ياخوانا... نبيل حمدتو ..اليوم الخميس مفارقنا

[نزار حسن محمد]

صدقونى ياخوانى ...مااصعب لحظات الوداع .. والفراق وخاصتا لناس اعزاء علينا ..اليوم الخميس يغادرنا الحبيب الرائع الانسان الخلوق .. ود البلد بكل ماتحمل هذه الكلمه من معانى اخونا العزيز المهندس نبيل عصام الدين حمدتو ..لى ارض الجزيره ودمدنى عودا نهائيا..
سوف نفقدك بشده اخى نبيل توشحت شوارع و مقاهى ابوظبى بثوب الحداد.. رفض جهازى ان يعمل ..كانه يعلم بان الباشمهندس نبيل سيغادر.ارض الخليج
نتمنى للعزيز الغالى عودا حميدا واليوم سوف تفرح مدنى بعودة احد ابنائها الافذاذ .لك الود حبيبنا ود حمدتو وحتى نلتقى قريبااخوك نزار حسن

[zoolfrda]

والله يا نزار ما جهازك بس الماداير يشتغل

تصدق أمس شلنا الشنط مشينا نوزنا في الـ Terminal بالنادي السياحي

ومن الاستعجال نسى HAMADTO يكتب فيها الاسم والعنوان

قمت مشيت لحدي بنك الدم واشتريت شريط الورق والقلم عشان نكتب فيهم

ومن الاستعجال حاسبت عليهم ونسيتم ليك في السوبرماركت هههههه

لكن الحمد لله تدارنا الموقف...

والله يا نزار كلمة حق في الزول ده ..

انسان يتمتع بالخلق الرفيع والادب الجم وحسن المعشر

نعم الاخ والصديق وذي ما بقولوا اخُ اخوان

عرفته عن قرب منذ اكثر من 14 سنة

راجل بيتحلا بكل صفات النبل والاخلاص

دمث الاخلاق

طيب المعشر

طويل البال

نبيل الصفات

بيحب كل الناس وبيدخل القلب دون استئذان

وأينما تواجد تواجدت البسمة والضحكة الحلوة

لله درك يا نبيل

ويعلم الله فرقت معانا....

[عوض صقير]

دمث الاخلاق

طيب المعشر

طويل البال

نبيل الصفات

نتمنى للعزيز الغالى عودا حميدا واليوم سوف تفرح مدنى بعودة احد ابنائها الافذاذ

نتمنى له التوفيق والنجاح وشخص بمثل هذه الصفات هو مكسب حقيقى لمدنى

ونقول لمدنى مبروك عليك الباشمهندس نبيل حمدتو

[مزوني]

الحبيب الغلاي نبيل حمدتو ربنا يوصلك بالسلامه

ونتمى ليك كل التوفيق في السودان بلد العجايب وانشاءالله رمضان كرييييييييييييم وتصوم وتفطر على خير

ولحد شهر 2 انشاءالله لنا لقاء في مدني الجميله يا جميل

وبتمنى ليك كل التوفيق يا عسل

[سواااح]

رافقتك السلامة اخي نبيل
وابقي دوما في رعاية الله وحفظه
والتمنيات بقضاء عطلة سعيدة
مع الاحباب والاهل والاصدقاء
والتمنيات كذلك للجميع
بالعودة الحميدة للوطن

[mohammed ahmed]

لك التحيات يا أخ نبيل
عارفك ما حاتنقطع من صفحات موقع المدينة .. والحمد لله رد الله غربتك ونأمل أن تواصل التواصل من أرض المحنة .. ونأمل أن تشهر قلمك في نصرة إخوتك المغتربين لتنال حقوقك وحقوق إخوتك وتتحفنا بأخبار المدينة .. وما تلحق أخوانك الفاتوك .. معذورين مشاكل الحياة لهتهم بمشاغلها والأصيل أصيل وزى ما بقولوا ناس الخيل الكبير كبير ...
تمنياتي لك بالتوفيق وأأمل أن نلتقي .... ونتواصل ...

[Jamal Elmahi]

الوجيه العريس نبيل حمدتو
ربنا يوصلك بالسلامه وتلقي الاهل طيبين وتامين وسالمين وراجينّك في الكريبه...
ربنا يوفقك محل ماتقبّل وعوداَ حميداَ والعرجه لي مراحا...وعقبالنا..

ود الماحي

[اميمه عشريه]

الدعوات الصادقه لك نبيل ان تجد السعاده وراحة البال في وطنك ووسط اهلك ومن صادق امنياتي ليك ربنا يوفقك في كل خطاويك ومحل ما تمشي حتلاقينا اخوانك المنتظرنك وراجين نسمع عن اخبارك ........دمت وسلام للاهل

مع الامنيات العريضه والدعوات الصادقه

[hamad2]

الدعوات الصادقه لك ابن عمي ربنا يوصلك بالسلامه وتلقي الاهل طيبين وتامين وسالمين وانشاءالله رمضان كرييييييييييييم وتصوم وتفطر على خير نتمنى للعزيز الغالى عودا حميدا واليوم سوف تفرح مدنى بعودة احد ابنائها

[معتز حمدتو]

ارد الله غربتك اخي وبن عمي الحبيب نبيل
وهنينا لك العود الميمون السعاده المتلاحقة بين الاهل ولاحباب ، يعجز يراعي علي ان يتحرك قيد انمله ليعبر ما يجيش في النفس من الم لفراقك فانت وان اجتمعت كل المعاني لتهديك كلمه في تقيف حائرة عن ذلك ولكني اقول وفقك الله وسدد خطاك وعقبال ما نحضر الزواج في شهر ديسمبر باذن لله .
واجمل وارق التهاني بقدوم الشهر الفضيل اعاده الله عليك بالف خير والسنة الجاية مع ام العيال وثلاجتكم مليانه طيبات وعاملين لينا احلي وجبه علي الفرن والبوتجاز .