أزيكم ناس المنتدي قدام جداد.
عرفتوني؟؟؟؟؟؟؟؟؟؟؟
انا ما عاطف عولي.
زول قديم.
وكان هنا عندي بوستتات كتار خلاص منهن:_
1- عندي شمار ياناس المنتدي.
2- برلمان منتدي ومدني.
3- سياسات التعليم العام وثورة التعليم العالي.
4- نحو موسوعة للأمثال الشعبية السودانية.
5- وحجات تانية نسيت اسمها.
بعدين ياجماعة الخير اخر بوست هو بتاع الشمار وطبعآ كن شمشرنا عن أخونا عزيز عيسي وانو عمل حفلات تخريج بتو من الثانوي . وقام كدي الموضوع سخن شي من مدنية والجندي المجهول ومهدي ومحل النور . والموضوع جاب ليه عكاكيز .وقام عزيز عيسي قال اليصبر عاطف عولي مقلبني وبمقلبه. ويظهر الخواجة شال فاتحة قوية. علينا ويوم خميس كدي جيت افتح المنتدي ما لقيت اي شي وبعدين كدي جاتنا رسالة قالت البقوللو السيرفر اتعطل بتاع الشركة المستضيفة وراسنا أنقطع وبقينا لافين في الفاضي.
وقدر ما دخلنا منتديات وسجلنا لقينا نفسنا أغراب وبقينا نسجل خروج قبل ما نسجل دخول. والله ياجماعة قطعت الراس دي حارة خلاص. اها وقول كدي اول امبارح فتحت لقيت ليك بيتنا الكنت رايح منو. وفلت ادخل الباب فال لي انت ما مسجل قلت معليش انا ما كنت رايح مدة طويلة كدي النسجل وسجلت وقعدت فوق الطوة منتظر الرسالة تجيني في الإيميل. والشاشات كتار راجية الرد. وقول كدي الرسالة جات وطوالي زغردتا ودخلت توش والله تاني يمرقني الكريم.
طيب يا جماعة انا ماشي اجيب فول واجيكم بس عاوز تحضروا اجوبة الاسئلة دي.
1- هسع انا عضو جديد ولا قديم؟
2-البوستات حقاتي وحقاتكم خلاص راحت شمار في مرقة والله في طريقة ترجع؟
4- بوست الشمار عاوز اواصله حتي تاريخ 8-6-2009 وبعدها سوف نحوله لركن شمار او قهوة شمار وعاوز رايكم خاصتآ انو موضوع الشمار كان فيه لاعيبين اساسيين وعضوية هيئة تحرير منهم اختنا مدنية ومهدي والجندي والخواجة ؟؟ اها اعمل شنو؟؟؟؟
5- راجع ليكم عد ساعة اصلو وداختي قال عاوز فول وكمان يمشي الحديقة.
مع السلامة والاقيكم بعد ساعة.
رد مع اقتباس
المشاركة الأصلية كتبت بواسطة عوض الكريم الخواض
المفضلات