أعضاء مجلس الإداره

[ود المطامير]

أعضاء مجلس الإداره
الريس ... عمدتنا ... أبوبكر ... الله يديهو العافيه ... فى كرسى ود عمى بورتبيل شفناهو وشفناهو وفى الحوش زارنا بس والله بنشتاق شديد نشوف كلمة ( آدمن ) باللنقليزى وشعار ودمدنى الحلو دا .. يا عمدتنا ... زمان النميرى جا المطامير مره واحده بس وحاة الله لسه عالقه بالذاكره .. وكان أول مره فيها آكل آيس كريم .
جمال الماحى ... حبيب القلوب .. لو ما هو كنا نسينا إنو فى حاجه إسمها أعضاء مجلس إداره
ويا صاحب ( الزمن الجميل ) شفت لما الطائر يأتى للعش وهوشايل قبوره والفريخات تتشابا فاتحه خشمها ؟ أها .. دى حالنا لمشاققاتك البترد الروح ولو كان شغل الوزاره التحت تحت شاغلك من إنك تأتى لينا بالإغاثه والغذا والكساء والدواء ( ياخى ) قدم إستقالتك وخليك شعبى رسمى سروال ومركوب وعمه سديرى وجروف وريحة دعاش ودغاليب .
عمّى .. صالح أبوشوارب ... أتمنى أن أرى له رد فى غير المواضيع الساخنه ,, وذى التقول على المواضيع التانيه بيباركها فى السر بس .. ودا ما كفايه ..
ويا ربى تانى فى ناس فى أعضاء مجلس الإداره ؟ والله ما عارف
أعضاء مجلس الإداره من هم ؟ وأين هم ؟
ما يفعلوهوا تحت السطح لرفعة المنتدى معروف ومقدر ولكن من حقنا رؤيتهم بيننا ولأ نحنا ما قدر المقام ؟؟ .

[رضاك ياصفيه]

الكلام دا مالينا مش كان كدي نسمع بس


رضاك ياصفيه

[Jamal Elmahi]

أخونا الحبيب ود المطامير أتحفني بي رساله خاصه بسعل سعال الضهبان من أعضاء مجلس الاداره ...وبأننا ما ظاهرين وما متفاعلين مع الاعضاء ...
ودي حقيقه ...وأهو دا كان ردي بحزافيرو لاخونا الهمام ود المطامير....

الاخ الحبيب
ود المطامير
زارتنا الملائكه وحلّت علينا البركه ...كدي اقعد فك الريق وأشرب الجبنه وبعدين نطق الحنك عن الاداره ..
تعرف يا عشا البايتات مجلس الاداره شغلو ماظاهر للاعضاء وعندو قسم براهو خاص لاعضاء مجلس الاداره لمناقشة هموم ومشاكل المنتدي..وبصراحه نعم الشباب بشتغلوا بي تحت تحت ومسيرين كل العمل من غير أضواء والماعارف يقول قنقليس ..ومعالجات هموم ومشاكل المنتدي ماخده من وقتهم الكتير مما أثر علي مدي تفاعلهم في المشاركات في المنتديات ...يوم ياالحبيب بتجي وتكون في مجلس الاداره وتعرف حجم المسئؤليه الماشايفنها الاعضاء وحتي المشرفين..وحقيقة مجلس الاداره تعدي مرحلة الشكر وتسليط الاضواء ..وزي ماقلته ليك كراع البقر جيابه ..بتجي وبتشوف بعينك ..وبإختصار أنا أقلّ واحد فعالية في مجلس الاداره وقس علي ذلك ...
وبالمناسبة باب مجلس الاداره مفتوح لكل الانتقادات الهادفه والبناءه وممكن تفتحوا بوست في المنتدي العام وتسألوا الفي بالكم ونجاوبكم بكل أريحيه فأنتم مجلس الاداره مستقبلاّ...
لك كل الحب والمودّه ولاسرتك الكريمه أجمل التحايا والاماني الطيبه...

ود الماحي

[Jamal Elmahi]

ود المطامير الظريف ماشي بي قولة أهلنا العرب ...الما دارك ما لامك ...
ونحن بنرد ليهو ونقول ليهو اللوم بجي بالغفلات ...

ود المطامير قام رد علي رسالتي الفوق المابتغباكم دي رد ظريف ودمو خفيف بأنو عايزنا نظهر معاهم ونتفاعل معاهم في المنتديات لانو تفاعلنا ومشاركاتنا في المنتديات ضعيفه ...
فأنا رديت ليهو بالاتي:-

الحبيب ود المطامير
وحاة أبجلابيه كلامك عين العقل ..وتفاعل مجلس الاداره مع الاعضاء مطلوب حتي لو فنّه في الدهر ...
أها رأيك شنو أنا أعرض كلامك السمح دا علي مجلس الاداره بي حزافيرو ؟! أهو في النهايه الغرض المصلحه العامه والنهوض بالمنتدي للاحسن ...
لك الشكر من قبل ومن بعد..

ود الماحي

[Jamal Elmahi]

الاحبه الاعضاء والمشرفين
أها زين الشباب ود المطامير فتح ليكم نفّاج ...تعالوا نفتّو سوي ..العندو سعال أولوم أو حتي أم دلدوم لاعضاء مجلس الاداره يجينا مارق ومنكم نستفيد ...وأنتم الاداره العليا ...ولو لاكم لما كنا ولا كان المنتدي....دي حاجه بسيطه كدا من طرف الشمّاعه ...

مشاققه...
هسه بجوكم باقي أعضاء مجلس الاداره ويغطوا عين الشمس ...يا قل هو الله أحد من عين كل حد ...

ود الماحي

[مهيرة]

الحبيب ود المطامير
وحاة أبجلابيه كلامك عين العقل ..وتفاعل مجلس الاداره مع الاعضاء مطلوب حتي لو فنّه في الدهر ...


ود الماحي

يعني نفهم من كده عرب الشرق عملوا ليهم سكة حديد من الجنيد للشرفة
ود الماحي دايرين نعرف ابجلابية ده منو الحلفت بيهو

ود المطامير انت مابتعرف الإختراق الأمني ؟
ده الطريق الوحيد لمجلس الإدارة وكدي النشوفك يوم ساكت بتعاين بالشباك

[عماد عبدالشكور]

الحبيب ود الماحي
البركة في ود المطامير الجابك لينا
سؤالي ليك ماهو دور مجلس الادارة وماذا يفعل وراء الكوليس وماذا اضاف حتى الان وماهي اهدافه وكيف الانضمام اليه ؟

[Madanawi]

ده إنقلاب سلمي ولا شنو يا عروة؟

كدي النشوف الزعيم جهّز لينا .. الأنتينوف؟؟

[جيفارا]

طبعا لا تعليق بعد كلام السيد / عماد أقصد عمر البشير

وود المطامير دائمـــــــــا خطير وبيعرف كيف يجيب الناس وله وللسادة اعضاء مجلس الادارة مني كل التحايا القلبية .

وفي عون الله

[Jamal Elmahi]

الحبيب ود الماحي
البركة في ود المطامير الجابك لينا
سؤالي ليك ماهو دور مجلس الادارة وماذا يفعل وراء الكوليس وماذا اضاف حتى الان وماهي اهدافه وكيف الانضمام اليه ؟

الوجيه زين الشباب العمده ...
إتا أأأعشاي جيتني ضهبان من البنبر الساخن ولاّ شنو؟!!
مجلس الاداره عندو ناطق رسمي وهو أخونا المستشار القانوني أبوبكر ود المأذون ...حنك سنين ومتلقي حجج ...قانون يمشي علي رجلين ...وأنا بحوّل أسئلتك ليهو ...عشان ما إتلخبت عليكم الاختساس ...علي وزن الاحتباس ..
وكان ود المأذون مشغول برضو عندنا سكرتيرة مجلس الاداره مهيره ...نجيضه جنس نجاضه ..تجاوب ليك علي كل الاسعله لامن تقول بس ...

ود الماحي

[Jamal Elmahi]

يعني نفهم من كده عرب الشرق عملوا ليهم سكة حديد من الجنيد للشرفة
ود الماحي دايرين نعرف ابجلابية ده منو الحلفت بيهو

ود المطامير انت مابتعرف الإختراق الأمني ؟
ده الطريق الوحيد لمجلس الإدارة وكدي النشوفك يوم ساكت بتعاين بالشباك

مهيره إتي بي صحّك مابتعرفي أبجلابيه ؟؟!! ...وما تقولي لي كما أبكبس ماسمعتي بيهو ...غايتو إلا تكوني شعوعيّه ...قبلك ووحدك ...ما ياهو دا الجاب ليكم العصار والهبايب...
ود المطامير كان خريف السنه دي صحّ عندهم في الدرت كان ما لقيتيهو في مجلس الاداره لوميني ...

ود الماحي

[بورتبيل]

ولله شايف الناس بجادع في الكلام
الا النقول ليك يا ابوي .. ناس الادارة ديل
انا ما داير اقول فيهم كدي ولا كدي
بعدين يقولو بورتبيل قال وقال ..
الا عندي سؤال حارقني شديد
عايز اقولو .. وبقولو اصبرو عليا بس

انتو اللماكم منو .. وسواكم مجلس ادارة ؟؟؟

سأل بس ما فوقو حاجة

[الفارس البنفسجي]

يا ود المطامير

انت عاوز تبقى عضو مجلس
إدارة ولا شنو؟

وينو خروف الكرامة بتاع الأشراف؟؟

[admin]

ودالمطامير مبروك الاشراف .. وعقبال ما نشوفك رئيس مجلس الادارة ان شاءالله

اسمحوا لي نيابة عن الناطق الرسمي ونيابة عن اعضاء المجلس الاجابة عن بعض تساؤلاتكم.

نبذة تاريخية
كنا في بداية المنتدي عبارة وككافة المنتديات مجموعة من المشرفين يتراسهم المشرف العام ومن ثم تم استحداث وظيفة كبير المشرفين لاحاجتنا وقتها لاكثر من مشرف .. ومن ثم ظهر بيننا اخوة اعزاء قدموا الكثير جدا للمنتدي ففكرنا في جعلهم مشرفين على اقسام المنتدي ولكن وبعد تنفيذ الامر وجدنا ان الاشراف ليس تكريما ولكنه تكلفيا فبدل من كان هؤلاء الاخوة من المفترض تكريمهم وجدنا اننا وضعناهم في مواجهات اشرافيه مع الاعضاء وحينها تم استحداث مجموعة المشرفين الفخريين .. وهم اعضاء نفخر بوجودهم بيننا .. ولقد استفدنا كثيرا من ارائهم وافكارهم في سبيل تطوير هذا المنتدي ..
مجموعة المشرفين والمشرفين الفخريين ظلت تلتقي في اجتماعات دورية (طواحين دورية) نتناقش فيها حول مشاكل المنتدي ونبحث فيها السبل لتطوير هذا المنتدي .. وفي هذه الاجتماعات تم انشاء قسم المشرفين الذي ساعد كثيرا في الترابط والتلاقي والنقاش بين افراد هذه المجموعة .. ومنها انبثقت فكرة مجلس الادارة.

مجلس الادارة
هو السلطة العليا في المنتدي حيث يتم البت النهائي في القرارات التي الشائكة التي تواجهة المشرفين .. ومن مهامه تعيين المشرفين وحل المشاكل التي تقع خارج نظام الاشرافي .. وهو ذو سلطه ادارية فقط .. اي ان ليست لديه اي سلطة تنفيذية مباشرة .. حيث ان السلطة التنفيذية بيد المشرفين والسلطة التنفيذية العليا لدي الضباط الثلاثة.
من مهام المجلس ايضا ايجاد التمويل الازم للموقع والمنتدي والمشاريع الاخرى .. حيث يعني المجلس ايضا بالمشاريع والمقترحات التي تتعلق بعلاقة المنتدي بالمجتمع والسبيل الى تحقيق اهدافه الخارجية والتي من اهمها العمل الخيري وترقية انسان السودان عموما وانسان ودمدني خصوصا وذلك في شكل مشاريع خيرية وثقافية واجتماعية.

اعضاء المجلس
تم تكوين المجلس مرة واحدة فقط حتى الان ومن المقرر انتهاء اعمال المجلس الحالي في نهاية العام الحالي .. وهو مكون من سبعة اعضاء .. وتم اضافة عضوين جدد مؤخرا وذلك لعدة اسباب تم شرحها في خطاب الادارة الخاص بتعيين هذين المشرفين .. وكذلك تمهيدا لحل المجلس الحالي وتكوين مجلس جديد في نهاية العام.
تم تكوين المجلس عن طريق الترشيح من قبل مجلس المشرفين وسيتم تكوين المجلس الجديد عن طريق الترشيح ايضا من قبل اعضاء مجلس الادارة الحالي.. واعضاء المجلس هم ابوبكر محمد المبارك، نبيل حمدتو ، صالح ابوشوارب ، جمال الماحي ، وامين المال خالد هاشم ، والناطق الرسمي ابوبكر حامد ، والسكرتارية العامة مهيرة ، والعضوين الجدد عمر غلام الله وضياء الدين محمد يوسف.

النظام العام والقرارات
يعتمد مجلس الادارة والمشرفين على التشاور والتصويت والاغلبية والبحث قبل اتخاذ القرارات .. والهم الاساسي هو توفير بيئة مناسبة وجيدة لاعضاء المنتدي وزواره .. ومحاولة تقريب وجهات النظر بين مختلف الاعضاء .. ومحاولة ارضاء وتنفيذ رغبات وحل مشاكل كافة الاعضاء .. وهذا الامر بالطبع ليس باليسير .. ومن هذه السانحة اوصي جميع الاعضاء بالصبر على قرارات المشرفين وكظم الغيظ والغضب نتيجة حذف او تعديل او نقل موضوع ما .. وتاكدوا ان هذا ما كان ليحصل لولا ان هذا الامر هو الانسب في الوقت الحالي .. ولولا ان في ذلك تحقيق لمصلحة عامة تخدم كافة الاعضاء .. وان المشرفين والضباط الثلاثة ومجلس الادارة يعمل من اجل غاية سامية وليس الهدف كما يصوره الغضب للبعض السيطرة على الاعضاء والتحكم فيهم فلا فائدة تجنى من ذلك .. بل الجميع يعمل من اجل ضمان استمرارية هذا المنتدي وضمان نظافته ونقائه ومناسبته لافراد المجتمع كافة صغيرها وكبيرها .. والعمل على نبذ المهاترات والاختلافات والمشاكل التي تبعدنا نحن الاعضاء عن بعضنا البعض ..

واختتم حديثي مقتبسا افتتاحية اول خطاب لمجلس الادارة الحالي والذي صاغته الاخت العزيزة مهيرة قبل عام تقريبا من الان وقالت:

قال رسول الله صلي الله عليه وسلم : ( مثل المؤمنين في توادهم وتراحمهم وتعاونهم كمثل الجسد اذا اشتكي منه عضو تداعي له سائر الجسد بالحمي والسهر ))

تم بعون الله وتوفيقه الإجتماع الأول لمجلس الإدارة الجديد والمشرفين اليوم الخميس الموافق 17/8/2006لمناقشة أجندة مقترحات ( صلاحيات ومهام مجلس الإدارة الجديد والمشرفين ) مقدمة من العضو أبو شوارب حيث تمت ادارة الإجتماع بواسطة الأستاذ / صالح أبو شوارب وشارك الجميع بروح عالية وتوفير الصلاحية الكاملة له لإعطاء الفرص والتي جاءت منظمة واعتبارية لحد بعيد ولمدة 3 ساعات حيث تمكن الإجتماع من الخروج بمقررات لبعض المهام وكان معظمها تأمين للمقررات السابقة وأرجئت البقية لإجتماع يوم الخميس الموافق 24/8/2006م

[صلاح ودالطاهر]

ودالمطامير مبروك الاشراف .. وعقبال ما نشوفك رئيس مجلس الادارة ان شاءالله

اسمحوا لي نيابة عن الناطق الرسمي ونيابة عن اعضاء المجلس الاجابة عن بعض تساؤلاتكم.

نبذة تاريخية
كنا في بداية المنتدي عبارة وككافة المنتديات مجموعة من المشرفين يتراسهم المشرف العام ومن ثم تم استحداث وظيفة كبير المشرفين لاحاجتنا وقتها لاكثر من مشرف .. ومن ثم ظهر بيننا اخوة اعزاء قدموا الكثير جدا للمنتدي ففكرنا في جعلهم مشرفين على اقسام المنتدي ولكن وبعد تنفيذ الامر وجدنا ان الاشراف ليس تكريما ولكنه تكلفيا فبدل من كان هؤلاء الاخوة من المفترض تكريمهم وجدنا اننا وضعناهم في مواجهات اشرافيه مع الاعضاء وحينها تم استحداث مجموعة المشرفين الفخريين .. وهم اعضاء نفخر بوجودهم بيننا .. ولقد استفدنا كثيرا من ارائهم وافكارهم في سبيل تطوير هذا المنتدي ..
مجموعة المشرفين والمشرفين الفخريين ظلت تلتقي في اجتماعات دورية (طواحين دورية) نتناقش فيها حول مشاكل المنتدي ونبحث فيها السبل لتطوير هذا المنتدي .. وفي هذه الاجتماعات تم انشاء قسم المشرفين الذي ساعد كثيرا في الترابط والتلاقي والنقاش بين افراد هذه المجموعة .. ومنها انبثقت فكرة مجلس الادارة.

مجلس الادارة
هو السلطة العليا في المنتدي حيث يتم البت النهائي في القرارات التي الشائكة التي تواجهة المشرفين .. ومن مهامه تعيين المشرفين وحل المشاكل التي تقع خارج نظام الاشرافي .. وهو ذو سلطه ادارية فقط .. اي ان ليست لديه اي سلطة تنفيذية مباشرة .. حيث ان السلطة التنفيذية بيد المشرفين والسلطة التنفيذية العليا لدي الضباط الثلاثة.
من مهام المجلس ايضا ايجاد التمويل الازم للموقع والمنتدي والمشاريع الاخرى .. حيث يعني المجلس ايضا بالمشاريع والمقترحات التي تتعلق بعلاقة المنتدي بالمجتمع والسبيل الى تحقيق اهدافه الخارجية والتي من اهمها العمل الخيري وترقية انسان السودان عموما وانسان ودمدني خصوصا وذلك في شكل مشاريع خيرية وثقافية واجتماعية.

اعضاء المجلس
تم تكوين المجلس مرة واحدة فقط حتى الان ومن المقرر انتهاء اعمال المجلس الحالي في نهاية العام الحالي .. وهو مكون من سبعة اعضاء .. وتم اضافة عضوين جدد مؤخرا وذلك لعدة اسباب تم شرحها في خطاب الادارة الخاص بتعيين هذين المشرفين .. وكذلك تمهيدا لحل المجلس الحالي وتكوين مجلس جديد في نهاية العام.
تم تكوين المجلس عن طريق الترشيح من قبل مجلس المشرفين وسيتم تكوين المجلس الجديد عن طريق الترشيح ايضا من قبل اعضاء مجلس الادارة الحالي.. واعضاء المجلس هم ابوبكر محمد المبارك، نبيل حمدتو ، صالح ابوشوارب ، جمال الماحي ، وامين المال خالد هاشم ، والناطق الرسمي ابوبكر حامد ، والسكرتارية العامة مهيرة ، والعضوين الجدد عمر غلام الله وضياء الدين محمد يوسف.

النظام العام والقرارات
يعتمد مجلس الادارة والمشرفين على التشاور والتصويت والاغلبية والبحث قبل اتخاذ القرارات .. والهم الاساسي هو توفير بيئة مناسبة وجيدة لاعضاء المنتدي وزواره .. ومحاولة تقريب وجهات النظر بين مختلف الاعضاء .. ومحاولة ارضاء وتنفيذ رغبات وحل مشاكل كافة الاعضاء .. وهذا الامر بالطبع ليس باليسير .. ومن هذه السانحة اوصي جميع الاعضاء بالصبر على قرارات المشرفين وكظم الغيظ والغضب نتيجة حذف او تعديل او نقل موضوع ما .. وتاكدوا ان هذا ما كان ليحصل لولا ان هذا الامر هو الانسب في الوقت الحالي .. ولولا ان في ذلك تحقيق لمصلحة عامة تخدم كافة الاعضاء .. وان المشرفين والضباط الثلاثة ومجلس الادارة يعمل من اجل غاية سامية وليس الهدف كما يصوره الغضب للبعض السيطرة على الاعضاء والتحكم فيهم فلا فائدة تجنى من ذلك .. بل الجميع يعمل من اجل ضمان استمرارية هذا المنتدي وضمان نظافته ونقائه ومناسبته لافراد المجتمع كافة صغيرها وكبيرها .. والعمل على نبذ المهاترات والاختلافات والمشاكل التي تبعدنا نحن الاعضاء عن بعضنا البعض ..

واختتم حديثي مقتبسا افتتاحية اول خطاب لمجلس الادارة الحالي والذي صاغته الاخت العزيزة مهيرة قبل عام تقريبا من الان وقالت:

اه يود المسامير اقصد ياود المطاريش مالي يربي الجنه اسمو منو اي ودالمطامير قطعت جهيزه قول كل خطيب عاد ياود المطامير شكيت محنك جبته دقله يكركب ودالماحي الراجل الصاحي دقله يكركب شنو

[ود المطامير]

الكلام دا مالينا مش كان كدي نسمع بس


رضاك ياصفيه

لا والله الكلام ليكم تب
ولكل من يستظل بظل هذا الصرح العظيم
فالديمقراطيه التى نعيشها فى هذا المنتدى الغالى تتيح للجميع الحديث
تكلم وسأل ودى فرصتكم .

[ود المطامير]

ود المطامير الظريف ماشي بي قولة أهلنا العرب ...الما دارك ما لامك ...
ونحن بنرد ليهو ونقول ليهو اللوم بجي بالغفلات ...

ود المطامير قام رد علي رسالتي الفوق المابتغباكم دي رد ظريف ودمو خفيف بأنو عايزنا نظهر معاهم ونتفاعل معاهم في المنتديات لانو تفاعلنا ومشاركاتنا في المنتديات ضعيفه ...
فأنا رديت ليهو بالاتي:-

الحبيب ود المطامير
وحاة أبجلابيه كلامك عين العقل ..وتفاعل مجلس الاداره مع الاعضاء مطلوب حتي لو فنّه في الدهر ...
أها رأيك شنو أنا أعرض كلامك السمح دا علي مجلس الاداره بي حزافيرو ؟! أهو في النهايه الغرض المصلحه العامه والنهوض بالمنتدي للاحسن ...
لك الشكر من قبل ومن بعد..

ود الماحي

تسلم يا حبيب قلوبنا والله على الدعم اللا محدود
ومنك نتعلم ومنك نستفيد وربنا يكتر لينا من أمثالك
آمين يا رب العالمين .

[ود المطامير]

يعني نفهم من كده عرب الشرق عملوا ليهم سكة حديد من الجنيد للشرفة
ود الماحي دايرين نعرف ابجلابية ده منو الحلفت بيهو

ود المطامير انت مابتعرف الإختراق الأمني ؟
ده الطريق الوحيد لمجلس الإدارة وكدي النشوفك يوم ساكت بتعاين بالشباك

هههههههههههههههههه
أختنا .. مهيره ..
يا حليلو الشباك وجحر أم سيسى داك
ما تانى خلاص بالباب عديل كدا هههههههههه
بس ما تقولى لى مجلس الإداره عندو باب براهو ؟
وسؤالك عن أبجلابيه زكرنى أختنا ( مدنيه ) مره قالت لى يا ود المطامير
أعمل لى ترجمه فى الشريط المتحرك عشان أنا قلت مره ( الكُرّاد )
وهى سألتنى يعنى شنو وشهر ما قدرت أفهمها ( الكُرّاد ) شنو ؟
إنتى يا ( مهيره ) الكُرّاد معناتو شنو ؟ .

[ود المطامير]

الحبيب ود الماحي
البركة في ود المطامير الجابك لينا
سؤالي ليك ماهو دور مجلس الادارة وماذا يفعل وراء الكوليس وماذا اضاف حتى الان وماهي اهدافه وكيف الانضمام اليه ؟

عليك الله أخوك ما خطر ؟

[ود المطامير]

ده إنقلاب سلمي ولا شنو يا عروة؟

كدي النشوف الزعيم جهّز لينا .. الأنتينوف؟؟

حبيب قلبى .. مشتاقين والله
هو أنا أقدر ؟
دا أنا زمان كنت شغال بجيب الرمله بالحمار
ولما أكون داير أقلب القليبه بقعد أتلفت وأول زول أشوفو
بنادى ليهو .. يا زول إيدك معاى
أها يا مدناوينا إيدك معاى .

[ود المطامير]

طبعا لا تعليق بعد كلام السيد / عماد أقصد عمر البشير

وود المطامير دائمـــــــــا خطير وبيعرف كيف يجيب الناس وله وللسادة اعضاء مجلس الادارة مني كل التحايا القلبية .

وفي عون الله

حبيبنا .. جيفارا ..
تقول شنو مرات الشلاقه بتجيب فائده
وأنا واثق إنو فى ناس كتيرين ما كان عندهم فكره عن الشرح الوافى اللى
قدمه ( عمدتنا ) صح ؟

[ود المطامير]

ولله شايف الناس بجادع في الكلام
الا النقول ليك يا ابوي .. ناس الادارة ديل
انا ما داير اقول فيهم كدي ولا كدي
بعدين يقولو بورتبيل قال وقال ..
الا عندي سؤال حارقني شديد
عايز اقولو .. وبقولو اصبرو عليا بس

انتو اللماكم منو .. وسواكم مجلس ادارة ؟؟؟

سأل بس ما فوقو حاجة

مالك يا ود عمى ما بتقول فيهم كدا ولأ كدا
قول ساااى إنت ما شفت ( صاحبنا ) لبس فنيلة عمدتنا
ههههههههههههههههه ؟

[ود المطامير]

يا ود المطامير

انت عاوز تبقى عضو مجلس
إدارة ولا شنو؟

وينو خروف الكرامة بتاع الأشراف؟؟

حبيب قلوبنا ود الماحى تنبأ لى بكدا وهو زول حكمه وبشوف بعيد
وأنا لحد اللحظه بتمنى تحصل معجزه ويعفونى من الآشراف عشان
( جحر أم سيسى ) حلو حلا أسكت ساى تقبض القبوره وتغطس بها الجحر
وخروفى حق الآشراف لحق خروفك إنت حق الإشراف زمان وحق الوزاره هسى
ههههههههههههه .

[ود المطامير]

اه يود المسامير اقصد ياود المطاريش مالي يربي الجنه اسمو منو اي ودالمطامير قطعت جهيزه قول كل خطيب عاد ياود المطامير شكيت محنك جبته دقله يكركب ودالماحي الراجل الصاحي دقله يكركب شنو

هههههههههههههههههههههه
يا أستاذ أنا تلميزك النجيب هع هع هع
مره كنا بنلعب ضقل وخبتو ليك كدا وطار فوق ولطشتو بالطريقه الصاح
وفنننننننن لط فى رأس مدير مدرستنا الكان مارى بالشارع ودمو سال
وحاة الله كسرنى والشفع المعاى كسره صاح وبكره من الصباح فى المدرسه عمل لينا طابور
وكسرنى تانى كسره جد ( حرقتو ) صاح ؟

[ود المطامير]

يا ... عمدتنا ...
فى ميزان حسناتك هذا التوضيح الشامل والوافى
وهذا ما أردته وقصدته إنو الأعضاء يكون لديهم معرفه تامه ومعلومات وافيه
عن قاداتنا وما قصرت معانا تب وربنا يدكم العافيه لسعة صدركم وتحمل
( شلاقتى ) والرد عليها بالتفاصيل المفيده للجميع
تسلم والله على هذا التفاعل الغالى واللى أنا بنادى به .