التكنولجا وعالم الانترنت حرمنا من شراء المجلات والصحف تمر عليك شهور بدون ان تلامس يداك اي منهما علي غير العاده ذهبت للحلاق وأنا في ساعات الانتظار تناولت مجلة سيدتي التي علي الطاولة لقتل الزمن حتي ان يصلني الدور ابتسمت قبل فتح المجلة وانا اتحدث مع نفسي قلته في البيت وفي الحلاق سيدتي (( يعني مافي طريقة زوقه اصلوا من اسيادنا ديل) مع الاعتذار للكريمات – في غلاف المجلة شاهدت صورتين واحده لفتاة متحجبة والثانية لملكة جمال لا تلبس شيء سوي ما يسترها من عين الحساد لست خبيرا في الشئون الدينيه حتي اعدد فوائد الحجاب ولكن اتحث عن ملكة الجمال وهي خالفه رجل علي رجل عاريه طبعا هي ملك للعامة للتسويق البدفع سعر اعلي يمتلكها في جمالها ان كانت خدمات تمثيل اعلانات وماخفي اعظم .. هي تبيع نفسها بالمزاد العلني كل يوم.. تفقد براءتها التي هي جزء من جاذبيتها لتصبح سلعه زيها وزي اي صابون حمام في رف دكان غير قادرة على الحب ولا تصلح زوجة إنما هي فقط للإستمتاع الجنسي لا للحب أو التكاثر.. لذلك تكون عبقريتها في تعاملها مع جمالها وانوثتها تعامل اقتصادي مالي ... قلبت اوراق المجلة حسب ما اشار الغلاف لموضوعها(( والله انا خجلان اقول في الكلام ده اهتميت بموضوع الملكة دون موضوع المسكينة بتاعت الحجاب وهي الاولي)) فوجدت في داخل المجلة تحكي عن سيرتها الذاتيه والفلسفيه بانها لا تعترف باي شيء سلبي يحدث لها ونظرتها الفلسفيه لها مبرر رغم عن معاناتها وهي من اسرة فقيره حتي ارتفعت الي سلم الشهره والنجاح بعزمها وكفاحها... لقد عجبت واندهشت ولاكن تذكرت انني قبل فترة شاهدت في الانترنت علي اليوتوب مهرجان تنصيب ملكة جمال جنوب السودان وايضا سودانية من الشمال شاركت في مسابقة جمال بنيه حلوه كده خاتين ليها الشريط في صدرها مكتوب بالانجليزي السودان.
بعد ما كانت عاداتنا وتقاليدنا ضاربة جذورها في الأرض وصاعدة إلى عنان السماء ..الآن تهوي بنا إلى قاع جهنم..... هذه الحضارة وهذه ثقافة.... ولماذا تريدوننا أن نبقى متخلفين ..!
يجب أن نجامل العالم ! ! !
عشان تذدهر السياحه في السودان الزراعه دي جربناها ما بتجيب راس مالا انا اقترح ان تتم مسابقه صغيره داخل السودان لاختيار الملكة والمشاركه بها في المهرجانات العالمية كما اقترح ان يكون كمال شداد رئيس اللجنة ما دام الكوره ما جايبه حقها زي الزراعه عشان نوري العالم عندنا بنات جميلات نتفشخر شويه ما نخلي واحد مفعوص زي راغب علامه اطاول علينا وليعرف العالم اننا دولة ذات سياده لنا ملكات جمال وليس ملكه (( ملكة جمال القرن – ملكة جمال جبل مره ((خاصه بي السياحه)) – ملكة جمال وزارة الزراعه (( اقصدالزراعه)) ملكة جمال الشنا (( يعني اشنه جميله)) ملكة جمال العواره -ملكة جمال الزفت دي حقيقه يقال في واحد قاعد مع زوجتوا اتفرج علي التلفزيون في برنامج مسابقات ملكات الجمال كل ما اجيبوا واحده اضرب مرتوا في كتفا اقول ليها البنات ديل بياكلوا شنو سمحات كده الراجل لما كثر الكلام المرأة قالت ليهوا بي نهره ...بياكلوا زفت .. قال ليها وانتي ما شايفه الظلط البره ده.
نسيت ملكه :
دي بتعرفا ام المهتدي الله اديها العافيه وكمان عشان ما تزعل نقول ليها ملكة جمال الصبغه (( صبغة الحجر بتاعت الشعر)) ... دي خاصه بي الرجال البفكروا في الزواج مرة ثانية .
الحي ياما اشوف والغريق لي قدام.
رد مع اقتباس
المشاركة الأصلية كتبت بواسطة عباس الدسيس
المفضلات