اسئله لشباب فقط.؟؟

[schizo]

1- لو كنت في مظاهرة ماهي العبارة التي تهتف بها ولمن ستهتف بها !!


2-من تكون الانثى التي تقف امامها ضعيفاً . ( ما في واحد يقول لي امي )


3-عندما تكون معجبا بها .. ماهي طريقتك في الوصول الى قلبها !!


4- والدك هل هو النموذج في حياتك .. ولو لم يكن والدك كذلك فمن يكون كذلك !!


5- في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!


6- كم مرة تنازلت عن مبادئك من اجل انثى !!



7- ماهو الموقف الذي تضبط فيه نفسك متلبسا بالتناقض ؟

8- هل تتزوج من تحبها .. ام تحب من تتزوجها !! وايهما تراه اجمل ؟

9- ايهما اجمل المراة في الواقع ام في الخيال!!

10- هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!

11- لو كانت مديرتك امراة .. بماذا تهمس لها في كل صباح !!

12- هل خضت يوما حربا من اجل الوصول الى قلب انثى .. وهل ظفرت بقلبها !!

13- هل تبوح لزوجتك باخطائك .. وهل تغفر لك تلك الاخطاء !! (حتى لو ما كنت متزوج.....اتخيل الموضوع)

14- ماهي الكلمة التي تربكك من الانثى !!






** ارجو من الشباب الاجابه على الاسئله كلها دون استثناء.,,؟؟**


**وارجو من البنات الحلوات القراءة فقط.,
واذا عايزين تعلقوا علقوا براحتكم لكن من غير الاجابه على الاسئله .,.**


تحياتي للجميع.,,,

[waheeb]

اود أن أكون صريحا بعض الشئ:


1- لكل مقام مقال.
2- أكيد................
3- أقرب طريق لقلب المرأه أذنها.
4- أكيد............
5- أتمنى لها كل الخير.
6- لا يمكن ان يحدث هذا.
7-................................
8- أتزوج من أحبها أفضل.
9- في الخيال.لا شئ بدون سبب ،ابحث عن السبب بعدين اقرر.
10-.............
11- السلام فقط.
12- لا.
13- أحيانا.
14- كل كلماتها.

[schizo]

نورت يا وهيب
حلوة الصراحة
لاحظ انك عملت pass لاكتر من سؤال
المرة الجاية تجاوب الما جاوبتو

[waheeb]

ما بقدر اجاوب اكثر من كدا والصراحه راحه......................

[schizo]

لى فكرة
ذكرتني
انا ما قلت مافي واحد يقول لي امي
يلا سريع غير الجواب

[aborawan]

1- لو كنت في مظاهرة ماهي العبارة التي تهتف بها ولمن ستهتف بها !!
لكل حادثه حديث

2-من تكون الانثى التي تقف امامها ضعيفاً . ( ما في واحد يقول لي امي )
بصراحة امام كل الإناث اللاتي تجمعني بهن صلة ما ( لكن في لحظات الوداع فقط )

3-عندما تكون معجبا بها .. ماهي طريقتك في الوصول الى قلبها !!
ما قاعد اتلفت كتير بوصلو طوالي بدون اى مقدمات حتى لو كنت عارف انها حا ترفضني بكون ارضيت نفسي ( مافي داعي للف والدوران ولا شنو )

4- والدك هل هو النموذج في حياتك .. ولو لم يكن والدك كذلك فمن يكون كذلك !!
الوالد ربنا يديه الصحة والعافية وان لم يكن الوالد فبرضو الوالد

5- في احد الاماكن العامة رأيت من كانت يوما تسكن القلب .. تمسك بطفلها .. كيف تكون ردة فعلك !!
بسلم عليها عادي جدا جدا وحصلت لي قبل كده يعني كلامي ما من فراغ

6- كم مرة تنازلت عن مبادئك من اجل انثى !!
المبادئ لا تعرف انثي ام ذكر مستحيل يحصل تنازل في المبادئ

7- ماهو الموقف الذي تضبط فيه نفسك متلبسا بالتناقض ؟
؟؟؟؟؟؟؟؟؟؟؟؟؟؟؟؟؟

8- هل تتزوج من تحبها .. ام تحب من تتزوجها !! وايهما تراه اجمل ؟
بلا شك حبيبة القلب هي شريكة الطريق

9- ايهما اجمل المراة في الواقع ام في الخيال!!
بالنسبة لي المرأة في الخيال هي اجمل وطبعا في النهاية الكمال لله لا واقع لا خيال

10- هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
حسب اسباب الهجر طبعا

11- لو كانت مديرتك امراة .. بماذا تهمس لها في كل صباح !!
كل ما يخص العمل

12- هل خضت يوما حربا من اجل الوصول الى قلب انثى .. وهل ظفرت بقلبها !!
بالتأكيد نعم ونعم ولكن تاتي الرياح بما لا تشتهي السفن

13- هل تبوح لزوجتك باخطائك .. وهل تغفر لك تلك الاخطاء !! (حتى لو ما كنت متزوج.....اتخيل الموضوع)
انا ما متزوج طبعا بس صراحتى مع ام روان لا متناهية لو فى خطأ بحكيه وبسمع منها ردودها وماشاء الله عليها بت ولا كل البنات

14- ماهي الكلمة التي تربكك من الانثى !!
هو في شئ ما بربكني كلو على بعضو بربكني بالذات لو كان طالع من ام روان

[waheeb]

انا ما جبت سيرة امي انت بتتحايلي علي ولا شنو وبعدين ما حا تلقي صراحه زي دي.

[schizo]

صراحتك يا ابو روان ولا كل الصراحات
لكن برضو خليت سؤال فاضي
ارجع وجاوبو


هههههههههههه
طيب يا وهيب
براحتك

[aborawan]

يا غالية الواحد هنا زي القاعد فى نص بيتو يعني مافي شئ عشان الواحد يدسو او يخجل منو والجميع هنا اخواني وحبايب قلبي كمان يعني زيتنا في بيتنا اما السؤال الخليتو فاضي لاني ما قدر فمهتو

7- ماهو الموقف الذي تضبط فيه نفسك متلبسا بالتناقض ؟
مرات الواحد بقرر انو يعمل الحاجة الفلانية تجي قوة تجبرو على انو يغير راي وحصلت لي كتير اني نقضت كلمة انا قلتها وكان السبب الرئيسي في اني اغير رائ هي ( ام روان )

[مازن الجمّال]

1- فكو النفس يا ام دفس - للشفوت ديلك
2- السجارة .
3- ما أخلي منها ولا نفس - أشربها بي قطتنتها
4- لا - النو الله يرحمه .
5- لا تعليق
6- ولا مرة .
7- لمن أشوف أبو خجيجة
8- ما ح أتزوج
9- في الخيال .
10- بمرق أفتش ليها واحيانا بصل بسببها لحدي مارنجان حلة حسن .
11- أخ انا
12- لا
13- ما متزوج وما ح اتخيل
14- ما عارف


راســـــ ــــتا

[waheeb]

والله يا راستا مان كلامك كلو عجيب ،،، الحاصل ليك شنو؟

[الزين]

- شيزو سلامات .........موضوعك جذاب طيب ردى......


لو كنت في مظاهرة ماهي العبارة التي تهتف بها ولمن ستهتف بها
*/حسب الظرف والموقف
2-من تكون الانثى التي تقف امامها ضعيفاً . ( ما في واحد يقول لي امي )
كانت...

3-عندما تكون معجبا بها .. ماهي طريقتك في الوصول الى قلبها !!

*/ مباشره
4- والدك هل هو النموذج في حياتك .. ولو لم يكن والدك كذلك فمن يكون
كذلك !!
*/احتمال اعمل نموذجى الخاص يعنى ابقى ذاتى وبس

5- في احد الاماكن العامة رأيت من كانت يوما تسكن القلب .. تمسك بطفلها ..
كيف تكون ردة فعلك !!

*/ اكيد بتاثر (انشاء الله ما يحصل)
6- كم مرة تنازلت عن مبادئك من اجل انثى !!
ما اظن


7- ماهو الموقف الذي تضبط فيه نفسك متلبسا بالتناقض ؟
*/لامن اتنازل بحجة تقريب المسافه او خفض التوتر الممكن يحصل فى علاقتى مع الناس
8- هل تتزوج من تحبها .. ام تحب من تتزوجها !! وايهما تراه اجمل ؟
السؤال كبير !!ممكن احب من اتزوجها / الاجابه صعبه
9- ايهما اجمل المراة في الواقع ام في الخيال!!
طبعا بلا تردد الخيال/يمكن فى مراه اجمل من الخيال وانا ما عارفها ..!!بالمناسبه لو لا الخيال العالم كان بقى جحيم

10- هجرتك من تحبها .. هل تبادلها الهجر ام تودد لها حتى تنعم بوصالها مرة اخرى !!
لا افكر فيها اطلاقا ..وده مبدا
11- لو كانت مديرتك امراة .. بماذا تهمس لها في كل صباح !!

عادى ولا اى حاجه

12- هل خضت يوما حربا من اجل الوصول الى قلب انثى .. وهل ظفرت بقلبها !!
..دى بالذات لا ,ولا باعترف بيها
13- هل تبوح لزوجتك باخطائك .. وهل تغفر لك تلك الاخطاء !! (حتى لو ما كنت متزوج.....اتخيل الموضوع)
بحاول بقدر الامكان(تخيل)
14- ماهي الكلمة التي تربكك من الانثى !!


كلمه عاديه ممكن تربكك من زول عندك معاهو ارتباط عاطفى شديد كانك سمعتها اول مره لانو الكلمات حسب ظنى فيها بصمه من روح الزول بتتشحن من اللحظه والاحساس

[admin]

والله يا شيزو غايتو مبالغة لكن .. يعني الصراحة انتي اضافة حقيقية ومحسوسة وجاذبة للمنتدي .. وموضوعك دا حلو خالص ومثير للذكريات .. والله اديك العافية

[aborawan]

هوي يا ادمن خليك من التعليق وشيزو على قولتك هي فعلاً اضافة حقيقة للمنتدى بس حسيتك زغت من الموضوع ولا ما عايز تخش في المعمعة دي لا مفر يا غالي


ويلا ورينا ذكرياتك