صاروخ في بورتسودان يؤدي إلى مقتل شخصين !!!!!!!!!!!!!!!

[الجندي المجهول]

أعلنت قوات الشرطة مساء اليوم عن مقتل شخصين داخل عربتهما بصاروخ مجهول المصدر جنوب مدينة بورتسودان رجحت أنه يكون من إتجاه البحر

وفيما يلي نص البيان الصحفي الذي أصدرته رئاسة الشرطة حول الحادث

في حوالي الساعة الثامنة وخمسة دقائق مساء اليوم 5/4 أصيبت عربة صالون سوناتا

علي بعد 15 كيلو علي شارع الأسفلت الرئيسي جنوب مدينة بورتسودان بصاروخ مجهول المصدر

من إتجاه البحر الإحتمال الأكبر ،

ولم تتحدد مواصفاته بعد وعلي الفور هرعت الأجهزة الأمنية بالولاية وحرزت المكان وشكلت

غرفة عمليات ودفعت بأتيام متخصصة للتعاون مع أجهزة الولاية لإستكمال التحقيقات لتحديد مصدر الهجوم وفك

غموضه ، وقد وجدت جثتان متفحمتان داخل العربة التي تعرضت للهجوم وسنوافيكم بالتفاصيل لاحقاً بعد اكتمال التحريات .

خالص تعازينا للمغدور بهم ونسأل الله ان يصبر ذويهم وان يسكنه فسيحه جناته مع الصديقين والشهداء وحسن أولئك رفيقا ،،

ولكن ما ورد أعلاه يدل على أننا قاعدين في السهلة ساكت،،،
اللهم أحفظ بلادنا من كل سوء

منقول

[ABUZAID]

نقلا . . .

قصفت طائرة مجهولة الهوية في تمام الساعة التاسعة مساء الثلاثاء 5 أبريل سيارة بمنطقة كلانيب التي تبعد عن بورتسودان (14) كيلو متر على الطريق الرئيس المؤدي إلى المطار وأودت بحياة شخصين كانا يستقلان عربة سوناتا مما أدى إلى تفحم جثامينهما.
وعلمت (smc) أن الدفاعات الجوية ردت على الطائرة بنيران كثيفة اضطرتها الهروب من الأجواء السودانية غير أنها لم تحدد هويتها لكنها أكدت أنها طائرة أجنبية.
وقال مصطفى مندر نائب الدائرة (10) القومية في تصريح لـ(smc) إن الطائرة ظلت تتابع العربة حتى قصفتها موضحاً أن شهود عيان كانوا يتابعون الطائرة حتى قصفت السيارة.
وقال إن المنطقة معرضة للاستهداف، مستشهداً بالحادثة التي حدثت في المنطقة قبل ذلك والتي راح ضحيتها الكثيرين من أبناء تلك المناطق.
ونفى مندر بشدة أن تكون المنطقة معبراً للسلاح وطالب جهات الاختصاص بالتحري والتقصي لمعرفة مصدر الاستهداف.

[مدنيّة]

ربنا يرحمهم يارب

-----
حاجة غريبة جدا
محتاجين لتفسير

-----
شكرا الجندي

[خالد أحمد الصول]

أكيد دي طائرة إسرائيلية ... و الجماعة الجوه العربية أكيد من نشطاء حماس

[ABUZAID]

المجال الجوى هو مصطلح في مجال الطيران ويقصد به المساحة من الفضاء الجوى الخاصة بدولة ما. تقوم الدولة بتقديم المساعدات الملاحية اللازمة لأى طائرة تطير في نطاق مجالها الجوى بشرط أن يكون مصرح لها مسبقا بدخول المجال الجوى لهذه الدولة وإلا اعتبرت طائرة معادية تتعامل معها قوات الدفاع الجوى.

عادة ما تكون حدود المجال الجوى للدولة متطابقة مع حدودها السياسية في حين قد تمتد بعض المجالات الجوية للدول الساحلية لتغطى بعض مساحة البحر أو المحيط الذي تطل عليه طبقا لما أوصت به المنظمة الدولية للطيران المدني (إيكاو).

[nehroo]

أها أسع نقول منو المسعول !!
الطيارة ولا السارووووخ ؟

[mohd saeed magazoub]

اكيد وراءهم اسرائيل

لا حول ولاقوة الا بالله

وربنا يغفر لهم ويرحمهم

وربنا يحفظنا ويحفظ السودان

من الاعداء والمتأمرين ...

[بدرالدين أحمد موسى]

نقلا . . .

قصفت طائرة مجهولة الهوية في تمام الساعة التاسعة مساء الثلاثاء 5 أبريل سيارة بمنطقة كلانيب التي تبعد عن بورتسودان (14) كيلو متر على الطريق الرئيس المؤدي إلى المطار وأودت بحياة شخصين كانا يستقلان عربة سوناتا مما أدى إلى تفحم جثامينهما.
وعلمت (smc) أن الدفاعات الجوية ردت على الطائرة بنيران كثيفة اضطرتها الهروب من الأجواء السودانية غير أنها لم تحدد هويتها لكنها أكدت أنها طائرة أجنبية.
وقال مصطفى مندر نائب الدائرة (10) القومية في تصريح لـ(smc) إن الطائرة ظلت تتابع العربة حتى قصفتها موضحاً أن شهود عيان كانوا يتابعون الطائرة حتى قصفت السيارة.
وقال إن المنطقة معرضة للاستهداف، مستشهداً بالحادثة التي حدثت في المنطقة قبل ذلك والتي راح ضحيتها الكثيرين من أبناء تلك المناطق.
ونفى مندر بشدة أن تكون المنطقة معبراً للسلاح وطالب جهات الاختصاص بالتحري والتقصي لمعرفة مصدر الاستهداف.

هروب شنويازول .. مهمة و أنجزت و عادت إلى قواعدها سالمة !!

تحياتى

[آلاء عبد الرحمن]

لا اله الا الله
حاله مبالغة ناس تنسف وتمشي وكانو ماف اي شي
لمتين الناس تسكت وروحو ناس ضحايا بدون اي سبب

[abomazeen]

أول حاجة : نسأل الله أن يتقبلهم شهداء آآآآميين
تانية حاجة : وين الدفاع الجوي وين التصنيع الحربي
تالت حاجة :منصات الصواريخ المضادة للطائرات المجهولة
رابع حاجة : عليكم الله زيرنا ده ما مفروض يستقيل
خلاص بقى عديم الفائدة لازم نجيب لينا زير جديد
ولا أحسن حاجة نستري لينا تلاجة ديب فريزر
بجيكم صادي تاني ان شاء الله ...
هسي انا ماشي اشيل الفاتحة

[abomazeen]

بس بالمنطق كده يا أهلنا طيارة زي دي



تفتكروا رادار الحِـلل ممكن يكشفها

اها قالو دي صورة الطيارة ...

صورة من يوميات موكلس بس ...

[معتز الريح]

يا أخوانا المراحيم ديل بكونوا مشوا يعبوا غاز ..
وشكلو انبوبة الغاز انفجرت في العربية ..
-------------------------------
بتكسف جداً وبخجل عديل لمان الناطق الرسمي
يقول صاروخ واحتمال من اتجاه البحر الأحمر ..
-------------------------------
قال احتمال قال ..
والله الحارس الله ..

[abomazeen]

يا أخوانا المراحيم ديل بكونوا مشوا يعبوا غاز ..
وشكلو انبوبة الغاز انفجرت في العربية ..

والله الحارس الله ..

طيب يا ود الريح .. ما كانو يقفلوا البلف
عشان ما نقعد نزوزي صاروخ من البحر
ولا صاروخ من طيارة أجنبية غربية
في داعي لجنس البهدلة دي ...
طيب الغاز من توتال ولا شل ؟
وزي ما قلت الحارس الله

[بت أم درمان]

يدل على أننا قاعدين في السهلة ساكت،،،[/COLOR]
اللهم أحفظ بلادنا من كل سوء[/COLOR][/SIZE][/B]

خايفة اقول ان دي ما سهلة
دا تغاضي عن حاجات بتحصل
وطبعا ما حا نقدر نفهمها
طيارة تخترق اجواء دولة
وبدون اي تردد ؟
وبكل جرأة
وترجع بنفس الأسلوب
معقولة بس

[بت أم درمان]

بس بالمنطق كده يا أهلنا طيارة زي دي



تفتكروا رادار الحِـلل ممكن يكشفها

اها قالو دي صورة الطيارة ...

صورة من يوميات موكلس بس ...

قووول ما شافوها
ولا في اي رادار لقطها ( مع ان دا مستحيل )
ما ليها صوت سااااي يلفت النظر

والله جد في حاجات كدا ما منطقية بتحصل

[الجندي المجهول]

قووول ما شافوها
ولا في اي رادار لقطها ( مع ان دا مستحيل )
ما ليها صوت سااااي يلفت النظر

والله جد في حاجات كدا ما منطقية بتحصل

يا بتنا الطيارة دي لما جات خاشة السودان ( او الصاروخ الله اعلم ) كانت شغالة هزاز أو ( في وضع الصامت) ومن قال الله اعلم فقد افتى


ازيدك من الشعر بيت ............

يوم ضربة الشفا طلع مسؤول حكومي وقال (ناس بربر) قالوا شافوا طيارة

قالوا

ناس بربر قالوا

ناس بربر طلعوا بتاعين قوالة يا ابو مازن

والدليل الولو


طيب ما عبد الحليم حافظ كان بيقول الولو الولو ولا حدش كلموا ......

[منو11]

خالص تعازينا للمغدور بهم ونسأل الله ان يصبر ذويهم وان يسكنه فسيحه جناته مع الصديقين والشهداء وحسن أولئك رفيقا ،،

[ايمن عبد الله]

فلاحتهم في ناس المظاهرات والمعارضة بس ..

إتضح في الاخبار ان القصف تم بواسطة طائرة اسرائيلية والسخصين الذين تفحمو هم ايرانياً وفلسطينياً .. واكيد الموضوع وراه تهريب سلاح الى غزة ودي المرة الثانية يجو يدقونا في بلدنا ويرجعو بسلام .. قال دفاع جوي قال هع هع هع

[ابو عبد الرحمن]

انت يا الجندي يا اخوي الناس ديل ما قالو عندهم طيارة بدون طيار؟؟؟
ما كان ضرب الصاروخ ولا الطيارة دي ؟؟؟ قال طيارة بدون طياار ؟؟
امكن هم قاصدين سرج بدون حمااار ؟؟ قال حمااار قال ؟؟؟ امكن هم
قاصدين قعدة بدون شمااار ؟؟ قال شمار قاال ؟؟ امكن قاصدين ..
عرضه بدون عكاز .... اه من العكاز القاطع قلبي ومعاهو الدفار...

[معتز الريح]

غايتو يا حبيب ..
دولة (جنوب السودان) لو عملت سلاح جو ..
وده مؤكد ..
واطاتنا أصبحت ..

[خالد أحمد الصول]

طيب سلمنا أنو السيارة تم تفجيرها بواسطة صاروخ من إنتجاه البحر ... أو طيارة أجنبية إخترقت المجال الجوي السوداني ... و إستهدفت السيارة المذكورة بعد متابعتها متابعة دقيقة حتي أصابت الهدف تماما طيب:
أولا: الناس ديل منو و لماذا إستهدفتهم القوات الاجنبية بغرض التصفية
ثانيا: ماهو النشاط الذين كانوا يقومون به و هل هو مخالف لقوانين السودان
ثالثا: هل هذه المرة الاولي التي يستهدف فيها سماء السودان
رابعا: و لماذا هذا المكان بالذات

[أحمد عمر ( MOODY )]

أها أسع نقول منو المسعول !!
الطيارة ولا السارووووخ ؟

غلتانين .. المرحومين

لهما الرحمة .. ولنا الصبر

[عوض صقير]

ربنا يستر ....

[الخواض محمداحمد خواض]

فى السودان كل المواطنين سودانيون او عرب او ... شغلهم الشاغل الطائره التى إستباحت الاجواء السودانيه وضربت هدفها وذهبت ... المشكل ليس تواطو الاجهزه الامنيه السودانيه لانهم موجهون لامن الداخل وقمع مواطنى البلد !!! المشكل الرئيسى هو الشبكه الارضيه من الجواسيس الذين وجهوا الطائره او من يقفون وراءها ... فأرجوكم ياحكومة القبضه الحديديه ان تعلنوا لنا خبر الإمساك بهذه الشبكه والتى هى اخطر من زوبعة الطائره وبطلوا الجعجعه والكلام الفارغ...

[Badri]

فى السودان كل المواطنين سودانيون او عرب او ... شغلهم الشاغل الطائره التى إستباحت الاجواء السودانيه وضربت هدفها وذهبت ... المشكل ليس تواطو الاجهزه الامنيه السودانيه لانهم موجهون لامن الداخل وقمع مواطنى البلد !!! المشكل الرئيسى هو الشبكه الارضيه من الجواسيس الذين وجهوا الطائره او من يقفون وراءها ... فأرجوكم ياحكومة القبضه الحديديه ان تعلنوا لنا خبر الإمساك بهذه الشبكه والتى هى اخطر من زوبعة الطائره وبطلوا الجعجعه والكلام الفارغ...

And ...........No comment