يا حلوين :
انشاء الله طيبين ؟ والله ياجماعه صحيت من الصباح كاتلني شوق للبلد , شوق لي اهلي والصحبه . وقطار الشوق اتلوم معانا قدر ما حنسناه عشان يوصلنا برضوا بزيد في محطاته لا حاسي بي حالتنا لا شغال بي جرستنا ,كل يوم نشوف المشوار ببعد ومرات نشوفه بقرب لكن لمتين ووين الله اعلم ,مرات بياخدني التفكير بعيد وارجع شريط الزكريات واعيش اجمل لحظات حياتي هناك وسط الاهل والبساطه هناك مكان الحبيبه تغني لينا ولا هموم تسكن دروبنا عايشنها بي حلوها ومرها رضيانين بالكاتبه ربنا .ياربي متين تنتهي الغربه ويرجع كل زول لي وطنه لانوا زي ما قالوا اهلنا ( من خرج من داره زي الشراره في القندول )دي زي ما بقول صاحبي لاكمال كل مثل , الله بس يحل كربتنا ويعيد غربتنا . اميييييييييييييييييييييييييييييييييييييييين
رد مع اقتباس
المفضلات