|
الواقع بيوت
الحلم المغتت
بيت العنكبوت
لوتسرح تفوت
لو تصرخ تجوط
لوتجفى الرغيفة
وتتقدل كعود
او تقطع عهود
اوتحلف بأنك
لابد يوم تعود
قوالله بيسود
لوكانت مروتك
هجمات الاسود
يا السهران تملى ويا الساكن السجن
لوصبحك تأخر
اوليلك يجن
يا العايش القطاطى
ويا العيشتك عجن
اتوقع خوافى واتوقع محن
لا تبعد تجافى او تهرب تصن
عاين لى حياتك
للالفة السكن
اختار البريدك
والرايدك بحن
الريد البعلم
شن طعم الوطن
يا زول يا معلم
يا شدرة وغصن
رايدنى وعرفتك
واقع ماهوظن
تتبسم تجينى
وتسالم كمن
بيقالد صباحو
وبالورد اتعطن
يا زول يا معلم
يا زول كلو فن
بقراك وبوقع
الشمس البيوت
الحلم المغتت
بيت العنكبوت
لا تقطع عهود
لوكت ما ح توفى
لا تحلف : بعـــود
حين أعطش برود
الفكر البيجرى
زيى نيل الجدود
احلامك كبيرة
وامالك كسوط
جلادك همومك
لابد يوم تجود
بالحلم الرجيتو
يا زول يا سكوت
علمنى الصمود
كلمنى وتمهل
بعثرنى فى خفوت
بتقدم معاكا
وبقول :ردتو موت
ياناس ردتو موت
والريد ما عهود
هوبيان بالعمل
والقول الحنين
والحضن الاحن
فى همك وتعبك
العش والسكن
وفى فرحك مقاسم
وفى جوعك سعن
لا مال لاجمود
لاجاه لابنود
لا حفرة شروط
او حركات قرود |
