الخرطوم هذا الصباح

[سامر حسن]

[IMG]<a href="http://www.flickr.com/photos/40131747@N03/4852459484/" title="waitig for nothing by samer Hassan, on Flickr"><img src="http://farm5.static.flickr.com/4080/4852459484_6b01c33c4c_b.jpg" width="1024" height="683" alt="waitig for nothing" /></a>[/IMG]

مع لفة السوق المركزي جلس هذا الشيخ الهرم منتظرا اللاشئ يرقب الناس في مهلة وتأني كأنه يرسم لكل شخصية تمر به قصة وحكاية هذا يهرول للحاق بالحافلة ترى ماذا ينوي اللحاق به ؟؟ محاضرة؟؟ أم عمل ؟؟ وهذا الشاب المتانق تعلوه فرحة بلا معنى أم تراني أطالب الناس بالوجوم والاحباط
إييييييييه زمن!!

[عثمان جلالة]

هات يا زمن ... جيب كل أحزانك تعال جيب المحن ... لعل هذا ما يردده هذا الشيخ في خاطره .. وهو يرى عجلة الحياة تدور بسرعة ... ولا أحد يحس به ... ربما يذكر أيام شبابه وعطائه ... وربما يأسي على الزمان وقسوة الأيام التي حرمته بعد كل هذا العمر ... فرصة للتأمل براحه وسط أبنائه متكئا على كرسيه في شجرة البيت الظليلة ... اييييييييييييييه يا زمن على قولك يا حبيب.

شكرا للصورة المعبره .. والتي تحمل في تحليلها ألف مقال ومقال.

لك الود،،،

[الزبير محمد عبدالفضيل]

نظرة تأمل في هذا الزمن الصعب

[سامر حسن]

تعرف يا ود جلالة كانت الغيم هذا الصباح مبالغة ... إتذكرت عم عبد الرحيم وكأنها شغالة قدامي .....

يسعد صباحك

[عوض صقير]

صورة معبرة تقول بأن صاحب الصورة .. الفيهو مكفيهو ...

وهذه حالة من آلاف الحالات ..

"ليس منا من لا يرحم صغيرنا ولا يوقر كبيرنا"

[سامر حسن]

الزبير ....
"ياريت التمر ياريت لو يشيل كل تلات اشر
ولا ايام زمان كانت ما بتمر"

صباحك رباح

[مدنيّة]

ياسامر برضو جلسة عمنا دي ياريت الواحد يقدر يجلسها ولو مع نفسه

-----------------
الخرتوم الايام دي عجيبة جدا

[عثمان جلالة]

فتّاح يا عليم
رزّاق يا كريم
صلى على عجل
همهم همهمة
حصّن للعباد .. وهوزز سبحتو
دنقر للتراب .. هم فوق هم هما
صنقع لى السما
وكان فى الجو فى غيم
وكم نجمات بُعاد
وكان الدنيى صيف
لا قالتلوا كيف
.. كيف أصبحت .. كيف
لا لمسة وداد
لا لمسة حنان
لا رمشة طِريف
من قلباً وفى
زى أيام زمان .. أيام الدِفِى
كانت ماها فِى .. كانت فى المراح
شدَّتلو الحمار .. تحلب في الغنم لى شاى الصباح
والطير ما نضم .. ما رسـّل نغم
========================
عم عبدالرحيم
إتوكـّل نزل .. فى المُشرَع لِقَى
زُملان الشقا
الجا من الجريف .. الجا من الجبل
علْ الناس بخير
صبّح هاظرُمْ .. نقْنقْ ناقَرُمْ
غاظوهو .. ونعَل
وعم عبدالرحيم ما بخَبِر زعل
كل الناس هنا ما بتخبِر زعل
تزعل فى شِنو .. وتزعل من منو..
كل الناس هِنا .. كل الناس صِحَابْ .. كل الناس أهَل
والماهُم قُرَاب .. قرّبـُمْ العمل
===========================
الطاق اليَطُقْ .. عشتْ .. آ .. أبوالزَمَل
بى الحال العليك .. بى الفال .. بى الأمل
عم عبدالرحيم ..
كُتْ فلاح فى يوم
فى إيدك تنوم .. على كيفك تقوم
لا دفتر حضور .. لا حصة فطور
تزرع بالقمر .. تقرع بى النجوم
لكن الزمن .. دوّار .. آ .. بِدُوم
عم عبدالرحيم ..
ماشى على الشغل
فى البال القديم .. من عار التُكل
تنشايح جِراح
.. كيف الغُسُل
الدِنيِى أم صلاح تبدا من التُكُل
من حِجـّة صباح .. فى حق المُلاح
فى الغُبُن الجديد .. فى القسط القديم
وبيناتِن عشم .. فى الفرج القريب
============================
أمونة الصباح ..
قالتْلُو النـِّعال والطِرقى .. إنَهَرَنْ
ما قالتْلُو جِيب
.. شيلِن يا الحبيب غشّهِن النُقُلْتـِى والترزى القريب
بس يا ام الحسن ..
طقّهِن .. آ .. بِفيد .. طقّهِن .. آ .. بزيد
إنطقّن زمن
وإن طقّ الزمن .. لازمِك توب جديد بى أيـّاً تمَن
غصباً لى الظروف .. والحال الحَرَنْ
شان يا أم الرحوم .. ما تنكسفى يوم
لو جاراتنا جَنْ .. مارقات لى صُفاح
أو بيريك نجاح
ده الواجب .. إذن
وأيه الدِنيِى غير .. لمّة ناس فى خير
أو ساعة حُزُن
===============================
عبد الرحيم يا حُر
ماكا حُر
يا ريت التمر .. ياريت لو يشيل كلِّ تَلاتْ .. أشـُرْ
ولاّ أيام زمان كانت ما تمُر
كان ماجاك هوان .. ما لاقاكى ضـُر
كان لا ضِيق يضيق
لا أنغرغَرْ صبر
ولا شابيت غريق .. ولا طلوَحْ فقُر
كان ماكان .. وكان أكيسى دُر
============================
حيكومات تجى
وحيكومات تغور
بتحكم بى الحِجِى .. بى الدجل الكِجُور
مرّة العسكرى .. كسـّار الجِبُور
ويوم بإسم النبى .. تحكمك القبور
هِم يا الفنجرى .. يا الجرف الصبور
كل السقتو ما باقى على التِمور
وأرضك راقدِى بور
لا تيراب وصل .. لا بابور يدور
والماهية أُفْ
عيشة هاك .. وكُف
فى هذا الزمن .. تـُف يادنيا .. تـُف
يا العَبِد الشقى
ما أتعوّدْ شكى
لكن الكفاف فوقك .. منتكى
حالك ما بتسـُر
إِلِّى كمان فى ناس فايتاك بى الصبُر
ساكنين بى الإيجار .. لا طين .. لا تمُر
وواحدين بى الإيجار .. ما لاقين جُحُر
سِلعـتُمْ الضُراع .. والعرق اليخُر
عمال المدن
كلاّت الموانى
الغُبُش التعانى
بحّارة السُفُن
حشّاشة القصوب
لقاطّة القطن
الجالبة الحبال
الفِطن الفُرُن
الشغلانتو نار
والجو كيف سُخُن
عيشُنْ كمّهو .. وديشُن هان قَدُر
وناساً حالا زين
مصنع .. مصنعين
طين فى طين .. ووين
ما مرابا مُر.. بارد همها
لا يعرق جبين .. ولا وشاً يصُر
عين والله .. عين
كلها كمها .. وهمها هان قدُر
فى الجنة أم نعيم .. فى الجنة أم قُصُر
يا عبد الرحيم إلِّىِ ورا القبُر
ويلكد فى النعال
فتاح يا عليم
وإن كان الفقر يا عبدالرحيم
أشبه بى الكُفُر
=========================
ونقرط لى الحمار
نقريط الحمار .. لاتنسى النِعال
الطِرقِى الخدار
اللِّبِس الجديد
تسريح السفر .. لى الماشى الصّعيد
ماشى الدّيش .. نَفَر
والبال إشتغَل
بى الأبى ما يعِيد .. الحول ما أشتغل
الغُبُن الشديد .. السابا ورحَل
الضيق .. المحَل
والفرج القريب
الجا .. وما وصَل
زى الحال ده يوم .. لا كان .. لا حصَل
والبال إشتعَل
السكة الحديد .. يا عمو القَطَر
يا عبدالرحيم قِدّامك قطر
========================
وسال الدم .. مطر
وطارت دمعتين .. وإنشايح وتر
يا طاحن الخبر
ما بين القضا .. ومَرْحاكة القدر
الشِّهدوا الدموم .. والدمع الهَدَر
إيدُمْ فى التُراب .. والعين فى القطر
عارفين الحصل
عارفين فى حذر
الخبر اليقين .. بوّخ .. وإنتشر
أطفال القرى .. وعمال الحضَر
أدوهو الطيور .. ودَّنو البحر
إنصاعت سحاب
وإنْدافَقْ مطر
عم عبد الرحيم .. فى الشارع عَصر
لى تالا اليسار
متفادى الكَجر .. دورية الكجر
جفّلت الحُمار .. وطلوَح زى حجر
وعم عبد الرحيم .. إتلافا القطر
فتاح يا عليم .. سال الدم مطر
جرتق لى التُراب
منشور بى كتاب
روشتّة .. وجواب
مفتاح أب قُراب .. أورنيقين سَهَر
جنب لِبدة حُمار
مقطوعين ضَهر
... عم عبد الرحيم ..يا كمِّين بشر
صحِّى الموت سلام
ما يغشاك شر ..

[سامر حسن]

ياسامر برضو جلسة عمنا دي ياريت الواحد يقدر يجلسها ولو مع نفسه

-----------------
الخرتوم الايام دي عجيبة جدا

الغريبة الايام دي ناس المريخ كلهم نفسهم يقعدوا مع نفسهم .... يا ربي يكونا مالم؟؟؟

[سامر حسن]

[IMG]<a href='http://www.alhnuf.com/up/pics-gif/upload/view_h.php?file=ff6534ed85' target='_blank' ><img src='http://www.alhnuf.com/up/pics-gif/upload/uploads/thumbs/alhnufff6534ed85.jpg' border='0'></a><a href='http://www.alhnuf.com/up/pics-gif/upload/view_h.php?file=ff6534ed85' target='_blank' ><img src='http://alhnuf.com/images/zomup.gif' border='0'></a>[/IMG]

تضامناً مع أمهاتنا ستات الشاي ... يوقعن على دفاتر الجمال الصباحي

[رضا حسن محمد]

ستات الشاى يعاينن جاى
تلاقى قليبى يرمح ساى
ويجينا هواهم الهبباى
ستات الشاى
اشيلم يمة فى اللولاى
وفى اللولاى
اشرب شاى
ورقصة وغنوة من حدباى
ويا ستات الشاى
تعالن جاى جاى
وتقومى سمانا تمطر مع الهبباى
ويا شجرت بيتنا يا باباى
اريدم والله ستات الشاى

[سامر حسن]

"ست البنات إتمالكت اعصابا
بيبانا إتكت...
بكت .. الشبابيك التي
نورا انطفا..
فقدت حنان الهمبريب والإلفة
والشمس البتضحك
وانسياب الدردشة...
نار الكوانين انطفت
الا البتوقد في الحشا..
حق الفطور .. يمه..
العشا...
حق الفطور يمه.. العشا
ما بابى ليكم يا جناي
اصبر كفى...
ادت رضيع الاشهر الاولى
القفا..
ثم انكفت غرقت غرق
في دمعتا ...
عشم العشم نقطة حليباً يسكتو
ولا حتى حتة كسره
تسند من مشى ...
ما أهون الدمع الجسور اذا جرى
من عين والدة سعت
وبكل ما ملكت يداها وصِحتا..
صِحت هموما الصَحتا ..
مرقت تفتش في الشغل
كم مهنة حامت كاستا..
نكتت شهادات الزمن
ما كان تخلي دراستا ...
رمت اللقيمات الدَغَش
والكِسره قامت عاستا..
كم حاجة عندها باعتا..
كل الاواني بتاعتا..
دبلة زواجا وساعتا ....
ترخص حياتا وكل شي
بس سمعتا .. بس سمعتا ..
يالله ما اطول خميسا وجمعتا ...
احدٌ.. احد
احدٌ.. احد
اليوم يجر التاني
والتالت كما ود الاحد...
احدَ ..احد
احدٌ..احد
حيلا انتهى
حيلا انتهي
حيلا انتهى....
يا منتهى .. الصبر البخلي الستره
غاب قوسين وادنى
من الذي ما بشبها "

محجوب شريف

[الجندي المجهول]

واصل يا سامر ،،،،

امشي حوم في الخرطوم الاسمها البندر
تشوف عجائب تشوف جمال المنظر
او تعزم رضا اخوك شاي ويصنقر ليهو في البنبر
ويتبع ،،،

[سامر حسن]

واصل يا سامر ،،،،

امشي حوم في الخرطوم الاسمها البندر
تشوف عجائب تشوف جمال المنظر
او تعزم رضا اخوك شاي ويصنقر ليهو في البنبر
ويتبع ،،،

يصنقر وللا يتبع ؟؟؟؟ حدد

[الجندي المجهول]

يصنقر وللا يتبع ؟؟؟؟ حدد

حدد ...................................