إحتجاز 45 حاج وأمير فوج ولاية الجزيرة بمطار جدة ..

[nehroo]

احتجزت السلطات الامنية بمطار جدة امير حجاج ولاية الجزيرة عوض القرشى عثمان وذلك
على خلفية حمله لاحجبة مما عتبرته السلطات الامنية دجل وشعوذة مما ادى الى احتجاز عدد 45 حاج
وتدخلت السفارة لحل المشكلة ..وقد ادان الحجاج التصرف المشين لامير البعثة واستنكروا فعلته

وووووووووووووووووو

والجدير بالذكر ان الرجل شقيق وزير الثقافة بولاية الجزيرة !!

[حاتم عمر]

لا حول ولا قوة الا بالله
وينك يا عبد المنعم فتحي

تشكر يا نهرو

[محمد حسين (المميز)]

يــِـــخــِّــخــّـِــــخــــّـــــــــيييييييييييييييييييييييي

تخـــ : طبعا حج بلوشي وكمان جاي يشتغل فكي
والله يالجندي ماخاتي عليهم الجماعه ديل

[الجندي المجهول]

ما قلنا ليكم

وكمان شقيق وزير الثقافة


يعني لمو كان شقيق وزير داخلية كان ال45 ديل بيكونوا كلهم فقرا (جمع فكي)

بالله شوف الجهل
جاي حج ومعاهو حجبات

الاخ عبد المنعم فتحي اسألك بالله (ان تواصل في بوستاتك ) فنحن لا زلنا في (المربع الاول) ونحتاج للكثير
اللهم لا تؤاخذنا بما فعل السفهاء منا ولا تحمل ما لا طاقة لنا به واعفوا عنا وارحمنا انت مولانا ونعم النصير

تخريمة : يا اهلنا انتو امير الفوج دا ماشي (حج) ولا قالو ليهو انت (لاعب ضد الترجي التونسي) شايل حجبات قدر كدا

[بدر الدين احمد الطائف]

يانهرو صباحك زين
تعرف السعودييين عارفين انه نحن السودانيين ديل عندنا عقيدة واعتقاد فى الحاجات الوهم دى .
وغالبا قاعدين يشيلو من الزول الحجاب ويدهو درس فى الدين ويمشى
لكن الظاهر صاحبك ده شايل كمية تجارية لما الجماعة انخعلوا زاتو .
لانه احتجاز حجاج ده شى ما ساهل وبالذات السعودية اليومين دى خايفة من المشاكل وبتحذر من اى فوضى فى الحج.

[ماجى مون]

ده حالتو أخو وزير الثقافة الله يكون فى عونا وعون الثقافة الراجينها

[محمد الجزولى]

[B]وتدخلت السفارة لحل المشكلة ..وقد ادان الحجاج التصرف المشين لامير البعثة واستنكروا فعلته

وووووووووووووووووو

والجدير بالذكر ان الرجل شقيق وزير الثقافة بولاية الجزيرة !!

والله يا نهرو شر البلية ما يضحك
بس تعرف الحاجة الايجابية في الكلام ده كلو انو السفارة تدخلت لحل الاشكال
وان شاءالله دائما تتدخل لحل اشكاليات الجالية السودانية

[moh_alnour]

no comment

[عمو 75]

احتجزت السلطات الامنية بمطار جدة امير حجاج ولاية الجزيرة عوض القرشى عثمان وذلك
على خلفية حمله لاحجبة مما عتبرته السلطات الامنية دجل وشعوذة مما ادى الى احتجاز عدد 45 حاج
وتدخلت السفارة لحل المشكلة ..وقد ادان الحجاج التصرف المشين لامير البعثة واستنكروا فعلته

وووووووووووووووووو

والجدير بالذكر ان الرجل شقيق وزير الثقافة بولاية الجزيرة !!

ـ




مع إيماني التام بعدم جواز حمل التمائم والحجبات

وبضرورة محاسبة من يروجها

وضرورة تنبيه

وإفهام من يحملها أن الاعتقاد بها فيه من الشرك والضلال ما فيه


لكن أشير هنا الى أن الخبر غير صحيح

حيث أن بعثة الحج لولاية الجزيرة لم تنزل في مطار جدة

وإنما نزلت مباشرة في مطار المدينة المنورة

ولم يصحب نزول الحجاج أية مشاكل من أي نوع

كما أن الاسرة المشار اليها من الاسر التي تتمتع بسمعة جيدة

ولم يعرف عن أفرادها أن لهم صلة بمثل هذا النوع من الجهالات

والرابط التالي يوضح بعض التفاصيل

ومع أن الخبر قد ورد في بعض الصحف

الا أنه عاري من الصحة على الاقل فيما يتعلق

ببعثة حجاج ولاية الجزيرة



الرابط

http://www.sudanforum.net/showpost.p...8&postcount=54


والرابط

http://www.sudanforum.net/showpost.p...8&postcount=54

والرابط

http://www.sudanforum.net/showpost.p...6&postcount=60

البروفيسور ابراهيم القرشي متدين ورجل غني عن التعريف فهو حامل للدكتوراة في اللغة العربية خريج اداب الخرطوم ومن الاوائل علي دفعته وكان استاذا للغة العربية بجامعة الملك سعود بالرياض

ثم رجع الي السودان ودرس في جامعة الرباط وحاز علي جائزة الشهيد الزبير واصبح وزيرا للثقافة في الجزيرة وهو ليس كوز ولا مؤتمر وطني

ـ

[nehroo]

الخبر نقلا عن صحيفة راى الشعب الصادرة فى الخرطوم صبيحة يوم الخميس الموافق
13 -10 -2011