انشاالله الما بدل البوست دا يبقى أعور

[مازن الجمّال]

اخواني الاعزاء ( الاعزاء دي مش بكتبوها كدا !!؟؟ )

المهم ..

اخواتي العزيزات اللزيزات

اعمامي الجلاكين ( انا عارف انه تلت أرباع البورد جلاكين )

عماتي الجلكينات ..


ندااااااااااااااااااااااااااااااااااء ود مدني



ياخوانا بصراحة انا منظر البورد دا وهو مضبلن كدا ما عاجبني نهائي

كدا بس ..

دا بورد ناس مدني .. اكتر ناس مشهورين وبررايين وكتابين في الدنيا .

مفترض يكون في نوع من الانبعاج الكتابي شوية

ولذلك ..

أقول ..

وأشجب..

واكرر..

من هذي البوتقة..

بإننا عاوزين نعمر البورد ده ..

نأنو شنو !!

هو حقنا في النهاية ..

ولذلك مرة أخرى


انا بررراي مش ..


بدون لف ولا دوران بانت


انا بقترح انه لازم على كل واحد فيكم يكتب في اليوم على الأقل 5 مواضيع و20 رد

ولازم الجميع يشاركو


وما تقولوا لي ما فاضين وما عارف شنو

تلت ارباع اليوم قاعدين عطالة

انا شايفكم


ما تقولوا لي


المهم

الغايب يكلم الحاضر

ولو عندكم أي اقتراحات اضافية اكتبوها

وبتمنى انكم كلكم تعو معاي الفكرة دي


وانشاالله بركة الجمعة الجامعة والكلمة العند الله سامعة الما بشارك معاي في البوست دا بي راي خشمه يتعوج ويبقى سمين زي مانو

[بابكر]

والله يا RASTA MAN انت اجمل واحلى واحد فى المنتدى وخفة دمك عسل بس شنو ليك كفيت ولا لا

[مازن الجمّال]

شكرا يا بابكر ..

بس انا برضو مصر انه الموضوع دا عاوز دراسة

[مازن الجمّال]

up

[بابكر]

انت كان مسكت غنمايتك دى البتاكل الافراح البنزرعها تكون ريحتنا عشان نملا ليك المنتدى بالفرفشه

[مازن الجمّال]

[aborawan]

اخواني الاعزاء ( الاعزاء دي مش بكتبوها كدا !!؟؟ )
المهم ..

اخواتي العزيزات اللزيزات
الاعزاء صاح ما فيها كلام بس اللزيزات غلط والصاح اللذيذات :d

,وانشاء الله الجميع يستجيب لنداءك ده وكلنا عايزين الرفعه لمنتدانا

[مازن الجمّال]

تسلك يا ابو خطيبتي

[امير عبدالباقي]

والله ياراستا كلامك في محلو الناس في رمضان نامت وانا منهم مقصر شديد
يلا شباب شويه همه
شكرا راستا انت زاتك مسجل غياب

[زيكو منيب]

نعم اقتراحك جميل جدا يا راستا

و ان شاء الله الكل يقبل اقتراحك الجميل ده

[مازن الجمّال]

up

[ruby]

والله انا اي حاجه بقت مكتوب فيها راستامان اكون عايزه اخشها
ان شاء الله اقتراحك ده على عينا وعلى راسنا

[مازن الجمّال]

امير يا ود فريقنا

تسلم يا امير البورد ولي قدام

[مازن الجمّال]

زيكو

يا زيكو ..

[مازن الجمّال]

دا الراجنو منك يا روبي وتسلمي يا ستنا

[ruby]

راستا بس عايزاك تكتب ايميلك لو سمحت عشان اضيفك عندي في الماسنجر

[مازن الجمّال]

rasta_saul@hotmail.com