|
انا بعذرك من غير عذر
قبال تبادر بالكلام
وقبال عيونك تعتذر
مجبور افتش ليك عذر
***
مهما تغلط وتزيد غلط
تلقانى شايفك ما غلط
انت الحنان بيك ارتبط
لو مره شوقك اختلط
افتح عشانك الف خط
وارجع اقول منى الغلط
***
انت الغلط عندك مباح
لو حتى فتح لي جراح
وبقيت اساهر للصباح
القى الكلام القلتو صاح
ارجع اجيك مكسور جناح
شايل العذر طالب السماح
***
انا بعذرك لو مره جيت
عابر طريقنا وماغشيت
مابلومك اقول قسيت
جايز تكون سارح نسيت
لكن وحاتك يوم مشيت
انا غير عيونك ما اشتهيت
ترجع تسالم واعذرك
*** |
