لشنو بنات المغتربين ما بعرسن

[بت الكاشف]

انحنا فى السودان اتربينا على يد الكل (الام...الاب ..الخال ...العم...والجد..الحبوبه..وحتى الجار ممكن يوجه) فكانت التربية ثمرة خليط ناضج ...ثانيا..قمنا متشبعين بى عاداتنا السودانية الغرست فينا الحياء ..الحشمة ..الخجل وعدم الجرؤة ....الخ.هذه الصفات كانت مفخره لدى كل سودانى وسودانية .
اجيك لى بنات المغتربين (والله شوف عينى)البت بى مفهوم التحضر والعولمة مسموح ليها الخروج الى المول مع صحباتها لى وحدهم من غير رغيب ولا ولى والتاخر الى الواحده صباحا ؤياعالم فى الساعات دى مشن وين .....اتكلمن مع مين ...ودا كلوا على اساس الثقة .ثانيا الاختلاط بالاجناس الاخرى من زلم ولبنانيات والتاثر بهم من ناحية لبس ومن ناحية افكار منفتحه ..والكثير الكثير .
والشباب البتناشد فيهم انهم يتزوجوا من هنا ..هم عايشين وشايفين الواقع دا عشان كدا ببعدوا عن الشر وبغنولوا...وعشان مااظلم ناس هنا فى بعض الاسر استعصمت وابت ان تنجرف خلف عادات هذا البلد وربوا بناتهم بالطريقه السودانيه.
وفى الاخر ربنا يجمعك انتا وكل من لم يتزوج بى بنات الحلال .

نسيت اعمل تسجيل خروج هبار وذلك للتوضيح اختك بت الكاشف

[نزار الكاشف]

ياودالكاشف لك التحية ( الصح بخلع مابكتل ) وانا قلت الحقيقة خلاف الاسباب المادية ودة وانا ما مديت راسي عشان ادوني شاكوش ( بعاين من بعيد ) لكن عندي قريباتي وشفت الحال

مفروض الاهل اعلموهن الخشونة شوية لان الغربة مادايمة ليهن

ابوشتال
اهلنا زمان قالو شوف العين ما كتل الغزال
وكان الحكم بالماديات بناء علي الاتجاه العام للمشاركات ولا ننكر ان هناك جوانب اخري ككالجانب الذي تم طرححة من قبلكك
وكان علي الاهل ما بعلمموهم الخشونة،، لانو مافي شئ خشن اصلا
لا في قش وولا مسح ولا هدوم بغسلوها بي طشط ...

خلي روحك رياضية ،، ولينا رجعة في موضوع الشاكوش
دمت

[نزار الكاشف]

ياودالكاشف لك التحية ( الصح بخلع مابكتل ) وانا قلت الحقيقة خلاف الاسباب المادية ودة وانا ما مديت راسي عشان ادوني شاكوش ( بعاين من بعيد ) لكن عندي قريباتي وشفت الحال

مفروض الاهل اعلموهن الخشونة شوية لان الغربة مادايمة ليهن

يا ابو شتال
عايزين الروح الرياضية
يعني موضوع الشاكوش دة موضوع عااااااادي بحصل في ارقي المجتمعات
واهلنا زمان قالو شوف العين ما كتل الغزال
يعني كشف من بعيد
ودمت

[نزار الكاشف]

تسلم علي الموضوع الرائع يا زومبا
لكن النسالك
انت شغال في بنشر ولا شنو

حلوة منك شغال في بنشر
البدايات دايما صعبة

ودي صورتي اول ماجيت الامارات
ابو النور نفسي اعرف انت منو
دمت

[Madanawi]

الزواج قسمة ونصيب زي ما قالوا ..

سمعنا كثيرا بزيجات من هنا على حد تعبير الشباب .. وأخري من السودان ، بمعنى أنه لا قاعدة ثابتة في موضوع الزواج ،، ممن يتزوج المرء؟ هذا ما كتب في الأزل .. أين ومتى وكيف ؟

كل تجربة زواج تعكس قصة مختلفة .. وظروف زمانية ومكانية مختلفة ،

وللمعلومية حدث أن تزوج شخص ما في السودان فتاة من جدة وكان الزواج في مدينة جدة .. هل يعكس هذا واقع الحال لكل الناس ؟ بالطبع لا ،،،،،،،،،،

[نانو1]

التسوى كريت تلقى فى جلدها

[نانو1]

التسوى كريت تلقى فى جلدها (الزين والشين فى كل مكان)

[ابوالنور]

حلوة منك شغال في بنشر
البدايات دايما صعبة

ودي صورتي اول ماجيت الامارات
ابو النور نفسي اعرف انت منو
دمت

لمن اشتغل في بنشر الشرفه اقصد ابوحراز بتعرفني

وتسلم يا زومبا

[نور العيون]

يا جماعة في النهاية كل شيء قسمة و نصيب كان هنا ولا كان في السودان
بالنسبة للسودان:
الواحد بيمشي يعرس لانو ببساطة الاسم مغترب و الاهل
ما بيسالوا الحاصل شنو بس مغترب ، تقوم تجي البت تعرس و تجي معاه هنا و هو ما يكون
صريح مع اهلها و مفهمهم انو ماسك منصب مدير و تجي و تنخدع بالشيء الحاصل و يا اتطلقت
من يا بقت معاه
اما الحاصل هنا :
الاهل بيسالوا و يتانو و ما مستعجلين عشان ما يتغشوا
و في النهاية كان هنا كان في السودان الواحدة لو مكتوب ليها تعرس بتعرس و الزمن بقى صعب
غايتوا الله يدي العافية
و تسلم على طرح البوست د لكن بامانه د ما الشيء الحاصل يعني الموضوع لا كسرة ولا ويكة
و خلينا واقعيين
و في السودان بقى كمان موضوع الزواج العرفي كتير و الكلام د هنا ما حاصل
كدي وروني كدا ولا ما كدا و الزواج اليومين ديل بقى مغشوش ما زي ناس زمان و الشباب
بقوا مهوسيين و بالجد ما ناس حارة زي اول

[ود المريبيعة]

والله يا اخوانى البنات كلهن بناتنا لو فى السودان او خارج السودان
وكلهن اصيلات وبنات نفتخر بيهن بس الشباب بتخوفو من انو الواحد يقع فى بت مدلعه
وكل الشباب بفتكرو انو بنات المغتربين ديل مدلعات
ودا شى خاطي

[ود المريبيعة]

تحياتى ليك يا بنت الكاشف على الرد الجميل
وربنا يحفظك

[شبارقاوية]

انا رايى انه لو اتزوجها من السودان او من الغربة كلو واحد وبيعتمد على البت العايزة تبقى سجمانة بتبقى والعايزة تمسك بيتها بتقدر طالما هى عايزة تتزوج المفروض تكون عارفة انها مسؤولة عن زوج وبيت واولاد ,حتى لو ولدت فى فمها ملعقة من ذهب طاما اقتنعت بالزواج من هذا الشخص المفروض تقتنع بوضعه المادى وتعيش معاه الحياة البيقدر يعيشها ليها من غير اى مقارنة بوضعها السابق.
والعايزة تتعلم بتتعلم ولا يعتمد على المكان سواء السودان او غيره وممكن تكون الام سبب رئيسى لتوعية بنتها فى المحافظة على بيتها وزوجها واولادها طبعا اذا كانت الام كذلك وما سجمانة زى بتها.والزواج حياة جديدة ومسؤولية

[طلال الصول]

يا جماعة مش ممكن انو احنا الفاهمين الحكاية غلط وبنحكم عليهم
بدون مانعرف الحقيقة بتاعتمن كاملة ومن المظاهر بس يعني الجماعة في
السودان بشوفو بنات المغتربين لمن يجو اجازات بس كم يوم في السنة
اوالسنتين كمان بالنسبة للتربية السودانية سودانية لو اتربت وين
الاصالة موجودة جواها ., مابتعرف تعوس عدوا لي البنات البعوسن
حسي في السودان بالذات بنات المدن بطلعن مع صاحباتن طيب مافي
كل مكان كدة الحاجات دي بتحكمها التربية لو في اي مكان حكاية العرس
دي قسمة ونصيب وقلة شوفة لو الجتمع بتاع المغتربين محكوم .
اولاد المغتربين بحكم معرفتن بالبنات المعاهم ما ضروري انو يكونة شايفين
فيهم عيب دا ممكن يكون احساس بالاخوة مثلا .
وبالعكس دا بحكم المعرفة بينهم والبيئة الواحدة هم اقرب من ناحية الثقافة العامة
وطريقة العيشة . ومعليش للاطالة ودمتم

[احمدمحمدعلي]

سلام يا شباب
دا امكن اكون موضوع المرحله
طبعا كل واجد مننا عاوز اتزوج من هي ذات خلق ودين
لكن في نفس الوقت عاوز البتربي لي الاولاد بعدين
وعاوز الزوله البتدخل علي الاهل وعندها اجتماعيات
مش عاوز كل الوقت علي النت او مع (اسبيس تون)
ثانيا نحن والله مش رافضيين الزواج من بنات المغتربيين(انا)
ولكن هنالك من ان يسمع بيك عاوز تتزوج منهم
عاوزين اقفلوا الباب في وجهك ليه قالوا ابقوا تقييلين شويه عليك
تاني هنا كل من يريد ان يزوج لبنته يجب علي العريس ان تتوفر
فيه اتلشروط الاتيه: اولا اكون دكتور او معلم او مهندس اومحاضر في جامعه
اما عن دينه فهم لبعد عن السؤال عنه او ما مشكله اكون شغال اي حاجه بس لازم
اكون عنده(هلل)
ما عارف باقي الفئات بتزوجوا من ويين؟
ودايريين تاسالوا ليه نحن بنرجع البلد عشان نعرس
واسي انا مستعد اتزوج واحده هنا بس تكون دكتوره او محاضره
الله اعلم اكون في واحده تفكر فيي

[نزار الكاشف]

سلام يا شباب
دا امكن اكون موضوع المرحله
طبعا كل واجد مننا عاوز اتزوج من هي ذات خلق ودين
لكن في نفس الوقت عاوز البتربي لي الاولاد بعدين
وعاوز الزوله البتدخل علي الاهل وعندها اجتماعيات
مش عاوز كل الوقت علي النت او مع (اسبيس تون)
ثانيا نحن والله مش رافضيين الزواج من بنات المغتربيين(انا)
ولكن هنالك من ان يسمع بيك عاوز تتزوج منهم
عاوزين اقفلوا الباب في وجهك ليه قالوا ابقوا تقييلين شويه عليك
تاني هنا كل من يريد ان يزوج لبنته يجب علي العريس ان تتوفر
فيه اتلشروط الاتيه: اولا اكون دكتور او معلم او مهندس اومحاضر في جامعه
اما عن دينه فهم لبعد عن السؤال عنه او ما مشكله اكون شغال اي حاجه بس لازم
اكون عنده(هلل)
ما عارف باقي الفئات بتزوجوا من ويين؟
ودايريين تاسالوا ليه نحن بنرجع البلد عشان نعرس
واسي انا مستعد اتزوج واحده هنا بس تكون دكتوره او محاضره
الله اعلم اكون في واحده تفكر فيي

hi sir
Iam sorry to write in english , but what Ican do, Ihave problem in my Arabic typing system
Iam not agree with you for your Idea about external marriage
, Because the lady , if she is adoctor or lecturer, has asame referrence in marriage selection

Then how we can understand the real situations of them
and I think that the actual problem start from us
so, my dears
let us give them a chance to joint in our life

Regards

[احمدمحمدعلي]

thanks for our looke
بس رغم كل ذلك انا مش من الناس الانتهازييين
والحمدلله متأهل وعندي عمر الفاروق والحمدلله
بس كنت عاوز اخلييكم تدخلوا نفس التجربه (بيين الخريجين و
العنقاله)
وان شاء الله لهم رب كما لبيت رب يحميه.........................

[ابوشوتال]

ياود الكاشف الموضوع ما شاكوش ولا كلام زي دة
انا ما مدين راسي ولا هنا ولاهناك

بس ان في تربية الدلع والخمج
ناس المكيفات
الموية الباردة
والرمود والسهر والنوم لحدي الساعة 3 دة من الصباح
انت كنت وين قلعت كدي فجاءة وشابكنا بنات المغتربين
عندك قريباتك بايرات ولا شنو
قايتو المغتربين الهنا مقتنعين انو مافي عرس الا في السودان
الا زواج مصلحة تكون راتبا كبير
ودي برضنو ما بنسويها لانو ما مبداءنا
امشي عرس في الرياض وانت تحكم

[احمدمحمدعلي]

بس ان في تربية الدلع والخمج
ناس المكيفات
الموية الباردة
والرمود والسهر والنوم لحدي الساعة 3 دة من الصباح
دا اقل ما يمكن ان نقوله فقط؟

[MASS77]

التخوف من جانب الاولاد بي انو المغتربه متربيه في هاله من الراحه ومتطلباتها ده من الاسباب
وظهور بعض من المغتربات بمناظر واسلوب معين وجد الاستنكار واتبنت عليه فهم خاطئ انو المغتربات كلهن كده وده برضو سبب
الطموح بيختلف
واتفق مع انو التربيه السودانيه هي التربيه لو فيالسودان ولا خارجو
وبتمني من الاخوات المغتربات ما يعملن الشاذ حتي ما يظلمن
لانو الشارع هو البحكم مثلا بت تكون جايه من امريكا تلقاها لابسا شورت وسايقه عربيه
وبي شكل مزري وكتير من المناظر الاتعودنا عليها
ايضا بنات المغتربين ما عوانس الغالبيه العظمي متزوجه ولو عاينا ليها بالنسبه للبايرات في داخلالبلد بنلقاها نسبه بسيطه لانو اصلا في مشكلة عزوف في البلد

[زيزي]

دة كلام شنو يا عصام هبار
لالالالالالا

[زيزي]

دة كلام شنو يا عصام هبار
لالالالالالا

[عثمان جلالة]

يا أخوانا نحن الأتزوجنا ديل أدونا معاكم فرصة .... (تخريمة) لو في إمكانية عشان (ندبل) مافي مانع وبعدين أحسن الواحد يشوف الإيجابيات والسلبيات على أرض الواقع يعني نعرس التانية مغتربة والاولى بت البلد ... كدى شوفو الموضوع ده .. وبعدين بوريكم بالنتيجه.

لكن عموما مشكور على الطرح الجاد وفعلا دي مشكلة حقيقية وعصام أصاب الكثير من كبد الحقيقة

[الطويل]

اول شيء ما بيناتنا زعل

الشئ اللاحظتو اول ما المغترب يبقي زول عرس طوالي داير انزل السودان يعرس من هناك
طيب مالم بنات هنا
يقول ليك يازول احسن انزل اجيبها من هناك،، طيب بنات هنا ديل البعرسن منو ولا ينزلو اجيبوهم من هناك
كدي نسال نفسنا للظروف ... لشنو بنات المغتربيين ما بعرسن ؟

بصراحه ومن غير زعل يانزار

بنات هنا أطبعو بطبائع نسوان البلد يعنى بقو مكلفين وطلباتهم غاليه شديد يعنى لوعايزه ليها عبايه على سبيل المثال يعنى لازم أبو 250 ريال لكن عروس السودان بتجى دايشه ومانقاشه حاجه طوالى توديها أبو 50 ريال او 60 ريال دى نقطه

تانى نقطه كمان بنات هنا فى بعضهم قنوع وعينهم مليانه أما عروس السودان بتجى من هناك عينها طايره اى شئ تشوفو عايزاه تمام دى نقطه

ثالث نقطه أحسن عروس هنا من عروس السودان لأنو ح تكون مقيمه مامحتاجه لى اقامه لكن عروس السودان دايره ليها اقامه بى 15.000 ريال على الاقل دى نقطه .

والنقطه الاهم كيف تلاقى ليك سودانيه هنا عشان ترتبط بيها ده مستحيل .

[حافظ الليبى]

ود الكاشف
فى داعى للاساله دى المحرجه ياخى الناس المعاك ديل مغتربين
يعنى لازم تجى فوق الاوتار الحساسه دى ؟؟؟
انا برد ليك ياحبه :
بنات المغتربين ( سحسوحات ) يعنى ما بقدرن على السودان وطبعا
الواحد مايضمن الغربه ممكن فى اى وقت يقولو ليهو باى باى
وتقبل مرووووووووى

[ساندريلا]

مساء الورد..
بأعتباري مغتربه او كما يقولون شهادة عربيه عشت كل سنوات حياتي في المملكة واكمل دراستي حاليا في جامعة الجزيرة فانني اعتبر من صميم القضيه..
منذ دراستي في الجامعه دخلت في نقاشات عده حول هذا الموضوع وغيره من المواضيع ذات الصله واجمع الجميع عل انناحناكيش ومخلوعين بالحريه والقروش ماليه جيبنا ) والحقيقة ياخوان اننا عشنا عالم اخر ولذلك كانت طبيعتنا مختلفة فنحن لم نتعود على المواصلات يوما ولا انقطاع لكهرباء ولا حتى لنظرة الناس لنا كاننا مخلوقات فضائئة ولذلك كان تفاعلنامع بيئتنا مواتيا لها فتعلمنا النعومه والعيش الرغيد
لكن هذا لاينفي محاولتنا الاندماج مع العالم الجديد لنا ولاينفي اننا فتيات ذو اخلاق عالية او اننا صالحات للزواج...
ولا اخفي عليكم قلقي من هذا الموضوع فحتى الشاب الغير المغترب يرفض الزواج بالفتاة المغتربة باعتبارها تنظر لفوق ولا تناسبها الحياة الخشنة وهذا صدقوني عكس مايحصل فنحن نحاول الدخول الى ولكن لا نستطيع وللاسف لانجد الا السخريه والضحك علينا وانا شخصيا اتعرض لمئات المواقف ماثله يوميا..
وعودة للموضوع احب ان افيد ان الخطاء يقع ايضا على اباء وامهات المغتربين الذين لايرى ابنائهم السودان الا للجامعه فيصابون بالاحباط احيانا والانبهار احيانا
والخطا للامهات الاتي لايعلمن بناتهن العادات والتقاليد فنجد الفتاة لا تعرف ماهي ام رقيقة ولا كيف تؤكل الكسرى وبعد ذلك تريدها زوجة لرجل سوداني كريم
والخطا على الاباء الذين يعميهم الاغتراب عن ابنائه وبناته فينسى ان يعلمهم ان من تواضع لله رفعه واننا كلنا اخوة
والخطا على الشباب المغترب الذي يتسلى بفتيات وطنه في غربته مستغلا برائتهن وقلة خبرتهن فاذا اراد الزواج فر كأن هذه اخلاق الرجل السوداني الشريف
والخطا على شبابنا الذين يرون المغتربة فتاة لادين ولا اخلاق وماعلموا انها تائه تواجه غربتين في بلد الغربه وفي وطنها
اسفة على الاطالة ولكنه موضوع يمسني شخصيا كفتاة فاجاتني قسوةبلدي وابنائه علي