من أول نظرة

[مصطفى هاتريك]

هل أنت إنطباعي ؟؟؟؟؟؟؟؟


في أحايين كثيرة يقول لك شخص ما عن شخص ما :

الزول ده أنا من ما شفتو ردتو ................

الزول من شكلو كده كريه و دمه تقيل ..............

هل يمكن و يجوز أن نحب و نكره لمجرد الإنطباع من أول نظرة ؟؟؟؟

مش بنظلم زول نكرهه من أول نظرة كده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

مش ممكن الزول الوجيه ال (( بتراد )) ده يكون أبيخ من خلق الله ؟؟؟؟؟؟؟؟؟؟؟؟؟

وكمان مرات الشغلة ممكن تصدق و الإنطباع الأول يكون الإنطباع الأخير

ليه بنكره من غير سبب ؟؟؟ و مرات كمان بنريد بلا سبب

ولا شنو يا جماعة ؟؟؟؟؟؟

[mahagoub]

دى انا بسميها الحاله الكديسيه
وبمر بيها كتير
وفى كثير من المرات يكون احساسى
اقصد انطباعى غير صادق
بعتزر للشخص وبقولا ليه صريحه انطباعى الاول عنك كان خطأ

[بت أم درمان]

المشكلة ياهاتريك
ما نقدر نكون حيادين
من ناحية احساسنا الانطباعي
لان في ناس بوصلو معلومة خاطئة عن انفسهم
في حالة التقائهم بي ناس لأول مرة
ودا البخلي الزول ياخد عنهم انطباع خاطئ
وفي ناس من اول مرة يدوك انطباع كويس
يعني المشكلة تكمن في الزول المأخوذ عنه الانطباع
مش في البياخد الانطباع

[مصطفى هاتريك]

دى انا بسميها الحاله الكديسيه
وبمر بيها كتير
وفى كثير من المرات يكون احساسى
اقصد انطباعى غير صادق
بعتزر للشخص وبقولا ليه صريحه انطباعى الاول عنك كان خطأ

محجوب علي الطلاق مشتاقين

رمضان كريم و كل سنة و الجميع بخير

لكن كدي قول لي الحالة الكديسية ما ضيعت عليك زول

[مصطفى هاتريك]

المشكلة ياهاتريك
ما نقدر نكون حيادين
من ناحية احساسنا الانطباعي
لان في ناس بوصلو معلومة خاطئة عن انفسهم
في حالة التقائهم بي ناس لأول مرة
ودا البخلي الزول ياخد عنهم انطباع خاطئ
وفي ناس من اول مرة يدوك انطباع كويس
يعني المشكلة تكمن في الزول المأخوذ عنه الانطباع
مش في البياخد الانطباع

مشكورة على المرور بت أم درمان

بتفق معاك .. أحيانا بيكون الزول مسئول عن الإنطباع البتركو

ولكن في كثير من الأحيان نحن نصنع هذا الإنطباع

[ودسمير]

زماااااااااان كان :

توسم الخير والجمال حتى يثبت العكس

الآن :

توقع كل ما هو سئ حتى يثبت العكس !!!

وساقيتنا لسه مدوره ...

[mohd saeed magazoub]

الإنطباع الأول هو من يدوم طويلاً

طبعاً هذا الإنطباع بيكون مبني

على خبراتك وتعاملك مع الأخرين

ملف مرفق 13528

شكراً هاتريك

وكل عام وأنت بخير

[ضياء الدين احمد]

من اول نظرة رشقتني عيونو - العين هي مفتاح العقل والروح وهي التي تترجم ماتراه الي الدماغ وقل ان تخطئ ولكن قد يكون الشخص الذي هو امامك ممتاز جدا ولكن لايحدث توافق ارواح لكن التبسم بيكسر كل القواعد ما اظن في زول الاقيك مبتسم وتكرهو ( لاقاني وبي بسمة حياني حبيبي) وكلامك حلو يا هاتريك

[مصطفى هاتريك]

زماااااااااان كان :

توسم الخير والجمال حتى يثبت العكس

الآن :

توقع كل ما هو سئ حتى يثبت العكس !!!

وساقيتنا لسه مدوره ...

ود سمير تحياتي

من قواعد التشريع أن الأصل في الأشياء الإباحه و الأصل في الإنسان البراءة

لكن زي ما قلت نحن في عصر إنقلاب الموازين

[مصطفى هاتريك]

الإنطباع الأول هو من يدوم طويلاً

طبعاً هذا الإنطباع بيكون مبني

على خبراتك وتعاملك مع الأخرين

ملف مرفق 13528

شكراً هاتريك

وكل عام وأنت بخير

محمد سعيد

رمضان كريم

يعني رأيك زي رأي الخواجات

الإ نطباع الأول هو الإنطباع الأخير

[مصطفى هاتريك]

من اول نظرة رشقتني عيونو - العين هي مفتاح العقل والروح وهي التي تترجم ماتراه الي الدماغ وقل ان تخطئ ولكن قد يكون الشخص الذي هو امامك ممتاز جدا ولكن لايحدث توافق ارواح لكن التبسم بيكسر كل القواعد ما اظن في زول الاقيك مبتسم وتكرهو ( لاقاني وبي بسمة حياني حبيبي) وكلامك حلو يا هاتريك

كل سنة و إنت طيب يا ضياء


إنت قاصد إبتسامة زي دي كدي

[الجندي المجهول]

المشكلة ياهاتريك
ما نقدر نكون حيادين
من ناحية احساسنا الانطباعي
لان في ناس بوصلو معلومة خاطئة عن انفسهم
في حالة التقائهم بي ناس لأول مرة
ودا البخلي الزول ياخد عنهم انطباع خاطئ
وفي ناس من اول مرة يدوك انطباع كويس
يعني المشكلة تكمن في الزول المأخوذ عنه الانطباع
مش في البياخد الانطباع

اتفق مع بت امدرمان واضم صوتي لصوتها

ولكن ....
هذا اذا كان هنالك موقف طبعاً ...

ولكن مجرد نظرة كدا من الهولة الاولى من غير موقف او اي شي استند له ... فيها نوع من الظلم والتجنى على شخص اساسا (اساسا دي انا مستلفا) لم تحتك به ، اذا من الظلم ان ان اكون انطباعي في الحكم عليه ( وحتى ) لو تملكني احساس (اياً كان نوعه) تجاه هذا الشخص فمن (الحكمة) ان احتفظ بهذا الانطباع في دواخلي ... حتى لا اظلم واكون ( مستعجل) ...

مع تحياتي يا صاحب البوست وكل المشاركين ،،،

[ضياء الدين احمد]

معقوووووووووولة ياهاتريك دي ابتسامة ده لو لحقك عضاك معناها تتنس جاااااااااااااااهز

[Amin Idries]

أتفق تماما مع بت أمدرمان لأنه المشكلة تكمن في الذي يؤخذ عنه الانطباع بناءً على تصرفاته
غايتو يا هاتريك بتنكت ليك في جنس مواضيع
تصوم و تفطر على خبر و تحياتي للأسرة الكريمة

[آلاء عبد الرحمن]

مرات الانطباع الاول ليس صحيحا فالاحتفاظ به احسن لغاية ماتتعامل وتعرف الانسان علي حقيقتو

[مصطفى هاتريك]

أمين ... الجندي ... و آلآء


شكرا لإثرائكم الحوار ... وكريم الإستجابة للتصويت

[بنت الرفاعي]

لك التحية أخي مُصطفى.

يُفضل دائماً أن يكون الإنطباع بعد التعامل لوقت مُناسب للحكم،
حتى لا نظلم الآخرين (كما ذكرت أخي مُصطفى)،

وبالتأكيد المواقف الأولى لا تُحسب،
لأنه من المُمكن أن تكون قد التقيته وهو في حالة غضب من شخص آخر،
ولكن طبعه الغالب عكس ذلك!!،
وربما قابلته في لحظات هدوئه النادرة وهو أيضاً عكس ذلك!!،
نتمنى دائماً أن لا نكون إنطباعيين من أول نظرة.

[مولانا جلال]

الاخ هاتريك رمضان كريم وكل الاخوة فى المنتدى الموضوع جميل وانا اتفق مع اغلب الاخوة فالحلة الكديسيه حالة تعترينا احيانا وسببها فسرته بت امدرمان لان المرسل هو المتحكم فى هدا الاحساس ولااتفق مع ودسمير لان هده النظرة كما قلت هى نظرة تجريمية اخى ودسمير، ودمتم اخوتى

[مصطفى هاتريك]

لك التحية أخي مُصطفى.

يُفضل دائماً أن يكون الإنطباع بعد التعامل لوقت مُناسب للحكم،
حتى لا نظلم الآخرين (كما ذكرت أخي مُصطفى)،

وبالتأكيد المواقف الأولى لا تُحسب،
لأنه من المُمكن أن تكون قد التقيته وهو في حالة غضب من شخص آخر،
ولكن طبعه الغالب عكس ذلك!!،
وربما قابلته في لحظات هدوئه النادرة وهو أيضاً عكس ذلك!!،
نتمنى دائماً أن لا نكون إنطباعيين من أول نظرة.

كلامك في محله


مشكورة مرام

[مصطفى هاتريك]

الاخ هاتريك رمضان كريم وكل الاخوة فى المنتدى الموضوع جميل وانا اتفق مع اغلب الاخوة فالحلة الكديسيه حالة تعترينا احيانا وسببها فسرته بت امدرمان لان المرسل هو المتحكم فى هدا الاحساس ولااتفق مع ودسمير لان هده النظرة كما قلت هى نظرة تجريمية اخى ودسمير، ودمتم اخوتى

مشكور كتير لإثرائك الحوار


أخي الحبيب و النسيب

[زيادة]

الاخ/ هاتريك انا الانطباع الاول حتى الان مستور معاي يعنى كل انطباع كونت عن شخص اقابله للمرة الاولى طلع في محله لكن ما عارف هل يستمر هذا الوضع ام يتغير؟

[التيمان]

هذا الإستطلاع سيغلق في 15-11-2011 الساعة 02:42 PM

نعم
5 45.45%
Amin Idries
مولانا جلال
بت أم درمان
تغريدا
زيادة

لا
2 18.18%
احمد ابو امنة
صابرحسين

أحيانا
4 36.36%
آلاء عبد الرحمن
اسامه (الدحيش)
خالد علونى
mahagoub

وبين البين عينيك المرسي

[Isam Hussien H]

مصطفى رمضان كريم .. وسُعدت بمعرفتك عن قرب في إجازتي الفاتت ..
عارف بت امدرمان عين العقل ما ورد في إفادتها .. في ناس حقيقة يناولونك إنطباع سلبي عنهم في إناء من ذهب كمان في ممثلين يدوك إنطباع إيجابي لحد الإشباع ،، ثم نفتقد التذوق عندما تصطدم بالدواخل الحقيقية للشخص .. عشان كده من يقدرون على (لا) هم الأعظم والأجدر .. وإن كنت عن نفسي أنجرف إلى ( أحياناً ) ..

[بدر الدين احمد الطائف]

لايكمن ان نبنى انطباعاتنا عن الناس بمجرد النظرالى شكلهم.
فشكل الانسان له دلالات ومعانى اخرى لا تحدد لنا ما بدواخل الانسان.
غايتو ياهاتريك كلمة انه الزول ده من اول ما شفته ماعجبنى دى اعتقد انها نتجت عن فعل معين صدر من الشخص المقصود وليس من شكله.يعنى الزول ده قام اتصرف ليهو تصرف غير جميل قدامك ولاول مرة تعرفو فتقوم طوالى تبنى موقفك اتجاه الزول ده بانه زول ما كويس من خلال التصرف ده.
ومضان كريم.

[مصطفى هاتريك]

الاخ/ هاتريك انا الانطباع الاول حتى الان مستور معاي يعنى كل انطباع كونت عن شخص اقابله للمرة الاولى طلع في محله لكن ما عارف هل يستمر هذا الوضع ام يتغير؟

سبحان الله

قد تكون فراسة موروثة أو مجرد تصادفش