أعمق منطقة في محيطات العالم

[moh_alnour]

تعتبر أعمق منطقة في مياه المحيطات هي المنطقة المسماة ( خندق مارياناز ) والتي تقع بالقرب من جزر الفلبين بجنوب المحيط الهادي ، كما يعتبر المحيط الهادي نفسه أعمق محيطات العالم ، ففي تلك المنطقة يبلغ عمق المياه حتى قاع المحيط ( 36198 ) قدماً وهي مسافة أكبر من إرتفاع جبل إيفرست أعلى جبال العالم .

[رضاك ياصفيه]

موضوعك جميل وبشكرك على المشارك دي
يا عسل ربنا اوفقك اخوك
رضاك يا صفيه

[امنية بكري]

والله الموضوع جميل

والمكان اجمل
وتسلم على السياحه الحلوة دي

بس حق التذاكر على منو

الف شكر

[مدنيّة]

معلومة مفيدة

بس كان تنزل لينا صورة عشان علي الاقل نقول شفنا

[moh_alnour]

شكراً للأخ : رضاك يا صفية وإنشاء الله دائماً صفية راضية عنك ، وشكراً كثيراً للأخت مدنية وأسف لعدم توفر صور للموضوع .

[moh_alnour]

والله الموضوع جميل
والمكان اجمل
وتسلم على السياحه الحلوة دي

بس حق التذاكر على منو

أكيد حق التذاكر على أبو البنات يا أمنية ، ولو ما وافق وقال ما عايز يطلع أعملي بالنصيحة الفاتت وإنشاء الله حيمشي الحال ، شكراً على مرورك وتعليقك

[سواااح]

عزيزنا محمد النور
بس الكلام ده صعب خلاص
يعني حاول على الاقل
تتخيل المسافة !!!!!

[moh_alnour]

عزيزنا محمد النور
بس الكلام ده صعب خلاص
يعني حاول على الاقل
تتخيل المسافة !!!!!

لذلك فهي أعمق منطقة في العالم

[عبدالرحيم سعيد]

ارموا فيها جورج بوش وسلاطين الحرب

[nehroo]

الأخ محمد نور
مشكووور
لو جابوها في من سيربح المليون ..... والله وقع معاي جورج قرداحي


همسة:
شكلك زي ال كنت أستاذ جغرافيا في المدرسة دييييييييييييك

[meshanshow]

محمد شكلك بتحب الجغرافيا

[مرتضى يوسف العركي]

الرائع ود النور
دوما تعمق فينا ... تسبر اغوارنا فلا غرو حينها ان تكون الجغرافيا بعمقها او ايفرست وارتفاعها موضوع البوست شكرا اخي للقيمة العالية لهذا العمق الجغرافي والوجداني لكم
الو د

[عزيز عيسى]

شكرا على المعلومة المفيدة يا محمد نور

المحيط الهادي أعمق محيطات العالم
وبرضو بيقولوا عليه هادي!!!!

يا مدنية موقع خندق مارياناز Marianas Trench
يلا شوفي..

[سمسم]

شكرا للمعلومه السياحيه دى تسلم

[moh_alnour]

الأخوان :
عبد الرحيم سعيد
نهرو
ميشان شو
مرتضى يوسف العركي
سمسم
لكم جزيل الشكر على المرور
الخواجة عزيز
شكراً كثيراً لهذا الحضور الأنيق ، وشكراً كثيراً للإضافة والمعلومة الثرة
تخريمة : والله فعلاً أنا مادتي الأولى الجغرافيا وبعدها التأريخ والرياضيات

[meshanshow]

رايك شنو في التخمين محمد . معناها الموضوع الجاي شكلو عن التاريخ..

[بورتبيل]

ود النور
خشيت المرة الاولى .. وكنتا قائل الحكاية زي الترعة ولا اكبر شوية
لكين صدقني قربتا اغرق .. كا ما عزيز عيسى ختا لينا صورة المكان
يا خي لقيت ليك المكان دا غريق غرق عييييييييييييييييك

لك عميييييييييييق تحياتي

[عثمان جلالة]

ود الجاك .. شكرا على المعلومة ... ولله في خلقه شئون .. لكن أكيد ربنا عندو حكمة ... والعمق في المكان ده ما جا من فراغ ... يا الله تنجيبا من غرقنا العلينا يا الله

[moh_alnour]

رايك شنو في التخمين محمد . معناها الموضوع الجاي شكلو عن التاريخ..

الأخ : ميشان شو
تخمينك الأول في محلو
بس تخمينك التاني ما ظبط
المرة دي رياضيات
أوجد قيمة س في المعادلة التالية :
3 اُس س = 9 س
هنالك جائزة قيمة لمن يكتب الحل بالخطوات

[moh_alnour]

الأخوين : بورتبيل وجلالة
شكراً على المرور والتعقيب
ودمتم بألف خير وعافية

[مصريه]

اهاه معلومه عن الجغرافيا قولنا ماشي
بس رياضه لا والف لا
بس شكرا علي المعلومه

[MUSAB24]

محمد كيفنك

جعرافيا معاك
بس رياضيات مامعانا

ربنا يحفظك

[راسكال]

ود النور انا جاى اسوقك ونمشى نشوف الحاصل

شنو فى المحيط دا

[moh_alnour]

الأخت مصرية
شكراً على المرور والتعقيب
الأخ الحبيب مصعب
تسلم يا غالي وربنا يحفظ الجميع ، شكراً لمرورك
الأخ راسكال
كدي في الأول أمشي براك وتعال ورينا الحاصل

[ابووضاح]

ودالنور يارائع لك التحية ومعاها تعظيم سلام
على هذه المعلومة الثره

تخريمة : ياود النود ممكن امشي اسبح فى المنطقة دي انا سباح درجة اولى حجر بس فى الموية لو جابو لي فنجان فيهو مويه بروح فيها