عليكم الله الناس دي عايز من مدني شنو

[انيس التوم]

اولاً الواحد يفتخر انوا من مدني ودي ذاتها نعمة مابلقاها اي زول والشكر للاخ الرائع والمتجدد دوما معتز الريح لكتابه بوست بذات الخصوص السبب الذي دعاني لكتابه هذا البوست اثناء مشاهدتي حفل تخريخ لكلية البيان بالخرطوم حيث اقامة حفل تخريخ وانثاء التخريج تم عرض مسرحي وكالعادة تاخذ مدني نصيبها من الكلام الفارغ والسخف وقال لي صديقي بالحرف الواحد بالله ناس مدني ديل هم كده
ود الرابط بالتاع العرض
http://www.malfat.com/up//down2.php?...48336e8102.asf

تخريمه
طول بالك علي العرض في نهاية العرض تشاهد السخف والكلام الفارغ

[معتز الريح]

أنيس الحبيب ..
لخلل فني لم استطع تشغيل الرابط ..
لوتكرمت أحكي لنا ما ازعجك من المسرحية ..

[مدنيّة]

ملأ السنابل ينحنين تواضعا **** و الفارغات رؤسهن شوامخُ

يا انيس ما تاخد في خاطرك دي مدني وكفي

[محمد أحمد الشيخ]

منتهي السخف وقلت الأدب
البقول طياره ده أنشاء الله أطير وما يرك


صح لسانك يا أبو الرجال

[انيس التوم]

أنيس الحبيب ..
لخلل فني لم استطع تشغيل الرابط ..
لوتكرمت أحكي لنا ما ازعجك من المسرحية ..

والله يا معتز يا خوي خلاصه المسرحيه انوا اولاد مدني شباب بتاع فارغه بالعربي كده شراب ورقص وناس ماعندهم مسئوليه طيارات يعني عاشين حياتهم كلها علي الاخرين ما بتاعين شغل وكده صدق يا ود الريح الكلام ده

[انيس التوم]

منتهي السخف وقلت الأدب
البقول طياره ده أنشاء أطير وما يرك


صح لسانك يا أبو الرجال

تسلم يا حمادة الوسيم الغريبه هم عارفيننا كويس لكن البعترف منوا وتسلم علي المرور الرائع اخي

[انيس التوم]

ملأ السنابل ينحنين تواضعا **** و الفارغات رؤسهن شوامخُ

يا انيس ما تاخد في خاطرك دي مدني وكفي

تسلمي بت البلد الاصيليه علي هذه الكلمات الشافيه والكافيه لكل من يحول التقليل من شان مدني

[المكاشفى]

ياود التوم ياحبيبنا ماتتحسس والكلام عادى
المسأله مسأله غافيه بس مافى مدينه فى السودان
تؤدى الجرس الموسيقى والحس المرهف زى مدنى
كدى جرب من حلفا لى نملى وقارن وشوف بى نفس
حلاوه مدنى وثم ثانيا هو ماقال احب مدنى ودى طبعا
غصبا عنو لانها مدنى ياود مدنى اخر مره شفتك فيها وين
- فى مدنى؟؟؟؟؟؟؟؟؟؟؟

[mohd.dafalla]

والله الوضع لا ازي لا الله قال دا استهبال والفاشل دا هو فرقتو ... دايرين يبنو نجحاهم على مدني والله لو في ايدي شئ اسمحهم من الوجود شوف بالله مدني شموخ مدني عزة يجي دا يستهبل ما في رجال تتصدى له في في كلية البيان بس معليش حال البلد كلو اصبح مائل

[مختار بازى]

والله يا شباب في مثل بيقول الما بعرفك بيجهلك

وزي ما قال المكاشفي عايز يطلع العلالي علي حساب مدني

وبعدين هو رجع وعقب عن افذاذ كبد مدني بس دا برضو ما بيغفر ليهو مننا

[عبدالمنعم الصديق(خدرا)]

انيس ايها الغالى
تسلم انشالله على غيرتك لمدنى
ولانو الناس مابتشبه ناس مدنى
ولا بقدروا يصلوا لما وصلت اليه مدنى
مهما ركضوا
ومهما هرولوا
والمابعرفك بجهلك
والمابلحقك بجدعك
ولكن مدنى ساميه وسامقه كما النخله
يرموها بالحجاره
فترمى لهم باطايب الثمر
دمت ايها الغالى
مع حبى لك ولمدنى

[رامى طلبه]

السلام عليكم يا شباب .. والله انا ما شايف فيها شى وارجو انو الشباب ما يتحسس ساكت مجرد دعابات وقفشات ما اكتر من كده ... ومعروف انو الفرقه دى بتؤدى عروض وبتشتغل الكتير من الناس سوا كانت قبائل او مناطق او حتى اشخاص بالاسم ... عشان كده ناخد الامور بروح رياضيه واذا تمسكنا فى كل شى بنلقى نفسنا برانا,,,,,, ولام مش كده يا انيس وود التوم .... لان الفن اصلا ولد وين ؟؟؟؟.... فى مدنى

[معتز الريح]

اولاد مدني شباب بتاع فارغه بالعربي كده شراب ورقص وناس ماعندهم مسئوليه طيارات يعني عاشين حياتهم كلها علي الاخرين ما بتاعين شغل وكده

الحبيب أنيس ..
دي حمى خفيفة .. ولا يهمك ..
نحنا عارفين نفسنا ..

[انيس التوم]

شكرا علي المرور لكن والله والله والله الموضوع خطير الناس دي بتاكد في معلومه مدني اصلاً ما ليها فيها يد يعني الما مشى مدني قبل كده علي الكلام السمع بيه والمسرحيه دي بتاكد الحاصل في مدني شنو وانتوا عارفين الكلام ده كويس امكن باقي الناس تكون ما عارفه الحاصل شنو لكن يا مكاشفي و رامي ومختار بازي وعبد المنعم ومحمد دفع الله ود الريح انتوا عارفين المعلومه دي وربنا موجود علي كل مفتري

[رامى طلبه]

والله يا ود التوم الحمدلله انك ما كنت قاعد فى المسرحيه دى ..... كان حسه نكون قاعدين بالعمود بره هههههههههههههههههه