[SIZE=4]براك قلتها . . . ماعيزاك
منو القال ليك انا عايزك تاني
انتي اخترتي السكة براك
وانا من جرحك لسة بعاني
وقلبي وهبتو وسبتو معاك
وعشت معاك أحلام وأماني
وما اتمنيت في الدنيا سوك
وما غنيت لغيرك أغاني
شفتك كني أرق ملاك
ملكتي شعوري أسرتي كياني
وأصبح عايش فيني هواك
وحبك فيني صبح شرياني
وروحي دوام بالشوق راجياك
ترجعي تملي علي زماني
وما ناسيهو غرامنا هناك
أجمل أيام ساعات وثواني
لكن أبدا ما هماك
كل الألم المنك جاني
ورحتي اخترتي سواي دنياك
وقلبك في الأحزان خلاني
أسعدي .. عيشي وتمي هناك
ختي الحنة وسيــبي مكاني
وأوهبي حبك للحباك
وأنا حأتعود على حرماني
وماأظن تاني في يوم ألقاك
رغم الشوق والحب وحناني
وحالف أبدا ما أنساك
لأنك في الأعماق ساكناني
ومع إنك قلتي ما عايزاك
بحبك ... بس ما عايزك تاني
[/SIZE]
المفضلات