بت المطامير , أهلاً بيك ومنوره المنتدى والله
أمس الماسنجر حقى سخن والتلفونات إضاربت وحبايبى كلهم بيسألوا فينى , بت المطامير دى منو ؟ وأنا النت كان فاصل عندى يومين ولما رجع جريت جرى لحوش أخوى أبورجاء قلت أكيد واحده جات من المطامير أكيد بكون عملوا ليها حفله كاربه ولما وصلت لقيت الحوش ضلمه ولا لمبه ما مولعه وبقيت أفتش ليك لحدى لقيتك فى بوست أخوى شايقى99 , البحتى ليهو الدليل على تكرار المواضيع
عفارم عليك من أول مشاركه ليك أظهرتى (خبره كبيره وقديمه )فى منتدانا ود مدنى , دا أنا لى أربعه شهور ولسه ما بعرف أجيب رابط , يكون فى المطامير عملوا مقاهى إنترنت وأنا ما جايب خبر ؟ وما شاء الله عليك حافظه المواضيع اللى فى رفوف المخازن هو إنتى كنتى معانا من زمان بس مندسيه ولأ شنو ؟ لأن دى ما خبرة زوار والناس البعاينوا بفوق للحوش ساااى .
معليش دخلت فيك شمال وعلشان خاطر المطامير بجازف
لأن أصحابى كلهم قالوا لى بت المطامير دى هى أنا زاتى يعنى أنا سجلت تانى ببت المطامير فى حين إنو أنا ود المطامير ما قادر على ود المطامير إبقى أجيب ليهو تومه كيف ؟
وواحدين قالوا دى بت المطامير حقتى ( أم عمرو ) وهى والله كانت مستنيه أول الشهر علشان أرجع ليهم خط النيت وتسجل بنفس الإسم وكدا راحت عليها , غايتو .. شربكه وصدف غريبه .
أها .. سؤال صغير كدا إذا كانت المطامير من وحى خيالى يا ترى إنتى من أىّ حى من أحياء بنات أفكارى ؟
يا شبارقه بت المطامير دى بتعرف ناس الشبارقه لحد الجد الرابع وتانى لو قلت فينى حلمنتيشيه
بشيل منها دفاترك كلها .
يا بت المطامير ... مرحب بيك كتير والله .
رد مع اقتباس
المشاركة الأصلية كتبت بواسطة سواااح
المفضلات