بسم الله:
تلاته فى واحد:
قلت الم المواضيع سوى وتبقى تلاته فى واحده زى عرس واحده واحصل ع التانيه مجانا هع
مدخل رقم 1:
الحب من اسمى الاشياء التى وجدت فى الكون من غيرها من الاشياء فمن دون حب وريده فى الدنيا دى مابنقدر نعيش ..
النص:
الحب جريمه ؟؟
بدر لى ذهنى سوال غريب جدا ...؟ يعنى انت ماشى فى السوق معاك ابوك او امك او اى زول ولقيت حبيبتك ...طوالى توووش بتعرف دى حبيبتى ورايك شنو ؟؟والغريبه البت بتسعد بى كده ماعارف لى ... وابوك ولا الزول المعاك يقعد يقول ليك ماشاء الله وسمحه ويقعد يتغزل فى حبيبتك..وطالع لى ابوك ...وهو زمان يكون ماعارف غير امك دى بت لوووووول ..
السؤال هنا؟؟؟
البت لى مابتحكى بى حبها ده الا لى بت زيها ولا صحبتها ؟؟؟ لكن لا ابو لا ام لا اخو بعرف..ولو اتلاقيتو فى نفس المنظر ده البت بتعمل زى المابتعرف في يوم لانو معاها ابوها..
والسؤال هنا..هل الحب جريمه بالنسبه للبت ...؟؟
العزرية المزيفة:
مدخل:
العفه للبت وعزريتها اسمى شى فى الوجود ...مما حزر منه الدين الاسلامى واى دين سماوى حذر من فقدانها بوسيله غير شرعيه ...لانها الشى الوحيد الذى تملكه الفتاه وهو شرف اسر وشرف عائله ...
النص:
فى الاونه الاخير وبكل صراحة ظههرت ظاهره هذه العزرية المزيفه ...خاصه فى المستشفيات وفى السسترات البقو مالين البلد ساااااى ...هذه العمليه تكلف مبالغ باهظه ...
من اجل اعادة عزرية وشرف البت الذى سلب عن طريقه غير شرعيه من اغتصاب ومن ومن ومن
المشكله انو العريس بقى يكون هو المضرر...
يعنى تانى الواحد يعمل شنو يعنى بس؟؟؟
والله غلبنى اتكلم فى الموضوع ده
البخل العاطفى عند الرجل السودانى..
مدخل 3:
كلام بكيف الجكس ..شديد طبعا لانو تعبانين من القصه دى ..
يعنى انحنا كسودانين معروفين قومى يا وليه تعالى يا وليه ...
النص:
طبيعتنا نحنا كرجال سودانين مابنقدر نعبر ونحنك البنات ديل ...الحنك ده غلبنا والله وخجلنا من الحروم ديل يعنى الواحد يجى من الشغل بدل ابتسامه حلوه ..الغداء جاهو\ز ولا اتخمد انوم
دى السلام عليكم ياحبيبتى بتاعتك ياخى اتعلمو من مهند ونور شويه كده ...مافى اى حنيه زى الجايب ليك حمار بتاكل وتشرب فيهو مافى مرقات وهدايا وحب ...يعنى انا مره عندى ود اهلى طلع تلفونو اتكلم ايوه حبى وكلام حنين كده المهم قفل التلفون قلت يا سلام انا احب الزول البدلع مرتو ..قال لى لا ده واحده تانى ...ضرب لى المرة ..ياناس كيف الاخبار ...اها انحنا وصلنا تمام الاولاد كيف عايزين حاجه ييلا مع السلامه .. ده كلام يا جماعه
مخارج من المواضيع دى..
ياجماعه حقو الناس تقيف شويه وتفكر وتشوف انحنا بنعمل فى كده لى
ومعليش والله الموضوع ده انا كتبتو واقف حيلى لكن لو فى شى بجى اراجعو تانى
بباى وتيك كير
التيمان
وريناكم اخر حااااااااااااااااااااااااااجه
رد مع اقتباس
الموضوع حساس ومفيد فى نفس الوقت والعلاج هو علاج المجتمع من خلال تغيير النظرة للثقافة الجنسية واهمية ادخالها فى المنهج من باب العلم بالشئ ولا الجهل به . فنجد ان مثل هذه المواضيع مسكوت عنها فى الاسرة وهذا خطاء كبير عموما الموضوع يحتاج الى جراءة كبيرة ونقاش حتى نخلق مجتمع سليم ومعافى ولانجد فيه مثل هذه الممارسات الغير حميدة نسأل الله الستر والتوبه لضعاف النفوس
المفضلات