صفحة 1 من 2 12 الأخيرةالأخيرة
النتائج 1 إلى 25 من 26

الموضوع: * * مقالب * *

     
  1. #1
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    * * مقالب * *

    (1)
    شطارة صيادلة

    في الصيدلية بالرياض ، في الحي الذي نسكنه مع أننا بالقرب من المستشفى فإننا لا نذهب كثيرا إليه في حالة الوعكة الصحية بل نكتفي بشرح الحالة إلى دكتور صيدلي شاطر جدا ويعطينا في الغالب علاجا يكون ناجعا.

    تعودنا على تلك الصيدلية ومعظم سكان الحي يلجئون إليها خاصة بعد تفاقم الأزمة المالية وكل شيء أصبح عالي السعر ... كشوفات وتحاليل وانتظار وبعدين الحياة صارت سريعة والوقت لا يسعف الواحد.

    في هذه الصيدلية يوجد أكثر من طبيب ومعظمهم من أشقائنا المصريين... لكن يلفت نظرك بينهم هذا الشاب المتحرك في الصيدلية كالنحلة مع هذا ومع ذاك بشوشا مبتسما في وجهك وفي وجوه كل عملائه

    يتحدث أكثر من لغة وبطلاقة .... تعطيه كلمة بالانجليزي يعطيك عشر كلمات
    تتكلم معه بالفلبيني تجده الأمهر في التحدث بها وتسمعه يتحدث مع آخر بالأردو ...مكسب كبير لهذه الصيدلية .... ولا يتأخر في تحديد العلاج لك فلم أتمكن من معرفة هل هو عامل (حسب لبسه) أو طبيب حسب الوصفات التي يقدمها لعملائه.

    أتذكَّرُ أنني كنت أدخل عليهم وأوجه كلامي له هو من دون بقية العاملين بالصيدلية

    يا أخ... انأ الدكتور قال لي "ما تشتري دواء ثمنه أكثر من عشرة ريال لأنه سوف يسبب لنا حساسية" ...... فعاوز لي مضاد حيوي لطفل عمر 9 سنوات في هذه الحدود

    يمشي وعلى طووووول يتناول "ايموكس" ويديني ليهو
    وهكذا عرف مقصدي كلما ادخل عندهم وصار بيننا نوع من الصداقة

    سألته مرة من المرات :
    يا أخ والله حيرتنا !!! هل أنت مصري أم سعودي أم هندي أم بنغالي أم فلبيني أم نيبالي وهل أنت عامل أم طبيب؟

    جاوبني بأريحية مبتسما: "في الوقت الحالي لازم تكون كل حاجة"
    لم اقتنع بإجابته وقررت أن اعرف ذلك بطريقتي الخاصة ...اصبر ..ح تشوف
    وخرجت من الصيدلية
    بعد كم يوم كدا ... رجعت للصيدلية ... وكنت عاوز بندول بس

    دخلت ....السلام عليكم

    أهلين وعليكم السلام ...ايموكس كالعادة؟؟؟

    لا والله

    طيب دائر شنو؟؟ (بالسوداني)

    السهراجة المِدَّرعاني دي باقي لي ألقى ليها عندكم بصارة دواء؟؟

    ايه ايه ...قول تاني ...ما سمعتك

    فكررت له : السهراجة المدرعاني دي باقي لي القى ليها عندكم بصارة دواء؟؟

    معليش كلِّم الدكتور هناااااك بيعرف عربي كويس احسن مني

    هنا عرفت انه ليس عربيا

    جاء الدكتور (مصري) : نعم يا أستاذ
    فقلت له: السهراجة المدرعاني دي باقي لي القى ليها عندكم بصارة دواء؟؟

    "تطلع ايه السوهاجا دي ؟"

    هي نوع من الوقَّادة بين الشراشيف والصفاق ..ومن عند البوادرين فوق لعظم الشيطان "وانا ماسك راسي للمزيد من التضليل" وفي السودان نعمل ليها دكوة ، يا جردقة ....يا كوَل .

    "فهمت عليك ..فهمت عليك ...يا أيه؟
    على العموم ...نحن ح نديلك مسكَّن بندول وفايتمين بس البندول دا عند اللزوم بس لامن تجيلك النوبة... اما الفايتمين فممكن تستعملو مرتين في اليوم وباذن الله كل اللعندك دا ح يزول وما تساهرش كتير.. وتعال لينا بعد أسبوع"

    شكرا دكتور ما قصرت

    "وبعدين يا أستاذ لامن تجي المرة الجاية جيب معاك تحليل للدم والبول والفسحة وتخطيط القلب وصورة أشعة للشرانق القلتها دي وأي مكان تتألم منها ولا تتكلم ولا كلمة وباذن الله نحن نقوم بالباقي".

    صاحبنا (النحلة) يعاين سااااااكت ما ناقش حاجة ومبسوط من الدكتور المصري عشان استطاع يفهم ويعطيني دواء على الأقل يرضى عنه العميل

    فالتفت إليه وسألته مرة أخرى :
    "يا اخ برضو ما عرفت جنسيتك شنو؟ وهذا بصراحة مقلب عملتو فيكم عشان أعرفك أنت من أية بلد..فانا لا مريض ولا عندي سوهاجا ولا بستعمل الكول؟ "

    "يا عمي انا بنقالي من أم باكستانية أتولدت هنا ودرست في مصر ومتزوج فلبينية وساكن مع هنود لكن عمري ما سمعت بالكلام الكنت بتقول فيهو دا ...خليك حنين علينا وخليك مع ايموكسك"

    خرجت مرتاحا وعرفت أن التاجر الشاطر يجب أن يكون متعدد الثقافات وكي تكون محبوبا وسعيدا عليك أن تتعلم وتتعلم أكثر من لغة وتخالط أكثر من جنس

    كل ما نراه عظيما في الحياة بدا بفكرة
  2.  
  3. #2
    فخر المنتديات
    Array الصورة الرمزية معتز الريح
    تاريخ التسجيل
    May 2007
    المشاركات
    4,605

    تحيات وأشوووووووواق لا تحدها حدود
    ومنوووووووور

  4.  
  5. #3
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    ولك خالص تحياتي ايها الصديق العزيز الحبيب

    وانا سعيد بكم أبا ساطع

    لك التحية والاجلال

    كل ما نراه عظيما في الحياة بدا بفكرة
  6.  
  7. #4
    فخر المنتديات
    Array الصورة الرمزية عثمان جلالة
    تاريخ التسجيل
    Jun 2007
    الدولة
    أم تريبات
    المشاركات
    3,822

    النور ود أمحمد ود يوسف عندنا ؟؟

    يا للهنا .. يا للسرور ... صباح هني وبهي .. صباح بطعم التراث والأصاله والحداثه والثقافات والشعوب .. منور يا حبيب .. بوست ممتع والله

    همسه :

    كدي خليهو المصري أو البنغالي .... السهراجه دي .. أعضاء منتدانا الكرام ديل ما بعرفوها ههههههههه ... تصدق ؟؟؟ عندنا هنا حناكيش من نوع خاص والله .. يعني كان لاقيت مدنيه الواحده دي وقلت ليها الجمله الـ قلتها للصيدلي دي ... إحتمال تطلع ليك .. كرت الخدمه الوطنيه

    بسم الله .... إبتديت متل البرق لاحت

    فى الشين والفسل بقينا نتباحت

    طال الكان قصير والعالى إتاحت

    والصولات حليلن ملكتن راحت

    *****************
    ومن يتهيب صعود الجبال ......... يعش أبد الدهر بين الحفر
  8.  
  9. #5
    عضو ذهبي
    Array
    تاريخ التسجيل
    May 2009
    الدولة
    ام درمان
    المشاركات
    5,100

    اقتباس المشاركة الأصلية كتبت بواسطة عثمان جلالة مشاهدة المشاركة


    همسه :

    كدي خليهو المصري أو البنغالي .... السهراجه دي .. أعضاء منتدانا الكرام ديل ما بعرفوها ههههههههه ... تصدق ؟؟؟ عندنا هنا حناكيش من نوع خاص والله .. يعني كان لاقيت مدنيه الواحده دي وقلت ليها الجمله الـ قلتها للصيدلي دي ... إحتمال تطلع ليك .. كرت الخدمه الوطنيه
    أصلك ما بتكون جادي
    ولازم تخلينا نجي نسأل ونخرم

    قالت ليك مدنية السهراجة يعني شنو؟!

    أيقنت مؤخراً بأن القلق لن يمنع عني ما سيحمله الغد ...
    لكنه سيسرق بجرأة " راحة اليوم"
    فاجتهدت أن أحاربه بكل ما أوتيت من قوة
    و الله المستعااااان
  10.  
  11. #6
    فخر المنتديات
    Array الصورة الرمزية عثمان جلالة
    تاريخ التسجيل
    Jun 2007
    الدولة
    أم تريبات
    المشاركات
    3,822

    اقتباس المشاركة الأصلية كتبت بواسطة بت أم درمان مشاهدة المشاركة
    أصلك ما بتكون جادي
    ولازم تخلينا نجي نسأل ونخرم

    قالت ليك مدنية السهراجة يعني شنو؟!
    يا سلام ياااااااااخ ناس التراث جو

    إنتي يا بت أم در طبعن .. كلمة "مدرعاني" دي بتعرفيها لأنها جايه من سلاح المدرعات .. لكن عشان تنوري لينا الجماعه .. دايرنك توريهم السهراجه معناها شنو؟؟؟ وليييييييييييه سموها سهراجه؟؟

    أتفضلي المايك معاك

    بسم الله .... إبتديت متل البرق لاحت

    فى الشين والفسل بقينا نتباحت

    طال الكان قصير والعالى إتاحت

    والصولات حليلن ملكتن راحت

    *****************
    ومن يتهيب صعود الجبال ......... يعش أبد الدهر بين الحفر
  12.  
  13. #7
    عضو ذهبي
    Array
    تاريخ التسجيل
    May 2009
    الدولة
    ام درمان
    المشاركات
    5,100

    اقتباس المشاركة الأصلية كتبت بواسطة عثمان جلالة مشاهدة المشاركة


    إنتي يا بت أم در طبعن .. كلمة "مدرعاني" دي بتعرفيها
    بعرفا .....

    أيقنت مؤخراً بأن القلق لن يمنع عني ما سيحمله الغد ...
    لكنه سيسرق بجرأة " راحة اليوم"
    فاجتهدت أن أحاربه بكل ما أوتيت من قوة
    و الله المستعااااان
  14.  
  15. #8
    نائب المشرف العام
    Array
    تاريخ التسجيل
    Dec 2006
    المشاركات
    9,979



    مرحباً بعودتك أخي النور محمد
    وفي إنتظار بقية المقالب.



    علِّمي نفسك ما تندهشي

    صدِّقي كل الما معقول!!

    -----------------------

    سأبقى ماحييت بدار دنيا .. رفيقاً لا يخون ولا يجافي
    وأحفظ عهدكم في عمق قلبي .. ويروي ودكم نظم القوافي

    ويبقى دائماً هناك وإن (مرام) لتحقيقه.

    -----------------------------------------------

    اللهم اغفر لوالدي، وارحمهما وأطل في عمريهما يارب العالمين.

    -----------------------------------------------

    اللهم ارحمني برحمتك، واغفر لي يا مالك الغُفران،
    واجعل قبري روضة من رياضك، وأدخلني فسيح جناتك،
    يا رب العالمين.
  16.  
  17. #9
    نائب المشرف العام
    Array
    تاريخ التسجيل
    Dec 2006
    المشاركات
    9,979

    اقتباس المشاركة الأصلية كتبت بواسطة عثمان جلالة مشاهدة المشاركة

    همسه :

    كدي خليهو المصري أو البنغالي .... السهراجه دي .. أعضاء منتدانا الكرام ديل ما بعرفوها ههههههههه ... تصدق ؟؟؟ عندنا هنا حناكيش من نوع خاص والله .. يعني كان لاقيت مدنيه الواحده دي وقلت ليها الجمله الـ قلتها للصيدلي دي ... إحتمال تطلع ليك .. كرت الخدمه الوطنيه

    :d:d:d:d:d


    علِّمي نفسك ما تندهشي

    صدِّقي كل الما معقول!!

    -----------------------

    سأبقى ماحييت بدار دنيا .. رفيقاً لا يخون ولا يجافي
    وأحفظ عهدكم في عمق قلبي .. ويروي ودكم نظم القوافي

    ويبقى دائماً هناك وإن (مرام) لتحقيقه.

    -----------------------------------------------

    اللهم اغفر لوالدي، وارحمهما وأطل في عمريهما يارب العالمين.

    -----------------------------------------------

    اللهم ارحمني برحمتك، واغفر لي يا مالك الغُفران،
    واجعل قبري روضة من رياضك، وأدخلني فسيح جناتك،
    يا رب العالمين.
  18.  
  19. #10
    نائب المشرف العام
    Array
    تاريخ التسجيل
    Dec 2006
    المشاركات
    9,979

    اقتباس المشاركة الأصلية كتبت بواسطة بت أم درمان مشاهدة المشاركة
    بعرفا .....
    لأنها ساهلة
    لكن ما شرحتِ التانية




    علِّمي نفسك ما تندهشي

    صدِّقي كل الما معقول!!

    -----------------------

    سأبقى ماحييت بدار دنيا .. رفيقاً لا يخون ولا يجافي
    وأحفظ عهدكم في عمق قلبي .. ويروي ودكم نظم القوافي

    ويبقى دائماً هناك وإن (مرام) لتحقيقه.

    -----------------------------------------------

    اللهم اغفر لوالدي، وارحمهما وأطل في عمريهما يارب العالمين.

    -----------------------------------------------

    اللهم ارحمني برحمتك، واغفر لي يا مالك الغُفران،
    واجعل قبري روضة من رياضك، وأدخلني فسيح جناتك،
    يا رب العالمين.
  20.  
  21. #11
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    منووووووووووور والله يااستاذنا
    سعيدة جدا اني اشوف اسمك من جديد علي المنتدي

    -----------
    "عليك أن تتعلم وتتعلم أكثر من لغة وتخالط أكثر من جنس"

    هي لكن مالدرجة السهراجة دي
    انا المن السودان ماعرفتها يااستاذنا ههههههههههههههههههههه

    ------------
    سؤال جاااااادي
    في حاجة اسمها كدا
    "السهراجة" !؟

    -----------
    شكرا استاذنا

    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  22.  
  23. #12
    فخر المنتديات
    Array الصورة الرمزية عثمان جلالة
    تاريخ التسجيل
    Jun 2007
    الدولة
    أم تريبات
    المشاركات
    3,822

    اقتباس المشاركة الأصلية كتبت بواسطة مدنيّة مشاهدة المشاركة
    ------------
    سؤال جاااااادي
    في حاجة اسمها كدا
    "السهراجة" !؟

    -----------
    شكرا استاذنا

    هههههههه بالله شوف ؟؟ مش قلت ليك ع الأقل ناس الصيدلية حاولو

    بسم الله .... إبتديت متل البرق لاحت

    فى الشين والفسل بقينا نتباحت

    طال الكان قصير والعالى إتاحت

    والصولات حليلن ملكتن راحت

    *****************
    ومن يتهيب صعود الجبال ......... يعش أبد الدهر بين الحفر
  24.  
  25. #13
    رحمة الله عليه Array الصورة الرمزية mahagoub
    تاريخ التسجيل
    Aug 2007
    الدولة
    ودمدنى
    المشاركات
    11,330

    استمتعت بالحوار
    لكن داير الحق حكيتا لمن جابت الدم
    يديك العافيه
    واصل

  26.  
  27. #14
    فخر المنتديات
    Array
    تاريخ التسجيل
    Jul 2004
    الدولة
    أحلى وأحن المدن
    المشاركات
    4,251

    والله يا أستاذ النور نحنا عندنا سهراجة من شُح مواضيعك اللذيذة
    اليوم سعيدين بطلتك وحديثك الشيق ويارب نشوفك كل يوم
    وخليك مع ايموكسك ده عشان صاحبك ده ما يطفش
    من الصيدلية .

    ناس بتمشى سنين طويلة وناس بدون ما تمشى توصل
  28.  
  29. #15
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة عثمان جلالة مشاهدة المشاركة
    النور ود أمحمد ود يوسف عندنا ؟؟

    يا للهنا .. يا للسرور ... صباح هني وبهي .. صباح بطعم التراث والأصاله والحداثه والثقافات والشعوب .. منور يا حبيب .. بوست ممتع والله

    همسه :

    كدي خليهو المصري أو البنغالي .... السهراجه دي .. أعضاء منتدانا الكرام ديل ما بعرفوها ههههههههه ... تصدق ؟؟؟ عندنا هنا حناكيش من نوع خاص والله .. يعني كان لاقيت مدنيه الواحده دي وقلت ليها الجمله الـ قلتها للصيدلي دي ... إحتمال تطلع ليك .. كرت الخدمه الوطنيه
    وأنا سعيد ومتهني ومبسوط بطلتكم البهية
    وطبعا أنا اعرف ان كثيرين هنا لا يعرفون هذه الكلمات وعلى الاقل سنحاول عبر هذه الدردشة نوضح بعضها
    لانها بصراحة ليها حوبة وبتنقذ الواحد في حالات كثيرة

    اتمنى قبل الدخول في المقلب الثاني نكون قد وضحنا معاني تلك الكلمات السودانية الاصيلة

    آآي والله حقتنا براااااانا

    شكرا ابو مشمش

    التعديل الأخير تم بواسطة النور محمد يوسف ; 13-10-2010 الساعة 01:37 AM
    كل ما نراه عظيما في الحياة بدا بفكرة
  30.  
  31. #16
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    اقتباس المشاركة الأصلية كتبت بواسطة عثمان جلالة مشاهدة المشاركة
    هههههههه بالله شوف ؟؟ مش قلت ليك ع الأقل ناس الصيدلية حاولو
    شنو ياجلالة ياخ الاهراج دا؟!! "وش مهرووووووووووج"

    ------------
    ياخ سؤالي جااااااادي الحاجة دي في ولا مافي
    وهي اصلا شنووو؟!!

    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  32.  
  33. #17
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,340

    اقتباس المشاركة الأصلية كتبت بواسطة النور محمد يوسف مشاهدة المشاركة
    (1)
    شطارة صيادلة

    خرجت مرتاحا وعرفت أن التاجر الشاطر يجب أن يكون متعدد الثقافات وكي تكون محبوبا وسعيدا عليك أن تتعلم وتتعلم أكثر من لغة وتخالط أكثر من جنس
    التجارة شطارة
    والناجح هو من يعرف كيف يطور نفسة بنفسة
    واصبح عليك ان تتعلم كيف تكسب الزبائن بعيدا عن ما تعلمتة فى المجال الاكاديمي
    مرة واحد جاء من السودان جديد واتفاجأ بكل اصحاب البقالات هنود او بنغال
    صمم أنو يعمل مقلب فى واحد هندى صاحب بقالة قال ليهو ياخى ادينة فول حاجات مسحون
    فما كان من الهندى الا ان اتى اليه بزبدة الفول السودانى واحتار صاحبنا السوداني جدا فى الهندى ( المفتح ) ده
    استاذنا النور محمد يوسف
    منور والله واشتقنا لى قلمك الجميل

  34.  
  35. #18
    عضو مجتهد
    Array
    تاريخ التسجيل
    Jan 2008
    المشاركات
    171

    منووووووووووووووووووووووو استاذنا النورمحمد يوسف ياسلام افتقدناك بشده وانا اكثر من افتقدك
    وين انت الف مليون حمدالله علي لسلامه وبركه الرجعت لينا بالسلامه ورجعت معك حكاويك الجميله وسردك الاجمل
    ارجوووووووووووووووك تاني ماتعمل فينا كداه
    طبعا انا من الولايات كيف مااعرف السهرجه افووووووووووووووووووووووو

  36.  
  37. #19
    عضو فضي
    Array الصورة الرمزية ياسر123
    تاريخ التسجيل
    Oct 2010
    المشاركات
    1,209

    هي لكن مالدرجة السهراجة دي
    انا المن السودان ماعرفتها يااستاذنا ههههههههههههههههههههه

    ------------
    سؤال جاااااادي
    في حاجة اسمها كدا
    "السهراجة" !؟

    -----------
    شكرا استاذنا

    [/color][/size][/font][/quote]

    و الله كمان اليومين ديل السهراجة كترت
    سهراجة قلوب
    سهراجة جو
    سهراجة جيوب
    سهراجة جسم
    سهراجة حبيب
    و السهراجات كتااااار

  38.  
  39. #20
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة بت أم درمان مشاهدة المشاركة
    أصلك ما بتكون جادي
    ولازم تخلينا نجي نسأل ونخرم

    قالت ليك مدنية السهراجة يعني شنو؟!
    هذا سؤال عثمان على لسان مدنية وقد صدق حسه لاحقا

    لكن سؤالك انتي وينو

    يا ريت يكون سؤال واحد
    لان الناس مازالوا عند عتبة السهراجة
    وين لامن نوصل الشراشيف والاصفقة وكذلك البصارة

    تحياتي بت ام در
    وشكرا على الاطلالة

    كل ما نراه عظيما في الحياة بدا بفكرة
  40.  
  41. #21
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة moram مشاهدة المشاركة


    مرحباً بعودتك أخي النور محمد
    وفي إنتظار بقية المقالب.



    أهلا بك اختنا الدكتورة نجمة كل الشهور

    سعيد انا بهذه الطلة

    وستتوالى المحطات البريئة (مقالب) كوني حضورا ببهاء كل من تعلق بكلماتك الانيقة

    شكرا مرام

    كل ما نراه عظيما في الحياة بدا بفكرة
  42.  
  43. #22
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة مدنيّة مشاهدة المشاركة
    منووووووووووور والله يااستاذنا
    سعيدة جدا اني اشوف اسمك من جديد علي المنتدي

    -----------
    "عليك أن تتعلم وتتعلم أكثر من لغة وتخالط أكثر من جنس"

    هي لكن مالدرجة السهراجة دي
    انا المن السودان ماعرفتها يااستاذنا ههههههههههههههههههههه

    ------------
    سؤال جاااااادي
    في حاجة اسمها كدا
    "السهراجة" !؟

    -----------
    شكرا استاذنا

    اختنا الغالية ام جمال

    وانا سعيد بهذه السانحة أغتنمها فالتقيكم

    فانتم لم تغيبوا عن البال
    فقد عشناكم كلمة رقيقة بحلاوة مدني وسماحة اهلي بمدني

    وما من سهراجة ستمنعني باذن الله عن أن أكون بينكم اعرف احوالكم واعيش افراحكم فهكذا تحلو الحياة ونتغلب على الاغتراب
    ونرتاح من مافي معلوم ومن يابيه
    ونرجع دربنا عديل للجيدلة والتمليكة والدوباي

    سهراجة الغربة صعيبة يا ام جمال

    كل ما نراه عظيما في الحياة بدا بفكرة
  44.  
  45. #23
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة mahagoub مشاهدة المشاركة
    استمتعت بالحوار
    لكن داير الحق حكيتا لمن جابت الدم
    يديك العافيه
    واصل
    اهلين استاذ محجوب


    نسال الله لك التوفيق والمتعة على الدوام

    انا كان لازم اجيلو بهذه الطريقة
    لاني بصراحة احترت فيهو

    رفض ما يقول جنسيتو شنو واي لغة بيعرفها
    ما كان هنالك اي منفذ اليه الا لغتنا القديمة حلالة الشبك

    بالله شفت سهراجة دي عملت شنو في المصري؟؟

    على طوووول حولها الى سوهاج فاشتق من سوهاج سوهاجا
    سطحية تاجر يستعجل الارباح

    شكرا استاذ محجوب

    كل ما نراه عظيما في الحياة بدا بفكرة
  46.  
  47. #24
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,044

    اقتباس المشاركة الأصلية كتبت بواسطة أبوريلان مشاهدة المشاركة
    والله يا أستاذ النور نحنا عندنا سهراجة من شُح مواضيعك اللذيذة
    اليوم سعيدين بطلتك وحديثك الشيق ويارب نشوفك كل يوم
    وخليك مع ايموكسك ده عشان صاحبك ده ما يطفش
    من الصيدلية .
    ابو ريلان اخي ياسر كل الشوق أنت وكل الاشواق

    انا سعيد بكم على طوووول

    ولن نرى باذن الله سهراجة بعد اليوم من ناحية المواضيع

    لكن نسال الله ينتهي لينا من حاجة اسمها سهراجة غربة ونرجع كلنا سالمين غانمين الى اهلنا ووطننا

    وجايينك يا مدني يا أحلى بلاد العالمين

    تحياتي اليك اخي ياسر وبالتوفيق باستمرار

    كل ما نراه عظيما في الحياة بدا بفكرة
  48.  
  49. #25
    فخر المنتديات
    Array الصورة الرمزية خالد أحمد الصول
    تاريخ التسجيل
    Apr 2006
    الدولة
    مدني
    المشاركات
    2,762

    ما راحت السهراجة منا ألا بعد أن طليت علينا ... ولا هدأت الشحتافة و خمة النفس ألا بعد أن هليت علينا ... لا إستعملنا الكول ولا الجردقة الترابية ولا المحريب مع الحرجل ... و لكن قرأنا ماكتبت فإنقشعت الالام سريعا جدا

    لك الانحناءه إحتراما أيها الرائع

    سبحان الله و بحمده ... سبحان الله العظيم

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid