أفتونا يا متزوجــــــــــــين !!

[مختار بازى]

واحـــــــــــــــــد يقول ليكـ العرس دا شقاوة والتاني يقول ليكـ حلاوة

غلبنا تب ننصــر منو نعرس ولا نفضل عزابة ونتعزب ؟؟؟

[مختار بازى]

الواحــــــــــــــد نفسو يحس بالمسؤلية الكبيرة

بيت وزوجــــــــــة واولاد !!!!!

لكن بيعاين لي تجـــــــــارب

بتخليهو يقيف ويعيد النظر !!

[المكاشفى]

مختار هوى بطل جقلبه وتعال عديل
البقول ليك فى العرس ده غير انه
الحياه كضب عليك واى زول قاليك
جحيم ديل بتاعين مشاكل وببحتوا
فى المشاكل مع ازواجهم والله انا
بقول ليك اكان فى فكره وبعد خرف
عدل مراياتك وخش الطريق الى الزواج
مرصوووووووووووووووووووف

[عبدالرحيم سعيد]

مختار اصلا انت ماعنك اي مشكلة حنتوب السكن فيها ساهل والايجارات بالمربعات متوفر اما سمعت حديث رسولك(مسكين مسكين من لازوج له ومسكينة مسكينة من لا زوج لها عرس اليوم يازول)

[خالد النور]

الأخ بازى فى مثل بيقول:
Wife is knife, But without knife you can not cut

[منتهى]

الاخ المحترم مختار بازى
اى انسان بخوفك من الزواج دا ما فاهم معناه
الزواج هو حياه اذا دخلتها لن ترضى بغيرها
ابدا0
والاطفال اجمل ما فى الحياه دى ضحكة طفل او
سؤال بى براءه اديك مثال:
ولدى لو منعتو من حاجه زى التلفزيون مثلا
بقول لى --- انا بكره ما حا امشىليييييك المدرسه--
شوف البراءه فاهم بمشى المدرسه عشان خاطرى

ولو غيرت رايك نديك عروسه على ضماناتنا ههههههها
وتسلم

[عماد عبدالشكور]

يا مختار يا اخوي العرس حلاوة وايضا شقاوة بطعم الحلاوة

[محمد يوسف]

صديقي العزيز مختار النسوان ديل الواحدي زي البطيخة المقفولة في واحدي حمراء وحلوة زي العسل وفي واحدي مسيخة ومدودة والدود بتاعها بيعمل ليك مرض ، حصل سمعت ليك زول عزابي جاهو مرض قلب ولا ضغط ولا سكري؟

ولانك زول رقيق عالي الإحساس يا دخلتا دنيا لانو الزواج فعلاً دنيا جديدة غير الي انت عايشها الآن وشعرت بي انك ما كنت عايش زمان ولا لقيناك بتطقع في العربات بي الحجار في تفتيش حنتوب.

غايتو اتوكل و قلب البطيخة كويس قبل ما تشتريها ونتمنى لك السعادة والتوفيق في كل حياتك وما تنسى تعزمنا.

[النيرو]

واحـــــــــــــــــد يقول ليكـ العرس دا شقاوة والتاني يقول ليكـ حلاوة

غلبنا تب ننصــر منو نعرس ولا نفضل عزابة ونتعزب ؟؟؟

اخوي مختار ...قالو في المثل ( اسـأل مجرب ولا تسأل طبيب ) وانا بحكم اني والحمد لله من المجربين انصحك انك تفكر جادي في اكمال نصف دينك وانا بوعدك انك ماحتندم , وانا ماحاقول ليك اكثر من كدا والباقي حتعرفو براك.. ويكفي كلمة بابا لتكون حافزا لترك الخوف والتوجس .
اه يامختار العرس متين ؟

[الزبير محمد عبدالفضيل]

أخي مختار الزوج سنه واكمال للدين ولحفظ النسل البشري وليتباهي بناء رسول الله صلي

عليه وعلي اله وسلم . الزوج نعمه ورحمه من الله وحفظ للانسان من الداء


أي أنسان يقول الزواج متعب او يسبب الامراض ده يكون أنسان لايعرف أدارة الاسره

والبيت ونصيحه أدخل الي عالم الزوجيه اليووووووووم قبل بكره

[مكي محمد صالح]

أخ مختار أنوي تب وبتسهل وسوف تندم فيما بعد على أي يوم جلست فيه عزابي وأنا من الذين عاشوا الأمرين والتردد ولكن حاقد كل من يقول أنو الزواج فيه محن وكما ذكر أحدى المشاركين فيه مرارة بطعم الحلاوة فأرجو ألاّ تتأخر وأسرع لأن كل يوم يمر سوف تندم عليه ......

[محمد يوسف]

أخي مختار الزوج سنه واكمال للدين ولحفظ النسل البشري وليتباهي بناء رسول الله صلي

عليه وعلي اله وسلم . الزوج نعمه ورحمه من الله وحفظ للانسان من الداء


أي أنسان يقول الزواج متعب او يسبب الامراض ده يكون أنسان لايعرف أدارة الاسره

والبيت ونصيحه أدخل الي عالم الزوجيه اليووووووووم قبل بكره

يا اخوي ياريت انت تعرف آداب إدارة الحوار قبل إدارة الأسرة وتقول رايك من غير إساءات لأنو المابعرف أدب الحوار مع الناس مابعرف أدب حوار مع أسرتوا كمان

[mahagoub]

انت لسه بتجقلب
انحنا قبيل شن قلنا ما قلنا الطير بياكلنا
طلعت من قصة الغسيل بقيت تخش فى مراحل تانيه
بطل الجرسه واكرب نصك
الزوجة طوع زوجها وانت وشطارتك
يا تمسك الزمام وتبقى سعيد وتقود المركب لبر الامان... يا تمسكه هى وتبقى سعيد وهادى وتسلم امرك لله

[مختار بازى]

مختار هوى بطل جقلبه وتعال عديل
البقول ليك فى العرس ده غير انه
الحياه كضب عليك واى زول قاليك
جحيم ديل بتاعين مشاكل وببحتوا
فى المشاكل مع ازواجهم والله انا
بقول ليك اكان فى فكره وبعد خرف
عدل مراياتك وخش الطريق الى الزواج
مرصوووووووووووووووووووف

والله ياكشـــــــــــــــة في عينة كدا لما تسمع منها مشاكلا بتقيف سنة تفكير وتعيد النظر مرة واتنين وتلاتة

لكن بعــــــــــــد كلامك دا من هنا علـــــــــــي المشروع دا دغرررررررررررررررري

[مختار بازى]

مختار اصلا انت ماعنك اي مشكلة حنتوب السكن فيها ساهل والايجارات بالمربعات متوفر اما سمعت حديث رسولك(مسكين مسكين من لازوج له ومسكينة مسكينة من لا زوج لها عرس اليوم يازول)

عبد الرحيم القامــــــــــة

المشكلة لو بقت علي السكن مليون ميل مربع دي تشيل معانا قارة تانية لكن!!!

والله بالجــــــــد انا في ساعات بحس اني مسكين وفي ساعات دون ذالك بعد المرور علي بعض من كثير

وانا ان شاء الله ح اعمل بي نصيحـتكـ وبعملا وخليك قريب للفرح

[مختار بازى]

الأخ بازى فى مثل بيقول:
Wife is knife, But without knife you can not cut

العزيز خالـــــد النور

بس بعــــــــــــدين ما تقوم تقطعني انا

مشكور كتير خالد’’’

[مختار بازى]

الاخ المحترم مختار بازى
اى انسان بخوفك من الزواج دا ما فاهم معناه
الزواج هو حياه اذا دخلتها لن ترضى بغيرها
ابدا0
والاطفال اجمل ما فى الحياه دى ضحكة طفل او
سؤال بى براءه اديك مثال:
ولدى لو منعتو من حاجه زى التلفزيون مثلا
بقول لى --- انا بكره ما حا امشىليييييك المدرسه--
شوف البراءه فاهم بمشى المدرسه عشان خاطرى

ولو غيرت رايك نديك عروسه على ضماناتنا ههههههها
وتسلم

الاخت الغالية منتهي

والله بالجــــــــــد انا واحـــــد من الناس بجيني احساس انو ح انحرم من نعمـــــــة الاطفال !!!
واستغفر الله

لاني والله العظيم بحبهم حب خيالـــــــــي ودا اكيد حيكون دافع لي لكن بالجــــــــــد في مشاكل ناتجـــــــة من بعض الازواج بيقشعر منها البدن

وربك يهـــــــــــــــــون

لكن العروس حقتكم شينة ولا سمحة

يديك العافــــــية يامنتهي ويخلي ليك اولادكـ,,,

[مختار بازى]

يا مختار يا اخوي العرس حلاوة وايضا شقاوة بطعم الحلاوة

عمدة جنابو

والله بالجد كدا منكم الواحـــــــــــد بيشعر بي حلاوتو

وبتدوه دافع للسير خلفكم ونهج منهجكم واقول ليك حاجـــــــــــــــــة بس خليك قريب وان شاء الله تسمع خير...

[مختار بازى]

صديقي العزيز مختار النسوان ديل الواحدي زي البطيخة المقفولة في واحدي حمراء وحلوة زي العسل وفي واحدي مسيخة ومدودة والدود بتاعها بيعمل ليك مرض ، حصل سمعت ليك زول عزابي جاهو مرض قلب ولا ضغط ولا سكري؟

ولانك زول رقيق عالي الإحساس يا دخلتا دنيا لانو الزواج فعلاً دنيا جديدة غير الي انت عايشها الآن وشعرت بي انك ما كنت عايش زمان ولا لقيناك بتطقع في العربات بي الحجار في تفتيش حنتوب.

غايتو اتوكل و قلب البطيخة كويس قبل ما تشتريها ونتمنى لك السعادة والتوفيق في كل حياتك وما تنسى تعزمنا.

اســــــــتاذي الجليل محمد يوسف

اللون الاحمـــر دا خلاني اقيف بعيد واعمل شخيط

بما انو الشغلة بقت مربوطـــــــة بالحظ اخوك عاااااارف حظو كويس ودا المخوفني اكتر!!!

ولو الشغلة بقي فيها سكري وقلب افضل اموت كدا!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!

وانا والله ناوي جادي ادخل دنيا وربنا يوفقنا في اختيار البطيخـــــــــة الحمرة ومكا تطلع مدودة وتجيب لينا القلب والسكري

وانت اول المعازيم,,,,

[مختار بازى]

اخوي مختار ...قالو في المثل ( اسـأل مجرب ولا تسأل طبيب ) وانا بحكم اني والحمد لله من المجربين انصحك انك تفكر جادي في اكمال نصف دينك وانا بوعدك انك ماحتندم , وانا ماحاقول ليك اكثر من كدا والباقي حتعرفو براك.. ويكفي كلمة بابا لتكون حافزا لترك الخوف والتوجس .
اه يامختار العرس متين ؟

ربك يهون والله يالنيرو وبعــــــــدين بديك التغيرات بالتفصيل ان شاء المولي

وربنا يتقبل دعواك وما نندم ويوفقنا ويدينا الصحـــــة والعافية ونسمع كلمة بابا,,,

وانت معزوم معانا من هســـــــــــــة’’’’

[مختار بازى]

أخي مختار الزوج سنه واكمال للدين ولحفظ النسل البشري وليتباهي بناء رسول الله صلي

عليه وعلي اله وسلم . الزوج نعمه ورحمه من الله وحفظ للانسان من الداء


أي أنسان يقول الزواج متعب او يسبب الامراض ده يكون أنسان لايعرف أدارة الاسره

والبيت ونصيحه أدخل الي عالم الزوجيه اليووووووووم قبل بكره

صدق الرسول الكريم

وان شاء الله علي سنتة سنظل سائرؤن وربنا يوفقنا ان شاء الله ونكمل دينا

ونحافظ علي النسل حتي نكون مفخرة الرسول صلي الله علية وسلم امام الامم

وما تنسونا من دعواتكم ربنا يوفقنا

[مختار بازى]

أخ مختار أنوي تب وبتسهل وسوف تندم فيما بعد على أي يوم جلست فيه عزابي وأنا من الذين عاشوا الأمرين والتردد ولكن حاقد كل من يقول أنو الزواج فيه محن وكما ذكر أحدى المشاركين فيه مرارة بطعم الحلاوة فأرجو ألاّ تتأخر وأسرع لأن كل يوم يمر سوف تندم عليه ......

اخـــــــوي مكي بالجد انا نويت خلاااااااص قلتا استشيركم ومنكم نستفيد

ومن كلامك دا في التجهيزات الختامية باذن الله ومعانا من هســــــــــة ما تنسي,,

[مختار بازى]

انت لسه بتجقلب
انحنا قبيل شن قلنا ما قلنا الطير بياكلنا
طلعت من قصة الغسيل بقيت تخش فى مراحل تانيه
بطل الجرسه واكرب نصك
الزوجة طوع زوجها وانت وشطارتك
يا تمسك الزمام وتبقى سعيد وتقود المركب لبر الامان... يا تمسكه هى وتبقى سعيد وهادى وتسلم امرك لله

شفتا كيف يا جوبا قلبني البسويهو والله عدييييييييييييييييل

والله الواحـــــــــــــد في ساعات بتمر عليهو يقول يغسل عدة ويحمي الشفع ويعمل اي شيء بس الله يديهو الشفع ديل

وفي ساعات الواحد بتراجع ويقول ياخ انت مالك وما تجيبليكـ مدير بي نفسك يحسب عليك الطلعة والنزلة وساعات وساعات

لكن تاكد ياجوبا بعـــــــــد كلامكم واراكم دي انا من هنا وعلي العرس بس ما تعمل لي مسلسل زي بتاع اخونا داك

[okasha]

واحـــــــــــــــــد يقول ليكـ العرس دا شقاوة والتاني يقول ليكـ حلاوة

غلبنا تب ننصــر منو نعرس ولا نفضل عزابة ونتعزب ؟؟؟

هسع يا مختار المتزوجين ديل كان اختلفو فى الفتوى ناخذ بفتوى منو فى الفريقين

(هسع دى براهو ما داير فتوى)

[مختار بازى]

هسع يا مختار المتزوجين ديل كان اختلفو فى الفتوى ناخذ بفتوى منو فى الفريقين

(هسع دى براهو ما داير فتوى)

للوقـــــــــــت داك ربك يهـــــــون للآن مافي معارض الكل موافق بالاجماع من دون معارضـــــــــــة,,,

والكل بيري السعادة والسرور في الزواج يعني الحالات ديك شواز ليس الا

والحق القطر معاااااااي لو متاخر شوية زينا