|
مين تاني زيك يا الهلال
إنت الوحيد غيرك محال
في الساحة أتوهج جمال
أتجلى زيد فينا اكتمال
هلالنا يا غالي الحروف
يا المارد القاهر الظروف
يا العزول قرًب وشوف
تاني الهلال ما منهُ خوف
هلالنا يا أجمل شعار
يا زينة الكون يا منار
ما أحلي فيك الانتصار
تسعد معاك كل الديار
هلالنا يا قلعة كئوس
بالفوز دوام ترفع رؤوس
الفرحة تدخل في النفوس
تتجلى في دنياك شموس
هلالنا يا تاريخ عريق
يا الحاضر الزاهي العتيق
مستقبلك ضاوي الطريق
في الساحة يا أفضل فريق
هلالنا يا النغم الجميل
الأزرق الما ليك مثيل
إتواصل جيل بعد جيل
لي غيرك الحب مستحيل
|
