شمارات الشمعه لا تقول لى بنفسجى لا تقول لى اصفر

[التيمان]

ها ياناس السلام عليكن
اولا شي نرحب الساده الضيوف وزوار المنتدي وكل الحلوياات
كالعاده وكما عودتنا شمعات المنتدي بلم شمل اعضاء المنتدي ..
والجاتوهات واخر حلويات العندو سكري ما يجي علينا جاااى ..

اها ياناس اخش ليكم بالمفيد ..

اول شي قلنا البنفسجي ونفسك تجي .. تاني قلنا الاصفر وعايز يظهر .. من اخش القي الصاله كلها بنفسجي عملتوها ظاهر لكن الجديد ما شوفتو .. زيتي وشايل لعبه طياره بتاعت شفع عجييييييييب {زيتي وزيتنا في بيتنا} التقول شغاله في زيت صباااح ناااااااايره فعلا نقس وخالي من الكريستول....

ده كلو كوووم والكووم صالح بحيري فجاءه كدي اتلفت بلا اشوف ليك زول بنضم كلام الطير في الباقير اتلفت كان القي ابو الصلح ياراجل شن وداك للبنادر .. وقاطع واخر كرتفه تحلف تقول دليفري الاحسان ...

دايما الزول ده عجيب عرفتو طبعا عرفتو عكاشه.. الزول برقص رقيص ومن حته لي حته انا مشيت اخر الصاله لقيتو جيت اول الصاله لقيتو ولله الزول ده روب وانكشح جوه الصاله ده انتشرت اكتر من مكيف الصاله .. ومن الناس الماجرين بدله من مصطفي هاتريك ...

حبيبنا خدوري انا بس داير المجلس التشعيري ده شنو؟؟؟ ده جديده ده ولا تبع وزراه الصحه ولا تبع وين يا اعلام الاذاعه انت وواقف بره اى زول يلاقي يقول لى تعال شوف مزيعه برنامج بيتنا وانا بقول ليك المابتلقي في بيتكم بخلعك ...

اللورد عمر الامي اخر سماعات بولتوس واخر بدل ومنتشي وراااايق كده ومتشبشب اخر شبابيه بس للاسف سماعه البلوتوث طعت شحن ونورها بقي احمر من ظهري والموضوع شووربه عجيبه ...

يااخ والله دي ما بلقاه زولا الا زي نا صيدو نااافع .. عليك الله صوره يا نضال واقيفي جمب بتي واخر رقييييص لمن فتر وكمان علي العليهو رمي الكميرا قدام نضااال وجاااي بدون حككومه انا حسيت بيهو من رقيصو ده ده رقيص زول ما مراقب .. اكيد عرفتو حبيبنا ود الصوول ...


احمد علقم شايفو تعب وجاب صبي ليهو يصور معاهو .. والله دي مقوله التعليم في الصغر كالنقش في الحجر دايما بتطبق الامثال صااح ...

الاخ بكري فارروق الجمعيه عملت سوت الجمعيه فلان فلان علتاك ابن ملتكان والناس شغاله بتاكل والفريون ضربن وبكري شغال الجمعيه علان العلان حنيت عليك تصدق ..

عرفنا انو الصاله تبع الكاشف وما قصرو رسلوا لينا ولدهم يغنى لينا اغانى الكاشف .. انا حاسي ده تابين للكاشف ..


والله ياجماعه قعدنا وري زول قال لينا انتو منو مافي لمى فينا زول اصيل ود بلد .. اول شي شال من التربيزه صحن حلويات اخد صنه كدى جاب صحن فواكهه اخد صنه ادانا مويه حسي بينا خنقنا .. اخد صنه اتلفت عاينا ليهو قال لالالا تانى مافي شي الا اشاكلكم ..

انا مريحنى الفنان الدكتور كمال يونس ابدع في اغنيه بنات مدنى كان اسمع ليك الصاله جت ايوووووووووووى ايوووى كان اتلفت القاهم اصغر وحده قدر خالتى قلت يالله ديل القاصدهم الدكتور في سري كده قلت اكيد قاصد الزيتى ...

امال مالك زاقت ن اللقاء بتاع قناه الشروق والعرفتو انا التوب شده وما عايز ه يظهر .. لكن احب ابشرك الحلقه مبثا ...


اسماء الشريف حرم من نضوووله جات ماسمعنا شي لا كما عودتنا ان تطرب مسامعنا بي كم بيت كدي .. لكن كان توريها انو الميدان ميدانك والقون بي قونين والبلد بلدك ...

عبد الله العبد يااخ ده صعبها عارفنك سايق تكتك لكن ما جوه الصاله برضو شغال توصيل جووه وبره وريتنا لكن يا تيوه


الادمن حبيبي قشه ليك التورته الركشه لستقها نام الا الراكب معاو وري نزل ركب مع بتاع الركشه وانا قااعد ومكشف للحدث بالرقراق..

خالد علوني وابو النووور .. الناس ديل في زول داس ليهم علي طرف ولا شي بس لابتيييين .. ابو النور ده اشترو وكان مناضل ووفي هسي بقي زقزوق ونقلو قسم الاخبار الله ريحك يا اسامه الرشيد ..


انا بس موجوع للنواعم تشوف التورته واللمه والشعر مع نضال ومشاركه النواعم .. انا قايل فتحو ليهم قسم واكتشف انو الموضوع رشووه عشان يثبتوا بوست النواعم انتو طموحاتكم منتهيه خالص ..


اها يا جماعه لحدي هنا اقول ليكم خلو بالكم من نفسكم ونتلاقي الشمعه الجايه ..
بس انا مشغول كان نفسي انزل ليكم الشماره حاااااااااره لكن جات كده ..

يلا في امان الله

دندق وبنق

[ود المطامير]

والله يا حبيبنا إبداااااااااااع إبداااااااااااااع

وحات الله تصوير من بيت الكلاوى

والعجب لو دعمتها بالصور وخاصه فى الفيديو شفنا

فلاش كاميرتك شغال شووو شووو برق بس

وأنا عارفك حريييييف غايتو نعزرك لأنك مشغول لكن بالجد إبدااااااااع

[التيمان]

هههههههههههههههههه

حبيبى

[mahagoub]

نقل مباشر
ما تئتغل مع هاترك تكشب

[مصطفى هاتريك]

أهه

ما تواصل .....

[المسافر]

غايتو تاني إلا نعمل الشمعة دي سرية ههههه

[mahagoub]

أهه

ما تواصل .....

اللجنه فكت