حدثنا الحاج فلسفه عن جماعتو ناس الخميس وقال : في ايام زمان كنا شبان حنان بنجمع مع بعض في دكان سليمان والبتابع المسلسلات وبتقعد مع البنات بنعتبرو زول سجمان بنشطبو طوالي من قائمة الاخوان بعدين انا عندي نظرية اى واحد ما بعرف يلعب الكوكان وما بحب الجلسة في الديوان دا طوالي بنعرفو بتاع جكسان (جكس) في يوم الخميس ملصت الجلابية ورميتها في كيس وديتها للغسال خميس ودخلت لي في بنطلون وقميص مشيت للسوق الفيه ستات الشاي و الكوارع و التسالي والكوارو بتقيف اشتريت لي كيلو لحمه وشطة وكيسين رغيف والدنيا كانت خريف والمطرة تصب وتقيف ساعة ساعتين السماء دا بقي نضيف لما رجعت للبيت كوركو لي جماعتي وين يا لذيذ الليله ناسي الخميس جبنا ليك معانا فنان دمه خفيف وظريف ولما بدا التصريف كاس كاسين تلاته نسينا نفسنا قايلين روحنا في المالديف والبعض فقد الوعي لحقناه بمعوض اليونسيف يلا شفوا الحوارات دي كانت كيف
احد الشله : يا جماعة هق هق هق يا جماعه السلام عليكم يطيب لي ان احي هذا الجمع وانا اعرفكم بنفسي اخوكم نادم نديم الدوري المنهة سائق لوري وجاي اليوم من مدينة بانتيو ..... رد عليه واحد من الشلة بانتيوم فور ولا ثري .
ثاني الشلة : يا اخوان والله نحن مبسوطين تمام حقوا بعد دا نتعشي ولا شنو يا جماعه
ثالث من الشله : يا جماعة لسع ما زال الليل طفل يحبو حقو انا بقترح نبدا الطرب
رابع من الشلة : انت يا جماعه الرئيس نميري جاء من لندن ولا لسع ؟
خامس الشلة : يا زول انت سكرته ولا شنو النميري دا ما زمان قبل خرطمية سنة دقسوه الجماعه ديل وقالوا ليه دفق السنة (بكسر السين ) اهه دفيق السنة دا بقي ليه بالساحق والبلا المتلاحق دي قطاعتنا نحنا
سادس الشلة : انا بسألكم سؤال ما هي علاقة الخدرة بي دارفور ؟
سابع الشلة : في البداية احي الشلة الظريفة دي اما بالنسبة لسؤالكم اخي السائل وحيث اني متأثر باللغة العربسودانية لقناة الشروق الفضائية ان وجه الشبه بين الخدرة ودارفور هناك رابط بينهما اللهو التوريق والدخول ورق يورق توريقا يقال ورق الرجل الخدرة اي ضفرته مرته لجلبها ثم توريقها بعد ان رفض إحداهما اللو التوريق اما الدخول يعني الاقتحام عنوة دخل يدخل أي بمعني يدخل وكراعك فوق رقبتك اكان ما عجبك يعني دخول القوات الهجين والهجين احب اشرحه للحناكيش ناس البيتزا هو نوع من انواع الذره يستخدم في صناعة العصيدة والكسرة وهي ممكن تقول عليها بلغة الحنكشه فطائر سودانية.
اول الشلة : يا جماعه عليك الله خلونا من كلام السياسة دا هو كان بفيد كان افاد الاحزاب السودانية عشرتن بتحرق طوالي ما يعدوا ليهم ربع ساعه ويقلبوها الشفوت عليهن كدا ابدا لينا الطرب
وطلبوا من الفنان الظريف انا يبدا الطرب وهو كان في حالة غيبوبة صحصح يا معلم واضرب الوتر خلينا الننسي الهموم .
بينما الجميع متأهبين بأحاسيسهم لسماع الفنان المخضرم وبعد خمس دقائق ادخل الفنا يده في جيبه وطلع لهم مسدس ابو سبعة طلقات وقال لهم
الفنان : انت كم
الشلة : نحنا سبعه
الفنان : والمسدس الشايلو انا دا ابو كم
الشلة : ابو سبعة:
الفنان : وحيات حاج فلسفه دا في اغنية انا بحبها شديد اكان ما اذكرتوها لي اي واحد فيكم اديه طلقه
واحد من الشلة : اسمع شاعرها منو والبغنيها منو بس ما تكون حقتك انت لانو اكان احقتك انت روحنا لي روح ابو ابراهيم واكان حقت فنان تاني عاد النقول ليك خلينا النحاول بس ما تحدد لينا زمن
واحد من الشلة : هو عازف الايقاع المخضرم (اقصد الطربيزة) وفرده للفنان والاغنية هو عارفها لكن إشهار المسدس في وشه مسح زاكرته مره واحده فطلب من الفنان ان يسمح له بالخروج لكي يتبول (اي يعمل فورمات للميموري بتاعته) والشله متعشمين في الله وضابط الايقاع لانه الوحيد العندو سر الاغنية المهم الفنان وافق بعد محاولات عديده وسمح لماسح الزاكرة ان يخرج ويعمل فورمات ... خرج صاحبنا وعاد بسرعة والسسته علي مصراعيها وقتها كانت الاغنية عمل ليها نسخه من الهاردسك الخارجي بتاعه وعندما حاول الدخول الجماعه شبكوه ليك شنو يا تا صاحبنا قام ضرب جبهته الله طارت مني .
للموضوع بقية إذا وجد قبول من القراء
رد مع اقتباس
المفضلات