صفحة 1 من 2 12 الأخيرةالأخيرة
النتائج 1 إلى 25 من 38

الموضوع: طشمة صاح

     
  1. #1
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    طشمة صاح

    هدوء يخيم على كل المكان، الناس خلدت إلى النوم بعد ان أرخى الظلام سرابيله على سمائهم وأفرغت تلك السماء كل سحبها عليهم مطرا غدت به الديار ماء يغطي كل الأرجاء، ولكن كانت هناك مساحة معتبرة في وسط القرية لا يفارقها الماء طيلة فصل الخريف، فاتخذتها الضفادع مأوى ومكانا للالتقاء والتغزل فيما بينها خاصة في المساء ...

    كان يوما ماطرا ... انتشت له كل الكائنات الموجودة آنذاك، ولكن الضفادع في تلك الليلة بالغت في الانتشاء ...تخرج الأصوات مجتمعة في آن واحد غاغ غاغ غاغ ..والصغار منها يرددون خلف الكبار غيغ غيغ غيغ ... لاتكاد تعطي الوقت ثواني للاسترخاء ... وعندما تقترب منها ترى فقط تلك العيون الدعجاء من تحتها ينطلق ذلك النقيق كما هتافات وحركات مشجعي احدى الكوريتين او كالصينيين في ملعب عش الطائر في مباراة لفريقهم القومي ... عيون تلمع وتأبى إلا ان تعكس لك كل خيوط الضياء ... جو قد يصيب بعض الناس بالجنون من التلوث الضوضائي وقد يلهم الشعراء فيخلقون منه قصيدة تحكي سهر وهيام العشاق في مناجاتهم الأحباب...

    لم تكن ليلة عادية، فقد كان الناس في القرية فرحين إذ حضر أبناؤهم في ذلك اليوم قبل المطر بساعة أو ساعتين من احد مشاريع الري لقضاء ثلاثة أيام أو أربعة أيام رفاهية العمال، كان من بينهم صاحبنا، واحد منهم لكنه صاحب مزاج، لا ينام إلا وهو في قمة المزاج ...ولكنه في ذلك اليوم بسبب المطر زاد من الطشمة حتى انفرط العيار و حتى كاد أن ينفجر الدماغ ...

    حاول النوم ...فلم يستطع ...حاول مرة أخرى ولم يستطع فقد كانت جماهير العشاق في مجتمع الضفادع زادت هي الأخرى من شد الأوتار فانفرط أيضا العيار ...حاول صاحبنا أن ينام...والصوت يأتيه من كل مكان، الكبار غاغ غاغ والصغار غيغ غيغ والشابات غيغغ غيغ والشباب غوغغ غوغ ...واستمر الوضع على هذا الحال حتى منتصف الليل...

    واشتغل المخ المنفلت العيار ...لابد أن امشي إلى شيخ القرية .... وتضطرب الرجلان ويهتز معها جسده مترنحا ذات اليمين وذات الشمال .. فلا يكاد يمشي خطوات حتى يقف ليتكئ على جدار او على ساق إحدى الأشجار في الطريق ...وهكذا حتى وصل إلى باب بيت الشيخ... يضرب على الباب بكل قوته مرة وأخرى ...يصحو الناس مذعورين من هذا الطارق والناس نيام ...ماااالك يااااساتر مااالك في الليل دا جائي ؟؟؟
    وين الشيخ ؟؟؟
    الشيخ ما نائم هنا ....نائم في البيت الثاني ...في شنو مااالك ؟؟؟
    لا إجابة
    ويحمل كل جسده بالمتبقي من قواه والى هناك حيث ينام الشيخ
    وبنفس القوة يضرب الباب مرة ومرة ...فيخرج الشيخ ...وعليه ملابس النوم متلفحا ثوبه لزوم أي طارئ ...مرحب ...استر يا ساتر ..في شنو...ادخل لا جوة ورينا الحاصل ...
    لااا بدخل ولا عاوز حاجة.... عندي بس سؤال واحد...تجاوبني عليهو في الحال!!!
    انت مش شيخ البلد؟؟؟
    نعم في شنو؟؟؟
    انت مش المسئول عن راحة مواطنيك؟؟؟؟
    نعم في شنو قووول
    انا أجي قاطع 200 كيلو عشان بس ارتاح شوية مع عيالي ...أجي ألقى هذا الإزعاج ....يرضيك يا شيخ؟؟؟
    إزعاج شنو والازعجك منو ؟؟؟؟

    تعال شوف براك ..ولازم يتوقف الإزعاج دا وبسرعة ...دي ابسط حقوق الإنسان هنا

    الشيخ مع انو عارف زولنا طاشم ...لكن حقوق الانسان دي خلتو يراجع أي تردد ولازم يمشي معاهو يشوف الناس العاملين ليهو ازعاج ديل منو ولشنو، وح يورينهم كيف يحترموا المواطنين وحقوق الانسان

    طلع معاهو ومشيا سويا ، وعندما وصلا إلى البيت ، لم يجد الشيخ عراكا ولا اناسا يصدرون أي نوع من الصراخ او الضجيج، لم يترك الشيخ يحتار فقال للشيخ ماك سامع الازعاج دا، انا اقدر انوم كيف؟؟؟ ضفادع البلد كلها جاياني هنا جنب البيت وتصيح طول الوقت وانت بيهناك نايم ولا جايب خبر مش انت مسئول من راحة المواطنين وحقوقهم؟؟؟؟

    نعم بالحيل مسئول.... وياهم ديل العاملين ليك الازعاج ؟؟؟

    نعم،،، وعلى الطلاق لو عندي مسدس كان فرغتو في حلق كل واحدة تفتح خشمها

    شيخنا مشهور بالحكمة وطول البال
    تناول حجرا كبيرا وقذفه في الماء بقوة طاااااااخ
    فجاة...سكتت كل الضفادع ....
    صاحبنا انبسط شديد وسلم ليك على يد الشيخ وقبلها ...
    خلاص مشكلتك انتهت؟
    نعم
    وبالراحة انسحب الشيخ وتوارى عن الأنظار إلى بيته لمواصلة النوم

    بعد شوية الجماهير قامت غاغ غاغ غيغ غوغ غاغ غاغ
    زولك براهو يقوم يمسك ليك حجر وجمبلغ في الموية وتسكت الضفادع وتاني تقوم وجمبلغ حجر تاني ...كلما تفتح خشمها يديها حجر
    وهكذا إلى الصباح .....وتشرق الشمس وتسكت الضفادع وتفك الطشمة ويخلد بعدها إلى النوم
    وفي المساء تاني يستعدل المزاج وتتجمع الضفادع ويجمع هو الحجار وتبدأ المعركة حتى الصباح

    كان ذلك الشيخ الحليم هو المرحوم الخليفة احمد عبدالباسط يرحمه الله ...فقد كان فقدا عظيما على ام تريبات

    كل ما نراه عظيما في الحياة بدا بفكرة
  2.  
  3. #2
    فخر المنتديات
    Array الصورة الرمزية عثمان جلالة
    تاريخ التسجيل
    Jun 2007
    الدولة
    أم تريبات
    المشاركات
    3,822

    اقتباس المشاركة الأصلية كتبت بواسطة النور محمد يوسف مشاهدة المشاركة

    كان يوما ماطرا ... انتشت له كل الكائنات الموجودة آنذاك، ولكن الضفادع في تلك الليلة بالغت في الانتشاء ...تخرج الأصوات مجتمعة في آن واحد غاغ غاغ غاغ ..والصغار منها يرددون خلف الكبار غيغ غيغ غيغ ... لاتكاد تعطي الوقت ثواني للاسترخاء ... وعندما تقترب منها ترى فقط تلك العيون الدعجاء من تحتها ينطلق ذلك النقيق كما هتافات وحركات مشجعي احدى الكوريتين او كالصينيين في ملعب عش الطائر في مباراة لفريقهم القومي ... عيون تلمع وتأبى إلا ان تعكس لك كل خيوط الضياء ... جو قد يصيب بعض الناس بالجنون من التلوث الضوضائي وقد يلهم الشعراء فيخلقون منه قصيدة تحكي سهر وهيام العشاق في مناجاتهم الأحباب...

    ياااااااخ بالغت إنت يااااااااخ بالغت في الوصف .. وبالغت في التشبيه .. وبالغت في القصة عموما .. وجاااااااااني إحساس كده أنو دا ما وصف كاتب بس .. ما عارف ليييه .. شكرا يا أبو محمد

    بسم الله .... إبتديت متل البرق لاحت

    فى الشين والفسل بقينا نتباحت

    طال الكان قصير والعالى إتاحت

    والصولات حليلن ملكتن راحت

    *****************
    ومن يتهيب صعود الجبال ......... يعش أبد الدهر بين الحفر
  4.  
  5. #3
    عضو فضي
    Array الصورة الرمزية عوض الكريم الخواض
    تاريخ التسجيل
    May 2009
    المشاركات
    1,274

    المبدع دوماً ...
    أخى النور محمد يوسف ...
    قصة واقعية تهتز لها الأبدان مما فيها من كوميديا الواقع ...
    وهكذا هم كبارنا وشيوخنا سابقاً يتحلون بالحكمة والحلم الجميل ...
    رحم الله الشيخ المرحوم الخليفة احمد عبدالباسط ...
    فهؤلاء عملة نادرة اندثرت فى زماننا هذ1ا .

  6.  
  7. #4
    عضو فضي
    Array
    تاريخ التسجيل
    May 2009
    المشاركات
    1,670

    اقتباس المشاركة الأصلية كتبت بواسطة النور محمد يوسف مشاهدة المشاركة


    الشيخ مع انو عارف زولنا طاشم ...لكن حقوق الانسان دي خلتو يراجع أي تردد ولازم يمشي معاهو يشوف الناس العاملين ليهو ازعاج ديل منو ولشنو، وح يورينهم كيف يحترموا المواطنين وحقوق الانسان


    كان ذلك الشيخ الحليم هو المرحوم الخليفة احمد عبدالباسط يرحمه الله ...فقد كان فقدا عظيما على ام تريبات
    ههههههههههههههههههه

    التحية لحقوق الانسان و اللي كل الناس بقت تعمل ليها حساب خاصة في زمننا دة


    و الرحمة و المغفرة للشيخ أحمد عبدالباسط و ندعوا الله ان يسكنه مع الصديقين و الشهداء و حسن اولائك رفيقا .

    و لكن استاذنا النور الواحد بتسأل عن سر حكمة كبارنا و لماذا اندثرت هذه الحكمة و لماذا لم نتوارثها و صارت تاريخ و اصبح الواحد غير ضيق الاخلاق و المشاكل ما شايف شي

  8.  
  9. #5
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,336

    الاستاذ الكبير النور محمد يوسف
    حبكه مكربه تمام .... لكن عليك الله بلدنا دى حتى الضفادع ما لاقيه راحته ... شئ عجيب ياخى ... والله الضفادع ديل كان عارفات درب حقوق الانسان بى وين كان زمان صاحبك ده ساب الطشمه زاته ...
    يا اخى ما تحرمنا من الابداع ده ياخى ... فاننا فى اشد الشوق الى قلمك المبدع
    تقبل تحياتى

  10.  
  11. #6
    مشرف منتدي النفاج
    Array الصورة الرمزية ابوالنور
    تاريخ التسجيل
    Sep 2006
    الدولة
    مدني
    المشاركات
    6,658


    واصل يا كتاب ربنا يحفظك


    يا ربي انا وين
    sun shine
  12.  
  13. #7
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عثمان جلالة مشاهدة المشاركة


    وجاااااااااني إحساس كده أنو دا ما وصف كاتب بس .. ما عارف ليييه ..

    أحلف ليك بشنو؟؟؟؟

    والله ما طاشم

    كل ما نراه عظيما في الحياة بدا بفكرة
  14.  
  15. #8
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عوض الكريم الخواض مشاهدة المشاركة
    المبدع دوماً ...
    أخى النور محمد يوسف ...
    قصة واقعية تهتز لها الأبدان مما فيها من كوميديا الواقع ...
    وهكذا هم كبارنا وشيوخنا سابقاً يتحلون بالحكمة والحلم الجميل ...
    رحم الله الشيخ المرحوم الخليفة احمد عبدالباسط ...
    فهؤلاء عملة نادرة اندثرت فى زماننا هذ1ا .
    اخي عوض الكريم الخواض ايها الباعث فينا كل الامل بحياة كلها الق وبهاء في وجودك وبوجودك ايها الرائع النبيل

    فشيوخنا استحملونا كتير واستحملوا كل شقاواتنا ...لان نظرتهم كانت بعيدة ...يهتمون باستراتيجيات التعامل الكبرى خلق المجتمع الهادي النظيف ...لذلك تآلفت كل القلوب حولهم

    يرحمه الله هذا العملة النادرة الخليفة احمد عبدالباسط

    وجزاك الله خيرا خواض

    كل ما نراه عظيما في الحياة بدا بفكرة
  16.  
  17. #9
    عضو فعال
    Array الصورة الرمزية عماد السائح
    تاريخ التسجيل
    Sep 2006
    الدولة
    مدني -بانت
    المشاركات
    277

    اندهاشة الصورة المتالقة اسعدتنا بخيالك الممتد امتداد الليل سبحنا ونترحم علي شيخ ام تريبات

  18.  
  19. #10
    فخر المنتديات
    Array الصورة الرمزية عثمان جلالة
    تاريخ التسجيل
    Jun 2007
    الدولة
    أم تريبات
    المشاركات
    3,822

    اقتباس المشاركة الأصلية كتبت بواسطة النور محمد يوسف مشاهدة المشاركة

    أحلف ليك بشنو؟؟؟؟

    والله ما طاشم


    كدى قول واااااااااااااااااغ هههههههه

    بسم الله .... إبتديت متل البرق لاحت

    فى الشين والفسل بقينا نتباحت

    طال الكان قصير والعالى إتاحت

    والصولات حليلن ملكتن راحت

    *****************
    ومن يتهيب صعود الجبال ......... يعش أبد الدهر بين الحفر
  20.  
  21. #11
    عضو برونزي
    Array الصورة الرمزية عباس الدسيس
    تاريخ التسجيل
    Jun 2009
    الدولة
    مدني - اركويت
    المشاركات
    956

    رائع والله يا النور ولك الشكر


    آنا لست مِثلهُم.. افعَل ما أُريـد فقط لأني أُريد~ لا اهتـم بمآ يقولون عنّي!
    لاني مؤمن بآن كلٍ يرى النآس بعين طبعه..
    مشآعري مختلفه كثيـــــرا عن غيري ...تفكيري ... مبدأي ... منطقي . تحليلي كلهــآ مختلفه عنهم!
    انطق كَلمآتي باسلوب مختلِف.. و ذوقيّ غير مرتبط بذوق آحد!
    اما "الذوق العام",,, تركته لهم.. من يفهمُني يرى فيي عآلماً مُختلف.. و من لا يفهمُني.... عذراً ليـــــــس من اهتــمآآآمي
  22.  
  23. #12
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    المشاركة الأصلية كتبت بواسطة عثمان جلالة
    وجاااااااااني إحساس كده أنو دا ما وصف كاتب بس .. ما عارف ليييه ..
    اقتباس المشاركة الأصلية كتبت بواسطة النور محمد يوسف مشاهدة المشاركة

    أحلف ليك بشنو؟؟؟؟
    والله ما طاشم
    ههههههه جلالة كان عايز يدردقك..
    لكن عجبتني عرفت ليه!!!

    أستاذنا النور يا سلام عليك إبداع حتى النخاع!!

    رحم الله الشيخ المرحوم الخليفة احمد عبدالباسط
    رجل ذو حكمة وبصيرة وبال طويل.. هكذا كان شيوخنا
    زمان..

    أها صحبك الطشمان دا لسع (يطقع) في (القعونج)؟!
    جماعتك الطشمانين ديل قصصهم كثيرة وما بتخلص..

    مرة في واحد جاء ماشي مع ولده (الله يكرمك) بالقرب من
    كوشة.. الولد شاهد واحد طشمان قال لأبوه:
    أبوي.. أبوي شوف الزول السكران دا نائم في الكوشة
    وخاتي راسه في بطن الحمارة الميتة.
    أبوه قال ليهو: والله يا ولدي أبوك ليه زمن كايس ليهو
    على (طشمة) ذي دي ما لاقيها!

    ود الماحي هسع بجيك بقصص الطشمانين.

  24.  
  25. #13
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عبدالله محمد العقاد مشاهدة المشاركة
    ههههههههههههههههههه

    التحية لحقوق الانسان و اللي كل الناس بقت تعمل ليها حساب خاصة في زمننا دة


    و الرحمة و المغفرة للشيخ أحمد عبدالباسط و ندعوا الله ان يسكنه مع الصديقين و الشهداء و حسن اولائك رفيقا .

    و لكن استاذنا النور الواحد بتسأل عن سر حكمة كبارنا و لماذا اندثرت هذه الحكمة و لماذا لم نتوارثها و صارت تاريخ و اصبح الواحد غير ضيق الاخلاق و المشاكل ما شايف شي
    الاستاذ عبدالله العقاد، يامن قصرنا في حقه كثيرا، لكنه دائما هو السباق الى كل الخيرات، واثق انا من انك تجد لنا العذر في الرد على كثير من مداخلاتك، لكنني اتابع كل ما تكتب وجميع المداخلات هنا وهناك فكم انا معجب بواقعية ردودك ومنطقيتها، وحقوق الانسان يا اخي العقاد لو تابعنا تنفيذها في الريف لما سمعت لها طارٍ قط فسوف تذوب وتتلاشى لكثرة الحاجة اليها، كم من امراة حامل تموت في الطريق قبل الوصول الى المستشفى وكم من مريض مات بالزائدة الدودية قبل ان يتلقى اسعافا وعندما ناتي للبيئة وصحة البيئة فحدث ولا حرج والصحة كلها معدومة ابتداءً من المواد التموينية التالفة والذبح العشوائي للبهائم وطريقة العرض الملوث للالبان وللادوية ...تصدق يا عقاد عندنا الادوية تباع في البقالات مع الفحم والبصل والزيوت ..وعندما تعرج على التعليم فهنا المصيبة الكبرى اذ لا تجد معلما يترك الرفاهية ورغد العيش في المدينة وياتي الى الريف حيث لا توجد دروس خصوصية ولا توجد دروس تقوية ....وتضيع بذلك ثروة عظيمة كان من الممكن ان يستفيد منها السودان ....والقصة تطول ويطول عرضها وشرحها ناهيك عن حلها ...وقديما كان الريف هو المتنفس لسكان المدن يجدون فيه كل متطلبات الحياة التي يحتاجونها ولكنه اليوم نافر ومنفر حتى لساكنيه ...ذهب الريف وذهبت معه رجالات الحكمة والله المستعان

    شكرا اخي العقاد ولك العتبى حتى ترضى

    كل ما نراه عظيما في الحياة بدا بفكرة
  26.  
  27. #14
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة محمد الجزولى مشاهدة المشاركة
    الاستاذ الكبير النور محمد يوسف
    حبكه مكربه تمام .... لكن عليك الله بلدنا دى حتى الضفادع ما لاقيه راحته ... شئ عجيب ياخى ... والله الضفادع ديل كان عارفات درب حقوق الانسان بى وين كان زمان صاحبك ده ساب الطشمه زاته ...
    يا اخى ما تحرمنا من الابداع ده ياخى ... فاننا فى اشد الشوق الى قلمك المبدع
    تقبل تحياتى
    شكرا محمد الجزولي استاذ الخيال وتطويعه للواقع ...وبلدنا يوم ماتنتهي منها الطشمة والاسباب التي تؤدي الى الطشمة كل واحد ح يلقى حقوقو ...والى ذلكم الحين فالطاشم سيظل يطشم وغير الطاشم لا يعرف اهو طاشم ام انه يحلم بانه طاشم أو سوف يطشم ولا يعرف اهو حي ام ميت اذ تكالبته صعوبات الحياة بدروبها التي طوقها الفساد من كل الانحاء ...

    لك كل ودي اخي محمد الجزولي ونحن نشتاق ايضا الى ابداعاتك ونتابعها بشغف
    وتقبل خالص تحياتي

    كل ما نراه عظيما في الحياة بدا بفكرة
  28.  
  29. #15
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة ابوالنور مشاهدة المشاركة

    واصل يا كتاب ربنا يحفظك
    ولدنا البنحبو كلنا ..ابو النور لك خالص تحياتي

    شفت زولنا دا كيف ....بس عارف نفسو وين لذلك مشى عديل يطالب بحقوق الانسان ...المهم الناس تطالب ما تسكت والمهم يجدوا اجابة ولو من باب التخدير لثوان لكن كونو المسئول يسد دي بطينة ودي بعجينة لا تشبهنا ابدا ولا كمان الناس تسكت فلازم تتكلم وتطالب باي شيء تراه من حقها المطالبة به

    وربنا يحفظ لينا ...ومبروك المنصب الجديد الذي انت اهل له من زمااااان
    وفقك الله ابو النور

    كل ما نراه عظيما في الحياة بدا بفكرة
  30.  
  31. #16
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عماد السائح مشاهدة المشاركة
    اندهاشة الصورة المتالقة اسعدتنا بخيالك الممتد امتداد الليل سبحنا ونترحم علي شيخ ام تريبات
    استاذنا عماد السائح شاعرنا الهمام وينك ووين قصائدك التي نطرب لها ...اشتقنا لها بالجد ...ولمواضيعك ومقترحاتك نحو تطوير مدينتنا الحنون .... فنحن حبيبنا نذوب فيها ونتابعها كلمة كلمة فهي تصدر من القلب بلا تكلف وتحكي حالنا كلنا ود البلد الاصيل الحنين المليان حنية وشوق لكل الاهل ...ونحن نسعد بك دائما وبمداخلاتك وفقك الله عمدتنا ولا حرمنا الله منك ولا من بديع صنعك كلمات وابيات ومداخلات
    وفقك الله

    كل ما نراه عظيما في الحياة بدا بفكرة
  32.  
  33. #17
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عثمان جلالة مشاهدة المشاركة
    :d:d:d:d:d

    كدى قول واااااااااااااااااغ هههههههه
    ليه ؟؟؟ عندك نص مفقود ولا شنو؟؟؟

    واااااااااغ واااااااااااااااااغ

    كل ما نراه عظيما في الحياة بدا بفكرة
  34.  
  35. #18
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عباس الدسيس مشاهدة المشاركة
    رائع والله يا النور ولك الشكر
    ولك الشكر انت ايضا اخي عباس الدسيس وربنا يخلي ليك هذا الشبل

    أم انه انت الزماااان ...ربنا يخليكم ويحفظكم

    بارك الله فيك ومشكور على المرور وربنا لا يحرمنا من مداخلاتك
    شكرا عباس

    كل ما نراه عظيما في الحياة بدا بفكرة
  36.  
  37. #19
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,040

    اقتباس المشاركة الأصلية كتبت بواسطة عزيز عيسى مشاهدة المشاركة
    ههههههه جلالة كان عايز يدردقك..
    لكن عجبتني عرفت ليه!!!

    أستاذنا النور يا سلام عليك إبداع حتى النخاع!!

    رحم الله الشيخ المرحوم الخليفة احمد عبدالباسط
    رجل ذو حكمة وبصيرة وبال طويل.. هكذا كان شيوخنا
    زمان..

    أها صحبك الطشمان دا لسع (يطقع) في (القعونج)؟!
    جماعتك الطشمانين ديل قصصهم كثيرة وما بتخلص..

    مرة في واحد جاء ماشي مع ولده (الله يكرمك) بالقرب من
    كوشة.. الولد شاهد واحد طشمان قال لأبوه:
    أبوي.. أبوي شوف الزول السكران دا نائم في الكوشة
    وخاتي راسه في بطن الحمارة الميتة.
    أبوه قال ليهو: والله يا ولدي أبوك ليه زمن كايس ليهو
    على (طشمة) ذي دي ما لاقيها!

    ود الماحي هسع بجيك بقصص الطشمانين.
    عزيز عيسى الخواجة اخي المحبوب لنا كلنا ...اسعد دائما بمداخلاتك ايها النجم الانيق
    فعندما اكتب صدقني اتوقع ماذا سوف يقول الخواجة ..اكتب واحس بك مارا بجانبي اتوقع ماذا تقول ولكن في دي لم اتوقع الدرجة التي وصل لها طاشمكم ..فقد ضحكت شديدا بارك الله فيك ...وبعدين عثمان جلالة دا الظاهر طشمتو ناقصة ...فاقد ليهو نص وما عارف يتهم مين ...لكن والله مااا انا

    وندعو من هذا المنبر اخانا ودالماحي ليتحفنا بطرائفهم خاصة بعد عوته الميمونة وبقوة ...له مني تحية عطرة فهو اخ نعزه ونقدر اسهاماته فهو مسكون بعشق مدني واهل مدني ومحبي مدني

    وطبعا زولنا صاحب البتاعة دي الان ما شاء الله مبسوط ورائق ومن الاعيان ...شوف لو زمان عاقبوه او عملوا ليهو حاجة كان ح يكون وين ...الحكاية كلها فقر وضيق حال وتيسرت له الان واستعدل تمام ...وارتاح مجتمع العشاق في قبيلة الضفادع...بس وين المطر؟؟؟

    شكرا عزيزنا عزيز ولا عدمناك يارب

    كل ما نراه عظيما في الحياة بدا بفكرة
  38.  
  39. #20
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687


    الأستاذ : النور محمد يوسف ( نجم كل الشهور )
    حتى المواقف العادية لإيقاع الحياة اليومي تخلق منها لوحة قصصية جميلة بما تحشد لها
    من بساطة في السرد و مزج المواقف للحياة اليومية بحرفية و مهنية عالية
    صورة ربما توجد في كثير من أحيائنا و قرانا و بوادينا و لكن ما أعجبني في القصة حكمة
    الشيخ المرحوم ( أحمد عبد الباسط ) و تأسفت مثل باقي المتداخلين على خلو مجتمعاتنا الحالية
    من أمثال هاؤلاء الرجال مع وجود علاقة عكسية وهو خلو المجتمع من أمثال صاحب هذه الطشمة بصورة كبيرة
    و هذا من فضل الله أولا ً و أخيرا ً ومن الوعي الذي ساد مجتمعاتنا في القرى و البوادي و الحضر
    سعيد بعودة قلمك المميز إلى رحاب المنتدى الأنيق بحضوركم

    اقتباس المشاركة الأصلية كتبت بواسطة عثمان جلالة مشاهدة المشاركة
    وجاااااااااني إحساس كده أنو دا ما وصف كاتب بس .. ما عارف ليييه
    جلالة عايز يوديك بشارع الدقداق لكن عرفت ليهو جبتو بالدرب العديل وجبت ليهو من الأخر

    التعديل الأخير تم بواسطة moh_alnour ; 18-07-2009 الساعة 04:39 PM
    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  40.  
  41. #21
    عضو فضي
    Array الصورة الرمزية عوض الكريم الخواض
    تاريخ التسجيل
    May 2009
    المشاركات
    1,274

    الأديب النور محمد يوسف ...
    هاك دى ...


    هو أحد جيراننا الطيبين ...
    رجلٌ فكِهٌ واصلٌ طيب الخلق لا يعيبه شئ ...
    سوى هذا المنكر والذى يعد من الكبآئر ...

    الغريب فى الأمر أن قصصه الممتعة تكون دوماً مع ( النباه ) الأول لصلاة الفجر ...
    جارنا هذا ولنطلق عليه ( سيد ) دآئماً ما تجده عند صلاة الفجر يقف ( واعظاً ) عند رأس
    صديقه ( عباس ) بتاع الكنتين مع العلم أنه فى تلك اللحظة ( بكون واقف لمبة ) .
    سيد وبصوته الأجش يقف عند رأس عباس قآئلا :ً
    يا عباس قوم الصلاة جات ...
    عليك الله ( النايم ) ليها شنو ...
    قوم يا عباس ( النوم بجيب اللوم ) ...
    آآآآآآي عااااارفك الصقط دا ماااا لذيييييييييذ ...يمين يا عباس بعدين يوم القيامة ... النوم دا تشوفوا ( عشرة عشرة ) ...
    وفى تلك اللحظة يتوافد المصلين من كبار الحي الى المسجد ...
    وهم يمرون بكنتين عباس وصديقه سيد ( السكران ) وهو يقف واعظاً فى رأس عباس ...
    سيد قآئلاً :
    أوووووووووو ...نآس الآخرة الجد جد وصلوا بى عكاكيزهم ...
    عليك الله يا عباس ما بتخجل ...
    عاين ليهم الواحد قدر جدك ...
    ما قادرين يمشوا ...
    لكن الصلاة دى مااااااااا بلعبوا فيها ...
    ثمّ يقهقه بصوته الأجش ويخاطب صديقه عباس بصوت خافت ( أعمامك حريفين حرفنة كتلوها زمان لامن الأمبير قرب يصفر قالوا أخير نشوف لينا مرّاقة ) هع هع هع هع ...
    وفى هذه اللحظة يتقدم أحد شيوخ الحي ويحيه عباس قآئلاً :
    شيخ كعورة صباح الخير ...
    عليك الله يا شيخ كعورة ( عباس السجمان ) دا لي ساعة بصحى فيهو لى صلاة الصبح وهو ما داير يصحى ...
    الزول دا ما سمع كلام الرسول صلى الله عليه وسلم ( لوددت ان احرقن عليهم منازلهم ) ...
    والله يا عم كعورة دا لو كان فى عهد الخليفة عمر ...
    كان صحاهو ( بالسوط ) ...
    ثمّ يخاطب نفسه مستطرداً :
    عمر داك ...
    يا زوووووووووول ...
    عمر داك صعب ...
    نحن ذآآآآآآآآآآآآآتنا كان ( قطعا لينا فى رآسنا ) .

    ولهم حكايات وحكايات .

  42.  
  43. #22
    عضو مميز
    Array
    تاريخ التسجيل
    Jun 2009
    المشاركات
    377

    اقتباس المشاركة الأصلية كتبت بواسطة عوض الكريم الخواض مشاهدة المشاركة
    الأديب النور محمد يوسف ...
    هاك دى ...


    هو أحد جيراننا الطيبين ...
    رجلٌ فكِهٌ واصلٌ طيب الخلق لا يعيبه شئ ...
    سوى هذا المنكر والذى يعد من الكبآئر ...

    الغريب فى الأمر أن قصصه الممتعة تكون دوماً مع ( النباه ) الأول لصلاة الفجر ...
    جارنا هذا ولنطلق عليه ( سيد ) دآئماً ما تجده عند صلاة الفجر يقف ( واعظاً ) عند رأس
    صديقه ( عباس ) بتاع الكنتين مع العلم أنه فى تلك اللحظة ( بكون واقف لمبة ) .
    سيد وبصوته الأجش يقف عند رأس عباس قآئلا :ً
    يا عباس قوم الصلاة جات ...
    عليك الله ( النايم ) ليها شنو ...
    قوم يا عباس ( النوم بجيب اللوم ) ...
    آآآآآآي عااااارفك الصقط دا ماااا لذيييييييييذ ...يمين يا عباس بعدين يوم القيامة ... النوم دا تشوفوا ( عشرة عشرة ) ...
    وفى تلك اللحظة يتوافد المصلين من كبار الحي الى المسجد ...
    وهم يمرون بكنتين عباس وصديقه سيد ( السكران ) وهو يقف واعظاً فى رأس عباس ...
    سيد قآئلاً :
    أوووووووووو ...نآس الآخرة الجد جد وصلوا بى عكاكيزهم ...
    عليك الله يا عباس ما بتخجل ...
    عاين ليهم الواحد قدر جدك ...
    ما قادرين يمشوا ...
    لكن الصلاة دى مااااااااا بلعبوا فيها ...
    ثمّ يقهقه بصوته الأجش ويخاطب صديقه عباس بصوت خافت ( أعمامك حريفين حرفنة كتلوها زمان لامن الأمبير قرب يصفر قالوا أخير نشوف لينا مرّاقة ) هع هع هع هع ...
    وفى هذه اللحظة يتقدم أحد شيوخ الحي ويحيه عباس قآئلاً :
    شيخ كعورة صباح الخير ...
    عليك الله يا شيخ كعورة ( عباس السجمان ) دا لي ساعة بصحى فيهو لى صلاة الصبح وهو ما داير يصحى ...
    الزول دا ما سمع كلام الرسول صلى الله عليه وسلم ( لوددت ان احرقن عليهم منازلهم ) ...
    والله يا عم كعورة دا لو كان فى عهد الخليفة عمر ...
    كان صحاهو ( بالسوط ) ...
    ثمّ يخاطب نفسه مستطرداً :
    عمر داك ...
    يا زوووووووووول ...
    عمر داك صعب ...
    نحن ذآآآآآآآآآآآآآتنا كان ( قطعا لينا فى رآسنا ) .

    ولهم حكايات وحكايات .
    كنت مرة الساعة 12 مساء بمستشفى الحصاحيصا
    بعد شوية العساكر جابو ليهم ولد سكران عمر 25 سنة ويبدو أنه اعتدى على بنت
    لأنو الفتاة كانت معاهم وأدخلوها للطبيبة
    المهم السكران كان عاوز يستفرغ
    فعلاً استفرغ شوية وقام الغفير بتاع المستشفى قال للعسكري خلاص زولك انتهى
    تعال شيلو من هنا
    العسكري قال ليهو { لسه } ياعم الزول دا ماكل كوارع كتيرة لمن تشوف ليك عضم طالع مع الطراش تعال ناديني

    ذكرتني هذه القصة بواحد اخونا أكل مرارة وكبدة وكوارع وام فتفت ولحمة راس بالطبع
    وبعديها طوالي جردل مريسة
    بعد شوية استفرغ الحاجات دي كلها
    اها بعد الطراش ارتاح شوية ونام في نفس محل السكرة
    جاء { جريو صغير } طبعاً ولد الكلب
    والجريو كان جيعان ولم ليك في طراش عمك وأكل مالذ وطاب
    لكن الجريو { طشم } ونام في نفس محل الطراش
    عمك صحى بكرة والطشمة فكت
    وقال للجماعة
    والله انا متذكر الكبدة دي أكلتها
    ولحمة الراس دي أكلتها برضو
    والكوارع أكلتها حته حته
    لكن والله مامتذكر { الجريو } دا أكلتو متين !!!!!

  44.  
  45. #23
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687

    هههههه
    و د الخواض و أبو حراز
    الله يجازي محنكم بعد شوية البوست دا ح أوديهو النفاج
    و بتجيبوا لينا لوم مع أستاذنا النور محمد يوسف

    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  46.  
  47. #24
    عضو فعال
    Array الصورة الرمزية وجدى محمد خميس
    تاريخ التسجيل
    Nov 2006
    الدولة
    مدنى حى بانت
    المشاركات
    256

    طشمه صاح...الزياده من وين

    والـذي نفسه بغيـر جمال لا يــرى فـى الوجـود شيئـآ جميـلآ


  48.  
  49. #25
    عضو ذهبي
    Array الصورة الرمزية esmat
    تاريخ التسجيل
    Dec 2005
    الدولة
    مدني مايو طرف- نص
    المشاركات
    3,693


    استاذ النور المبدع دوماً
    شكراً لهذا السرد الرائع

    remooosh.jeeran.com
    ويوم تقول داير تسافر ... بستف الحب بين ملابسك ...شان يلامســك،،،
    كل هدماً ترتديهو...تلاقي فيهو قليبي حارسك ... ولما تهدأ فوق وسادتك تلقي روحي ملت جوانحك ... ولما تغمض رمش عينيك ... أبقي في نومك أزاحمك،،، ... ولما تبقي امام مرايتـك ... تلقي صورتي كست ملامحك،،


    رمــــــــــــوش

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid