ادارة منتديات ودمدني ... تهني الامة الاسلامية .. بمناسبة عيد الفطرالمبارك .. اعادة الله علينا وعليكم بالخير والعافية .. عيدك في بيتك

النتائج 1 إلى 19 من 19

الموضوع: مين عارف بشير في الخرطوم

     
  1. #1
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    مين عارف بشير في الخرطوم



    طبعا معظمكم او كلكم تعرفون هذا المثل "مين عارف بشير في الخرطوم"

    ولي معه قصة، بس نشرحو اولا للذين لا يعرفونه

    بشير دا .... أي بشير... قام دخل الخرطوم لأول مرة ... شاف الناس نضاااف قام حسب قروشو اشترى ليهو "فنيلة داخلية" جديدة ولازم يغير القديمة ، بدا يبحث عن مكان ليس فيه مارة فيغير ، لم يجد مكانا فاضيا، كلما يمش بعيد يلقى المكان برضو مليانة ناس.....

    في الاخر وقف في الشارع وقال مين يعرف بشير في الخرطوم ، خلع وغير...

    وجرى قوله هذا مثلا ...يضرب عندما تريد ان تفعل شيئا ولا تبالي بمن حولك إذا كانوا لا يعرفونك

    قصتي مع المثل:

    في مرة من المرات والدنيا ليل كنت اقود السيارة في مكان مقطوع بالرياض لا يسكنه السودانيون ناهيك عن ناس منطقتنا ولا واحد من معارفنا، واثناء سيري قابلتني اشارة مرور ، والله مولعة خضراااااء ،
    يتسلط علي واحد بتاع شاحنة طويلة جاء قدامي وحاول يلف،
    غايتو قبضت فرملة وانتظرته عشان يلف وانا وراهو، أتاريها في المدة دي الاشارة طفت وبقت حمراء، ومع اني حسيت باحمرار الاشارة لكن في نفسي قلت مين عارف بشير في الخرطوم ..دست بنزين وواصلت السير

    العسكري التقول ما عندو اهل،
    المقعدو في الليل دا هنا شنو؟؟؟
    قاعد متخبي بالجانب الاخر ولا واحد شايفو مافي،

    نحن ثلاث سيارات القطعنا الاشارة،
    الاول هرب
    والثاني كمان هرب،

    طبعا العسكري متخيلني انا ح أهرب برضو....
    قام اتسادى ليا في نص الطريق،
    وجرَّيت ليك فرملة ......
    وقفت على الرصيف،

    مكان مقطوعة،
    الدنيا ليل،
    اولادي في البيت براهم،
    وقطع الاشارة معناهو سجن،
    اليوم اربعاء،
    باكر وبعد باكر مافيش دوام،
    المرور مش ح يفتح الا يوم السبت

    يعني اقعد في السجن إلى يوم السبت!!!!،
    والله عيب،
    الواحد بعد المدة دي كلها
    في المملكة يقوم كمان يدخل السجن...

    بس الحمد لله ولا واحد شايفني مافي،
    لا سوداني ولا واحد من المنطقة،،
    الحمد لله، اقضي اليومين
    وبعد داك أكان سألني أي واحد ح اقول ليهو أي حاجة،
    بس سجن ما ح أقول...
    يقوم يطربق علينا البلد بيهناك...
    يلا...مين عارف بشير في الخرطوم...

    استسلمت ...
    لكن ساحاول انق شوية مع العسكري يمكن يحن شوية....
    بس باستحياء
    وكمان اخوكم يتقاصر عشان كمان ما يشوفني واحد من معارفنا.....

    بالله في اثناء الحجة ديك اسمع ليك واحد ...النور ...النور ....صوت بعيييييد ......بعيد جدا ...
    دا منو دا البعرفني دا ....
    القاهو ليك (....) ....
    دا الجابو هنا بالليل شنو؟؟؟؟
    ودي محل بجيها زول عاقل بالليل دا؟؟؟؟

    ايوة مااااالك عاوز شنو؟؟؟؟

    اولادك وين؟؟؟؟ وهل محتاجين حاجة ؟؟؟؟

    لا حول ولا قوة الا بالله....
    يا اخي اتفاءل خير .....

    انا الحكاية بسيطة وراجع ليهم....

    يعني ما قطعت الاشارة؟؟؟؟

    قطعت مين و اشارة مين ؟؟؟؟ يلا امش ما في حاجة

    ما قطعتها ...يلا سلام

    فوووو دور سيارتو وفات ....

    الزول دا بيشبهك........فات خلاك لشنو؟؟؟؟يسالني العسكري..مافهم اخونا داك قال شنو

    لا دا راجل شغال مع الامير (....) مشى يجيب باسطة..
    وفي نفسي اقول سواها فيني بشير في الخرطوم


    أمير ؟؟؟ واااسطة من الأمير ....امش امش بس تاني ما تقطع الاشارة ...آخر مرة

    سلام ....ونمت بالبيت

    التعديل الأخير تم بواسطة النور محمد يوسف ; 01-07-2009 الساعة 03:18 AM
    كل ما نراه عظيما في الحياة بدا بفكرة
  2.  
  3. #2
    عضو فضي
    Array الصورة الرمزية عزيز عيسى
    تاريخ التسجيل
    Feb 2005
    الدولة
    مارنجان - مدني - الخرطوم
    المشاركات
    1,716

    يا سلام عليك يا أستاذ النور على الحكي الجميل
    ياخي طال غيابك..
    جئنا ولم نجد حكاويكم الجميلة البترد الروح..
    ومثل بشير في الخرطوم بشبه تماما
    المثل البيقول: بلدا ما بلدك أمشي فيها عريان..
    وبشير زولك دا لو ما إختشى يمين كان غير
    العراقي ذاتو!!

  4.  
  5. #3
    فخر المنتديات
    Array الصورة الرمزية أبوبكرحامد
    تاريخ التسجيل
    Dec 2004
    الدولة
    مدنى - بانت
    المشاركات
    2,748

    هسى يا النور اخوى زولنا داك كان شال أداة التعريف من إسمو ماكان ريح نفسو وريحنا معاهو من قومة النفس والملاحقة.
    ياخى مشتاقين

    أجمل النقد ماكتب عن مَحَبَّة - الراحل / أميل حبيبى
  6.  
  7. #4
    فخر المنتديات
    Array
    تاريخ التسجيل
    May 2009
    الدولة
    مارنجان
    المشاركات
    4,339

    استاذنا النور
    يا خى حمد الله على السلامه
    ومرحب بى بوستاتك المفعمه بالحيويه والسخريه
    تعرف احسن حاجه العسكرى ده ما فهم الواسطه على انها باسطه ...
    لك تحياتى واحترامى

  8.  
  9. #5
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة عزيز عيسى مشاهدة المشاركة
    يا سلام عليك يا أستاذ النور على الحكي الجميل
    ياخي طال غيابك..
    جئنا ولم نجد حكاويكم الجميلة البترد الروح..
    ومثل بشير في الخرطوم بشبه تماما
    المثل البيقول: بلدا ما بلدك أمشي فيها عريان..
    وبشير زولك دا لو ما إختشى يمين كان غير
    العراقي ذاتو!!

    عزيزي عزيز ...نعم عزيز أوي الخواجة عزيز تحياتي اليك
    وانت كمان ياعزيز مواضيعك ومداخلاتك ترد الروح ..يارائع انت وجودك بس في المتواجدين يملانا امل ويخلينا نحس انو هنا يجب ان نختار الكلمة والموقف في حضرة وجود عزيز

    بس بصراحة بشير مرات بيورط .... يكفي ورطتي دي لو ما الباسطة اقصد الواسطة المزعومة

    شكرا عزيز ونحن دائما سعداء بوجودك

    كل ما نراه عظيما في الحياة بدا بفكرة
  10.  
  11. #6
    عضو فضي
    Array الصورة الرمزية ابوخالد
    تاريخ التسجيل
    Jun 2009
    المشاركات
    1,963


    الرائع / النور

    والله ياأخوى إنت نفدت منها بى باسطتك ( أقصد واسطتك )

    لكن أخوك ما أكلا فى مصارينه ونام ليلتين فى الترجيف ( أقصد التوقيف )

    ولكن الحمد لله مافى زولآ جايب خبر إلا حبيبة القسا .. ولى هسى ...

    ولك صادق ودى وإحتراماتى

  12.  
  13. #7
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة أبوبكرحامد مشاهدة المشاركة
    هسى يا النور اخوى زولنا داك كان شال أداة التعريف من إسمو ماكان ريح نفسو وريحنا معاهو من قومة النفس والملاحقة.
    ياخى مشتاقين
    أبوبكرحامد ...عزيزي الغالي ....الشوق اليك كثير

    شيلوها يا ابوبكر ...ونحن قلنا لااااا

    لكن ايه الضمان كمان يجينا واحد لابس........ شرابات واضحة جدا


    شكرا ابوبكر ...شفت الغربة دي بتعمل فينا كيف؟؟؟

    كل ما نراه عظيما في الحياة بدا بفكرة
  14.  
  15. #8
    عضو ماسي
    Array الصورة الرمزية الجندي المجهول
    تاريخ التسجيل
    Apr 2006
    الدولة
    من حته جميلة خلاص
    المشاركات
    6,674

    حقيقي روعة والله بشير في الخرطوم دي كتيرة خلاااص ولينا رجعة يا فنان

    اللهم صلي وسلم على سيدنا محمد وعلى آله وصحبه وسلم تسليما



  16.  
  17. #9
    عضو ماسي
    Array
    تاريخ التسجيل
    Mar 2004
    الدولة
    مـايــو نــص
    المشاركات
    6,008

    والله مشتاقيين


    بعد أن مُنيت أعيننا بهذا النهر الدافق إذ به فجأة يتوارى مثله مثل القمر في نهايات الشهر لا يتلالأ للملأ

    حقيقة دوماً تنجذب الروح قبل العين حين يسطع في سموات صفحاتنا هذا الاسم ناهيك ضمون الكلمة والتي لا جدال فيها ...


    أخي النور نّور الله دربك وخطابك بالنور ... بس تاني أعمل حسابك جات سليمة أقصد جان باسطة المرة دي .. الله يستر عيك والله مشتاقيين

    لم يفت الأوان أبداً على أن يكون المرء ما كان من الممكن أن يكونه

    المـتــكبـــر هـــو :

    شخص يقف فوق قمة جبل ... يرى الناس صغاراً ... وهم يرونه أصغر



  18.  
  19. #10
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة محمد الجزولى مشاهدة المشاركة
    استاذنا النور
    يا خى حمد الله على السلامه
    ومرحب بى بوستاتك المفعمه بالحيويه والسخريه
    تعرف احسن حاجه العسكرى ده ما فهم الواسطه على انها باسطه ...
    لك تحياتى واحترامى
    محمد الجزولي استاذنا كلنا ...يا كل الخيال الجائي والعائش هنا ...اهلا اهلا

    الله يسلمك جزولي ...وبصراحة ابدعت في حتة الباسطة دي .... وعلى طول ركبتها ليك في الموضوع ... فمشكور كتير جد ....لانك فعلا فنان ... وبعدين انت ماعندك بشير ياجزولي؟؟؟؟ معقول زول فنان خيالو واسع زيك مايكون عندو بشير في حياتو؟؟؟ يلا ورينا بشيرك ...عاوزين نستمتع بخيالك يااااخ

    ولك تحياتي الكثيرة ويارب دائما ملمومين مبسوطين وسعداء

    كل ما نراه عظيما في الحياة بدا بفكرة
  20.  
  21. #11
    فخر المنتديات
    Array الصورة الرمزية مدنيّة
    تاريخ التسجيل
    Jul 2006
    الدولة
    محل الرئيس بنوم والطيارة بتقوم
    المشاركات
    18,647

    هي يابشير
    قصدي يااستاذ النور

    لقيت البعرفك في البلد ديك


    خليك قريب ومواصل يااستاذ النور


    كل إنـــ(انا امراة لاتنحنى كى تلتقط ماسقط من عينيها)ــــاء بما فيه ينضح
  22.  
  23. #12
    فخر المنتديات
    Array الصورة الرمزية moh_alnour
    تاريخ التسجيل
    Aug 2007
    الدولة
    جدة - السعودية
    المشاركات
    7,687


    أستاذنا النور محمد يوسف مرحب بإطلالتك المُحببة للجميع و مرحب بموضوعاتك الثرة
    بصراحة يا النور شكلك كدا سرك باتع و لاحق ، عايز أمر عليك في الرياض كان تفك لي بورتي دي
    ماشاء الله تبارك الله ربنا مسهل أمورك كلها و هذا فضل من الله يؤتيه من يشاء
    و صِدقا ً كان الله في عون العبد ما كان العبد في عون أخيه العبد
    و نتمنى أن نراك حضور دائم بالمنتدى فأنتم من تمنحونا الضياء و فاكهة الشتاء

    إننا نحب الورد رغم الأشواك التي تعانقه وهكذا الحياة
    abu ze yazan

    جزيرة الفيل الأصالة و العراقة
  24.  
  25. #13
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة ابوخالد مشاهدة المشاركة

    الرائع / النور

    والله ياأخوى إنت نفدت منها بى باسطتك ( أقصد واسطتك )

    لكن أخوك ما أكلا فى مصارينه ونام ليلتين فى الترجيف ( أقصد التوقيف )

    ولكن الحمد لله مافى زولآ جايب خبر إلا حبيبة القسا .. ولى هسى ...

    ولك صادق ودى وإحتراماتى
    أبو خالد لك التحيات الغالية

    صدقني ضحكت كثيرا من هذه المداخلة لهذا الموقف ..انت اختصرت كل الموضوع في 4 او 5 سطور وبنفس النكهة والله انت كاتب خطير ليه ما تكتب ابو خالد واكيد مرت عليك مواقف كثيرة من هذا النوع

    وبعدين شوف وصفك للتوقيف بكلمة الترجيف يعني اختصرت كل المعاناة في كلمة واحدة

    شكرا ابو خالد واتمنى ان اراك تكتب لنا مواضيع كثيرة بنفس نكهة هذه المداخلة الكبيرة العظيمة المضغوطة المليانة والمكتملة
    شكرا ابوخالد

    كل ما نراه عظيما في الحياة بدا بفكرة
  26.  
  27. #14
    عضو ذهبي
    Array الصورة الرمزية esmat
    تاريخ التسجيل
    Dec 2005
    الدولة
    مدني مايو طرف- نص
    المشاركات
    3,693

    شكراً لهذه البسمة واشتقنا لي بوستاتك البتلم كل الحلوين
    والبلد دي فيها عجايب الله ارد غربتنا وغربتكم بخير ان شاء الله

    remooosh.jeeran.com
    ويوم تقول داير تسافر ... بستف الحب بين ملابسك ...شان يلامســك،،،
    كل هدماً ترتديهو...تلاقي فيهو قليبي حارسك ... ولما تهدأ فوق وسادتك تلقي روحي ملت جوانحك ... ولما تغمض رمش عينيك ... أبقي في نومك أزاحمك،،، ... ولما تبقي امام مرايتـك ... تلقي صورتي كست ملامحك،،


    رمــــــــــــوش
  28.  
  29. #15
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة الجندي المجهول مشاهدة المشاركة
    حقيقي روعة والله بشير في الخرطوم دي كتيرة خلاااص ولينا رجعة يا فنان
    الجندي المجهول ...والله ما مجهول ...فانت في قلوبنا ساكن معشش فيها ... اشكرك على المداخلة ...وعاوزين نشوف بشيراتك..خاصة الاجنبية لو امكن

    شكرا ولك تحية خالصة وخاصة

    كل ما نراه عظيما في الحياة بدا بفكرة
  30.  
  31. #16
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة abomazeen مشاهدة المشاركة

    بعد أن مُنيت أعيننا بهذا النهر الدافق إذ به فجأة يتوارى مثله مثل القمر في نهايات الشهر لا يتلالأ للملأ

    حقيقة دوماً تنجذب الروح قبل العين حين يسطع في سموات صفحاتنا هذا الاسم ناهيك ضمون الكلمة والتي لا جدال فيها ...


    أخي النور نّور الله دربك وخطابك بالنور ... بس تاني أعمل حسابك جات سليمة أقصد جان باسطة المرة دي .. الله يستر عيك والله مشتاقيين

    اخي ناصر ابومازن
    لا حرمنا الله من طلتك ومن كلماتك التي تعطر لنا كل دروب المعرفة

    ايها الرجل الكريم نشتاق اليك والله اشتاق اليك ...

    طبعا ومن يوميها ...توووووبة ....من بعيد اخلي يدي جاهزة تؤشر مع اشارتي في حالة بس اصفرار اشارتهم ..اليد برة مؤذنة باني واااااااقف ...لا تامنوا مكر التسعات ...في اي ملف في اي زاوية يراقبون بشير

    شكرا ابومازن وفقك الله ...ولازم باسطة مع الواسطة

    كل ما نراه عظيما في الحياة بدا بفكرة
  32.  
  33. #17
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة مدنيّة مشاهدة المشاركة
    هي يابشير
    قصدي يااستاذ النور

    لقيت البعرفك في البلد ديك


    خليك قريب ومواصل يااستاذ النور


    والله مشتاقين ام جمال ... بصراحة في مثل هذه المواقف ماعاوز معارف

    بس هذا المثل بيورط الواحد ... خاصة الما عندهم شغلة غير يلبدوا للشينة وبس
    حتى لو كانت غير مقصودة

    ويا ويل الماعندو باسطة

    بس ربنا الحافظ

    وباذن الله قريبون منكم باستمرار

    كل ما نراه عظيما في الحياة بدا بفكرة
  34.  
  35. #18
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة moh_alnour مشاهدة المشاركة

    أستاذنا النور محمد يوسف مرحب بإطلالتك المُحببة للجميع و مرحب بموضوعاتك الثرة
    بصراحة يا النور شكلك كدا سرك باتع و لاحق ، عايز أمر عليك في الرياض كان تفك لي بورتي دي
    ماشاء الله تبارك الله ربنا مسهل أمورك كلها و هذا فضل من الله يؤتيه من يشاء
    و صِدقا ً كان الله في عون العبد ما كان العبد في عون أخيه العبد
    و نتمنى أن نراك حضور دائم بالمنتدى فأنتم من تمنحونا الضياء و فاكهة الشتاء
    عريسنا المرتقب ...ودالجاك...تعرف لامن الواحد يكون عندو شفع بيحتاجو ليهو ربنا بيفك ليهو كل مشكلة عشانهم ...لو عندك مشكلة سوي ليك شفع ....الا الزواج ...دا عاوز رضا الوالدين

    شوية صدقة هنا وهناك ليهم باسمهم والامور على طول مقضية

    علاج يفك اي بورة وكمان لو استعمل الواحد الوصفتين الشفع والوالدين ....يوووووه بكرة دي بنلقاك بشيرنا كلنا بشيرنا ذاتو الاصلي

    يلا انكت الجيب ...هات البياض

    طبعا تسمع كلمة بياض دي في اي حتة ...على طول تلقى وراها بورة ...وتعال لينا ودالجاك بالرياض ومفكووووووكة باذن الله مقدما ولن نتركك ترجع الا ومعك وصفة الشفع بالحد المنصوص عليه

    شوقنا ليك كتير ودالجاك ونتمنى ان نفرح ليك وبسرعة ربنا يوفقك ويسدد خطاك على الخير

    كل ما نراه عظيما في الحياة بدا بفكرة
  36.  
  37. #19
    فخر المنتديات
    Array الصورة الرمزية النور محمد يوسف
    تاريخ التسجيل
    Aug 2007
    الدولة
    قرية أم تريبات
    المشاركات
    1,042

    اقتباس المشاركة الأصلية كتبت بواسطة esmat مشاهدة المشاركة
    شكراً لهذه البسمة واشتقنا لي بوستاتك البتلم كل الحلوين
    والبلد دي فيها عجايب الله ارد غربتنا وغربتكم بخير ان شاء الله
    عصمت كيف حالك يا راقي
    وانا اشكر لك طلتك هذه وانت بين كل الحلوين تزيدنا وتزيدهم حلاوة

    وبعدين دعوتك دي بطريقتها دي ...انا غاااايتو عندي تحفظ فيها

    كمان عندي كمية بشرية ح تدرس ...لا لا ياخوي ..اقعد ليهم هنا بس والباسطة راااااقدة

    كل ما نراه عظيما في الحياة بدا بفكرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
by boussaid