندو غير جنيه واحد بعدتعب اقنعنا بتاع الكارو ياخد 3 ج علوني قال الحمامتين يدفعو براهن وهو يدفع براهو في النهايه انا اديت بتاع الكارو ال3جنيه
(والكلام لي صاحبي يعني صاحبي الدفع )
انا بحراق روح
خليك من التنظير يامان الحمامه كيف الكانت معاه ؟
صاحبي
والله من النوع البتقال عليه الكلام الاخلاق
(مصطفي هاتريك خلي الحركات بتضحك مالك؟)
انا
يازول ؟؟؟؟
صاحبي
والله ما بتقدر تعاين ليها مرتين انا مستغرب زي دي كان وقعت لي في الكرتله ما بشيلها وبخرخر

(الكرتله دي يعني بتوع اسألو منها عم محجوب وود المطامير بوصفوها ليكم حضرو زمن الكرتله انا سمعت بيها سمع صغير وجاهل انا )
انا
اها
صاحبي
قعدو اكلو طعميتهم ديك واكلوها ساده ساي لابارد لامويه صحه وانا حنيت علي الفرخه
انا
فرخه شنو ؟
صاحبي
الحمامه الصغيره
انا
اها
صاحبي
والله صاحبك ده المحيرني فيهو انو من الفرح داير يطير وهي تشبه روحها والجاز مسوحها
(مسوحها دي معرووفه ماتعملو لي فيها ماعارفينها والله عارفينها زي جوع بطنكم )
انا
اها
صاحبي
اسمع يامان
انا
اها
صاحبي
انت متوكد (متأكد) انو صاحبك علوني ده نظرو كويس
انا بزعل
كيف يعني ؟
صاحبي
كيف كيف يعني الكيف سيجاره وسفه وتمرق من بيتكم بعد كم لفه بتجي تلقاهو مع واحده شينه وخايف لامن تشوفه تتوفي
تعال يامان
الحله كلها بتتفرج فيهم ده مولد مايفوتك
انا
جااي هسي
ركبت الركشه وعلي فورتي ون عدل
هنا انتهي السمع وبعد الفاصل بيبدأ الشوف

[الشمشار]

نواصل
نزلت من الركشه علي عجل الشمار كاتلني ياجماعه بس من بعيد شفت ليك صاحبي الضرب لي ومشيت عليهو قلت لي وينو علوني اشار لي بيدو ناحيتو هو والهجامه اقصد الحمامه بس شفتها كده و
اووووووووووووووووووووع اووووووووووووع استفرغت غداء قبل شهرين داك
ياخ علوني ده ببالغ
اول حاجه جضومه التقول من خيش وفيها اضنين زي الدحيش
كمان بقول ليها ياروح قلبي
والله دي الروح ذاته كان دايره تمرق بي جيهتها تغير الشارع
ناديتو بعيد
قلت لي
علوني بتبالغ لكن بتحب ليك واحده مدتها انتهت (دي اكسبير يا اخوي )
اكسبير يعني بتاع بس بالانجليزي

ياخ دي راسه قطن
وحجاره وطن
وكرعيها فترن
وسنونها وقعن
وخشمها تاني رجع سنن
علوني ياخ ده تلفون بت ام درمان وده تلفون مصطفي هاتريك وده تلفون مدنيه امش خليهم يختارو ليك واحده سمحه كده في مدني عشان ماتشرط عينا
هو
اسمع ياشمشره عاجباني
انا
في ذمتك هسي دي تتشاف من وين خلي تعجب ؟
هو
ارح اعرفك عليها
وساقني رجاله كده ليها
اها
هو قام قال ليها
ياروحي ده الشمشار
انا
اهلا وسهلا
هي برطمت ليها بي كلام كده مافرزتو والسنون طارداهن من خشمها مفرقات متل سرابات القمح

هو
عليك الله ياالشمشار في ذمتك حبيبيتي دي موش حلوه

جابت ليها ذمه لكن اسوي شنو الوضع خطير ولازم انافق شويه
انا
ايوه حلوه (عاد اسوي شنو لازم اجامل )

هي قامت قالت لي علولتي (ده اسم الدلع الله لاسمعكم صوتها وهي بتقولو )
علولتي دقيقه بس
ساقتو بعيد وقالت لي
صاحبك ده مجنون ولابسكر ؟
هو
ليه ياروحي
هي
لالالا صاحبك ده ما طبيعي من شافني هو بيتوع (يتوع يعني هناي قرف يقرفها )
هو
لالالا ياروحي بس هو كان عندو حصوه وكده

(يعني هي بس ماقدرت توصل لي المعلومه انا لامن قلت لي حلوه هي ختت في راسه يا اما انا سكران يا اما مجنون لانها هي ذاته مقتنعه انها تقطع الخميره من السودان خليكم تقطعها من البيت )

ريمون ما تضحكي بي تحت تحت علولتي ده مابرضي وانتي يا مدنيه خلي حركاتك دي الكلام الاخلاق وحبيبه علولتي دي عيبيها لي
انا غايتو الطمام الخشه فيني من اليوم داك ما مرق لي هسي الحل شنو ؟؟؟؟
نواصل يا شباب خليكم بي جااااااااااي

[الشمشار]

انا
علوني
ياخ ما ممكن
والله دي رااااااااااااااااااكووووووووووووووبه ووشها قالب هوبه
دي قديمه وكركعوبه
ياخ دي حبوووووووووووووبه
علوني انت صغير وجاهل
والله الكلام ده عيب
تباري ليك حاجه زي دي
ياخ دي مشلخه
الشلوخ دي خلوها من زمن النبي صبي
يا علوني ماتشمت فينا مصطفي هاتريك
علوني والله عنكوليب ده قاعد علي الهبشه
راجي فيك فرقه وبشمت فيك بشمت فيك
ياعلوني ياخ كدي قول يا مسهل واختاها الكبه دي

(كبه بضم الكاف يعني مصيبه ومصيبه يعني بتاعه )

قام قال لي
يا الشمشار ياخ انت ماشفت عيونها
انا
اشوف ليهن شنو عيونها صغار متل قدود الجلد وحوله
(عيونها واحده تعوس والتانيه تفرك)
علوني
ماشفت قوامه
انا
ده قوام ده متل ساريه علم السودان كان جاء هواء ببيتها القوا
علوني
عاجبني فيها انها انيقه
انا
هووووووووووووووووووي وينه الاناقه لابسه جزمه خضراء واسيكرتي بنفسجي غامت وبلوزه فوشيه وطرحه مسطرده
(اسألو البنات من اللون المسطرده ده موش اخترعنو هن )
يعني بس الاناقه هنا ويييييييييييييين ؟
علوني
عاين يديها رقيقات كيف ؟
انا
وين اليدين ديل والله يديها متل كراع الجداد مشققات وانا لي 19 سنه ماشفت زول يديهو مشققات الجلسرين ده بعمل في شنو ؟
علوني
الليله ياالشمشار زعلت فاتت
انا
قطر عجيب يودي مايجيب دي قبل تصل البيت بتسلم اوراقها
(تسلم اوراقها يعني هناي داك يعني تموت وكده)

داير بيها شنو الكبيره العويره انت بقيت بس طيره ومباري السيره اي طرحه حايمه انت وراها علوني اقول ليك
انا بكره بكتب بوست اسمو دايرين عروس لي علوني
ولاعزاء للبايرات
نقطه آخر سطر
علوني
ده عرسو ليه قبل يجيبها ضقلها يكركب

الشمار فنش وفنش يعني فنيتو وفنيتو يعني ببح وببح يعني بتوع وبتوع يعني كمل

[بدر الدين محمد]

ألو علوني .... الحق ... تم رصد المرسال الرسلتك ليه لي فوتي ون في العمارات .... برر موقفك

[ريمون]

شكلنا كرهناهو مدني وكرهناهو البكا ذاتو ..
غايتو لحدي ما مشي مننا كان تمام ..
شوف استاذ بدر الدين ده عمل فيهو شنو يا الشمشار وحاول الحقه ..






















غايتو يا علوني ..
صغير وجاهل ..
عرفتيهو يا عنكوليب قام يتكلم بهناك كده ليه ؟؟؟؟

[خالد علونى]

بجيك بي روااااااااااقة يا الحبيب


بس النشوف اخر الناس ديل

[خالد علونى]

ألو علوني .... الحق ... تم رصد المرسال الرسلتك ليه لي فوتي ون في العمارات .... برر موقفك

ياخي الشمشار دا لقيتو عندو شبكة مراسلين اكتر من الجزيرة القطرية

[خالد علونى]

شكلنا كرهناهو مدني وكرهناهو البكا ذاتو ..
غايتو لحدي ما مشي مننا كان تمام ..
شوف استاذ بدر الدين ده عمل فيهو شنو يا الشمشار وحاول الحقه ..






















غايتو يا علوني ..
صغير وجاهل ..
عرفتيهو يا عنكوليب قام يتكلم بهناك كده ليه ؟؟؟؟

غايتو جنس غايتو

[mahagoub]

لحدى هسع ما اديتنا مخرج يا خالد
لكن احسن تغير النظاره

[خالد علونى]

لحدى هسع ما اديتنا مخرج يا خالد
لكن احسن تغير النظاره

روق المنقة يا عم محجوب



التقيل بجيك


والله إلا أغير عيني

[mahagoub]

روق المنقة يا عم محجوب



التقيل بجيك


والله إلا أغير عيني

ده موسم جوافه
التقيل الجاى ده ما تكون واحده جضوما منفخات
وعينيا ما تبكى

[mahagoub]

صاحبنا الشمشار قال ما بعرف الكرتله
وهو اليوم كله مقابل بيها الشمش
كان يعرف الصوره الكسبانه
ده من زمن الطبالى فى سوق البصل

[خالد علونى]

إعلان هام


إلي كل الجكس



هذه الشمارات إنما أريد بها تشويه صورتي

وخلق حالة من الإضطراب والشك داخل النفوس

عليه ننوه للجميع اننا قد اتخذنا كافة الإجراءات التي تحفظ حقوقنا وتعيد الهيبة



وبناءاً عليه نوصي بتحويل الشمشار إلي قسم شرطة المنتدي



انتو بي مناسبة البوست دا وين؟ هسي كان في كان ودتيوا الكركون

[عنكوليب]

غايتو يا علوني ..
صغير وجاهل ..
عرفتيهو يا عنكوليب قام يتكلم بهناك كده ليه ؟؟؟؟
ــــــــــــــــــــــــــــــــــــــــــ


وحياة الله انا متفاعلة بشكل يفوق علوني ذاتو ،،،

انا مش قلت ليكم ،،،

اها نويتو على شنو ؟ ،،، الرد قــــــــــــــوام ،،،

[ahmed algam]

ههههه هههههه ههههه

والله لكن طلعتا كلام تلني ياعلوني

قال رفيق مبكاااااااااي

[بت أم درمان]

لكن الشمشار ما اداهو فرصة نوهائي
وخرب ليهو القصة من قبل ما تبدأ

بشوف القلب يا الشمشار
والزول دا قلبو مااااات هههههه

[خالد علونى]

ما حا اقول اكتر من الكلام دا

عجبكو في فورتي ون (41)

منبر مريخاب اون لاين


http://merrikhabonline.net/showthread.php?t=21372

[خالد علونى]

بيني وبينك







السلم كان احسن لي

[خالد علونى]

غايتو يا علوني ..
صغير وجاهل ..
عرفتيهو يا عنكوليب قام يتكلم بهناك كده ليه ؟؟؟؟
ــــــــــــــــــــــــــــــــــــــــــ


وحياة الله انا متفاعلة بشكل يفوق علوني ذاتو ،،،

انا مش قلت ليكم ،،،

اها نويتو على شنو ؟ ،،، الرد قــــــــــــــوام ،،،

نوينا علي العرس

[خالد علونى]

ههههه هههههه ههههه

والله لكن طلعتا كلام تلني ياعلوني

قال رفيق مبكاااااااااي

وقعت ليك في جرح

[خالد علونى]

لكن الشمشار ما اداهو فرصة نوهائي
وخرب ليهو القصة من قبل ما تبدأ

بشوف القلب يا الشمشار
والزول دا قلبو مااااات هههههه

دا ما خلي لي جنبة ارقد عليها


ومن زمن مستني عودة قلبي راحل

[الشمشار]

ألو علوني .... الحق ... تم رصد المرسال الرسلتك ليه لي فوتي ون في العمارات .... برر موقفك

يا اخوي ده لي ستات الشاي قابضن الشكيه لي اب ايدآ قويه حرررررررم شاف مذيعاتنا قال الا يعرس منهن في ضيفه جات ماره جنب القناه سااااي باراها يا اخوي المحن كتييييييييييييره

[الشمشار]

شكلنا كرهناهو مدني وكرهناهو البكا ذاتو ..
غايتو لحدي ما مشي مننا كان تمام ..
شوف استاذ بدر الدين ده عمل فيهو شنو يا الشمشار وحاول الحقه ..






















غايتو يا علوني ..
صغير وجاهل ..
عرفتيهو يا عنكوليب قام يتكلم بهناك كده ليه ؟؟؟؟

علي الجزيمه الولد ده تور نفسي بالجري
ياخ ستات التسالي سكاهن
ده كلو كووووووم وشمار الاسنسير كوم ههههههههههه

[الشمشار]

بجيك بي روااااااااااقة يا الحبيب


بس النشوف اخر الناس ديل

تعال يا اخوي منتظررررررررررك