توووووت .. توووووت تووووت
* الووو
* اهلا وسهلا
* دكتور عمار
* اهلا يا محمد كيف حالكم
* والله تمام ... بس فاقدنكم
* اها يا دكتور لقيت البلد كيف ... ناس مستوصفكم هنا بسألوا عنك بكثره
* والله يا محمد البلد .. حالها ما بسر .. فيضانات .. وأمراض .. وعدم اهتمام على كل المستويات .. وربنا يسهل .. بمناسبة يسهل دي ... النزلات المعويه والاسهالات كتيره اليومين ديل ... ضبان ما يديك الدرب
* براك يا دكتور .. أنا ماشي البلد .. داير استقر نهائي .. أولى بي بلدي ... كنت شغال بى راتب ولا في الاحلام .. ومأمنين ليك بيت وعربيه .. الجابرك على الحاله دي شنو؟؟؟؟
* يا محمد يا ها بلدنا ... ويانا الراجعين ليها كان طال الزمن ولا قصر .... لكن المشكله ما في البلد ..... المشكله .... (تيت تييتيتتتتت)
ألو ألوووووووووووووووووو ......................
توووت ... تووووت ... توووت
أيوه يا محمد ... معليش الخط قطع ... في عندنا بررررق ..حااااار .. عليك الله أولادك كيف
* والله كويسين .. وجاييينا جري المدارس .. وقومة ... قبل أذان الفجر
* أها يا دكتور ... مشروعك عملت فيهو شنو ؟؟؟
* أسكت سااااي يا محمد ... والله جنس بهدله .... زول تلقاه في مكان عملوا ولا مكتبوا مافي .. امشي وتعال .. أمشي تعال ... غايتو ... قريشاتنا ديل ..ح نكملن مواصلات ... أسي كان الواحد أجنبي ولابس ليهو عقال ... كان ناس الاستثمار يجووك لحدي عندك .. ود البلد ولا الغريب؟... لكن مين بقول البغلا في الابريق!!!! وبى مناسبة البغلا دي .... هنا عندنا كل شي بغلا
* طيب ما دام ... غلبتك ... تعال راجع؟
* أرجع وين .. للهم الشفناهو ... والضقناهو في الغربه ... كلوا حااااار ... الله يصبرنا
* تعرف يا محمد ... نحن كل شي عندنا ... بس كان الناس دي ختت الرحمن في قلبها وبطلت الجشع .. والانتهازيه ... وعدم الاهتمام ... بنبقى .. ولا أمريكا
* يا دكتور ... نحن قبيل شن قلنا .. قلنا الطير بياكلنا ... أنا قلت النشوفك ... كيف مع تجربة الاستقرار .. لكن الظاهر .. فاشله .. اسمع ... مافي طريقه .. تشوفوا حل لل .....
تيت تتتتيييييييت تييييييييت .....
(نأسف لن تستطيع إجراء هذه المكالمة .. لعدم توفر رصيد كافي في حسابك .. الرجاء إعادة الشحن وشكراً)
رد مع اقتباس
المشاركة الأصلية كتبت بواسطة جلالة
المفضلات