أفتش ليك        مدنى يوسف النخلى

أملنا الباقى يسرح بى

هاجر لى زمن تانى .. تيقى الدنيا فى عينى ..

هدات موجة فى بحر الأسى الممدود..

رجعت خطوة من درب الضنى المهدود ..

رجعت خطوة من سكة فرح مكبوت

وأفتش ليك ..

أفتش ليك حنان معاى أمانى تصارع المكتوب

عشانك لامسافة تطول ولا تصعب معاك دروب

وقلبى عليك

وأجوب الدنيا و أرجع ليك ..

أجيك فارسا يشق صمت السافة الطال

واقف فى حكاوى الشوق وبى شمسا وراها منال

وبى فرحا يغرد فى سماك اللحان

ويجيب البهجة للأطفال ..