اديها نكتة تديك طراوة

[مازن الجمّال]

استاذ سال تلميذ مسطول ما معنى كلمة سبيل؟ رد التلميذ: طريق..
المعلم :
وسلسبيل؟ قال ليهو ... طر.. طريق

[مازن الجمّال]

مسطول لقى جدو بيأكل جلي قاليهو: انت بترجف والجلي يرجف
غايتو جهجهتو المعلقة جنس جهجهة

[امير عبدالباقي]

الدور ده نكتك بايخه يامان

[بابكر]

يا راستا تلميذ مسطول ده كيف

[waheeb]

واحد جنوبي دخل الاسلام جديد.. دخلوه منظمه نداء الجهاد
قالو ليهو امش ودي حاجات الشهيد محمد..
ذهب ال منزل الشهيد وطرق الباب
دا منزل الشهيد محمد
ايوا..
امش ناديهو عشان يستلم حاجاتو دي....

[مازن الجمّال]

كاتب الرسالة الأصلية امير عبدالباقي
الدور ده نكتك بايخه يامان

لاني كنت فاطر يادوب

[مازن الجمّال]

كاتب الرسالة الأصلية بابكر
يا راستا تلميذ مسطول ده كيف

خليني النسعلو وبرجع أكلمك

[مازن الجمّال]

حلوة يا وهيب .


مسطول احوص دايرين يشنقوهو سألوه: امنيتك شنو؟
قال: اشوف نفر واحد بس

[مازن الجمّال]

مسطول؟؟؟
لقي اثنين في المقابر بفتشو علي قبر ابوهم وهم بتغالطوا: ياهو ده لا ماياهو، ياهو ده لا ماياهو،


قاليهم: انتو دايرين تدوهو فاتحه ولامصاريف

[مازن الجمّال]

واحد سأل مسطول يا أخ انا داير اصل المستشفى أقرب شارع بى وين ؟؟؟؟

رد المسطول : بسيطة أقيف في نص الشارع

:

[مازن الجمّال]

واحد مسطول مشي للدكتور بشتكي من ضرسو، الدكتور قاليهو: احشي ليك؟

قاليهو لا.. لا.. اديني في صحن!!

[مازن الجمّال]

مسطول في المدرسة
سمع الاستاذ بقول المثابرة تولّد النجاح
قال لى زميلوا : مــــــــتين هي المثابرة بقت دايه؟؟

[مازن الجمّال]

مسطــــــــــــول ماشي وراء واحدة مسطــــــــولة فكر يقول ليها حاجة يشاغلها قال ليها : ا لحلوة وراها مشوار؟


قالت ليهو: الحلوة وراها .........حمااااااااار

[مازن الجمّال]

مسطول عمل عملية تجميل جاء داخل لاهلو بعد العملية
قال ليهم على بالقسم ما عرفتكم

[waheeb]

واحد مسطول متجرس من رمضان سالو واحد رمضان كيف
قل ليهو والله رمضان حقو يسوهو ذي كاس العالم كل اربعه سنه في دوله....

[مازن الجمّال]

حلوة يا وهيب


ههههههههه

[امير عبدالباقي]

والله يامان باين الفكور كان كارب والسجار حاجه كده
قطعتي مصاريني والله ؛ بلاي تاني افطر وتعال
والا اقول ليك رمضان ح يوحشنا
بس السجاره تكون نمره واحد وبكرت

[عماد الصادق]

شكرأ على هذه الابتسامات ..
وهاك دي ..
واحد بصلح في الإشارة حقت عربيتو (سيارتو) قال لــ واحد مسطول
يا إبن العم بالله لو سمحت ممكن تشوف لي الخطر ده شغال ولا ما شغال؟
المسطول مشى خلف العربية .. وقعد يقول ليهو شغال .. ماشغال .. شغال .. ما شغال .. شغال .. ما شغال

[ابوقيس]

قالو ليك ثلاثه مساطيل في الطائره

الاول : اسمع يافرده ماتجيب لينا سيجارة كده من الدكان وتجي

الثاني : جداً

قال ليك صاحبنا علي حسب السطله فتح ليك باب الطايره كده

والهواء ده جاء قوي وشاله ليك بره .

ولحسن حظه المهم ثبتته المروحه الاماميه بتاعت الطائره

وجماتعك طبعاً كحلو صاحبهم المروحه دي مبهدلاو ليك بهدله شديده

وديل طبعاً علي حسب السطله قالو لي


آي آي اقعد لف لينا كده لما الدكاكين تقفل.

[مازن الجمّال]

امير

والله يا حليل رمضان والسجارة البي كرت

تقول متين الفطور يخلص وتطلع محطة الحجر تلقى بدر شايلها ومستنيك .

تجر ليك نفسين جسمك يخدر وتبرك في الواطة وتقعد دايش لحدي ما تسمع فاروق الله يرحمه نفخ في مكرفون جامع شاطوط .

تمشي على مزيرة ناس شيخ العرب تاخد ليك عدد واحد كوز سريع وتمشي تقبل على قهوة ناس بلالة

ايام يا امير .

[مازن الجمّال]

شكرا يا عمدة

وما وريتي لحدي هسع !!؟؟

طلع شغال ولا لأ !!

[مازن الجمّال]

ابو قيس

والله جماعتك صحي مساطيل

وما تحرمنا من المشاركات .

[مازن الجمّال]

مسطول مشي المولد اشتري عروسة مولد.......... ومشي بيها الفندق

[مازن الجمّال]

عجلاتي ساطل زهجان من ولدو النائم لامن الشمس طلعت فيهو. جات امه تصحيهو قاليها: خليهو تحت الشمس فيهو رقعة دايرها تقوم

[مازن الجمّال]

مسطول سأل بتاعة الاتصالات: عندكم مفتاح امريكا
قالت ليهو ايوه في
قال ليها: اعملوا لي منو نسخة