يا بلد

  للشاعر : محمد الطاهر محمد احمد بدر

 

يا بلد

 

لمتين اشيلك يا بلد

فى خاطرى دايما امنية

لمتين وانت بمبتداك

 ضجت حروف الاغنية

لمتين على بابك امانينا القبيل مستنية

والفرح ارقامو فيك مستثنية

 

***

لى وين تسوقنى خطاى بدونك

ووين الليلة امسى بدون عيونك

وين اسألهم عنك ..وين اكونك

وين الكلام الكان زمان حتى فى سكونك  

***

ليه نصبح الليلة فى فنا

وكنت بحنان بتضمنا

وليه نحن دون الناس بتدينا المهاجر والعنا

ترمينا لى ليل الضنا

دايما نفتش عن بلادا نأمنا

بصورة وورق نستوطنا

بى جراحاتنا وهمومنا تلمنا

فى صقيع و رياحو نو متجننة

او فى ضباب والوحشة فيه تلفنا

للجؤ نرضى بهوانا وذلنا

وما نلفا غير ناسا تشيل وتذمنا

ويبقى السؤال...

لمتين تكون العيشة فيك ما مطمنا

واوبتنا ليك حاجز كبير دونا اتبنا

جوانا انت...ووجدنا

بيتنا الكبير وضلنا

عنك بعاد غصبا عننا

والرجعة ليك ما بنضمنا

ونفضل هناك نحرق عمرنا ودمنا

ونفضل هناك نحرق عمرنا ودمنا

 

 

راسل الكاتب

محراب الآداب والفنون