تحياتي احبائي .....
عمكم اييوك بيحدثكم اليوم عن موضوع كثيرا ما عمل ليه جهجهة في خور حياته ....
اولاد و بنات صبيان وصبايا ....! اشكالهم كما انابيب الدعاية في افتتاح المحلات الواحد فيهم لو دخل في جحر الدبيب الدبيب يقول واااااااااااااي بسم الله ثعبان مسخوت...
ملابس لا انزل الله بها من سلطان نوع زي الخرج في خشم الطاحونة و نوع لبسوها كيف ما عارف الواحد كانه لبسها في المخرطة يعني كبس بلالي و نوع بنطلونه لو جاء برد يتغطى بيه مع اصحابة و لا يعملو خيمة .....
و الحلاقة الله لا يوريك ( جنس بشتنة .. اسأل الله السلامة ) شجر التنضب في الخلا و لا ديوك المصارعة . وان جيت للكلام و صيغته فحدث و لا حرج ..... و السلاسل شكل و الغويشات غير و الخاتم كيف ... ودا كلو كوم و البنات كوم ( موضوع قائم بذاته )
و الجهل كومين يعني الواحد لابس سلسل عشان شنو ما عارف ومكتوب فيهو شنو ما عارف ( نوع فيه صليب نعم صلييييييييييب ... و نوع من راس الشيطان لكراعوا . له نصيب .. وشعارات المنظمات المتطرفة تصيب ... و صاحبنا العوير ده متكيف ...
الموضوع طويل بس ما حابي ازهجكم وتقولو الزول الكلامه زي رادي الدكان ده بس
هي محطة للانتباه ....
اصحوا يا عالم ...... عووووووووووووووووووووووووووووووووووووووووووك يا بشر
الردود .. الردود ... و دخلة الدود ...
رد مع اقتباس
المفضلات