ياناس المنتدى عوووووووووك

[طارق محمد الحسن]

ياتاس المنتدى السلام عليكم انشاء اللة تكونو سالمين وتامين ولامين................................ واللة انا زعلان منكم زعل شديد انتو ياكافى البلا لابتسالو الزول دا مختفى مالو ولا الحاصل عليهو شنو امكن مات او عيان او السيول دى لحقتو والغريبة انو انا خاتى نمرة تلفونى معاكم لكن الظاهر عندكم خيار وفقوس $اها من دى السلام عليكم وكان حين بنتلاقى ودعتكم اللة

[حسن سادة]

فايت مرّوح وين
ما لسع الوقت بدري
خليك شوية عشاني
جنك يطول عمري
منتدى الأهل والريد
تلقاني من أهلها
ومين اللي ما بيعرف
طيبة شباب مدني

قرّب تعال ما تبتعد

[مختار بازى]

قرّب تعال ما تبتعد

والله يا طارق بالصح متلومين معاك لكن انتة الكبير واكيد بتقدر


ويلا يا حبيبنا لكي العتبي

[مدنيّة]

وعليكم السلام ياطارق
والله فعلا متلومين لكن ابقي انت الاحسن
وامسحها لينا في وشنا دا
وخليك قريب ما تبتعد

[هشام السماني إبراهيم]

الاخ طارق
والله متلومين وحمد لله على سلامتك بس تاني ما تنقطع كدا او على الاقل سيب نمرتك عشان نعرف نصل ليك



ودمت في رعاية الله وحفظة







تخريمة : مدنية المسح كتر

[مدنيّة]

تخريمة : مدنية المسح كتر

ياخ ما تخليها مستورة ياخ


همسة : بعد كدا الا نستورد وشوش من الخارج

[ابوالنور]

معليش اخي طارق والله العظيم انت عارف براك الحاله العاماه الناس بتجي تخش يا داب تلحق ترد علي صفح او تشوف الجديد شنو يا الكهرباء تقطع او الكنيكشن قطع او المطره صبت
وكده ياخي لكن ما انتي باراك المتلومين فيك وكل الناس البعيده عننا دي لها العتبه حتي ترضي واتمني انو الناس تاخذ الموضوع بي حسن نيه ما فيها خيار ولا فقوس
ومنتظرنك

[عثمان جلالة]

طارق الحكيم ... سلام عليكم .. حكيم دي ما بتاع (حقن) .. حكيم من الحكمة .. يا أخي من جينا المنتدى ده وانت بتنصح فينا .. تقوم تزعل حرام عليك .. حليل الكان بهدي الغير ... لك العتبى حتى ترضى .. منتظرين جديدك