صباحك عيد وعيدية
وفرحتي بيك وردية
بعيش ريدك على انغام نيلية
حليل دربك بعيد بالحيل وعندك روحي مسبية
بحور حبك غزيرة شديد وغرقان فيها ليلية
بحبك يا وعد بكرة وبهدي اليكي عينية
بشوف عمري المقسم ليك وروحي اليكي مهدية
وشوفي كمان خيلاتي بتوصف تملا بردية
جمالك آية بين الناس زي زهر الصباحية
وروحك شامخه زي النخله مسقية
وشعرك ليل طويل تساهر فيهو عينية
ورسمك زينة الدنيا ولونك قمحة مروية
بهاجر شان اطولو هواك واقابلك يا سودانية
بلادي بعيدة وبينا بحور ولكن بهوى بلدية
حنينه كتير وتحنو علي بريدك وانتي شايقيه
بحبك ما بسيبو هواك يا اجمل زهره نيليه
رد مع اقتباس
المشاركة الأصلية كتبت بواسطة همسات
المفضلات