موضوع هااام وارجو من الجميع الدخول والمشاركه

[الزبير محمد عبدالفضيل]

بسم الله الرحمن الرحيم

والسلام علي من أتبع الهدي

هذا الموضو ع الجميع يعرفه وهو موضوع وجود البنات متبرجات ولابسين الملابس الضيقه والبناطلين التي تظهر كل مفاتن البنت ووجودهم في الشوارع الي اخر الليل ودائما يتواجودين امام الاسواق وخاصه طلبة الجامعات


اطلب من الجميع المشاركه في هذا الموضوع حتي نستطيع الوصول الي حل يكون القريب من الحل الشامل

طبعا واكيد مافي واحد بيرضي اخته او بنته او زوجته تكون بهذا المنظر

ونتمني ان يفهم الجميع أهمية هذا الموضوع

[aborawan]

مشكور اخوي الغالي السفير على هذا الموضوع والطرح الجميل

بس يا اخوي السفير على حسب تقديري صعب جدا انك تتحكم في حاجة زي دي لانو بالجد الحالة بقت حالة يرثى لها ونسى البعض ان هناك اله اسمه الجبار يمهل ولا يهمل وحقيقة يعني لو فى حل شامل اكيد حا يكون انو اى واحد مننا او رب اسره يمشي على اساس انو( المابترضى لي بناتك او زوجتك او اخواتك ما ترضى لغيرك ) يعني صعب جدا جدا انك تتحكم في بنى ادم الا يكون ليك عليه سلطه والكلام ده ذكرني قصه حصلت في اغسطس من 2004 وانا في السودان في اجازتي الاخيره
قاعد في كافتريا في الشهداء بفطر بي مزااااااااااااااااااااااااج فجاءة حسيت كل الناس والشباب الموجدين بعاينو لي استغربت من الحاصل وقلت ياربي الناس ديل مالم !!!!!
فى اللحظة دي وانا بين مستغرب ومستعجب انتبهت للشباب القاعدين جنبي لقيتم بعاينو وراهم ( طبعا فرحتا شديد عشان اتاكدت انو الناس ما كانت بتعاين علي الخلعه هي الخلتني اقول انهم بعاينو لي انا ) طبعا بعد فهمتا الحكاية قررتا انا زاتي اني اتلفت وراااي واعرف الحاصل شنو زيادة شمار برضو



وياريتني ما اتلفتا والله!!!!!!!!!!!!!!!!!!!!!












غايتو انا ما عارف من الشئ الشفتو قلت يا ولد يا محمد باين عليه السندوتش البتاكل فيه ده فيه حاجة خلتك ما واعي ولي لحظة من الزمن حسيت انى في احد شوارع الشانزلزيه ( الود تقول شافو ) جد يعني كان منظر بت ممكن اسميها ليكم انها كانت لابسه من غير هدوم‍‍‍‍‍‍‍‍‍‍!!!!!!! ولو الواحد منكم شافا يحلف انو البت دي ما عندها اهل !!! ( طبعا كل الحشودالمتجمعه دي واللي العبدالله كان قايلم بعاينو ليه اتنوعت وجه نظرم كان فيهم المستنكر المنظر وفيهم الكان مستحلي المنظر والعياذ بالله )

طبعا العبد الله من شدة ضيقو ما قدر يمسك نفسو وقرر انو يقوم يعمل البقدر يعملو انشاء الله كلمة حق الواحد يقولولا ( بقولو علينا عرب جزيرة ويا سلام على كلمة عرب دي لكن والله عرب الجزيرة اهل حارة وما بحبويشوفو الغلط ويسكتوا )
المهم العبد الله مشاء على فلانه وبقول طيب خاطر قلت ليها
انا :السلام عليكم
هي : اهلا وعليكم السلام
انا : يا اخت معليش بس والله اللبس الانتي لابساه ده شاذ شديد والناس دي كلها تعاين ليك والحشمة حلوة ومافي احسن منها
هي : هي هي عاين ده انتا مالك ومالي كنت من اهلي ولا من اهلي
انا : استغفر الله العظيم واتوب اليه انا شاب مسلم غيور على اخواتو المسلمات
هي : هي هي عايز تعمل لي فيها مصلح وديني انتا زاتاك زي الشباب ديل قاعد تعاين
انا : طيب ما مشكله مقبوله منك انا زاتي قاعد اعاين بس انتى بترضي الناس تعاين ليك ولاحظي النظره البنظرو ليك بيها
هي : هي يا ود الناس انا مافاضيه ولي نقتك دي ( تنقش تنقش مشت )

اها يا سفير دي يحلوها كيف رايك لابد من انو اى واحد يمسك العندو ويبقى عليهم 10 ولا شنو

[مزوني]

زمان في خربان مرة واحد
وربنا يحفظ اللي عندنا وبس

[الزبير محمد عبدالفضيل]

الاخوان مزوني و الاخ ابو راون يديكم الف عافيه علي تعليقكم علي الموضوع

ونسال الله عز وجل ان يحفظ الجميع وجميع نساء المؤمنيين


ولكم جزيل الشكر احبائي

[ضياء الدين احمد]

هذا زمن خرمه واجد خراب وكلش نفرات لازم اعمل تأديب لأهل مال هو
مشكوووووووور ياسفير ولسه انت ماشفت حاجه لسه التقيل جاي وراء بعد اصبحت الخرطوم علمانيه وبعد ده الناس ح تبقي زي جحه واظن عارفين قصتو

[ياسر فقيري]

أخي الموضوع شائك .. ولكن اعتقد أن الإسلام والتمسك بمبادئه يضع الحل .. وربما لا نستطيع معالجة هذه المشكلة الآن ولكن علينا أولاً أن نحاول بناء مجتمع قادم وذلك بتنفيذ حديث الرسول صلى الله عليه وسلم .. كلكم راع وكلكم مسئول عن رعيته .. والرسول صلى الله عليه وسلم حينما كان بين أصحابه الكرام رضوان الله عليهم كان بمثابة المربي لهم لذا كان المجتمع الإسلامي في أوج عظمته ومجده وكمال أخلاقه .. لذا علينا أن نعد للقادم من الأجيال فربما الجيل الحالي مر بظروف اجتماعية واقتصادية جعلته بعيد كل البعد عن القيم والأخلاق .. لذا علينا بتربية أنفسنا وإعدادها لتحمل مسئولية الجيل القادم الذي سينشأ على أيدينا .. ولا أقول نكف عن محاولة أصلاح الجيل الحالي .. ولكن علينا أولاً إعداد انفسنا إلى القادم من الأيام .. والله نسأله التوفيق والسداد