النتائج 1 إلى 25 من 26

الموضوع: ++ القرقريبة ...... قريبة ++

أدوات الموضوع
- مشاهدة صفحة طباعة الموضوع


	05-10-2009 03:59 AM #1 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 ++ القرقريبة ...... قريبة ++ اضاءة خافتة (لاعلاقة لها بالاسبوت لايت .. (حبوبة ونسينى وكفى ) القرقريبة قريبة فى ايدك فراشة تدور والهبابة والعرق البنقط ذى قمرية فوق السور تغازل فى الضحى النقاع لاكراس ولاسبورة لاتقرير سمح رقاكى لادبورة تحيى تعيشى لامقهورة ولامنهورة ولاخاطر جناك مكسور بل مستورة (محجوب شريف) افتح اليوم شرفة من ذاكرة الايام الندية احن اليها .. اناجيها .. واحجيكم بيها واتونس مع حنينها الكااااان .. والونسة فى هذا الزمان الخوف مابتكون الا (لمن نرجع لوراء حبة ) حياتنا يااحباااااب .. تتارجح بين ماضى ارتبط دوما بالجمااال وحاااضر (كصاج الكسرة ) يختنق داخل (تكل ) عتيق ويرزح تحت نيران الهموم ومستقبل رهيف الخاااطر .. عجينة خميرة او فطيرة نبحث لها عن قرقريبة .. قريبة تجعل منها كل الفااائدة ...!! حاشية اول (طرقة ) اهداء خاص لصديقى جزولى ومااحلاها من الصاج على طول قبال ماتخش الريكة والدنيا شتاء وباقى التفاصيل لديكم أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	05-10-2009 04:02 AM #2 حسام التنين الملف الشخصي مشاهدة المشاركات عضو ذهبي Array تاريخ التسجيل Jun 2009 الدولة ولاية الجزيرة حي المزاد غرب المشاركات 3,695 المشاركة الأصلية كتبت بواسطة عبدالرحمن مدثر اضاءة خافتة (لاعلاقة لها بالاسبوت لايت .. (حبوبة ونسينى وكفى ) القرقريبة قريبة فى ايدك فراشة تدور والهبابة والعرق البنقط ذى قمرية فوق السور تغازل فى الضحى النقاع لاكراس ولاسبورة لاتقرير سمح رقاكى لادبورة تحيى تعيشى لامقهورة ولامنهورة ولاخاطر جناك مكسور بل مستورة (محجوب شريف) دخلتك قوية كسرت كل حاجز الصمت لدي احييك واحي محجوب شريف ومجموعة عقد الجلاد صباح الخير مساء النور ست البيت وست المكتب بوجودك ساحدث ثوره كونيه فقط كن بقربي رد مع اقتباس


	05-10-2009 04:21 AM #3 رضا حسن محمد الملف الشخصي مشاهدة المشاركات عضو ذهبي Array تاريخ التسجيل Nov 2006 الدولة مدنى حى المنيرة المشاركات 3,417 المشاركة الأصلية كتبت بواسطة عبدالرحمن مدثر اضاءة خافتة (لاعلاقة لها بالاسبوت لايت .. (حبوبة ونسينى وكفى ) القرقريبة قريبة فى ايدك فراشة تدور والهبابة والعرق البنقط ذى قمرية فوق السور تغازل فى الضحى النقاع لاكراس ولاسبورة لاتقرير سمح رقاكى لادبورة تحيى تعيشى لامقهورة ولامنهورة ولاخاطر جناك مكسور بل مستورة (محجوب شريف) افتح اليوم شرفة من ذاكرة الايام الندية احن اليها .. اناجيها .. واحجيكم بيها واتونس مع حنينها الكااااان .. والونسة فى هذا الزمان الخوف مابتكون الا (لمن نرجع لوراء حبة ) حياتنا يااحباااااب .. تتارجح بين ماضى ارتبط دوما بالجمااال وحاااضر (كصاج الكسرة ) يختنق داخل (تكل ) عتيق ويرزح تحت نيران الهموم ومستقبل رهيف الخاااطر .. عجينة خميرة او فطيرة نبحث لها عن قرقريبة .. قريبة تجعل منها كل الفااائدة ...!! حاشية اول (طرقة ) اهداء خاص لصديقى جزولى ومااحلاها من الصاج على طول قبال ماتخش الريكة والدنيا شتاء وباقى التفاصيل لديكم القريبة ومحجوب شريف وانت طوالى طالعين لى فوق والله يا ود مدثر انت طوالى فوق رد مع اقتباس


	05-10-2009 04:32 AM #4 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 طرقة اولى ماذا تعرفون عن بيوت (النمرة ) عندما تضمك اليها بحنية تفوق (نمرة 2 ) والفشخرة الكدااابة لان بيوت النمرة اساسها البساطة واثاثها (سرج ) مريح يجعلك تسابق بساط الريح لانك تملك كل الفرحة (والفرحة غالية شديد) وهنا متاحة للجميع ولما اتذكرها اليوم .. بقول ياربى ناس النمرة ديل وعلاقتهم بالضحكات شنو البتطلع من جوووه .. وقمر (ابو سبعتين ) يزيدها حضور وحلاوة واحلى حاجة انو هى ضحكة صافية (كذا الحليب ) ومازال استفهامى الحائر يلازمنى كظلى ياربى الناس ديل بضحكوا لشنو وفى شنو بيوتهم كلها (كم قوليقة ) قصب وصمت الحواشات المطبق يجتاح اى خيال خصيب يجتهد فى صنع الفرحة هنا ويغمره بالملل وسطوة الضحوة.. والضهرية .. ولقيط القطن .. وسربة انصاص الليالى لتترك ماتبقى مساحة (للتعب ) ليتحكر فى ضهر الترعة ويرميهم بسهامه القااااتلة نوااااااااااصل أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	05-10-2009 04:55 AM #5 أشرف صلاح السعيد الملف الشخصي مشاهدة المشاركات عضو فضي Array تاريخ التسجيل Aug 2009 الدولة مدنى حى الزمالك المشاركات 2,086 ودمدثر عوافى يالزول السمح الفات حدود الخوف.. ترجمة: القرقريبة هى أداة عاملة زى الطبرة بس خشبية والطبرة هى سكين حبوباتنا حتة من صفيحة بقت سكينة..والريكة مرقد الكسرة بعد مايشيلوها مستوية من الصاج وقبل ماتتطبق عشان الناس يلهطوها وكدى بس حبيت ادخل ناس هناى وهناية الفلم مترجم.. ودمدثر التحية ليك ولمحجوب شريف ولمن تغنى بكلمه ..يازول انا عندى سؤال دايما بسألو لحبيبنا ابوالدر وهو بنفيهو دايما والسوعال هو "يازول انت ماجربتا لف البتاعة ديك" هااى ياناس الدقون قصدى الكسرة اصلو الحناكيش بقولو لطبيق الكسرة لف.. وينك يا المظلومة بالشلوخ من صغرك وينك يا حمالة الوجيع المتسترةبتكلك الدربز واللكوم بيبدو من جوا محفضتك ترفعى للهدوم وبرضو ماغابت سترتك مركوبك الاحمر ملاو وقار من خطوتك عرفنا الأمان مكنوز هناك فى حضنتك حليل حبوبة ويخلى حبوبة لليو لسه حبوبة.. خميرة شديد وبتجقجق عجينتا والله الكسرة هسى ياود مدثر دا إذا اصلا إتلقت العجينة والجقجقة بنحملا إن شاء الله نشهق زاتو ولا النتنفخ..تخينة ولا رهيفة بقت التفاصيل مغيبة والمهم العليقة الربع أو الخمس مالئة أياً كان قوامها.. وبالله كتر الطرقات واقفين مستنين ليها .. التعديل الأخير تم بواسطة أشرف صلاح السعيد ; 05-10-2009 الساعة 04:59 AM رد مع اقتباس


	05-10-2009 05:14 AM #6 رضا حسن محمد الملف الشخصي مشاهدة المشاركات عضو ذهبي Array تاريخ التسجيل Nov 2006 الدولة مدنى حى المنيرة المشاركات 3,417 المشاركة الأصلية كتبت بواسطة عبدالرحمن مدثر طرقة اولى ماذا تعرفون عن بيوت (النمرة ) عندما تضمك اليها بحنية تفوق (نمرة 2 ) والفشخرة الكدااابة لان بيوت النمرة اساسها البساطة واثاثها (سرج ) مريح يجعلك تسابق بساط الريح لانك تملك كل الفرحة (والفرحة غالية شديد) وهنا متاحة للجميع ولما اتذكرها اليوم .. بقول ياربى ناس النمرة ديل وعلاقتهم بالضحكات شنو البتطلع من جوووه .. وقمر (ابو سبعتين ) يزيدها حضور وحلاوة واحلى حاجة انو هى ضحكة صافية (كذا الحليب ) ومازال استفهامى الحائر يلازمنى كظلى ياربى الناس ديل بضحكوا لشنو وفى شنو بيوتهم كلها (كم قوليقة ) قصب وصمت الحواشات المطبق يجتاح اى خيال خصيب يجتهد فى صنع الفرحة هنا ويغمره بالملل وسطوة الضحوة.. والضهرية .. ولقيط القطن .. وسربة انصاص الليالى لتترك ماتبقى مساحة (للتعب ) ليتحكر فى ضهر الترعة ويرميهم بسهامه القااااتلة نوااااااااااصل الانيق ود مدثر كلما كانت الحياة بسيطة سهلت الضحكة البتجى من جوة والطبيعة زاتا بتزيد موضوع الصفا والقرقريبة قريبة والترع والحواشات والنوم البدرى والصحيان مع الصبح البتنفس لا سهر لا كجر لا مظاليم لا مظالم و البنات البريئات الصغيرونات البمشن المدارس فجر يلا يا اولاد المدارس دق الجرس دقا وست الفطور باقى لى اتلاشت ست الفطور كما الحاجات السمحة الاتلاشت يلا واصل نزيف ابداعك يا عسل رد مع اقتباس


	05-10-2009 05:28 AM #7 أبو حمزة الملف الشخصي مشاهدة المشاركات عضو فضي Array تاريخ التسجيل Feb 2008 الدولة حي ناصر المشاركات 1,255 حظكم عندكم حبوبة.. نحن واحدة ماتت.. وما شفناها.. والتانية.. ما بنعرف ليها غير.. الجضيم.. والضرب.. و الدسديس.. و القريص.. والنبذ.. حبوبة قال.. الحبة التقوم ليك في محل بيجعك..!! أحــب أتـرنم بألحـــانك * وباسمـــك أغـني أهـتف أنادي أكون من مدني فخر وعز * ما مدني جمال حضارة ونادي رد مع اقتباس


	05-10-2009 05:31 AM #8 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 ود مدثر الكاتب الذى يجمع ما بين الحداثة والمدافرة منتظرك تكمل بس أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	05-10-2009 06:44 AM #9 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 ست البيت كلمات: محجوب شريف غناء: عقد الجلاد صباح الخير مساء النور يا ست البيت وست المكتب الفاتح على الجمهور ختم الدولة جنبك هيبة قط لم تقبلى المصرور حلال وبلال عليك يا أم مرتب بالتعب ممهور وساعة رضاعة أجمل من سياحة شهور النوم النوم نوم وتعال النوم تعال سكت الجهـــال اخر من تنومى وتقومى دغش بدرى قبل الشمس ما تترك سرير النوم ويغادر عشتو العصفور تحرسيها اللبينة تفور تسوى الشاى يا ألاهى يا ألاهى كم من سندوتش فطور للمتحنة والبهاتى جارى يحصل الطابور وبرضو وراك مستنيك هم دفتر غياب وحضور لفحنا العمة وخليناك بين الحلة والماسورة رتبتى القميص والطرحة حفظتى النشيد والسورة و التعب البخلى الصورة فى عينك أجمل صورة ديك الحجلة وداك البلى ياما تشرى ياما تبلى ما بتكلى ما بتملى ما بنقص حنانك ملى هل هذا عمل مأجور ممرضة سسترة ودكتورة توب السهرة ابيض ناصع بين الضاير نور مدرسة حيث مدرستك حنانك سور كراريس الصبا الباكر .. تذاكر نحو بكرة مرور سلاما عمتى الفراشة المقشاشة جنبك كم بشوفة زهور بت الشدة والوردية والمكنة التى ليلا ونهار تدور تحت الشمس فى الحواشة بين الحبة والزرزور كليلك كليلك جمبك الكمبيوتر تكية صبح الشاشة ياخد من عيونك نور ام الكادحين وغلابة والعزابة ست الكسرة أحب القرقريبة القرقريبة .. القرقريبة قريبة فى أيدك فراشة تدور والهبابة والعرق البنقط داك ذى قمرية فوق السور تغازل فى الضحى النقاع عشة وميرى مدرسة الحياة المعمورة لا كراس ولا سبورة لا تقرير سمح رقاقى لا دبورة تحيى تعيشى لا مقهورة لامنهورة لا خاطر جناك مكسور بل مستورة يا ذات الضرا المستور سلاما يا غزالات العمل والبيت ملاياتك ضفاف النيل احب واديك .. هذا الحوش أحب الشاى مع القرقوش احب المستك الفواح اهيم فى غمرة النعناع بن ومدق وجمرو تسخن الايقاع سلاماً يا نساء الارض قاطبة فى كل مكان العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	05-10-2009 06:45 AM #10 سواااح الملف الشخصي مشاهدة المشاركات فخر المنتديات Array تاريخ التسجيل Feb 2006 الدولة مدني - الدرجة الاولي المشاركات 7,978 سلاماً يا نساء الارض قاطبة فى كل مكان العقول الصغيرة تناقش في الأشخاص، والعقول المتوسطة تناقش في الأشياء، أما العقول الكبيرة .. فإنها تناقش في المبادئ !! رد مع اقتباس


	05-10-2009 07:22 AM #11 ودالعمدة الملف الشخصي مشاهدة المشاركات زيارة الصفحة الرئيسية عضو فضي Array تاريخ التسجيل Oct 2006 الدولة من أرض المحنة المشاركات 2,252 العزيز ابومزن يعجبنى كل مايخط يراعك ولكن لا يعجبنى آخر توقيعك و انتمى إليكَ ...... ياوطناً تفردَ بالجمالِ وبالبهاء ياأرضَ مهيرة وبنونة ...... ياديوانَ الرجالِ وبيتَ العوينِ .... يامرتعَ الأطفالِ عندَ الرواكيبِ مساء رد مع اقتباس


	05-10-2009 11:37 AM #12 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 نواااااااصل يااحباااب وماتنسوا معزومين معاانا شاى مغربية فى النمرة **** مااجمل بيوت النمرة .. لاتعرف براحات الحيشان تكتفى فقط بالدواخل .. بالنية الطيبة وخضرة الدواخل وحدها تكفى لتكون اجمل حديقة نتونس فيها ونمرح كثيرا والبيت من قصب والبت من ورق (دا حال اليوم ) (شعبة ) فى المنتصف تلتف حولها (لدايات ) فى ود جميل وقديم يكسرن جمود البرد القاارس فى عز مواسم لقيط القطن ويلهبن المشاعر بوجبة دسمة وبسيطة .. ياسلام لو كانت ملاح لبن لتثبيت مبدا البيااااض فى كل حاااااجة اجمل حااجة فى بيوت النمرة (الغزل الصريح ) بين بناااات الليل البااااااااارد وبين ايقاع القصب الاحساس والحساس .. غزل يختلف عن صدود (الطوب الاحمر) ونكرانه للجميل بعد ان باع القضية وفارق درب الحلة .. لانو من يومو (عينو طائرة ) .. عشق الرملة وفضل ان يدافع عن احساسو وهو يساابق فى (اسمنت ) وسيم الطلة وغزل بنات الليل البارد مع القصب ... بداية هدهدة لنوووووومة طويلة وعميقة فارق (شلة ) القلق ... والارق ... وطاب لها المكان هنا بالذااااااات البيت ياجماااعة واااسع باريحية نااسو مطبخ .. وصالة .. ومنامة ..ولسه فى مساااحة بتشيلكم (بس انتو تعااااالوا ) بدون بطااااانية تعاااالو الشتاء بعيالوا دقش النمرة لكن الونسة الطااااعمة (دفو ) وراحة باااااااال وشوالات (الكبس ) فرش وثير .. وملاذ داااافى وثروة لمقبل الايااااااام (ياااااااااااه زمن ) ياسلام على الشتاء لما تتغطى بشوالات الكبس انها اجمل وصفة لمحاااربة جيوش (كبس الهم على ) المسيطرة على كل الجبهاااات وياسلاااااااام على شاى المغربية ...... بصحبتكم عندو نكهة خااصة نكهة تتحدى الزمن (ولاعزاء للبزيانوس هنا ) بت المصطفى ازيك وازى الزيك والزيك داااائما معدوم ماااافى سواااد يغطى جمال الصوة هنا (سبحان الله ) حتى سواااد الفحم ... بتاع شاااى المغربية تم استبداله (ببعر البقراااات ) (حاولت استبدالها بكلمة عصرية لكنى خفت على الشاااى ونكهته ) شااااااى بقنانة .. وبطعم اخر اجمل من اى شاااى فى الدنيا فيهو الالفة ياسلاااااااااااااام نوااااصل ونسرح مع صرخة (صديق ) لبت المصطفى من دغشا بدرى - بت المصطفى كااااااااااااان مت عليكم .....!!! وبت المصطفى حكااية اجمل وجدااانك لسه ماماااااات رغم الريح الجاااارى سموم وهموم أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	05-10-2009 12:07 PM #13 العاقب مصباح الملف الشخصي مشاهدة المشاركات زيارة الصفحة الرئيسية عضو ماسي Array تاريخ التسجيل Jan 2008 الدولة ضل النيمة المشاركات 7,179 تذكرت مصطفى سعيد فى موسم هجرته العكسية للجنوب بعد ان صال فى الشمال كافراً بكل ما وجده هناك من صخب آثر العودة إلى حيث توجد القرقريبة وقعدة المشاط وخوادة الطين ...... جميل جداً هذا التداعى أعشق البساطة مثلك ولا تغرينى غابات الاسمنت ولا نجف الكريستال ولا شمعدانات الفضة... أحلم بوطن صافى .... كصفاء القرية فى الليل القمرى... لا أعلم سر الدفء الموجود فى مساحة ضيقة لا تتعدى الامتار القليلة من القش وجالوص يتنحنح ويهمس لك أدخل على مهلك ...... مُضاء بفانوس يدوى التحريك حتى يسهل لمن اراد الخروج توصيله إلى الخارج فى ليلة مطر والدنيا طين ... وضحك لمن تنشرط رئتك .... لا قوانين للسير .... لا إرتداد للمبانى لا نفايات لا جبايات لا غتاتات لا لصوص يرتدون اقنعة .... سأترك فرصة لنفسى للمجئ مرة أخرى مع محبتى دوماً أبق بعيدًا عن الناس الذين يحاولون أن يستهينوا بطموحاتك . الصغيرون يفعلون ذلك دائما , لكنّ العظيم فعلاً يجعلك تشعر أنك , أيضاّ , يمكن أن تصبح عظيما! http://alagibmisbah.blogspot.com/ رد مع اقتباس


	05-10-2009 07:33 PM #14 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 ياخي الحرف 000 لمن يدخل جواك بدون كشكشة 000 زي ضل العصاري لمن ارمي جوة النمرة 000 لا بكشكش كوليقة قصب 000 لا بدافرلو شعبة ولا لداية 000 القرقريبة رجعتني لي حبوبتي حاجة خديجة 000 وصاجا الحالك السواد 000 عارف الصاج الحتة الوحيدة البكون فيها حلكان السواد دلالة علي النضافة 000 قبال ما أرمي لي طرقة 000 حا اعمل زي حبوبتي 000 أجمل تابلوه في مباراة العواسة 000 كنتا بصفق ليهو بي قلبي 000 تش 000 تش 000 حتة طايوقة محنطة في زيت سمسم 000 وقبلة بي صوت التشتشة مع حبيب القلب الأسود الحالك 000 ومعراكة تسوق باقي الطرق القديمة قداما 000 ومع آخر لقطة ولمة البقايا جوة المعراكا 000 بكون الصاج جاهز لي طرقة جديدة 000 رهييييييفة 000 طرقتي ليها علاقة بالنمرة 000 رجعتا لي خربشة قديمة ليك مع ذكرياتي الشالا السيل 000 وعيديدتك لي شفع كنبو الهدي 000 البتملاهم الفرحة وتتدفق 000 عشان حتة حلاوة دربس اتقرمشت حتت بين اللسان واللهاة 000 خليني أقول ليك برة الصاج 000 حبوبتي كانت بتقول لي لهاتك واقعة 000 ولي يوم الليلة ما خليت عادة شتيت الملح مع كل خمشة 000 من عجنة الكسرة بي موية وفحل بصل محشوش دقاقة 000 والعاقب حا يقول لي ما تنسي زيت السمسم 000 أها 000 قرقريبتي ما قادرة تعوس عجينة الكنبو 000 لأنها مخلوطة مريق وفتريتة 000 ناس دارفور الجابم مشروع الجزيرة 000 زي ما جاب شوايقة نوري 000 وجعلية المسيكتاب بقيادة جدي ابقرجة 000 شفع الكنبو 000 مدرسة للناس البيتداوسو باسم القبلية 000 وضحكات بتتصالح مع واقع يا ريت نقدر نرجع لي أيامو 000 لكن باقي ليك ورثة الأرض الجداد 000 الاشتروها بي دولاراتم 000 بعرفو الحنين للكنبو 000 والنمرة 000 وكوليقة القصب ؟؟؟ 000 قبال ما أمشي 000 رفعتا الصاج 000 هزيت الكانون 000 كبيت حبة فحم 000 فجيت ليهو بين الجمر 000 بي ماشة غليييييييييدة 000 ورجعتا الصاج 000 بعد النار ما شعللت تحتو 000 وتش تش 000 قبلة حارة 000 بين الطايوقة الممسحة لزوم التجميل 000 مع حبيب القلب 000 السوادو حالك 000 ومعراكة بتحاور باقي الطرق 000 وتلمهم جواها 000 وما تتأخر 000 مستنين طرقة رهيفة 000 القرقيبة معاك 000 والمايكروفون مع ابارو 000 أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	05-10-2009 09:03 PM #15 محمد الجزولى الملف الشخصي مشاهدة المشاركات فخر المنتديات Array تاريخ التسجيل May 2009 الدولة مارنجان المشاركات 4,340 المشاركة الأصلية كتبت بواسطة عبدالرحمن مدثر [color="indigo"] اضاءة خافتة حاشية اول (طرقة ) اهداء خاص لصديقى جزولى ومااحلاها من الصاج على طول قبال ماتخش الريكة والدنيا شتاء وباقى التفاصيل لديكم يا سلام يا ابو مزن ... دائما عندما تكنب يصيبنى الدوار.... ويغطينى خدر يدغدغ حواسى طربا ونشوه.... دائما فى الزحام.... حين يرتطم الوجه بالوجه... والصوت بالصوت .... يطلع وجههك عاصفه من خلال الزحام... فيزرعنى فى الشوارع .. لغما .... ويغزو يقينى .... ويدحرنى.... فالوذ الى الصمت .. وهو كلام ..... باى اللغات امارس حق التحيه حق الرحيل ... حق اللجوء اليك ... وحق السلام .... هكذا قال شاعرنا العظيم الحردلو وانا اردد معه فى حيره باى اللغات امارس حق التحيه وحق اللجوء اليك وحق السلام تابع ... وانا متابع ... رد مع اقتباس


	07-10-2009 12:41 AM #16 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 المشاركة الأصلية كتبت بواسطة tininana دخلتك قوية كسرت كل حاجز الصمت لدي احييك واحي محجوب شريف ومجموعة عقد الجلاد صباح الخير مساء النور ست البيت وست المكتب تنين العريس سعيد انا بوجودك ومن دخلاتك الحلوة المربوطة دوما بالعقد وبنحن اهل الفرحة جينا أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	07-10-2009 12:43 AM #17 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 المشاركة الأصلية كتبت بواسطة رضا حسن محمد القريبة ومحجوب شريف وانت طوالى طالعين لى فوق والله يا ود مدثر انت طوالى فوق معاكم يارضا ببقى الفرح حاااضر والحنين ناااضر تسلم ياكمنجتنا الحنينة أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	07-10-2009 12:46 AM #18 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 المشاركة الأصلية كتبت بواسطة أشرف صلاح السعيد ودمدثر عوافى يالزول السمح الفات حدود الخوف.. ترجمة: القرقريبة هى أداة عاملة زى الطبرة بس خشبية والطبرة هى سكين حبوباتنا حتة من صفيحة بقت سكينة..والريكة مرقد الكسرة بعد مايشيلوها مستوية من الصاج وقبل ماتتطبق عشان الناس يلهطوها وكدى بس حبيت ادخل ناس هناى وهناية الفلم مترجم.. ودمدثر التحية ليك ولمحجوب شريف ولمن تغنى بكلمه ..يازول انا عندى سؤال دايما بسألو لحبيبنا ابوالدر وهو بنفيهو دايما والسوعال هو "يازول انت ماجربتا لف البتاعة ديك" هااى ياناس الدقون قصدى الكسرة اصلو الحناكيش بقولو لطبيق الكسرة لف.. وينك يا المظلومة بالشلوخ من صغرك وينك يا حمالة الوجيع المتسترةبتكلك الدربز واللكوم بيبدو من جوا محفضتك ترفعى للهدوم وبرضو ماغابت سترتك مركوبك الاحمر ملاو وقار من خطوتك عرفنا الأمان مكنوز هناك فى حضنتك حليل حبوبة ويخلى حبوبة لليو لسه حبوبة.. خميرة شديد وبتجقجق عجينتا والله الكسرة هسى ياود مدثر دا إذا اصلا إتلقت العجينة والجقجقة بنحملا إن شاء الله نشهق زاتو ولا النتنفخ..تخينة ولا رهيفة بقت التفاصيل مغيبة والمهم العليقة الربع أو الخمس مالئة أياً كان قوامها.. وبالله كتر الطرقات واقفين مستنين ليها .. انت عااارف ياسعيد انت وانا بشرع فى فتح شرفة للذكريات الجميلة كنت قاعد بين النص وبين الفكرة جوااك حاجات جميلة وجوااك اخضر وعارفك حااضر شايل فرحك جوه الفكرة وجوه الترجمة العصرية لحنين سااااد نحن هنا نخاف عليه من الغيااااب فكن حضورا وامتعنا كعادتك بالكلمة الجميلة أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	08-10-2009 08:24 PM #19 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 جيتك تاني 000 بي عدة العواسة كوووولها 000 طرقة رهيييييييييفة 000 لمن لاحظت أنها انهمكت في أكل التفاحة 000 بعد ما قشرتا ( جني وجن قشير التفاح والمنقة ) 000 اتذكرت فكرة أزلية تتبناها دوما 000 بأنها لا تحب التفاح 000 فبادرتني بالقول 000 عارف ؟؟؟ ذكرتني العنكوليب 000 لاحظت في تعابير وجهي رفض للفكرة فواصلت الحديث والله العظيم طعمو زي العنكوليب بالظبط 000 بس الفرق ده بياكلوهو وابلعوهو 000 وداكا بياكلوهو و اجدعوهو 000 قلتا بس 000 الكلام ده حا اختصر الطريق لي شفع الكنبو 000 وناس النمر 000 أبقو عشرة علي العنكوليب 000 شبيه التفاح 000 تاكلوهو وتجدعوهو 000 والعاوز ياكل ليهو تفاحة 000 ابلع باقي العنكوليبة 000 قال شنو 000 العنكوليب شبيه التفاح 000 ممكن أهدي ؟؟؟؟ الزول شبيه الصيد 000 بس 000 أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	18-11-2009 07:42 PM #20 خالد 000 ابقرجة الملف الشخصي مشاهدة المشاركات زيارة الصفحة الرئيسية فخر المنتديات Array تاريخ التسجيل May 2009 الدولة مدني حي البان # المدينة المنورة المشاركات 2,217 يا عمنا 000 صاجك ده دخانو ما جاب المطافي 000 حرك لينا القرقريبة 000 وارمي لينا طرقة رهيفة 000 ترمي بي ظلالا الوريفة 000 علي ناس غلبوا السقط 000 بي شرقانية سانداها الصريفة 000 اتذكرتا القرقريبة اليوم 000 مع أول نسمة شتوية هبت علينا الفجرية 000 موش ود الجزولي قال ليك الشتاء جا ؟؟؟؟ طيب ما تعوس لينا ياخ أحتاج خريفاً قادم 000 فالقلب انشق به اخدود للذكري 000 كخطو العير 000 في أوحال الأرض الصلدة 0000 لا يمحوه 000 حين تجف 000 الا أمطار أخري 000 والقلب بكي 000 فسحاب بقائي قد ضاع سدي 000 (أبو آية) نحتاج مهنيين 000 يعملون بتجرد 000 ودون ألوان 000 لبناء وطن يحكمه السياسيون 000 أتشرف بكم هنا http://www.blogger.com/profile/02571856119049338589 رد مع اقتباس


	20-11-2009 09:26 AM #21 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 المشاركة الأصلية كتبت بواسطة رضا حسن محمد الانيق ود مدثر كلما كانت الحياة بسيطة سهلت الضحكة البتجى من جوة والطبيعة زاتا بتزيد موضوع الصفا والقرقريبة قريبة والترع والحواشات والنوم البدرى والصحيان مع الصبح البتنفس لا سهر لا كجر لا مظاليم لا مظالم و البنات البريئات الصغيرونات البمشن المدارس فجر يلا يا اولاد المدارس دق الجرس دقا وست الفطور باقى لى اتلاشت ست الفطور كما الحاجات السمحة الاتلاشت يلا واصل نزيف ابداعك يا عسل يلا ياولاد المدراس احساس بالرضا وانت بتبدا صباحك بزيارة التكل ياسلام .. والاجمل من ذلك انك تتناول (طرقة الرهيفة ) من نارا وتعملا عكاااااارة لاشىء يعكر مزاجك ياصديقى البساطة عنوان لفرح قادم والطاحونة ملتقى الاحبة وانت مزهوا بحمارك (المكادى) لو كان بالمراد تخلف كراع فى كرااااااااااع وتمشى بشارع ناس هناية حتى الشوارع اصبح لها عشق وجنون طالما ارتبطت بنسيم الرغبة البسيطة حينما تفتح للفرح الف باب .. كفاية عليك باب بيتا المتاكا أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	03-03-2010 12:13 AM #22 عبدالرحمن مدثر الملف الشخصي مشاهدة المشاركات عضو ذهبي Array تاريخ التسجيل May 2009 الدولة الخرطوم - السجانة المشاركات 5,052 بعض مشاكل عقد الجلاد جعلتنى ابحث عن هذا البوست ... وبعض الالفة ليتنى اجدها لديكم أحبابي لو كان الحَزنُ دموعْ لو أنّا بالعيِن نُحسْ لو كان الحزُن يشم نَزَفت رئتاي الدّمْ وطلعتُ عليكم جمرُ الحُرقة يشوي كَفيّ رد مع اقتباس


	03-03-2010 01:04 AM #23 بت مارنجان الملف الشخصي مشاهدة المشاركات عضو ماسي Array تاريخ التسجيل May 2009 المشاركات 6,855 المشاركة الأصلية كتبت بواسطة عبدالرحمن مدثر بعض مشاكل عقد الجلاد جعلتنى ابحث عن هذا البوست ... وبعض الالفة ليتنى اجدها لديكم يا مشاوير المحبة الكلمة تقلت والخطيــوات الندية الغيمة الشالت ... دمعة مرة غــرَ قت أناتا أرواحنا الوفية الصدق أصبح في عيون الناس مظنة الصدف أصبح فينا كلمات هامشية والحقيقة بقت مخافة وانزوت في عمق أعماقنا الخفية يا مشاوير ضيعيني جدِدي الذاد للمشاوير الشقية توهي النور بدِديهو خلي إظلامك يغيب كل لحظة فرحة فيا بكي إحساسي الحنـيِــن فتِريـني و دردِريـــني وأصلي ليك أنا ماني هيِــن كل نهاية تكون بداية كل وجعة تفرهد الإحساس جوايا وابقى عايش للعُوينات الوفية وابدا عايش عمري للصادقيـــن هدية ياااااااا أبو مزن لو لقيتا كب لينا معاك شوية في الكيس دة لو أعيش زول ليهو قيمة أسعد الناس بوجودي زي نضارة غصن طيب كل يوم يخضر عودي وأبقي زولآ ليهو قيمة وأبقي زولآ ليهو قيمة رد مع اقتباس


	03-03-2010 04:14 PM #24 كاظم الملف الشخصي مشاهدة المشاركات زيارة الصفحة الرئيسية عضو برونزي Array تاريخ التسجيل Jun 2005 الدولة مدني - عووضة المشاركات 681 لا حول اللللللللللللللللللللللللللله يا ودمدثر ده جمال لا قبل لنا به أنا سكنت في بيوت النمرة كذا صيف وعمري ما قريتها ذي قرايتك الطاعمة والحنينة دي. باجور ورا باجور .. ينصر دينك يا جميل من وين انت ياشقي؟ يضحك نهارك ياخي كاظم الزعيم رد مع اقتباس


	04-03-2010 02:31 AM #25 المكاشفى الملف الشخصي مشاهدة المشاركات عضو فضي Array تاريخ التسجيل Oct 2006 الدولة الزهراء - طابت الشيخ عبدالمحمود المشاركات 2,522 حليلك ياود مدثر بتنكت لينا فى المعدوم والخالى هدوم الله يرجع ايامك يا ابوعلا لكن يالحبيب الآفه الجات شالت التُكُلْ من خارطه كل البيوت وحل محلها دافور وانبوبه غاز ولا صاج غاز حليل ايامنا وحليل يمه ادينى طرقه والموص بى سكر وخالى سكر وعييييييييييييييييييك تسلم يا ابو المزن ياجميل اشهد انك انسان من الزمن الجميل كشه الدولى - حبيب الكل رد مع اقتباس

الإنتقال السريع المنتدى العام الأعلى

« الموضوع السابق | الموضوع التالي »

المفضلات

المفضلات

ضوابط المشاركة

لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

أكواد المنتدى متاحة
الابتسامات متاحة
كود [IMG]متاحة
[VIDEO] الكود هو متاحة
كود HTML معطلة

قوانين المنتدى

الساعة الآن 01:00 PM

Powered by vBulletin® Version 4.2.5
Copyright © 2024 vBulletin Solutions, Inc. All rights reserved.
Translate By Almuhajir

ودمدني