يدكم معانا

[bshagra]

طبعا يا عضاء ومشرفين كلكم تعرفون ان هذا البورد يحتاج الي اعلام حتي يكون معروف لكل السودانيين وحتي نحقق للبورد والموقع اكبر انتشار افتكر بعد الاذن من السلطات المسؤلة من البورد ان نبدا حملة لتوزيع وصلة باسم الموقع في كل المواقع السودانية والعربية حتي نقحق اكبر مشاركة ونقدم اقل خدمة ممكنة للبورد والموقع

رايكم شنو

ويدكم معانا
لنقحق الهدف

ودمتم
بشاقرة نفر

[114]

أثني اقتراحك يا بشاقره

[مايو نص]

برضو يا بشاقره داير جات روم غرفه دردشه وما اظنها صعبه على عباقر همدنى
وبرضو لوعايز اشتراك شهرى ما فى مانع
ونحن مستعدين ندعم هذا المشروع حتى يرى النور
بعدين ممكن يكون اعلان تجارى وتسويق لى كل النشاط التجارى بمدنى
وايضا ممكن كل الوزارات الادارات خاصه مشروع الجزيره تكون عندها صفحات ثابته تجددها يوميا
مع العلم بانو المصالح الحكوميه فى مدنى بيتصرف مبالغ طائله فى تركيب الشبكات وشراء اجهزه الكمبيوتر

[admin]

والله كلامك زي العسل يا بشاقرة .. الى الامام ونحن من خلفكم

[HAMADTO]

بسم الله الرحمن الرحيم

السلام عليكم ورحمة الله تعالى وبركاته

مية مية يا بشاقرة نحي الافكار الجيدة
وأيد على أيد تجدع بعيد

[ركشة]

الاخوان الكرام..حقيقة لكم التحية من جديد وانا اراكم تشكلون بوتقة من اجمل ما ريت فى حياتى.........
فمدنى جديرة بان يكون اولادها هكذا.....
احتمال انى قد اكون مرت على فترة من الزمن وانا اتجول بين المنتديات هنا وهناك ولا ادس عنكم الخبر لقد امسيت معروفا" فى اكثر من منتدئ وكنا نناقش جميع ما يدووووووور.......ولكن كانت تنقصى روح الانتماء.وانا وجدتها هنا....
النيلين
سودان توب
سودانيز اون لاين
ام در
كلها كنت عضوا فيها تفوق مشركاتى الالف فى كل منتدئ
واتمنى ان تزيد مشركاتى المليون هنا معكم...........

ومن هسة جيبو ليكم سيرفر براااكم لانو ركشة وصل
وانا كلى معاااااااااااااااااااااااااكم

[bshagra]

اشكر كل من ساهم معي في دفع هذا الموضوع وجعله موضوعا ينال اعجاب كل الحضور وخصوصا المشرفين علي هذا البورد

وحتي نكون عمليين ونحقق الهدف باقل مجهود يدكم معانا في بداية النفير وهو كالاتي بان يقوم كل واحد مننا بي وضع وصلة المنتدي في اي موقع سوداني عربي واقل حاجة تعملها توزع الموقع في عشرة مواقع اخري
وبهذا يمكننا نشر الموقع والمنتدي بطريقة تحقق اكير توزيع


وهوب نبدا
يالبادراب تعالو قراب
بشاقرة نفر

[114]

أحيي من هذا البوست اخونا ركشه، ولن تجد إلا كل مودة من اهل مدني الذين تشبعوا من حنان النيل الأزرق، واصبحت قلوبهم بيضاء كلوزة القطن في مشروع الجزيرة، وأيديهم خضراء (الله يخضر ضراعك) من خضرة الخريف في ربوع مدني
ويا بشاقره: هيلا هوب
ويا إدارة : أنت أعرف بوسائل الانتشار منا!!

[bshagra]

يلا يا ادارة حركينا للعمل

عبر اتيام

لنشر الموقع

[zoolfrda]

معاً لمواصلة ما بدأه الأخوان

[مختار بازى]

اها يا اخوانا يدكم معانا
والحمد لله بنملك رابطة اعلاميين ود مدني يمكن برضو تساهم معانا بي صورة كبيرة في الصحافــــــــــــــــــــــة والي الاماااااااااااااااااااااااااااااااااااااااااااااا ااااااام

[هشام السماني إبراهيم]

والله كلام جميل نواصل والى الامااااااااااااااااااااااااااااام

[ود الاغبش]

و نحن معكم قلبا و قالبا

و جهدا و مجهودا

كان بالمال
و كان بالراي
و كان بالزندي