سمعتو ..ولا ؟؟
يعنى عشان خلاص ردناك
بقيت تتغابي عرفتنا
زمان ما كنا بنشوفك
وكنت بتهوى شوفتنا
وتفرح لم نبقى وراك
تباري خطاك خطوتنا ...
شنو الخلاك تتبدل...
وتحرم شوفنا عنيك..
سمعتو ولا العوازل ديلا
جابو ليك ...
حرام بالظن .. تضن يا المن
ويا سلوة شقاي البيك ..
بكرة القاضي راح يحكم ..
وتلقى برائتي مضمونة ...
وتخجل من مباراتك ..
لناس بالغيرة ممكونة ...
عيونك بالأسف تبكي
وخدودك ينخطف لونا...
تموت البسمة في شفتيك
ومن خديك تغيب نونة
رجوعك لينا شي لا بد..
وإذا مديت حبال الريدة
ما ظنيتنا ليك نصُـد ...
وعُمرنا ما نقوليك هـات
انحن من البقوليك خُـد
ولو جورك علينا كبير
بيغفر ليك عظيم
ذنبك قليل من وُد ..
 

علاء الدين علـــوب