مدخل تمهيدي:
جاءني تبدو عليه علامات الانزعاج والشفقه...ملتمسا مني الذهاب معه لأحد البنوك بغرض تسهيل معامله مصرفية (مرابحه) مستعجله... قمت بالاتصال بالسيد مدير الاستثمار بالبنك المعني موصيا علي (بلدياتنا)... إلا أن (بلدياتنا) أصر وألح ...
* يا ودأخوي ماعندك طريقة... تمشي معاي كراع بكراع الناس ديل ما مضمونين..
حاولت التملص منعا للأحراج وكان نصيبي الفشل مع اصراره...
بعد وصولنا للبنك المعني اتضح أن بلدياتنا يفتقر لأبسط مقومات التمويل....
*ياحاج عندك حساب مصرفي معانا؟؟ وين دراسة الجدوي؟؟ الضمانات شنو؟؟ عندك سجل تجاري؟؟ خلينا نعمل بيان مخاطر؟؟
نظر الي (بلدياتنا) مستجديا... فقلت لمدير الفرع لعلمي بالاجراءات المصرفية المتبعه... مافي مشكله... الراجل يمشي يكمل الاجراءات واجيكم راجع...
ومن يومها اقتنع بلدياتنا أنو مافيني بركه.
التقيته بعد كم يوم في مناسبه عزاء... ومن باب المجامله سألته من معاملته المصرفية ففأجاني قائلا:
يازول أنا طلعت منك طوالي ضربت تلفون لفلان الفلاني عندو (علاقات)...طوالي فلان ده ضرب لفلان عضو المجلس التشريعي... آها الزول ده مبروك بعرف زول أبسجه سوي ليهو كم تلفون كده تاني يوم العمليه خلصت... أنتو الافندية ما فيكم بركه... علي الطلاق ناس السياسه ديل تلفون واحد أخلو الجماعه رز.
رد مع اقتباس
المفضلات