أيـام زمــان ,, والحنين إذا أتـَّـقد ..

[ود الضو]

ذلك الدرج الذي اكلته اسنان من جلسوا عليه قبلنا ..
إستوقفني هذا التعبير في واقعيته الدقيقة ،
وأحالني مباشرة لمرحلة من عمري اقل نضجاً وأكثر عافية وشقاوة ..
أيام المدرسة الابتدائية والمتوسطة ..
رهبة الأستاذ , طابور النظافة , بائعات الزلابية والطعمية ،
وتلك الأشياء الجميله رغم البساطة فيها ,,
أيام الغراب النبيه والنملة الشفوقة ..

[ود الضو]

النملة التي أوصلت الخبر , خبر الراعي الذي انكسرت رجله فأسعفته ..
والغراب الذي رمى الحجارة في الزير فارتفع الماء وشرب وروى ظمأه
بعد أنا روى ظمأنا المعرفي وأعلى من شأن إعمال العقل فينا ،
ايام كان الحيوان فيها يفكر , ويعلمنا الخير ويعلّي من شأن العقل دون ان يسجنه في الواقع ..
بل يفتحه على خيال خصب ( تتأنسن ) فيه الأشياء لينطق غراب آخر ويحاور ويتغنى
أعلى الشجرة مع الثعلب ..
ايام ,, تلك التي كنا فيها عند التمثيل نقوم بدور حيوانات كثيرة متعددة فرحين بذلك دون ادنى
شعور منا بتقليل شان الفرد أثناء أداؤه دور الحيوان ,
لان الحيوان في تلك الأيام كان كما أسلفت حيوان متقدم ومتقدم على بعض البشر ؟؟؟
ومعلم ودليل ...

[مدنيّة]

[U]
أيام المدرسة الابتدائية والمتوسطة ..
رهبة الأستاذ

ود الضو
مساءك سوداني
---------
موني بتي بتشكي لي من الشيخ
اللي بيدرسهم القرآن
قالت لي بيشاكلهم
عشان هم (بيشاغبوا)
اية الصغيرة
قالت ليها
والله يشاكلنا
ولا نشتغل بيه
بالعكس
نشاغب ليه زيادة

--------------
حليل الايام الدرسنا فيها ياود الضو
الاستاذ لما يجي ماري بشارع
وواحد من التلاميذ راكب عجلته
يقيف وينزل منها
لغاية لما الاستاذ يختفي عن الانظار


-------
شكرا لقلمك المميز ياود الضو

[ود الضو]

في الحصص التي قلما نشعر فيها بالملل ،
تخرج من بعض التلاميذ المغلوب على امرهم حركات تفرغ ما يمور بداخلهم ,
كأن يقرض احدهم الدرج الذي أمامه بأسنانه ,,
أو يشخبط عليه برموز تحكي وتترجم حاله النفسي ،
وتلك الدعوات التي على الادراج في المدرسة الابتدائية على شاكلة ,
يارب النجاح في كل صباح ,,
تقف في الذاكرة بطمع وورع ..
وتبدو صلبة كحفر تاريخي على جدران معبد ..
آآآهـ ياحنين ,, ثم آآهـ ..

[ود الضو]

ولاننسي :
حنين مراهقي المدرسة المتوسطة للصبايا في الزي الموحد (الكاكاوي)
وكم كانت تكثر عبارات : أحب كوثر , احب بهجة , أحب اماني , .... الخ ,,
حنين لا يكتفي بحجرة الدرس وملحقاتها بل يتسرّب حتى يعلو ملامح القرى
لنقرا على أعمدة النور وجدران البيوت , احب حنان , احب وداد , احب مها ..
ممهورة بالحرف الاول للعاشقين الذين اقترح الصبي منهما الحب على الهواء مباشرة ..
ولأنه كثيرا ما تكون الكتابة بالطباشير الملون والفحم الذي لا يصمد امام الماء ,
نجدها دوماً الامطار تهزم العشاق , وتسيل مواويل العشق في الخيران ,
وتختفي في الطين , لتنهض في عشب الخريف الجميل وزهوره البرية ..

[ود الضو]

فيكون للزهر ذاكرة العشق ، وللجدران ايضاً ذاكرة ..
نعم للجدران ذاكرة العشق والثورة ,,,,,
اذ تحفظ اسماء المرشحين السياسيين كـ ( انتخبوا فلان من اجل ان يصبح الجيب مليان ) ,
و ( انتخبوا فلان الزاهد الانسان ) ,,
تحفظ الجدران ولا تكل أكثر مما يحفظ الإنسان ..
إذ تحفظ تهديدات العصبة السائدة وتنديدات العصبة المتحفزة ..
وبالخط الهجائي الأول وبالفونط الصغير نقرا وسط كل هذا : احب تماضر ,
احب شذى ,, يكتبها صبي مستنداً على كل ميراثه الرجولي من الحرية ..
يكتبها بشجاعة الحوجة , وخوف الافتضاح , وامل التحقق ..
لتقرأها صبية متخوفة من ميراثها الداخلي الأنثوي في القهر ..
ويفرح الاثنان ان اكتملت الرسالة وشبك الخط ..

[ود الضو]

المنهج المدرسي القديم :

عامر بالمعرفة التي تظل عالقة بالذهن على مر السنين ..
لا على ( معرفة بنكية ) يودعها المعلم في الحصة ليصرفها
في الامتحان (بضبانتها) ويخرج بعدها الطالب صفراً الا من الدعوات بالتوفيق والنجاح ..
فنحن اليوم في امسَّ الحوجة لغراب نبيه ونملة شفوقة ..
------

ثورة التعليم العالي ..................... ؟؟
لك أن تكتب ماشئت في النقط نقط أعلاهـ تجاهـ ثورة التعليم العالي ...
---
الحنين الي تلك الايام يؤزّنا أزّاً عنيفاً ..
ليت الزمن يعرف امكانية أن ( يتوقف شويه ) ..

[ود الضو]

[QUOTE=مدنيّة;637284][COLOR="red"]
ود الضو
مساءك سوداني
--------------
حليل الايام الدرسنا فيها ياود الضو
الاستاذ لما يجي ماري بشارع
وواحد من التلاميذ راكب عجلته
يقيف وينزل منها
لغاية لما الاستاذ يختفي عن الانظار

-----------------------
مدنيه يسعد مساءك
وربنا يحفظ ليك موني وآيه
---
والله يامدنيه لليوم الواحد مننا
مابيقدر يتكلم مع استاذ ( علّمه حرفاً )
من غير ان يسبق قوله بـ ( يا استاذ فلان )
وكم تجدنا قد ذبنا احتراماً لهم اجمعين
عندما يمر واحد منهم بقربنا
حتي ولو كان خارج المدرسه ,,
ولكن اليوم ( حدِّث ولا حرج )
لك التحيه اختي مدنيه ..

[الجندي المجهول]

ود الضو ،،،،
اجمل ما يميز قلمك خطابك الموجه مباشرة للانسان في اي مكان وزمان ،،،
لمست فينا وتراً حساساً وحنين من نوع غريب ،،،،
برغم رهبة تلك الفترة إلا أننا نشتاق إليها ،،،
التسميع ،، الاسبلنغ ،،، الجلاد ،، الخ ..
كلها بمتعتها وقيمتها ....
ما الذي تغير الان .....

تخريمة :كنت انتظر يوم الخميس بفارق الصبر في المتوسطة (وعكسها تماماً) في الثانوي العالي كنت بنتظر (السبت) باكثر من فارق الصبر .... الان بقيت انتظر (الاعياد) وليس الخميس فقط ..... ونسال الله حسن الخاتمة .... والعمل الطيب
كلمة اخيرة ... يا دو الضو انت زول (كتاااااااااب) بتعرف تستدرجنا إلى بوستاتك (باقصر الطرق)
أسال الله ان يعطيك حتى يرضيك

[ود الضو]

[quote=الجندي المجهول;637346][b] الان بقيت انتظر (الاعياد) وليس الخميس فقط ..... ونسال الله حسن الخاتمة .... والعمل الطيب
-----------------------

الجندي أخوي كيفنك ياخ
بشوفك عرّجت علي الاسبيلنق والتسميع
( الاتنين ديل ) لو ما الوالد الله يديهو العافيه كان مُصِر
علي انّ الواحد مننا يقرأ ( اخوك كان خلّي القرايه زاتو )
--
وانا مثلك كنت انتظر يوم الخميس من خميسات المتوسطه
عشان كان فيهو ( الخروج ) , الواحد يشيل هديماتو ويمشي لي اهله
خميس وجمعه ,,
لكن يوم السبت دا ياخ انا ماردتو نهائياً لليوم انا بكره السبت
شكراً جميلاً ياخ ..

[ود سعدابى]

ولاننسي :
حنين مراهقي المدرسة المتوسطة للصبايا في الزي الموحد (الكاكاوي)
وكم كانت تكثر عبارات : أحب كوثر , احب بهجة , أحب اماني , .... الخ ,,
حنين لا يكتفي بحجرة الدرس وملحقاتها بل يتسرّب حتى يعلو ملامح القرى
لنقرا على أعمدة النور وجدران البيوت , احب حنان , احب وداد , احب مها ..
ممهورة بالحرف الاول للعاشقين الذين اقترح الصبي منهما الحب على الهواء مباشرة ..
ولأنه كثيرا ما تكون الكتابة بالطباشير الملون والفحم الذي لا يصمد امام الماء ,
نجدها دوماً الامطار تهزم العشاق , وتسيل مواويل العشق في الخيران ,
وتختفي في الطين , لتنهض في عشب الخريف الجميل وزهوره البرية ..

ياااا سلااااااااااام عليك يااا ود الضو

البتزكرنا الايااام الحلوة

هل تصدق انا لى الان بتزكر الروضة ومااااما سعدية

وبتزكر الردا الرماادى والقميص الابيبض

بجيك بى مهلة

ياااخ

بوست نديااان وملااان ريد

ابحت لينا الزاكرة لسة

مع كااامل الود

[محمود (أبو وضاح)]

أيام لها طعم الحنين الى الحنين ، شفيفة لحد الشوق الى كل خلجاتها ولحظاتها ، من الطابور الصباحى والحساب الاملائى وفسحة الفطور وحصة إيجاد الكنز وحلاوة ريا وكريكاب ، والمنافسات الرياضية بقميص القشاشة ، قميص بلدى (رياضى) وله خطوط ملونة حسب لون الفريق ، الآزرق ، الأحمر ، الأصفر ، الأخضر ، منافسات حتى فى حصص تلحين الأناشيد ، ليتها تعود ويعود ذلك الألق لنعيد كتابته من جديد وبحروف مختلفة وشوق مختلف وفكر أيضا مختلف.

[محمد الجزولى]

آآآهـ ياحنين ,, ثم آآهـ ..

وآآآآآآه يا ود الضو يا قمر
ولما كنت صغير بلعب في التراب
وماما لبستني ......
زمن التراب تراب...
ودرس العصر بدل الدروس الخصوصية ....
وطابور الصباح مع انغام الاذاعة المدرسية
والصفاء الذهني .. والنقاء القلبي
رائع دوما أنت يا ود الضو

[abomazeen]

ذلك الدرج الذي اكلته اسنان من جلسوا عليه قبلنا ..
إستوقفني هذا التعبير في واقعيته الدقيقة ،
وأحالني مباشرة لمرحلة من عمري اقل نضجاً وأكثر عافية وشقاوة ..
أيام المدرسة الابتدائية والمتوسطة ..
رهبة الأستاذ , طابور النظافة , بائعات الزلابية والطعمية ،
وتلك الأشياء الجميله رغم البساطة فيها ,,
أيام الغراب النبيه والنملة الشفوقة ..

وأنا أيضاً أستوقـفتني محطة الكلمات هذه كثيراً
أخي ود الضو متابع ما تكتبه بكل ألق وجمال حروف

[ريمون]

البوست ده مالو مليان عجائز كده ..
هسه نقوم ننداح يختونا حبوبات ..
ايام لم نعرف من الدنيا سوي طعم السرور ..

[abomazeen]

البوست ده مالو مليان عجائز كده ..
هسه نقوم ننداح يختونا حبوبات ..
ايام لم نعرف من الدنيا سوي طعم السرور ..

مرحبتين وحبابك عشرة بلا كشرة يا بتي يا ريمون
لوقصدك المشاركة رقم 3 ... كلامك صااااح
يلا سمعينا شويات من الإندياح الجميــل ...!
ده قوون باص هدية مني للجندي الصغير

[ود الضو]

[QUOTE=ود سعدابى;637403][CENTER][SIZE=5][COLOR=blue]
بجيك بى مهلة

ياااخ

بوست نديااان وملااان ريد

------------------------
حباب ود سعدابي
راجي جيتك بي مهلة آآآآالحبيب
تعال انبش ذكريات تلك الازمان الخصيبه
دمت بخير ..

[ود الضو]

أيام لها طعم الحنين الى الحنين ، شفيفة لحد الشوق الى كل خلجاتها ولحظاتها ، من الطابور الصباحى والحساب الاملائى وفسحة الفطور وحصة إيجاد الكنز وحلاوة ريا وكريكاب ، والمنافسات الرياضية بقميص القشاشة ، قميص بلدى (رياضى) وله خطوط ملونة حسب لون الفريق ، الآزرق ، الأحمر ، الأصفر ، الأخضر ، منافسات حتى فى حصص تلحين الأناشيد ، ليتها تعود ويعود ذلك الألق لنعيد كتابته من جديد وبحروف مختلفة وشوق مختلف وفكر أيضا مختلف.

------------------
ابو وضاح
انه الحنين ياصاحب
الحنين الي ( صديقنا منقو )
وفي القولد إلتقيت بالصديق ,,
الحنين الي رحلة الي ام بارونه ,, آآآه ياخ من تلك الـ أم بارونه
الحنين الي ( بوك ون وبوك تو وووووووو ؟؟ )
حنين الي حاجات كتيره ..
لك التحيه يا ابا وضاح ..

[ود الضو]

[QUOTE=محمد الجزولى;637444][SIZE="5"][COLOR="blue"]وآآآآآآه يا ود الضو يا قمر
ولما كنت صغير بلعب في التراب
وماما لبستني ......

----------------------
محمد الجزولي
وما من موقع للجمال إلاّ وانت تتوسطه
بالله أضغط علي الآآآآهـ دي ( بشويش ) علّها ترتق جرحاً
نازف حنين ,,
ايام ليها ايقاعات طاااعمه يامحمد
من الروضه , الابتدائي , المتوسطه
وقتها كنّا مُصابين بالحياة ياخ ..
عاطر التحايا ياخ ..

[ود الضو]

وأنا أيضاً أستوقـفتني محطة الكلمات هذه كثيراً
أخي ود الضو متابع ما تكتبه بكل ألق وجمال حروف

-------
ابو مازن
يسعد المساءات جميعها
كثيرة هي المحطات التي تستوقفنا
يا ابا مازن فمنها الذي يسكننا رغم طول السنين
ومنها من يمكث وقت يشاء ويذهب لحال سبيله
ولكن محطات تلك الازمان منحوته جوّانا
اقعد عافيه ..

[ود الضو]

[QUOTE=ريمون;637471][B][SIZE="5"][COLOR="indigo"]البوست ده مالو مليان عجائز كده ..
هسه نقوم ننداح يختونا حبوبات ..
----------------
حباب ( حبوبه ) ريمون
اقصد أختنا ريمون
هؤلاء العجائز أحسب انهم قد نهلوا مليّاً
من فيض تلك الايام ( المليانه بي كل جميل )
لو كانت هناك خيارات لاستبدال
الازمنه لأخترتها تلك السنون الخصيبه
لك التحية ياريمون ..

[آلاء عبد الرحمن]

يحليل ايام زمان

كتابات جميلة لي زمن جميل

[ابوالنور]

حصلتو مرحلة الكنز ولا لسع يا ود الضو اخوي

[ود الضو]

يحليل ايام زمان

كتابات جميلة لي زمن جميل

-------
اهلا حباب آلاء
تلك الازمان الجميله حنينها بـ تاااور سيدو يا آلاء
ولانملك غير ان نبكيها حرفاً ..
دمتِ بخير ..

[ود الضو]

حصلتو مرحلة الكنز ولا لسع يا ود الضو اخوي

------------
ههههه
ابو النور كيفنك ياخ ؟
وجدنا الكنز وجدناهـ ,,,
ياخ الايام ديك كانت طاااعمه شديد يعلم الله ..
كوم تحايا ..