مدنيَّة يا مدندن
أم بصلاً مكشَّن
أبو البنات يا حليلو
حبال دماغو فكَّن
جاراتا يا جماعة
طفشن، بيوتن خلَّن
يا اخوانَّا ديل بناتا
اتظلمن واتشكَّن
***
صاحب البقالة قفَّل
ديونو ما بتتقفَّل
بسبب المدندن
سيد اللبن اتجنَّن
كشح اللبن واتعكنن
بسبب المدندن
صندوق (خدوم بت آمنة)
الصرفة الأولى ليها
والباقي ما عليها
مسجونة بت أمونة
بسبب المدندن
***
حبوبة بت مسرَّة
تحلف قسم بي الله:
والله يا جماعة
من زمن المجاعة
ماشفت بي صراحة
زولاً متل مدندن
***
ومرّة فوق الحلَّة
ضربت حسن ود بلّة
من ديك وعقلو جلَّا
بسبب المدندن
***
أبو البنات أدعو لو
مسكين وكاتل حيلو
مغلوب وماسك خشمو
من مغص المدندن
***
مدنية يا مدندن
أم بصلاً مكشّن
أقول وبي صراحة
الليلة يا جماعة
فوقا القلوب اتفشَّن
رد مع اقتباس
المشاركة الأصلية كتبت بواسطة moram
المفضلات