النتائج 1 إلى 25 من 164

الموضوع: رمضان مع بحيرى الثقيل ....

أدوات الموضوع
- مشاهدة صفحة طباعة الموضوع


	13-08-2011 01:12 PM #1 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 رمضان مع بحيرى الثقيل .... عدنا والعود احمد ..... احمد عمر مودى .... هى يكا ..... وكل سنه وانتو طيبين .... هيا بحيرى ..... والله انا قايلك مسكوك مع شياطين رمضان .... اهلاً يا ثقيل ..... كدى النسلم على الناس ديل فى الاول ..... هو انت كنت وين يا بحيرى .....؟!! الله اكبر .... كيف يعنى كنت وين ... كنت صائم طبعاً ..... وهسه يعنى فطرت ولا شنو ....؟ طبعاً .... اصلو نحن العيد جانا .... اصلو نحن فى مناطق شده .... علشان كده رمضان عندنا نص شهر ..... فهت يا ثقيل ....!! لا ابداً اطرشنى بى رمضان نص شهر .... ده الا عندك انت .... اللهم طولك يا روح ..... ياخى مش رمضان ده برعاية mtn .....!!! ومش دعايتهم بتقول من 6 الى 6 ..... طيب ... من 6 صحيت من نومى ..... لــ 6 سعيد بيومى ... لا كان كده فهمت ..... !!!. بالله كيف الناس ديل كلهم .... والله واحشنى موت ..... اسكت النقول ليك شمارهم واحد واحد ...... اها يا ثقيل .... قول ... اولاً شيخ باكورت ..... مالو الشيخ كمان ... قالوا الايام دى ما بجى المنتدى علشان الوحى نازل عليه .... هاهاهاهاها .... لا ياخى ما تظلم الراجل .... الزول ده حكومتو سافرت وخلت ليهو العيال بث ... اصلو بعيد عنك هى الكفيله .... وعامله ليهو اضافه فى الجواز ..... اها واحمد عمر .... وين الزول ده ما شايفو .... اسكت ساااااى .... زولك آخر مره شفناهو كان شايل ليهو جلاى وصابون غسيل ..... قال عندو حلل بايتات .... اخوى الكلس ..... عشاء البايتات .... بقى بدل اعشيهن ..... بغسلهن ....!!! هاهاهاهاها .... والله انت ثقيل جد جد .... هسه فضحت الراجل ..... !!! هو براهو فاضح نفسو ...... ما بنستر كلو كلو .... كدى النشوفو بعد العيد بعمل شنو .... والله يا ثقيل .... العيد سمح خلاص .... تقوم من الصباح تخت ليك سفه ..... يخسى عليك يا بحيرى .... انت بتسف ..... وكمان بسجر ..... انت مالك ومالى .... ده شنو ده الثقيل ده .... هسه ناس علونى ديل ما بسفو .... بث فلاحتك فينى انا بث ..... ناس علونى ديل فى رمضان بفطروا علشان اسفوا بث .... مرات بسفوا قبال الفطور .....هسه علونى ذنبو شنو ....؟ اسكت ....!!!! ما حكيت ليك بمناسبة الفطوردى .... مره معزومين فطور عند ناس ... طلعوا مدينين شديد ..... النوع البفطروا بى بلحه وبعد داك بقوموا اصلوا حتين ارجعوا للفطور .... اها .... قمنا جينا وقعدنا فى السباته ... طبعاً هم بفطروا بره .... قلت لى صاحبى اعزل لينا صينيه مدنكله .... اصلوا الجوعه حاصله ..... اها لقينا ليك صينيه فيها جداده ..... جكن بالانجليزى .... قفلنا عليها طوالى .... المغرب اذن الجماعه كل زول شال ليهو بلحه وقمنا وقفنا للصلاة .... التقول فى الحرم المكى ..... بالله قرأ لينا جزء كامل .... اها فى اثنا الصلاة جات ليك كديسه خاشه .... ومشت ليك عديل للجداده ... تقول موصنها ..... بالله جهجهت ليك الناس دى جنس جهجه .... خلتهم ليك كلهم اتنحنحوا .... التقول واقفين ليهم فى ضربه ثابته مباشره .... والامام فى كل سوره اقول بسم الله الرحمن الرحيم .... التقول بنصلى فى كوشه .... الا فى واحد كده اخو اخوان .... قطع صلاتو .... ومشى ليك على الكديسه دى فك ليك صيامو كلو فيها .... لكن اريتو لو خلاها .... الجماعه ما صيعونا وقعدوا فيها .... خلوا لينا اللقمه والبليله ..... تستاهلوا .... اسكت يا ثقيل .... لكن والله يا بحيرى مشتاقين ..... وكتر خير عم محجوب قال طوالى بسأل عنك بالتلفون ... اى والله عم محجوب ما قصر ..... الوحيد البسأل منى .... مش ذى ناس كده .... فى شنو يا بحيرى .... يعنى ما عارف انت .... مايسه قالت فينى شنو .....!! ابداً والله .... قالت شنو ...؟ قالت انا ما بعرف حاجه غير الشيه اعملها فى المطبخ ..... والله انا البعرفو خالك عاطف عولى ما بعرفو ..... هسه الدخل عاطف هنا شنو .... ياخى ديل مره اكلت عندهم كوارع مقاس 44 رجالى ..... لى هسه ما فارز كرعينى من بطنى ..... قالوا بعملها ود سمير ..... علشان كده ... هو ودسمير طماطم بالجبنه ما بعرف اسويها ..... مره قلنا ليهو افتح لينا علبة تونا .... عمل لينا بيض مسلوق ..... هسه عليك الله علاقة السمك بالبيض شنو ..... والله دى المسافر ما اعملها .... هيا بحيرى المسافر ذاتو ما غايب ..... لا المسافر ده زعلان منى .... عمل ليهو بوست سلام الله سااااى ما ادانى ليهو ..... لكن انا قاعد اسأل منو .... حتى آخر مره لقيتو تمام وصلعتو لسه محافظه ما وصلت ضهرو .... لكن لمن اجى اتوضاء بقسل وشو من نص راسو ..... ياخى ده بحلق راسو بـ 3 جنيه وبحلق دقنو بـ 6 جنيه ..... عليك الله الصلعه دى ما اقتصاديه .....!!! هو يا كافى البلا .... النفاج ده مشرفنو الاتنين مواسير .... التقول جابوهم بى واسطه ..... لا يا ثقيل .... ام رقبه دى جابوها تركيب ..... ومعاها كتلوج كمان .... يعنى مستورده ..... !!! لا ابداً ميد ان هنا ..... وساكنه جمب البحر .... اصلوا جدها الاول صينى جاء البلد دى علشان اعمل كبرى حنتوب ... هى لكن يا بحيرى فى صينى رقبتو طويله كده .... !!!! ربنا وحكمتو .... كمان عندك اعتراض .... لكن يا ثقيل ... داير اسألك من ناس البوست داك .... البوست ياخى بتاع النواعم ما فكوهو لسه ... لا ابداً .... كمان اليومين ديل مركبين ليهم مكنة شيف .... وهاك يا وصفات .... دى بت ام درمان طبعاً .... اصلوا البت دى ما ناويه تجيبها البر ....كان ما ودت ليها زول الحوادث اصلو ما بترتاح .... قالت : (بس يا ميسو في سامبوسة بدقيق البر لكن كيف تتشوي؟ وممكن تتعمل في الفرن يعني؟ اذا بقت عجينتها جاهزة؟ اما بتاعت البيت ممكن تتعمل في الفرن عادي) هسه عليك الله فى اكله اسمها سامبوسه بدقيق البر بتتشوى ....؟ تجيب فى المحن .... والغريبه الاء مصدقاها ..... والله انا خايف على الاء دى .... البت مسكينه وقادمها مستقبل ... تقعد تبارى ام سامبوسه دى لمان تقطس حجرها ..... وهمسات ما تقبل بيها فى عيادتها ... هيا بحيرى .... همسات ما رجعت تانى .... البت دى جنها تتزاوق ذى العندها تسميع ... لكن سمعنا شمار ... قالوا فاطره تحمد سيدها .... اصلو عندها جلسات بتقضى فيهن .... من زمن عم محجوب كان بدافع ليها .. بمناسبة عم محجوب .... وين نزار الصغير ... وصورتو الما خايف عليها ... نزار قالو خشى ليهو كورس بتاع عربى فى نجيريا .... بقى بقول .... السلامو عليكمو ... اصلو علامة الضمه لسه ما وصلت غرب افريقيا .... ربنا اشفيهو ... عليك النبى يا الثقيل .... هو انت اسمك منو .... ياخى عذبتنا ذاتو ... عليك النبى وين الملكه .... الملكه الايام دى عندها ابو الشهيق .... تكتب سطر وتفط صفحه .... كملت لناس المنتدى ديل ورقهم .... ومدنيه ساكته على الموضوع ده .... هى مدنيه دى بقت تمشى بالساهله بث .... يعنى كان عزمتها تسالى بتمشى ليك امورك ..... غريبه خلت عزومت الفنادق والابراج وادم شيه .... ياخى قلت ليك عزومة مراكبيه بترضيها بقت ... سبحان الله .... رمضان ده غير الناس .... الغريبه كمان مرام خلت العاده دى .... ياخى مرام دى علشان تعمل ليها اقتباس .... الا تجيب ليك مهندس مساحه .... حكايه صعبه خلاص ..... بمناسبة المساحه .... كيف الاخ ريمون .... يا زول ... الاخ ريمون الايام دى مستلم ليك الشغل الاجتماعى كلو .... شى زيارات وشى افطارات ... لامين ليك فى مزانية المنتدى لهف شديد .... رقشات سااااااااااااى ... قطسو حجرنا .... الرقشات دى بتذكرنى ابو النور طوالى .... ما عارف الحاصل شنو ... ابو النور من ما جاب الخواجيه .... مشاركاتو كلها بقت بالانقليزى ... يعنى كان داير تقرا ليهو مشاركه الا تجيب معاك دقشنرى ... علم والله .... هاهاهاها .... والله انت ثقيل جد جد ... والله الناس ديل لو لمو فيك .... الا اخلو ريحتك طير طير ... دحين يا اخوى الكلام ده ادفنو قبلو هنا .... ما اجى بكره القاك عملت بيهو بوست .... الكلام ده الجماعه لو سمعوه الا تطير ... وسيرتى اوعه تجيبها .... فاهم يا ثقيل ... عامل راسك الذى صحن الحقن ده ....!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	13-08-2011 01:27 PM #2 ريمون الملف الشخصي مشاهدة المشاركات اللجنة الاستشارية Array تاريخ التسجيل Jul 2009 الدولة الدرجة الأولي المشاركات 3,426 بسم الله !!! العيد شكلو جا فعلا عندكم .. هسه بتلموا عليك وبوروك ليه اسعار العربات كيف الايام دي بالله ؟؟ رد مع اقتباس


	13-08-2011 01:40 PM #3 ابوالنور الملف الشخصي مشاهدة المشاركات مشرف منتدي النفاج Array تاريخ التسجيل Sep 2006 الدولة مدني المشاركات 6,658 رمضان كريم يا ثقيل يا ربي انا وين sun shine رد مع اقتباس


	13-08-2011 08:33 PM #4 أحمد عمر ( MOODY ) الملف الشخصي مشاهدة المشاركات مشرف المنتدي العام Array تاريخ التسجيل May 2009 الدولة أبوظبي المشاركات 3,309 أها يا ثقيل .. ما قلت لي الضامنك منو ...؟ لم نولد شياطيناً .. ولا سنموت ملائكة نحن بشر و كلنا يخطئ .. وخير الخطّائين التوّابون سبحانك اللهم وبحمدك .. أشهد أن لا إله إلاّ أنت أستغفرك وأتوب إليك رد مع اقتباس


	13-08-2011 10:58 PM #5 ودسمير الملف الشخصي مشاهدة المشاركات عضو فضي Array تاريخ التسجيل Dec 2009 الدولة ودمدنى - المدنيين ( البيان ) المشاركات 2,205 المشاركة الأصلية كتبت بواسطة بحيرى عدنا والعود احمد ..... احمد عمر مودى .... هى يكا ..... وكل سنه وانتو طيبين .... هيا بحيرى ..... والله انا قايلك مسكوك مع شياطين رمضان .... اهلاً يا ثقيل ..... كدى النسلم على الناس ديل فى الاول ..... هو انت كنت وين يا بحيرى .....؟!! الله اكبر .... كيف يعنى كنت وين ... كنت صائم طبعاً ..... وهسه يعنى فطرت ولا شنو ....؟ طبعاً .... اصلو نحن العيد جانا .... اصلو نحن فى مناطق شده .... علشان كده رمضان عندنا نص شهر ..... فهت يا ثقيل ....!! لا ابداً اطرشنى بى رمضان نص شهر .... ده الا عندك انت .... اللهم طولك يا روح ..... ياخى مش رمضان ده برعاية mtn .....!!! ومش دعايتهم بتقول من 6 الى 6 ..... طيب ... من 6 صحيت من نومى ..... لــ 6 سعيد بيومى ... لا كان كده فهمت ..... !!!. بالله كيف الناس ديل كلهم .... والله واحشنى موت ..... اسكت النقول ليك شمارهم واحد واحد ...... اها يا ثقيل .... قول ... اولاً شيخ باكورت ..... مالو الشيخ كمان ... قالوا الايام دى ما بجى المنتدى علشان الوحى نازل عليه .... هاهاهاهاها .... لا ياخى ما تظلم الراجل .... الزول ده حكومتو سافرت وخلت ليهو العيال بث ... اصلو بعيد عنك هى الكفيله .... وعامله ليهو اضافه فى الجواز ..... اها واحمد عمر .... وين الزول ده ما شايفو .... اسكت ساااااى .... زولك آخر مره شفناهو كان شايل ليهو جلاى وصابون غسيل ..... قال عندو حلل بايتات .... اخوى الكلس ..... عشاء البايتات .... بقى بدل اعشيهن ..... بغسلهن ....!!! هاهاهاهاها .... والله انت ثقيل جد جد .... هسه فضحت الراجل ..... !!! هو براهو فاضح نفسو ...... ما بنستر كلو كلو .... كدى النشوفو بعد العيد بعمل شنو .... والله يا ثقيل .... العيد سمح خلاص .... تقوم من الصباح تخت ليك سفه ..... يخسى عليك يا بحيرى .... انت بتسف ..... وكمان بسجر ..... انت مالك ومالى .... ده شنو ده الثقيل ده .... هسه ناس علونى ديل ما بسفو .... بث فلاحتك فينى انا بث ..... ناس علونى ديل فى رمضان بفطروا علشان اسفوا بث .... مرات بسفوا قبال الفطور .....هسه علونى ذنبو شنو ....؟ اسكت ....!!!! ما حكيت ليك بمناسبة الفطوردى .... مره معزومين فطور عند ناس ... طلعوا مدينين شديد ..... النوع البفطروا بى بلحه وبعد داك بقوموا اصلوا حتين ارجعوا للفطور .... اها .... قمنا جينا وقعدنا فى السباته ... طبعاً هم بفطروا بره .... قلت لى صاحبى اعزل لينا صينيه مدنكله .... اصلوا الجوعه حاصله ..... اها لقينا ليك صينيه فيها جداده ..... جكن بالانجليزى .... قفلنا عليها طوالى .... المغرب اذن الجماعه كل زول شال ليهو بلحه وقمنا وقفنا للصلاة .... التقول فى الحرم المكى ..... بالله قرأ لينا جزء كامل .... اها فى اثنا الصلاة جات ليك كديسه خاشه .... ومشت ليك عديل للجداده ... تقول موصنها ..... بالله جهجهت ليك الناس دى جنس جهجه .... خلتهم ليك كلهم اتنحنحوا .... التقول واقفين ليهم فى ضربه ثابته مباشره .... والامام فى كل سوره اقول بسم الله الرحمن الرحيم .... التقول بنصلى فى كوشه .... الا فى واحد كده اخو اخوان .... قطع صلاتو .... ومشى ليك على الكديسه دى فك ليك صيامو كلو فيها .... لكن اريتو لو خلاها .... الجماعه ما صيعونا وقعدوا فيها .... خلوا لينا اللقمه والبليله ..... تستاهلوا .... اسكت يا ثقيل .... لكن والله يا بحيرى مشتاقين ..... وكتر خير عم محجوب قال طوالى بسأل عنك بالتلفون ... اى والله عم محجوب ما قصر ..... الوحيد البسأل منى .... مش ذى ناس كده .... فى شنو يا بحيرى .... يعنى ما عارف انت .... مايسه قالت فينى شنو .....!! ابداً والله .... قالت شنو ...؟ قالت انا ما بعرف حاجه غير الشيه اعملها فى المطبخ ..... والله انا البعرفو خالك عاطف عولى ما بعرفو ..... هسه الدخل عاطف هنا شنو .... ياخى ديل مره اكلت عندهم كوارع مقاس 44 رجالى ..... لى هسه ما فارز كرعينى من بطنى ..... قالوا بعملها ود سمير ..... علشان كده ... هو ودسمير طماطم بالجبنه ما بعرف اسويها ..... مره قلنا ليهو افتح لينا علبة تونا .... عمل لينا بيض مسلوق ..... هسه عليك الله علاقة السمك بالبيض شنو ..... والله دى المسافر ما اعملها .... هيا بحيرى المسافر ذاتو ما غايب ..... لا المسافر ده زعلان منى .... عمل ليهو بوست سلام الله سااااى ما ادانى ليهو ..... لكن انا قاعد اسأل منو .... حتى آخر مره لقيتو تمام وصلعتو لسه محافظه ما وصلت ضهرو .... لكن لمن اجى اتوضاء بقسل وشو من نص راسو ..... ياخى ده بحلق راسو بـ 3 جنيه وبحلق دقنو بـ 6 جنيه ..... عليك الله الصلعه دى ما اقتصاديه .....!!! هو يا كافى البلا .... النفاج ده مشرفنو الاتنين مواسير .... التقول جابوهم بى واسطه ..... لا يا ثقيل .... ام رقبه دى جابوها تركيب ..... ومعاها كتلوج كمان .... يعنى مستورده ..... !!! لا ابداً ميد ان هنا ..... وساكنه جمب البحر .... اصلوا جدها الاول صينى جاء البلد دى علشان اعمل كبرى حنتوب ... هى لكن يا بحيرى فى صينى رقبتو طويله كده .... !!!! ربنا وحكمتو .... كمان عندك اعتراض .... لكن يا ثقيل ... داير اسألك من ناس البوست داك .... البوست ياخى بتاع النواعم ما فكوهو لسه ... لا ابداً .... كمان اليومين ديل مركبين ليهم مكنة شيف .... وهاك يا وصفات .... دى بت ام درمان طبعاً .... اصلوا البت دى ما ناويه تجيبها البر ....كان ما ودت ليها زول الحوادث اصلو ما بترتاح .... قالت : (بس يا ميسو في سامبوسة بدقيق البر لكن كيف تتشوي؟ وممكن تتعمل في الفرن يعني؟ اذا بقت عجينتها جاهزة؟ اما بتاعت البيت ممكن تتعمل في الفرن عادي) هسه عليك الله فى اكله اسمها سامبوسه بدقيق البر بتتشوى ....؟ تجيب فى المحن .... والغريبه الاء مصدقاها ..... والله انا خايف على الاء دى .... البت مسكينه وقادمها مستقبل ... تقعد تبارى ام سامبوسه دى لمان تقطس حجرها ..... وهمسات ما تقبل بيها فى عيادتها ... هيا بحيرى .... همسات ما رجعت تانى .... البت دى جنها تتزاوق ذى العندها تسميع ... لكن سمعنا شمار ... قالوا فاطره تحمد سيدها .... اصلو عندها جلسات بتقضى فيهن .... من زمن عم محجوب كان بدافع ليها .. بمناسبة عم محجوب .... وين نزار الصغير ... وصورتو الما خايف عليها ... نزار قالو خشى ليهو كورس بتاع عربى فى نجيريا .... بقى بقول .... السلامو عليكمو ... اصلو علامة الضمه لسه ما وصلت غرب افريقيا .... ربنا اشفيهو ... عليك النبى يا الثقيل .... هو انت اسمك منو .... ياخى عذبتنا ذاتو ... عليك النبى وين الملكه .... الملكه الايام دى عندها ابو الشهيق .... تكتب سطر وتفط صفحه .... كملت لناس المنتدى ديل ورقهم .... ومدنيه ساكته على الموضوع ده .... هى مدنيه دى بقت تمشى بالساهله بث .... يعنى كان عزمتها تسالى بتمشى ليك امورك ..... غريبه خلت عزومت الفنادق والابراج وادم شيه .... ياخى قلت ليك عزومة مراكبيه بترضيها بقت ... سبحان الله .... رمضان ده غير الناس .... الغريبه كمان مرام خلت العاده دى .... ياخى مرام دى علشان تعمل ليها اقتباس .... الا تجيب ليك مهندس مساحه .... حكايه صعبه خلاص ..... بمناسبة المساحه .... كيف الاخ ريمون .... يا زول ... الاخ ريمون الايام دى مستلم ليك الشغل الاجتماعى كلو .... شى زيارات وشى افطارات ... لامين ليك فى مزانية المنتدى لهف شديد .... رقشات سااااااااااااى ... قطسو حجرنا .... الرقشات دى بتذكرنى ابو النور طوالى .... ما عارف الحاصل شنو ... ابو النور من ما جاب الخواجيه .... مشاركاتو كلها بقت بالانقليزى ... يعنى كان داير تقرا ليهو مشاركه الا تجيب معاك دقشنرى ... علم والله .... هاهاهاها .... والله انت ثقيل جد جد ... والله الناس ديل لو لمو فيك .... الا اخلو ريحتك طير طير ... دحين يا اخوى الكلام ده ادفنو قبلو هنا .... ما اجى بكره القاك عملت بيهو بوست .... الكلام ده الجماعه لو سمعوه الا تطير ... وسيرتى اوعه تجيبها .... فاهم يا ثقيل ... عامل راسك الذى صحن الحقن ده ....!!! يا بحيرى ... يوم الرجال داك انشاء الله تركز ! وما تكب الزوغه خليك مركز انو ودسمير ... لحمو مر ... ووقت اللزوم بعرف تمام الضر شخييييييييييييييييييييييييييييييييييييت وخلييييييييييييييييييييييييك بعيييييييييييييييييييييييييييييييييد بحسب فى ثوانى الليل شان الصباح القاك ما انت عارف انو محال يوم اطولو سماك رد مع اقتباس


	13-08-2011 11:23 PM #6 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة ريمون بسم الله !!! العيد شكلو جا فعلا عندكم .. هسه بتلموا عليك وبوروك ليه اسعار العربات كيف الايام دي بالله ؟؟ العيد ياتو .... هسه عليك الله ده شكل زول معيد ..... هو ذاتو السنه دى العيد الله تعلم .... وبعدين العربات دى جبتيها من وين ..... انتى قايلانى مغترب ولا شنو ....؟ انا بالكتير تسألينى من عجله ....!!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	13-08-2011 11:26 PM #7 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة ابوالنور رمضان كريم يا ثقيل الله اكرم يا اثقل ..... انا قايل روحى ثقيل براى .... لكن لقيت ابو النور اثقل منى .... ثقيل ولاقى ثقيل ....!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	13-08-2011 11:36 PM #8 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة أحمد عمر ( MOODY ) أها يا ثقيل .. ما قلت لي الضامنك منو ...؟ اكيد واحد ثقيل ذيك ..... وبعدين ... البقبضو فينا منو ... انا ولا انت ....! والله سبحان الله .... قالوا ابو سن بضحك على ابو ضرس ...!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	13-08-2011 11:45 PM #9 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة ودسمير يا بحيرى ... يوم الرجال داك انشاء الله تركز ! وما تكب الزوغه خليك مركز انو ودسمير ... لحمو مر ... ووقت اللزوم بعرف تمام الضر شخييييييييييييييييييييييييييييييييييييت وخلييييييييييييييييييييييييك بعيييييييييييييييييييييييييييييييييد هيا .... عييييييييييييييييييييييك .... ده قلبها حرب بوش البيت عديييييييييييييييييييييييييييييييييييييييييييل ....!!! انت قول الصيام غالبك بث .... وداير تفطر سااااى .. دحين يا اخوى ما تسوينى سبب .... انا عارف جرستك كويس ... من ما جبيت سيرت اللحم .... عرفتك جعان ...!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	13-08-2011 11:47 PM #10 أحمد عمر ( MOODY ) الملف الشخصي مشاهدة المشاركات مشرف المنتدي العام Array تاريخ التسجيل May 2009 الدولة أبوظبي المشاركات 3,309 المشاركة الأصلية كتبت بواسطة بحيرى العيد ياتو .... هسه عليك الله ده شكل زول معيد ..... هو ذاتو السنه دى العيد الله تعلم .... وبعدين العربات دى جبتيها من وين ..... انتى قايلانى مغترب ولا شنو ....؟ انا بالكتير تسألينى من عجله ....!!!! شنو يعني ؟؟ .. عشان وقعة و بنطلون إنشرط تنسى المواتر أقول ليك كلام .. خليك مع العجلة أصلو ركوب العجلة .. ما بتنسي بس أعمل حسابك العجلة من الشيطان .. ما من العجلاتي لم نولد شياطيناً .. ولا سنموت ملائكة نحن بشر و كلنا يخطئ .. وخير الخطّائين التوّابون سبحانك اللهم وبحمدك .. أشهد أن لا إله إلاّ أنت أستغفرك وأتوب إليك رد مع اقتباس


	13-08-2011 11:53 PM #11 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 ب ح ي ر ي رمضان كريم تصوم وتفطر علي خير سعال كدي علي الماشي زعل يجيب الطاشي انت كنت غاتس ويييييييييييييييين؟ قالوا طلعت قبل رمضان بي يوم قلت ماشي تخم الرماد ومن تحت الرماد ما قمت الا امبارح الجو تحت الرماد كيف؟ وحالة الثقالة دي أصلك كدي ولا صحيت من النوم لقيت نفسك كدي؟ لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	14-08-2011 12:18 AM #12 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة أحمد عمر ( MOODY ) شنو يعني ؟؟ .. عشان وقعة و بنطلون إنشرط تنسى المواتر أقول ليك كلام .. خليك مع العجلة أصلو ركوب العجلة .. ما بتنسي بس أعمل حسابك العجلة من الشيطان .. ما من العجلاتي اللهم انى صائم ..... انا بديت اشك انك صايم .... هسه عليك الله دى سخانة مواتر .... اها الشياطين الايام دى مافيشين .... انت الكلام ده بتجيبو من وين ....؟!! ولمعلوميتك ... العجله من اليابان وليس الشيطان ... انت ثقيل ولا شنو .... قطعت نفسنا بالعجلات دى ... الله لا جاب عقابك ياخ ...!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 12:24 AM #13 آلاء عبد الرحمن الملف الشخصي مشاهدة المشاركات مشرف جمعيه منتديات ود مدنى للاعمال الثقافية والانسانية Array تاريخ التسجيل Dec 2010 الدولة الزمالك المشاركات 5,650 همه بيظهرو امته ^_^ سبحان الله وبحمده سبحان الله العظيم http://wadmadani.com/vb/showthread.php?28735- الاتحاد-القومي-للمعوقين-حركياً-–-ولاية-الجزيرة-–-محلية-ود-مدني رد مع اقتباس


	14-08-2011 12:29 AM #14 أحمد عمر ( MOODY ) الملف الشخصي مشاهدة المشاركات مشرف المنتدي العام Array تاريخ التسجيل May 2009 الدولة أبوظبي المشاركات 3,309 المشاركة الأصلية كتبت بواسطة آلاء عبد الرحمن همه بيظهرو امته ^_^ ناس بحيري !!! مفروض .. يوم الوقفة بعد آذان المغرب لم نولد شياطيناً .. ولا سنموت ملائكة نحن بشر و كلنا يخطئ .. وخير الخطّائين التوّابون سبحانك اللهم وبحمدك .. أشهد أن لا إله إلاّ أنت أستغفرك وأتوب إليك رد مع اقتباس


	14-08-2011 12:35 AM #15 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة عاطف عولي ب ح ي ر ي رمضان كريم تصوم وتفطر علي خير شكلك واقف ليك جمب تلاجه .... بتقطع فى الكلام من البرد .... انت كان غالبك ما تخلىهو ....!!! سعال كدي علي الماشي فى السخانه دى ...!!! زعل يجيب الطاشي حولينا وما علينا ....!!! انت كنت غاتس ويييييييييييييييين؟ والله كنت صايم ....!!! انتو ما بصدقونى ليه ....!!! قالوا طلعت قبل رمضان بي يوم قلت ماشي تخم الرماد ومن تحت الرماد ما قمت الا امبارح انت من زمن خم الرماد ....!! اسأل مودى عن الكلام ده ...!! الجو تحت الرماد كيف؟ الجو اغبااااااااااااش .... طشاش طشاش .... وحالة الثقالة دي أصلك كدي ولا صحيت من النوم لقيت نفسك كدي؟ و والله كنت هدى ورضى .... من ما جيت النفاج ده .... بقيت ثقيل لدرجه .... انا ذاتى بضايق من كتاباتى .... يعنى بجيب لى حاجات كده بتحرق الزول من جوه .... واكره اليوم الجابو النفاج ... يعنى ثقاله فايته الحد ... والغريبه الناس دى كلها ثقيله ... بث فايتانى بالصبر .... هسه كان ما الصبر ده .... دى ايام خم رماد ليك ....!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 12:50 AM #16 آلاء عبد الرحمن الملف الشخصي مشاهدة المشاركات مشرف جمعيه منتديات ود مدنى للاعمال الثقافية والانسانية Array تاريخ التسجيل Dec 2010 الدولة الزمالك المشاركات 5,650 المشاركة الأصلية كتبت بواسطة أحمد عمر ( MOODY ) ناس بحيري !!! مفروض .. يوم الوقفة بعد آذان المغرب هههههههه بحيري رمضان كريم وتصوم وتفطر علي خير وحمد الله علي السلامة سبحان الله وبحمده سبحان الله العظيم http://wadmadani.com/vb/showthread.php?28735- الاتحاد-القومي-للمعوقين-حركياً-–-ولاية-الجزيرة-–-محلية-ود-مدني رد مع اقتباس


	14-08-2011 01:17 AM #17 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة آلاء عبد الرحمن همه بيظهرو امته ^_^ الله اعلم .... لكن ذى المواعيد الظهرتى فيها انتى .... ولا الاخت ما معانا ....!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 01:25 AM #18 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة أحمد عمر ( MOODY ) ناس بحيري !!! مفروض .. يوم الوقفة بعد آذان المغرب خبير فى المواعيد !!! تعجبنى والله .... اهم مواعيد فى حياتك .... انساك ... انت انت بتتنسى ... ما انت روحنا ودمنا ....!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 01:36 AM #19 آلاء عبد الرحمن الملف الشخصي مشاهدة المشاركات مشرف جمعيه منتديات ود مدنى للاعمال الثقافية والانسانية Array تاريخ التسجيل Dec 2010 الدولة الزمالك المشاركات 5,650 المشاركة الأصلية كتبت بواسطة بحيرى الله اعلم .... لكن ذى المواعيد الظهرتى فيها انتى .... ولا الاخت ما معانا ....!!! انا مع منو كدي استهدي بالله كمان جابت ليها هلاويس بالنهار سبحان الله وبحمده سبحان الله العظيم http://wadmadani.com/vb/showthread.php?28735- الاتحاد-القومي-للمعوقين-حركياً-–-ولاية-الجزيرة-–-محلية-ود-مدني رد مع اقتباس


	14-08-2011 01:47 AM #20 الملكة اسماء ( ام محمد ) الملف الشخصي مشاهدة المشاركات عضو ماسي Array تاريخ التسجيل May 2009 الدولة مُدن الحروف المشاركات 9,731 المشاركة الأصلية كتبت بواسطة بحيرى عليك النبى وين الملكه .... الملكه الايام دى عندها ابو الشهيق .... تكتب سطر وتفط صفحه .... كملت لناس المنتدى ديل ورقهم .... هههههههههههه غايتو ما بسالك شفت انا ماعندي ( وسطية ) اطلاقا يا اما اكتب لمن تزهجوا مني يا اما اكتب كتابة ابو الشهيق زي ماقلتوا حبة حبة بتلاقوني بقيت بجي اتاوق ساي همسة : تصوم وتفطر على خير ياراقي بسمة : عجبتني حكاية الكديسة هيهيهيهيههي ما عجبني ليك لكن رد مع اقتباس


	14-08-2011 02:50 AM #21 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 المشاركة الأصلية كتبت بواسطة الملكة أسماء (ام محمد) حبة حبة بتلاقوني بقيت بجي اتاوق ساي عارفيييييييييييييييييييييييييييييييييين ويمكن المتاووووووووووووووووووووووووقة ذاااااااااااااتا فييييييييي تلتلاااااااااااااااااااااااااااااااااااا شفتي كيييييييييييييييييييييييييف؟ لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	14-08-2011 02:53 AM #22 عاطف عولي الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل May 2009 الدولة مدني مارنجان حلة حسن محطة الصهريج جوار نادي حلة حسن المشاركات 5,744 المشاركة الأصلية كتبت بواسطة الملكة أسماء (ام محمد) هيهيهيهيههي أنتو أصلوا أبو الشهيق كدي؟ ولا دا حق الملكة براها؟ عمري ما شفت زول بيشهق ولا شهقت؟ ولا شهقوني!!!!!!!!!! لا تقرأ وترحل ساهم برد أو موضوع وتذكر جهد غيرك في كتابة المواضيع ومساعدة الأخرين [IMG] رد مع اقتباس


	14-08-2011 03:31 AM #23 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة آلاء عبد الرحمن انا مع منو كدي استهدي بالله كمان جابت ليها هلاويس بالنهار الويه ... مافى داعى تقولى مافى ...!!! اصلو انا عندى اللسته السوداء كلها .... ومافى داعى نطلع الناس الممسوكين من بداية الشهر .... اسحن تخليها مستوره .... وما تسمعى لى كلام مودى .... انتى ود اهلك مش حزرك منو .... وطيب ...!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 03:36 AM #24 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة الملكة أسماء (ام محمد) هههههههههههه غايتو ما بسالك اكتر من كده كيف ....!!! شفت انا ماعندي ( وسطية ) اطلاقا شفيق يا راجل ....!!! يا اما اكتب لمن تزهجوا مني يا اما اكتب كتابة ابو الشهيق زي ماقلتوا ما اظن نزهج منك ..... بث انتى ما تبقى بخيله ....!!! حبة حبة بتلاقوني بقيت بجي اتاوق ساي انشاء اليوم ده ما اجى .... ودائماً معانا .... همسة : تصوم وتفطر على خير ياراقي تصدقى اول مره زول اقول لى يا راقى ....!!! بسمة : عجبتني حكاية الكديسة هيهيهيهيههي ما عجبني ليك لكن لكن لقيتك حاقده حقد ناتج عن طفوله مشرده .... ليه قدر ده .... مستخسره الجداده فينى ....!!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس


	14-08-2011 03:42 AM #25 بحيرى الملف الشخصي مشاهدة المشاركات عضو فضي Array تاريخ التسجيل Oct 2009 الدولة مدني / القسم الاول المشاركات 2,498 المشاركة الأصلية كتبت بواسطة عاطف عولي عارفيييييييييييييييييييييييييييييييييين ويمكن المتاووووووووووووووووووووووووقة ذاااااااااااااتا فييييييييي تلتلاااااااااااااااااااااااااااااااااااا شفتي كيييييييييييييييييييييييييف؟ يا ساتر .... جابت ليها تقلة لسان كمان .... اللهم انى صايم .... والله انا شاكى فى علاقتك مع عم محجوب لى هسه ....!!! وبعد ده بديت اصدق ...!! وا حلات ليلاً معاك ما ردتو اصِبح .... ويا حلات صبحاً تكون انت المُصَبحِ رد مع اقتباس

الإنتقال السريع النفاج الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 10:26 AM

Powered by vBulletin® Version 4.2.5
Copyright © 2025 vBulletin Solutions, Inc. All rights reserved.
Translate By Almuhajir

ودمدني