النتائج 1 إلى 25 من 29

الموضوع: اسبوع جديد مع عضو جديد في الكرسي الساخن

أدوات الموضوع
- مشاهدة صفحة طباعة الموضوع


	07-01-2005 09:07 PM #1 aborawan الملف الشخصي مشاهدة المشاركات عضو ماسي Array تاريخ التسجيل Nov 2003 الدولة بلادي حلوة راجع ليها ودار الغربة ما بترحم المشاركات 6,553 اسبوع جديد مع عضو جديد في الكرسي الساخن من كتاباتك ومن مشاركتك ادركنا بانك تملك روح مرحه جدا اضافه الى كم هائل من الثقافه فمرحباً بك اخي وحبيبي عماد الصادق ( ابواشواق ) وانت تحل ضيفا على الكرسي هذا الاسبوع زي كل مره نبدا بتعريف بالبطاقة الشخصية ياصاحب الهم ان الهم منفرج ابشر بخير فإن الفـارج الله اليأس يقطع احياناً بصاحبه لاتياسـن فـإن الكافـي الله الله يحدث بعد العسرميسـرة لاتجزعن فـإن الصانـع الله اذا بليت فثق بالله وارض به ان الذي يكشف البلوى هو الله والله مالك غير الله من احـد فحسبك الله في كـل لـك الله رد مع اقتباس


	07-01-2005 09:10 PM #2 أبوريلان الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة أحلى وأحن المدن المشاركات 4,251 أهلين بالعمدة وفى إنتظار وصولك . رد مع اقتباس


	08-01-2005 01:33 AM #3 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الأعزاء .. شكراً للمقدمة.. وأتمنى أن أكون عند حسن ظنكم بي من مواليد 1958 في قرية شرق سنار تسمى .. كساب الدناقلة .. درست الابتدائية حتى الصف الثالث ثم لظروف عمل الوالد .. رحلنا سنار المدينة ودرست باقي المرحلة الابتدائية حتى صف رابع ؟؟؟؟ ثم الوسطى بسنار الشعبية .. قلبوا السلم التعليمي .. واصلنا سادسة وأولى عام بالكاكي .. في الصف الثاني العام .. نقلوني لمدني .. درست ثاني وثالث بمدرسة ابوزيد .. وامتحنت للعالي في عام 1974 بعد دالك الثانوي العالي .. بالمؤتمر مدني بعد داك .. دراسة بعهد المواصلات السلكية بمصر سنة 1981 كنت جاهز لدخول المرحلة العملية بدأت بوكالة السودان للأنباء الخرطوم .. تسعة شهور بس ثم إلى بنك فيصل .. ولمدة 13 عام بين الخرطوم .. وبورتسودان .. ومدني .. وأخيرا سنار ثم الصالح العام ؟؟؟؟؟؟؟؟ ثم السعودية في أواخر عام 1996 ومازلت متزوج ولي إبنة وحيدة .. الله يخليها .. هي الآن في الصف الثاني متوسط مستقرين حاليا بمدينة جدة الحالة العامة: صالح للعمل .. بس العمر الافتراضي .. يعني .. الراس عاوز صيانة عمرة كاملة .. الله يديكم الصحة .. وترانا ماشين .. والحمدلله .. أبوأشواق رد مع اقتباس


	08-01-2005 03:41 AM #4 aborawan الملف الشخصي مشاهدة المشاركات عضو ماسي Array تاريخ التسجيل Nov 2003 الدولة بلادي حلوة راجع ليها ودار الغربة ما بترحم المشاركات 6,553 لك التحية عزيزي ونورتا الكرسي بدأت بوكالة السودان للأنباء الخرطوم .. تسعة شهور بس ثم إلى بنك فيصل .. ولمدة 13 عام بين الخرطوم .. وبورتسودان .. ومدني .. وأخيرا سنار ثم الصالح العام ؟؟؟؟؟؟؟؟ الصالح العام ساي كده ولا في سبب ؟؟؟؟؟ رد مع اقتباس


	08-01-2005 05:20 AM #5 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 تعرف يا أبوروان .. لمّن تم نقلي لبورسودان عرفت منهم بأني في الخرطوم كنت بتاع مشاكل؟؟ ولمّن ظهر الصالح العام .. كما يسمونه .. كنت متوقع نفسي أول واحد .. وعلى كل .. طيلة ال13 عام .. كنت بلا لون سياسي وغير محزّب .. وما زلت .. وده برضو سبب.. أبوأشواق رد مع اقتباس


	08-01-2005 05:55 AM #6 عمك تنقو الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة ود مدني - حنتوب المشاركات 499 العزيز عماد يا ابن الماء والخضرة والوجه الحسن في كساب لي أصدقاء وبالتحديد ( عائلة شاشوق ) وبالتحديد أكثر صلاح شاشوق 00 ويا ابن سنار المدينة والخزان لي سؤال واحد بس : ماذا استفادت حكومة السودان من احالة الناس ( للصالح العام ) وهل هناك بالفعل صالح عام ! ورد اذا ورد البحيرة شاربا ورد الفرات زئيره والنيــلا رد مع اقتباس


	08-01-2005 06:01 AM #7 أبوريلان الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Jul 2004 الدولة أحلى وأحن المدن المشاركات 4,251 الأخ عماد الصادق أتمنى أن يكون الكرسى بردا وسلاما عليك وربنا يحفظ ليك بت ويديك العافية وطولت العمر . ذكرت أنك بانكر وأحلت للصالح العام رب ضاره نافعه. اليوم خميس والأسرة عندها زيارات ومشواير وأنت مستعجل وعند عمل سورتنق وجت فرق جنيه وقدر ما جردت وراجعت لم تجد الفرق وأذن المغرب ولم تجد الفرق صف شعورك فى تلك الأثناء ؟؟ رد مع اقتباس


	08-01-2005 07:50 AM #8 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 عمي تنقو .. الك التحية ولكل محبي الخضرة والماء والوجه الحسن .... ناس شاشوق بعرفهم .. وهم من كساب الجعليين .. وأنا من كساب الدناقلة بعدين بخصوص الصالح العام .. تأثيره على العبدلله إنو خلاهو يفكر في الاغتراب .. آخر الأبواب .. واستفادت الحكومة من الأتاوات المفروضة على الذين اغتربوا رغم أنفهم ..؟؟؟ وحتى الآن مالاقين المقابل .. Myrelan حليل زمن البنك .. والسورتنج .. والشغل في السودان كلو .. حلو .. إذا حصل الفرق .. طبعا المشاوير كلها إتلغت .. لكن فرقك لذيذ .. لأنو راوند فقر ٌRound Figure مع التحية أبوأشواق رد مع اقتباس


	08-01-2005 09:50 AM #9 marwa الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Nov 2004 المشاركات 757 الاخ عماد كيف كانت الغربه معاك رد مع اقتباس


	08-01-2005 08:21 PM #10 admin الملف الشخصي مشاهدة المشاركات زيارة الصفحة الرئيسية عضو مجلس ادارة Array تاريخ التسجيل Oct 2003 الدولة ودمدني ، بانت المشاركات 3,179 اهلا وسهلا بك ياعم عماد اول شئ وين في جدة؟ وهل مازلت في النظام المصرفي؟ بنك فيصل الاسلامي او مجموعة مؤسسات فيصل الاسلاميه هي صاحبة السبق في اسلمة الانظمة المصرفية في العالم الاسلامي اجمع.. ويبدو انك شهدت بدايات ذلك العهد .. وكون ان اسلمة المصارف مازالت حتى يومنا هذا تواجهة الكثير من العوائق والاقاويل .. وسؤالي هنا عن الممارسات المحاسبية المتبعة وقتها هل كانت تتم وفق معايير محاسبية معينة؟ وما هي الجهة التى كانت تحدد نوع الممارسة المحاسبية؟ هل تعتقد ان العقود الاسلامية من مرابحة وسلم ومضاربة وغيرها يمكن ان تكون بدائل استثمارية وتمويلية منافسة للعقود التقليدية؟ وهل فعلا الممارسات المسمية اسلامية كانت اسلامية 100%؟ امتحان محاسبة عديل كدا رد مع اقتباس


	08-01-2005 10:04 PM #11 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الإبنة مروة .. ما زلت أعيشها.. كون أني بعيد عن الوطن .. الغربة بالنسبة إلي .. مرحلة اللاوزن .. زي الواحد في حلبة سباق زي الزول الطلع فجرية .. كايس الرزق .. ولسه مارجع للبيت والدفو زي الكابوس .. متين تصحي .. وتتفك مافي استقرار .. ولا .. حتى .. طعم للفول بزيت السمسم والشمار وأظن أن هذا قليل من كثير .. أما أيها الإبن العزيز .. Admin الذي دخل سنار .. من بوابة سوق السمك .. وبيني وبينك حتى سمك سنار له طعم خاص .. أنا في جدة في حي مشرفة 1 .. خلف سوق الحرامية بتاع الجوالات .. وآخر عهدي بالمجال المصرفي .. بنك فيصل في شوارع كلها جبال .. أما عن أسئلتك .. إمتحان عديل .. وما أظن إجاباتي تغطي .. وأنا ما اشتغلت في قسم الاستثمار نهائي .. طبعا في السودان كان بنك فيصل رائداً في أسلمة العمليات المصرفية سبقه في ذلك بنك فيصل المصري .. لو الناس .. الموظفين .. والعملاء طبقوا القواعد وفق المعايير التي وضعت فهي صحيحة ومبرئة اللذمة .. يعني مثلاً نظام المرابحة .. مرات نجد أن العميل بيستلم قيمة البضاعة نقداً والعملية بتكون شكلية .. وأكيد هذا تلاعب أو تحايل .. ومرفوض يعني في صيغ المرابحة .. مفروض البنك يتملك البضاعة .. بمعني تواجدها في حوزة البنك .. بعد دالك يتم بيعها للعميل بعد وضع هامش مرابحة مقابل تقسيطها .. والله أعلم ياخي كده كفى .. وأحكي ليك الواقعة دي بمناسبة المرابحات.. في سنار .. كنت مراقبا للفرع .. ورئيس قسم الاستثمار كان في إجازة في تنفيذ إحدى العمليات المصدقة .. جاء العميل وكان باقي تجهيز الشيك قيمة البضاعة وكانت عبارة من ملح طعام.. قلت للعميل .. وين البضاعة موجودة .. قال في السوق هنا عند واحد تاجر بتاع ملح قلت ليهو خلاص يلاك سوا نشوف البضاعة .. وساقني ليك للتاجر بتاع الملح .. الكمية كانت كبيرة .. والتاجر طلع الوالد .. وأنا عارف إنو ماعندو البضاعة دي .. قمت سألت الحاج .. ياحاج وين البضاعة .. طبعا الوالد .. ضحك .. وعرف إنو الموضوع انتهى .. وفركشنا ليهو العملية .. وفي النهاية .. سؤالك داير ليهو زول متخصص .. وأنا بتاع فول .. لكم التحية أبوأشواق رد مع اقتباس


	09-01-2005 01:05 AM #12 admin الملف الشخصي مشاهدة المشاركات زيارة الصفحة الرئيسية عضو مجلس ادارة Array تاريخ التسجيل Oct 2003 الدولة ودمدني ، بانت المشاركات 3,179 شكرا على الاجابات يا عمدة .. هو بالله داك سوق السمك .. الصراحة وقتها مشيت سنار لسبب اغرب من ذلك .. مشيت اشتري اسبيرات عربات اتخيل (مشيت مع شباب يعملون في هذا المجال).. يعني الحته الشفتها كانت المنطقة الصناعية .. وازيدك من الشعر بيت كان وقتها في عز الخريف .. وعلى ما اذكر الشئ الوحيد الكان جاف من مياه المطر هو خط السكة حديد .. ففعلا انا شفتا الجانب السئ من سنار وفي الوقت السئ كمان رد مع اقتباس


	09-01-2005 06:15 AM #13 خطاب العبيد الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Dec 2004 الدولة حى الكريبة المشاركات 691 آسسسسسسسسسسسف الاخ العزيز أبو روان أتمنى أن تكون قد إطلعت على الرسالة الخاصة التى قمت بإرسالها لك فيها إعتذارى لك لعدممعرفتى بطلبك لى بالجلوس على الكرسى الساخن الا اليوم 9/1/2005 ولك كل الشكر والتقدير والاحترام أخى المشرف العام على المنتدى الزول الشين رد مع اقتباس


	09-01-2005 07:39 AM #14 ابومرام الملف الشخصي مشاهدة المشاركات زيارة الصفحة الرئيسية عضو مميز Array تاريخ التسجيل Oct 2004 الدولة ودمدني بركات النموزجية المشاركات 439 اخي عمده ليك مليون تحية وتحية وربنا يجعل الكرسي سلما وبردا مع الايام الكلها برد عموما ليك التحية والاسئلة خليها في المرة الجاية والاسئلةالخاصةخليها على الماسنجر عشان تكون مباشرة ربنا يديك الصحة والعافية ويخلي ليك اشواق ويديها الصحة والعافية ولك التحية!!!!!!!!!!! التعديل الأخير تم بواسطة ابومرام ; 09-01-2005 الساعة 07:50 AM رد مع اقتباس


	09-01-2005 12:15 PM #15 ابراهيم الملف الشخصي مشاهدة المشاركات زيارة الصفحة الرئيسية عضو ذهبي Array تاريخ التسجيل Nov 2003 الدولة مدني الجميلة/جزيرة الفيل المشاركات 4,172 الخال العزيز عمدة لك التحية والاحترام وكل سنة وانت طيب بمناسبة اعياد كتير فاتت واعياد جايات اليوم هو توقيع اتفاقية السلام بين الحكومة والحركة الشعبية نسأل الله ان يتم على اكمل وجه وبنوايا حسنة وسؤالي هو: فما هي تطلعاتك ورؤاك المستقبلية لهذه الاتفاقية؟ ما هو اجمل بيت شعر سمعته؟ رايك في شباب اليوم؟ ما الذي تفكر به دوماً؟ لك التحية ابو اشواق رد مع اقتباس


	09-01-2005 10:50 PM #16 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الزول السمح .. الشكر والتقدير .. محل احترام من المشرف العام .. وحظينا نحن بالطلة البهية .. ولك التحية أبو مرام .. العزيز مشتاقين .. وبمناسبة البرد .. السنة دي .. الإحرامات غير ....... عاوز أهاتفك .. لكن رقمك طايح .. رسلو إبن أختي العزيز .. أبراهيم بخصوص الاتفاقية .. بنظر إليها .. أنها إيجابية وحيث أني أحب التغيير .. عايش بعد التوقيع في جو تفاؤلي .. بأن يكون هناك رخاء .. وازدهار .. وبرضو خايف .. لأن الذين كانو وراء الاتفاقية .. ما أظنهم .. بل وأجزم بأن لهم مآرب .. الله يسترنا .. يعني الواحد بتوقع إنها بداية لإنقسام السودان .. إلى دولتين لعل وعسى .. نستفيد ما كنا نصرفه في الحروب .. أن ينصب في العمران .. ولا نخاف .. كون أننا نشهد أن لا إله إلا الله .. وأن محمدا رسول الله .. يقيناً في مجال الشعر .. غير ذواق للشعر ولسه في الذاكرة .. هذا صبي هائم تحت الظلام .. هيام حائر أبلى الشقاء جديده فتقلمت منه الأظافر ... واللحن .. على أنغام جانوار .... ميري مهابه سدارا هيهي .. سدارا هيهي .. سدارا هيهي..... شباب اليوم .. باختصار .. بفكر في نفسه .. أكثر مما حوله ... دوماً سارح .. هناك في البلد هاجسي ضل في الديار .. يعني .. كيف أطلع من الجو اللي أنا فيهو الآن !!!!!!!!!! مع التحيات الزاكيات أبوأشواق رد مع اقتباس


	10-01-2005 05:13 AM #17 أبوبكرحامد الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Dec 2004 الدولة مدنى - بانت المشاركات 2,748 حضرة العمدة .................. سلاماااااااااات ياريت لو وصفت لينا شعورك عند قدومك مدنى للمرة الأولى ؟؟ وماهى الأشياء التى لفتت إنتباهك فى مدنى ؟؟؟؟؟؟ مع مودتى ود الماذون أجمل النقد ماكتب عن مَحَبَّة - الراحل / أميل حبيبى رد مع اقتباس


	10-01-2005 06:10 AM #18 waheeb الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Dec 2003 الدولة أبوعشر المشاركات 1,073 العم العزيز ... لك التحيه وانت تقدم بثبات في الكرسي الساخن.. سؤالي ليك كم كان اول مرتب ليك... وما هو شعورك وقتها؟ من هو اول انسان اخبرك بانك احلت الي الصالح العام ورد فعلك كان شنو؟ مع تحياتي ليك عزيزنا أبو أشواق... [كفى بالموتِ واعظاً يا عبِاد] رد مع اقتباس


	10-01-2005 02:22 PM #19 المخلصة الملف الشخصي مشاهدة المشاركات زيارة الصفحة الرئيسية عضو مجتهد Array تاريخ التسجيل Aug 2004 الدولة أم درمان الثورة المشاركات 135 الأخ الفاضل / عماد الصادق السلام عليك ورحمه من الله تعالى وبركاته أسئلتي ليك هي : س1: ماذا تعني لك هذه الأسماء aborawan ابراهيم myrelan أبوبكرحامد waheeb س2: هل إنت ضد أو مع المجاملة ،،، ولماذا ؟ دُمت في رعاية الله _0_0_0_0_0_ وحاتك لسَّه ما بتقدر ** تقاسم قلبي دقَّـــــاته _0_0_0_0_0_ رد مع اقتباس


	11-01-2005 02:04 AM #20 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الأخ العزيز جداً .. الأستاذ أبوبكر .. لحظة قدومي مدني للمرة الأولى .. أول حاجة ماقادر أحدد المرة الأولى دي في حد ذاتها .. نخليها لمن تم نقلي في الثانوي العام .. أولاً كنت بتحايل على الأهل بسنار كثير عشان ينقلوني مدني .. ولقيت الفرصة في أنني كنت مريض بالربو .. وهي حساسية عجيبة .. أول ما تجيني .. يودوني كساب .. قرية شرق سنار .. مسقط رأسي أو المهم يطلعوني بره سنار .. الحساسية تروح ... وفي سنار كنت محروم حتى من ممارسة الكورة لأنو أي تعب .. أو إرهاق .. أو كتاحة ساي ممكن تقوّم عليك نفسك ؟؟ أما في مدني فهي غير .. أمارس كل النشاطات .. وأقابل كل الكتاحات .. عشان كده نقلوني مدني .. شعوري كنت فرحان جداً جدأ .. لدرجة أني فور أن تلقيت تلفون من خالي الأستاذ مصطفى الفضلي .. الله يرحمه .. ومن المدرسة .. وبلبس المدرسة بتذكر أنا دخلت البيت .. وكان الزمن داك في العشير .. وراكب عجلتي .. وبلبس المدرسة .. ؟؟؟؟؟؟ كل شئ في مدني له طعم خاص .. شجر الزونيا جنب حديقة وقيع الله .. السينما ............. أكثر ما لفت نظري .. جو دار الرياضة بمدني .. الكورة لها طعم لذيذ وفريد ...... زماااااااااااان .............. أبوأشواق رد مع اقتباس


	11-01-2005 02:14 AM #21 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 طبعا كلكم عملتوني عمكم .. ما علينا ... نتماشي مع الوضع الجديد .. والله أنا متوقع ناس كتيرين .. الدواء وكباية الموية تحت السرير والعشاء زبادي .. ونقول .. إبني العزيز وهيب أول مرتب على ما أذكر 89 جنيه في وكالة السودان للأنباء الشعور بأول مرتب .. شعور مهيب .. يا وهيب يعني الشعور بأنك انتقلت من مرحلة لمرحلة يعني خلاص بقيت رااااااجل .. أبوأشواق رد مع اقتباس


	11-01-2005 02:26 AM #22 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الأخ وهيب .. مرة أخرى الإجابة عن السؤال الثاني .. الشخص الذي أخبرني .. زميل جد ما قادر أذكر إسمه .. وصورته واضحة في مخيلتي... رغم أني كنت متوقع ذلك .. لكن الشعور كان سئ جداً جداً .. بتكون في وضع لا يحسد عليه .. التصرف الوحيد في تلك اللحظة إنك تتخارج وتنسحب .. في التو واللحظة .. أبوأشواق رد مع اقتباس


	11-01-2005 11:32 AM #23 ضياء الدين احمد الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Sep 2004 الدولة الدرجه الثانيه المشاركات 970 الاخ عمده لك التحيه . ود العجوز ‘ تكتوك ‘ حي الجنه ‘ المزاد والمؤسسة بتاعت التسالي ماذا يعنوا لك ؟ رد مع اقتباس


	11-01-2005 10:02 PM #24 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الأخت المخلصة الأسماء اللي ذكرتيها .. أسماء كلها لها وقع رنان في المنتدى .. يديهم العافية تعني لي أنه ما زال في الإمكان إنك تلاقي ليك ضل ترتاح فيهو .. وبيهو رغم هجير هذه الأيام .. ... .... أنا ضد المجاملة .. لأنها بتكون على حساب (صاحب حق )‍‍‍..... مع التحية .. أبوأشواق رد مع اقتباس


	11-01-2005 10:11 PM #25 عماد الصادق الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل Nov 2004 الدولة سنار المدينة المشاركات 309 الأخ ضياء الدين .. باين عليك بتمشي سنار كتير .. ودالعجوز .. فنقوقه سوق ساد ثم باد .. تكتوك حي نمبر ون .. حي الجنينة .. راقد على منظر خلاب .. ممكن يكون منتجع عديل كده ... المزاد .. أكبر حي .. بيتنا هسه فيهو .. أما المؤسسة .. الله يرحمها .. تساليها بلغ من الشهرة ما بلغ .. لكن هسه .. مش زي زمان .. أبوأشواق رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 11:00 PM

Powered by vBulletin® Version 4.2.5
Copyright © 2024 vBulletin Solutions, Inc. All rights reserved.
Translate By Almuhajir

ودمدني