ثلاثة قصائد إلى ساكس

  للشاعر : قصي مجدي سليم

 

{ ثلاثة قصائد إلى المرحوم المرحوم مصطفى محمد عثمان (ساكس) ، رجل ………}

 (1) يا بحر

       ـــــــــ     

يا بحر ما كنت ماخد مني خاطر

الليلة مالك زي طريتني 

وعدت تسقيني الألم

أنا من هواك

فُتَّ الارِض

والموية صبحتْ لَي فرض

ولمن خلاس بيك إتمليت

فوَّتَ من نفسي الوَقِت

       يا بحر أنسى العذاب

       ما خلاس شلت الحبيب

ما خلاس ضليت معاك أنا من جديد

(يا بحر أنا ما السماْ عشان تلون سحنتي )

(يا بحر أنا ما السمك عشان تشكل دنيتي )

       أنا ما بهمك شان أجيك

               وأنت ما بتهمني

ما خلاس موجك وقف

ما خلاس جرحك نزف

ما وقف بيناتنا سد

               الليلة

                  مالك

                          زي طريتني

 وعدت تسقيني الألم

        

(2) مسادير الغربة الحزينة

ألمسدار الأول /

 

عرفتك قَبْلِ يوم القاك

وكنت معاك غريب وبعيد

وهجرك طال وبس قول لي :

   - عشان ارتاح -

  أصَدِق كيف ؟؟!!

إنك تاني ما راجع

وانو الحزن مركز صيف

وحاتك

لسة ما مصدق

وحتى الصدق أصبح زيف

********                                 

 المسدار الثاني/

 

الليل سِهِر لمن عيونو اتقددن

والنجوم نامت فَجُر           

القمر شال الصباح على كتفو

وانا في هواك صليت ضُهُر

********

المسدار الثالث/

 

قبلك وِحِش

بعدك وِحِش

ظنيت هواك مِدِيد برش  

لقيت هواك ماكل كتف

وانا في هواك زي منهبش

********

 

- 3 - شهيدي

 

أيا عملاقاً

ندهت عليك ، صراخاً وهمساً ، ألا تستجيب ؟

ارنو اليك

   وأرنو لنفسي ، لعل السماء لأمري تجيب

فلست بعيداً

          تقلق شكي وتقلق قلبي ولست قريب !

 

 

 

راسل الكاتب

محراب الآداب والفنون