يا المحكر .... في الدواخل
أمسيت و كيف الريد معاك
وكيف نجيماتي الرواحل
فوق بلادك عامله كيف ؟؟؟؟
يعني مشتاقات تشوفك ؟؟؟
ولا نشوانات بشوفك ؟؟؟؟
ولا كيف ؟؟؟
طاريني خاتيني بدواخلك
ولا شاغلاك الشواغل
ولا عامل إنت كيف ؟؟؟
لسه فاكر زول بريدك
أو براودك منو طيف
طيف يزاور لعوالمك
ولمزاجك يبقى كيف
ولا ناكر ناسي حبك
الله قادر هو اللطيف
ولا شاغل غيري قلبك
ولا سايق
في دلالك يا لطيف
ولا باقي
إلا ظالمك أو بلاومك
في الخيال قلبي الرهيف
قلت فاكر ؟؟؟
لو حقيقه الريد بتاور
أبقى وافق
خلي نجماتي التتاوق
أو تداور
أو تزاور
في ديارك
أو تقيف
لو دقايق
خلي نجماتي التشوفك
وبس تصور لما تظهر
أنا ببقى كيف
رد مع اقتباس
المشاركة الأصلية كتبت بواسطة مصطفى هاتريك
المفضلات