بمناسبة الجرسة الرمضانية بهدي المقطوعة القادمة لملك الجرسة بالمنتدى الاخ عبد الرحمن مدثر .. كما اهديها للتنين حسام ولبدر الدين ولخالد ابو قرجة .. وباقي رواد النيمة مع احلى الاماني ..
في رمضان ما .. قبل الغربة كان عندي موتر سوزوكي وانا وصديق جايين من العمل في نهار رمضان وصلنا بالموتر قدام بيتهم وكان عندهم نيمة ( ما بفضلها على نيمتكم والله) المهم في نفس الوقت حضر اخو صديقي هذا ومعاه اصحابه وكلهم عندهم مواتر .. وكانت الونسة منبعها الجوع القارس .. وفي هذه الحالة ينصب الحوار في انواع الاكلات واكلتك المفضلة شنو في الفطور .. كل واحد بدا يوصف بكل شهية الطبق الذي يحلم به غير انه واحد فيهم بالغ في الوصف وهيج معدتنا وقلب كياننا تعالوا نشوف وصفه
قال انا افضل طبق عندي في الرمضان هو : افتح قوس وافتح خشمك برضو:
اولا اروح سوق الخضار واشتري طماطم وعجور وبصل ابيض .. وشطة خضراء .. وامشي البقالة اشتري نص كيلو جبنة الدويم البيضاء المره ديك وربع لتر زيت سمسم .. وامشي البيت اقعد احش السلطة دي لقطع صغيرة براي ... واجيب بشارة الجبنة واحتها في السلطة لامن يصبح لونها ابيض كلها .. واجيب زيت السمسم اكبوا فيها وامشي الفرن اجيب عيش حاااااااار قريب من وقت الاذان ... واول ما الاذان يؤذن ما آكل حاجة غير الصحن بتاعي دا ...
سكتنا كلنا وسرحنا واستاذنا وتفرقنا .. وبعد نصف ساعة اجتمعنا في سوق الخضار نشتري في السلطة بدون اي اتفاق مسبق بيننا .. وانفجرنا بالضحك ... لانه الوصف ما معقول ابدا ,,
المفضلات