يانفس روح القصيد وابتسامات القوافي
والحروف منك تعيد تنسج الكلمات وتحكي
قصة حبي العنيد والهوى الممكون وباكي
قلبي لما يريد بريد حتى لوكان زولي جافي
والسؤال في حبي ليك انت ما بتعرف تصافي
او بتقدر يوم تعيدي ذكريات حبي الخرافي
والسؤال تاني ليك كيف بتهربي من مصيري
هو ما كان مصيرنا والهدف نتمو ريدي
يا منايا الما لقيتك ويا خيالتي وشجوني
انت باعدتي الطريق وانسحبت من حياتي
فتي سبتيهو ريدي والغرام اليبنا خنتي
كيف تقولي نسيت خلاص وتعدميها ذكرياتي
وبي سهوله توجعيني وتتركيني في هلاكي
ما حرام يا غاليه تقسي وتنكري وتنسيه حبي
قولي مالك سبتي ريدي وحتى ما دايراو حنيني
يا مرافي عمري انت واختياري ونور يقيني
انت ادرى الناس بحالي وما رأفت يوم بحالي
الدموع تنزف تسيل من بعادك يا ملاكي
انسي ريدي واشتياقي
وانسي لحظات انتظاري
ضيعي في افكار خيالي
ودعيها ذكرياتي
ما تقولي لي حبيبي
وما تقولي كان حبيبي
وما تفكري في فؤادي
انتي من بوم ما عرفتك اصلو ما هماك غيابي
ومن عرفتك كان بعادي ليكي عادي
لا سؤالك كيفو حالي
ولا سلامي لبهو داعي
فتي سبتيني ورحلتي
وعن حياتي ما سألتي
كنتي قاسية وما رحمتي
وكنتي غدارة وهجرتي
رحتي مني وما رجعتي
ولي سواي قتي رحتي
عن فؤادي ابتعدتي
وجاية ترجعي ليهو حبي
كيف تعودي زي حبيبي
ولي وصالي الكان قطعتي
بعد ما ضاعت سنيني
جيتي تاني ترجعيني
بعد ما تعبت عيوني
جيتي شان توجعيني
ما خلاص ودعتي ريدي
ولي هواك ايه البيجيبني
روحي وانسيها الليالي
وانسي ايام كنت خالي
الفؤاد بقى ما مبالي
والفراق ما كان خياري
رد مع اقتباس
المشاركة الأصلية كتبت بواسطة اسلام فرح
المفضلات